| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਅਨਾਪਤ੍ਤਿਪਨ੍ਨਰਸਕਾਦਿਕਥਾ
Anāpattipannarasakādikathā
੨੨੨. ਪੁਨ ਪવਾਰੇਤਬ੍ਬਨ੍ਤਿ ਪੁਨ ਪੁਬ੍ਬਕਿਚ੍ਚਂ ਕਤ੍વਾ ਞਤ੍ਤਿਂ ਠਪੇਤ੍વਾ ਸਙ੍ਘਤ੍ਥੇਰਤੋ ਪਟ੍ਠਾਯ ਪવਾਰੇਤਬ੍ਬਂ। ਸੇਸਂ ਉਪੋਸਥਕ੍ਖਨ੍ਧਕવਣ੍ਣਨਾਯਂ વੁਤ੍ਤਨਯੇਨੇવ વੇਦਿਤਬ੍ਬਂ।
222.Puna pavāretabbanti puna pubbakiccaṃ katvā ñattiṃ ṭhapetvā saṅghattherato paṭṭhāya pavāretabbaṃ. Sesaṃ uposathakkhandhakavaṇṇanāyaṃ vuttanayeneva veditabbaṃ.
੨੨੮. ਆਗਨ੍ਤੁਕੇਹਿ ਆવਾਸਿਕਾਨਂ ਅਨੁવਤ੍ਤਿਤਬ੍ਬਨ੍ਤਿ ‘‘ਅਜ੍ਜ ਪવਾਰਣਾ ਚਾਤੁਦ੍ਦਸੀ’’ਤਿ ਏਤਦੇવ ਪੁਬ੍ਬਕਿਚ੍ਚਂ ਕਾਤਬ੍ਬਂ। ਪਨ੍ਨਰਸਿਕવਾਰੇਪਿ ਏਸੇવ ਨਯੋ। ਆવਾਸਿਕੇਹਿ ਨਿਸ੍ਸੀਮਂ ਗਨ੍ਤ੍વਾ ਪવਾਰੇਤਬ੍ਬਨ੍ਤਿ ਅਸ੍ਸਾવਸਾਨੇ ਅਯਂ ਪਾਲ਼ਿਮੁਤ੍ਤਕવਿਨਿਚ੍ਛਯੋ – ਸਚੇ ਪੁਰਿਮਿਕਾਯ ਪਞ੍ਚ ਭਿਕ੍ਖੂ વਸ੍ਸਂ ਉਪਗਤਾ, ਪਚ੍ਛਿਮਿਕਾਯਪਿ ਪਞ੍ਚ, ਪੁਰਿਮੇਹਿ ਞਤ੍ਤਿਂ ਠਪੇਤ੍વਾ ਪવਾਰਿਤੇ ਪਚ੍ਛਿਮੇਹਿ ਤੇਸਂ ਸਨ੍ਤਿਕੇ ਪਾਰਿਸੁਦ੍ਧਿਉਪੋਸਥੋ ਕਾਤਬ੍ਬੋ, ਨ ਏਕਸ੍ਮਿਂ ਉਪੋਸਥਗ੍ਗੇ ਦ੍વੇ ਞਤ੍ਤਿਯੋ ਠਪੇਤਬ੍ਬਾ। ਸਚੇਪਿ ਪਚ੍ਛਿਮਿਕਾਯ ਉਪਗਤਾ ਚਤ੍ਤਾਰੋ ਤਯੋ ਦ੍વੇ ਏਕੋ વਾ ਹੋਤਿ, ਏਸੇવ ਨਯੋ। ਅਥ ਪੁਰਿਮਿਕਾਯ ਚਤ੍ਤਾਰੋ ਪਚ੍ਛਿਮਿਕਾਯਪਿ ਚਤ੍ਤਾਰੋ ਤਯੋ ਦ੍વੇ ਏਕੋ વਾ ਏਸੇવ ਨਯੋ। ਅਥਾਪਿ ਪੁਰਿਮਿਕਾਯ ਤਯੋ, ਪਚ੍ਛਿਮਿਕਾਯਪਿ ਤਯੋ ਦ੍વੇ વਾ, ਏਸੇવ ਨਯੋ। ਇਦਞ੍ਹੇਤ੍ਥ ਲਕ੍ਖਣਂ – ਸਚੇ ਪੁਰਿਮਿਕਾਯ ਉਪਗਤੇਹਿ ਪਚ੍ਛਿਮਿਕਾਯ ਉਪਗਤਾ ਥੋਕਤਰਾ ਚੇવ ਹੋਨ੍ਤਿ ਸਮਸਮਾ ਚ, ਸਙ੍ਘਪવਾਰਣਾਯ ਗਣਂ ਪੂਰੇਨ੍ਤਿ, ਸਙ੍ਘਪવਾਰਣਾવਸੇਨ ਞਤ੍ਤਿ ਠਪੇਤਬ੍ਬਾਤਿ।
228.Āgantukehiāvāsikānaṃ anuvattitabbanti ‘‘ajja pavāraṇā cātuddasī’’ti etadeva pubbakiccaṃ kātabbaṃ. Pannarasikavārepi eseva nayo. Āvāsikehi nissīmaṃ gantvā pavāretabbanti assāvasāne ayaṃ pāḷimuttakavinicchayo – sace purimikāya pañca bhikkhū vassaṃ upagatā, pacchimikāyapi pañca, purimehi ñattiṃ ṭhapetvā pavārite pacchimehi tesaṃ santike pārisuddhiuposatho kātabbo, na ekasmiṃ uposathagge dve ñattiyo ṭhapetabbā. Sacepi pacchimikāya upagatā cattāro tayo dve eko vā hoti, eseva nayo. Atha purimikāya cattāro pacchimikāyapi cattāro tayo dve eko vā eseva nayo. Athāpi purimikāya tayo, pacchimikāyapi tayo dve vā, eseva nayo. Idañhettha lakkhaṇaṃ – sace purimikāya upagatehi pacchimikāya upagatā thokatarā ceva honti samasamā ca, saṅghapavāraṇāya gaṇaṃ pūrenti, saṅghapavāraṇāvasena ñatti ṭhapetabbāti.
ਸਚੇ ਪਨ ਪੁਰਿਮਿਕਾਯ ਤਯੋ, ਪਚ੍ਛਿਮਿਕਾਯ ਏਕੋ ਹੋਤਿ, ਤੇਨ ਸਦ੍ਧਿਂ ਤੇ ਚਤ੍ਤਾਰੋ ਹੋਨ੍ਤਿ, ਚਤੁਨ੍ਨਂ ਸਙ੍ਘਞਤ੍ਤਿਂ ਠਪੇਤ੍વਾ ਪવਾਰੇਤੁਂ ਨ વਟ੍ਟਤਿ। ਗਣਞਤ੍ਤਿਯਾ ਪਨ ਸੋ ਗਣਪੂਰਕੋ ਹੋਤਿ, ਤਸ੍ਮਾ ਗਣવਸੇਨ ਞਤ੍ਤਿਂ ਠਪੇਤ੍વਾ ਪੁਰਿਮੇਹਿ ਪવਾਰੇਤਬ੍ਬਂ। ਇਤਰੇਨ ਤੇਸਂ ਸਨ੍ਤਿਕੇ ਪਾਰਿਸੁਦ੍ਧਿਉਪੋਸਥੋ ਕਾਤਬ੍ਬੋ। ਸਚੇ ਪੁਰਿਮਿਕਾਯ ਦ੍વੇ ਪਚ੍ਛਿਮਿਕਾਯ ਦ੍વੇ વਾ ਏਕੋ વਾ ਹੋਤਿ, ਏਸੇવ ਨਯੋ। ਸਚੇ ਪੁਰਿਮਿਕਾਯ ਏਕੋ, ਪਚ੍ਛਿਮਿਕਾਯਪਿ ਏਕੋ ਹੋਤਿ, ਏਕੇਨ ਏਕਸ੍ਸ ਸਨ੍ਤਿਕੇ ਪવਾਰੇਤਬ੍ਬਂ, ਏਕੇਨ ਪਾਰਿਸੁਦ੍ਧਿਉਪੋਸਥੋ ਕਾਤਬ੍ਬੋ। ਸਚੇ ਪਨ ਪੁਰਿਮવਸ੍ਸੂਪਗਤੇਹਿ ਪਚ੍ਛਿਮવਸ੍ਸੂਪਗਤਾ ਏਕੇਨਪਿ ਅਧਿਕਤਰਾ ਹੋਨ੍ਤਿ, ਪਠਮਂ ਪਾਤਿਮੋਕ੍ਖਂ ਉਦ੍ਦਿਸਿਤ੍વਾ ਪਚ੍ਛਾ ਥੋਕਤਰੇਹਿ ਤੇਸਂ ਸਨ੍ਤਿਕੇ ਪવਾਰੇਤਬ੍ਬਂ।
Sace pana purimikāya tayo, pacchimikāya eko hoti, tena saddhiṃ te cattāro honti, catunnaṃ saṅghañattiṃ ṭhapetvā pavāretuṃ na vaṭṭati. Gaṇañattiyā pana so gaṇapūrako hoti, tasmā gaṇavasena ñattiṃ ṭhapetvā purimehi pavāretabbaṃ. Itarena tesaṃ santike pārisuddhiuposatho kātabbo. Sace purimikāya dve pacchimikāya dve vā eko vā hoti, eseva nayo. Sace purimikāya eko, pacchimikāyapi eko hoti, ekena ekassa santike pavāretabbaṃ, ekena pārisuddhiuposatho kātabbo. Sace pana purimavassūpagatehi pacchimavassūpagatā ekenapi adhikatarā honti, paṭhamaṃ pātimokkhaṃ uddisitvā pacchā thokatarehi tesaṃ santike pavāretabbaṃ.
ਕਤ੍ਤਿਕਚਾਤੁਮਾਸਿਨਿਯਾ ਪવਾਰਣਾਯ ਪਨ ਸਚੇ ਪਠਮਂ વਸ੍ਸੂਪਗਤੇਹਿ ਮਹਾਪવਾਰਣਾਯ ਪવਾਰਿਤੇਹਿ ਪਚ੍ਛਾ ਉਪਗਤਾ ਅਧਿਕਤਰਾ વਾ ਸਮਸਮਾ વਾ ਹੋਨ੍ਤਿ, ਪવਾਰਣਾਞਤ੍ਤਿਂ ਠਪੇਤ੍વਾ ਪવਾਰੇਤਬ੍ਬਂ। ਤੇਹਿ ਪવਾਰਿਤੇ ਪਚ੍ਛਾ ਇਤਰੇਹਿ ਪਾਰਿਸੁਦ੍ਧਿਉਪੋਸਥੋ ਕਾਤਬ੍ਬੋ। ਅਥ ਮਹਾਪવਾਰਣਾਯ ਪવਾਰਿਤਾ ਬਹੂ ਭਿਕ੍ਖੂ ਹੋਨ੍ਤਿ, ਪਚ੍ਛਿਮવਸ੍ਸੂਪਗਤਾ ਥੋਕਤਰਾ વਾ ਏਕੋ વਾ, ਪਾਤਿਮੋਕ੍ਖੇ ਉਦ੍ਦਿਟ੍ਠੇ ਪਚ੍ਛਾ ਤੇਸਂ ਸਨ੍ਤਿਕੇ ਤੇਨ ਪવਾਰੇਤਬ੍ਬਂ।
Kattikacātumāsiniyā pavāraṇāya pana sace paṭhamaṃ vassūpagatehi mahāpavāraṇāya pavāritehi pacchā upagatā adhikatarā vā samasamā vā honti, pavāraṇāñattiṃ ṭhapetvā pavāretabbaṃ. Tehi pavārite pacchā itarehi pārisuddhiuposatho kātabbo. Atha mahāpavāraṇāya pavāritā bahū bhikkhū honti, pacchimavassūpagatā thokatarā vā eko vā, pātimokkhe uddiṭṭhe pacchā tesaṃ santike tena pavāretabbaṃ.
੨੩੩. ਨ ਚ ਭਿਕ੍ਖવੇ ਅਪ੍ਪવਾਰਣਾਯ ਪવਾਰੇਤਬ੍ਬਂ, ਅਞ੍ਞਤ੍ਰ ਸਙ੍ਘਸਾਮਗ੍ਗਿਯਾਤਿ ਏਤ੍ਥ ਕੋਸਮ੍ਬਕਸਾਮਗ੍ਗੀਸਦਿਸਾવ ਸਾਮਗ੍ਗੀ વੇਦਿਤਬ੍ਬਾ। ‘‘ਅਜ੍ਜ ਪવਾਰਣਾ ਸਾਮਗ੍ਗੀ’’ਤਿ ਏવਞ੍ਚੇਤ੍ਥ ਪੁਬ੍ਬਕਿਚ੍ਚਂ ਕਾਤਬ੍ਬਂ। ਯੇ ਪਨ ਕਿਸ੍ਮਿਞ੍ਚਿਦੇવ ਅਪ੍ਪਮਤ੍ਤਕੇ ਪવਾਰਣਂ ਠਪੇਤ੍વਾ ਸਮਗ੍ਗਾ ਹੋਨ੍ਤਿ, ਤੇਹਿ ਪવਾਰਣਾਯਮੇવ ਪવਾਰਣਾ ਕਾਤਬ੍ਬਾ। ਸਾਮਗ੍ਗੀਪવਾਰਣਂ ਕਰੋਨ੍ਤੇਹਿ ਚ ਪਠਮਪવਾਰਣਂ ਠਪੇਤ੍વਾ ਪਾਟਿਪਦਤੋ ਪਟ੍ਠਾਯ ਯਾવ ਕਤ੍ਤਿਕਚਾਤੁਮਾਸਿਨੀ ਪੁਣ੍ਣਮਾ, ਏਤ੍ਥਨ੍ਤਰੇ ਕਾਤਬ੍ਬਾ, ਤਤੋ ਪਚ੍ਛਾ વਾ ਪੁਰੇ વਾ ਨ વਟ੍ਟਤਿ।
233.Na ca bhikkhave appavāraṇāya pavāretabbaṃ, aññatra saṅghasāmaggiyāti ettha kosambakasāmaggīsadisāva sāmaggī veditabbā. ‘‘Ajja pavāraṇā sāmaggī’’ti evañcettha pubbakiccaṃ kātabbaṃ. Ye pana kismiñcideva appamattake pavāraṇaṃ ṭhapetvā samaggā honti, tehi pavāraṇāyameva pavāraṇā kātabbā. Sāmaggīpavāraṇaṃ karontehi ca paṭhamapavāraṇaṃ ṭhapetvā pāṭipadato paṭṭhāya yāva kattikacātumāsinī puṇṇamā, etthantare kātabbā, tato pacchā vā pure vā na vaṭṭati.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi
੧੨੮. ਅਨਾਪਤ੍ਤਿਪਨ੍ਨਰਸਕਂ • 128. Anāpattipannarasakaṃ
੧੩੪. ਦਿવਸਨਾਨਤ੍ਤਂ • 134. Divasanānattaṃ
੧੩੯. વਜ੍ਜਨੀਯਪੁਗ੍ਗਲਸਨ੍ਦਸ੍ਸਨਾ • 139. Vajjanīyapuggalasandassanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਅਨਾਪਤ੍ਤਿਪਨ੍ਨਰਸਕਕਥਾવਣ੍ਣਨਾ • Anāpattipannarasakakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅਨਾਪਤ੍ਤਿਪਨ੍ਨਰਸਕਾਦਿਕਥਾવਣ੍ਣਨਾ • Anāpattipannarasakādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੨੧. ਪવਾਰਣਾਭੇਦਕਥਾ • 121. Pavāraṇābhedakathā
