| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
அனாபத்திபன்னரஸகாதி³கதா²வண்ணனா
Anāpattipannarasakādikathāvaṇṇanā
‘‘தஸ்ஸா ச பவாரணாய ஆரோசிதாய ஸங்கே⁴ன ச பவாரிதே ஸப்³பே³ஸங் ஸுப்பவாரிதங் ஹோதீதி வசனதோ கேவலங் பவாரணாய பவாரணாதா³யகோபி பவாரிதோவ ஹோதீ’’தி வத³ந்தீதி.
‘‘Tassā ca pavāraṇāya ārocitāya saṅghena ca pavārite sabbesaṃ suppavāritaṃ hotīti vacanato kevalaṃ pavāraṇāya pavāraṇādāyakopi pavāritova hotī’’ti vadantīti.
222. அவுட்டி²தாய பரிஸாயாதி பவாரெத்வா பச்சா² அஞ்ஞமஞ்ஞங் கதெ²ந்தியா. ஏகச்சாய வுட்டி²தாயாதி ஏகச்சேஸு யதா²னிஸின்னேஸு ஏகச்சேஸு ஸகஸகட்டா²னங் க³தேஸு. புன பவாரேதப்³ப³ந்தி புனபி ஸப்³பே³ஹி ஸமாக³ந்த்வா பவாரேதப்³ப³ங். ஆக³ச்ச²ந்தி ஸமஸமா, தேஸங் ஸந்திகே பவாரேதப்³ப³ந்தி ‘‘க³தே அனானெத்வா நிஸின்னானங்யேவ ஸந்திகே பவாரேதப்³ப³ங், உபோஸத²க்க²ந்த⁴கேபி ஏஸேவ நயோ’’தி லிகி²தங். ஸப்³பா³ய வுட்டி²தாய பரிஸாய ஆக³ச்ச²ந்தி ஸமஸமா, தேஸங் ஸந்திகே பவாரேதப்³ப³ந்தி ‘‘யதி³ ஸப்³பே³ வுட்ட²ஹித்வா க³தா, ஸன்னிபாதேதுஞ்ச ந ஸக்கா, ஏகச்சே ஸன்னிபாதாபெத்வா பவாரேதுங் வட்டதீ’’தி வத³ந்தி. கஸ்மா? ஞத்திங் ட²பெத்வா கத்தப்³ப³ஸங்க⁴கம்மாபா⁴வா வக்³க³ங் ந ஹோதி கிர. எத்த² பன ஏகச்சேஸு க³தேஸுபி ஸப்³பே³ஸு க³தேஸுபி ஸப்³பே³ ஸன்னிபாதாபெத்வா ஞத்திங் அட்ட²பெத்வா கேவலங் பவாரேதப்³ப³ங். ஏகச்சே ஸன்னிபாதாபெத்வா பவாரேதுங் ந வட்டதி ‘‘ஸங்க⁴ங், ப⁴ந்தே, பவாரேமீ’’தி வசனதோ. ஸப்³பே³பி ஹி ஸன்னிபதிதா பச்சா² தி³ட்ட²ங் வா ஸுதங் வா பரிஸங்கிதங் வா வத்தாரோ ஹொந்தி. அனாக³தானங் அத்தி²பா⁴வங் ஞத்வாபி ஏகச்சானங் ஸந்திகே பவாரணாவசனங் விய ஹோதி. ஸம்முகீ²பூ⁴தே சத்தாரோ ஸன்னிபாதாபெத்வா நிஸ்ஸக்³கி³யங் ஆபன்னசீவராதி³னிஸ்ஸஜ்ஜனங் விய பவாரணா ந ஹோதி ஸப்³பா³யத்தத்தா. ‘‘ஸமக்³கா³னங் பவாரணா பஞ்ஞத்தா’’தி வசனஞ்செத்த² ஸாத⁴கங். ‘‘இதோ அஞ்ஞதா² ந வட்டதி அட்ட²கதா²யங் அனநுஞ்ஞாதத்தா’’தி உபதிஸ்ஸத்தே²ரோ வத³தி. ‘‘தோ²கதரேஹி தேஸங் ஸந்திகே பவாரேதப்³ப³ங் ஞத்திங் அட்ட²பெத்வாவா’’தி வுத்தங். ஆக³ந்துகா நாம நவமிதோ பட்டா²யாக³தா வா வஜஸத்த²னாவாஸு வுத்த²வஸ்ஸா வா ஹொந்தி.
222.Avuṭṭhitāya parisāyāti pavāretvā pacchā aññamaññaṃ kathentiyā. Ekaccāya vuṭṭhitāyāti ekaccesu yathānisinnesu ekaccesu sakasakaṭṭhānaṃ gatesu. Puna pavāretabbanti punapi sabbehi samāgantvā pavāretabbaṃ. Āgacchanti samasamā, tesaṃ santike pavāretabbanti ‘‘gate anānetvā nisinnānaṃyeva santike pavāretabbaṃ, uposathakkhandhakepi eseva nayo’’ti likhitaṃ. Sabbāya vuṭṭhitāya parisāya āgacchanti samasamā, tesaṃ santike pavāretabbanti ‘‘yadi sabbe vuṭṭhahitvā gatā, sannipātetuñca na sakkā, ekacce sannipātāpetvā pavāretuṃ vaṭṭatī’’ti vadanti. Kasmā? Ñattiṃ ṭhapetvā kattabbasaṅghakammābhāvā vaggaṃ na hoti kira. Ettha pana ekaccesu gatesupi sabbesu gatesupi sabbe sannipātāpetvā ñattiṃ aṭṭhapetvā kevalaṃ pavāretabbaṃ. Ekacce sannipātāpetvā pavāretuṃ na vaṭṭati ‘‘saṅghaṃ, bhante, pavāremī’’ti vacanato. Sabbepi hi sannipatitā pacchā diṭṭhaṃ vā sutaṃ vā parisaṅkitaṃ vā vattāro honti. Anāgatānaṃ atthibhāvaṃ ñatvāpi ekaccānaṃ santike pavāraṇāvacanaṃ viya hoti. Sammukhībhūte cattāro sannipātāpetvā nissaggiyaṃ āpannacīvarādinissajjanaṃ viya pavāraṇā na hoti sabbāyattattā. ‘‘Samaggānaṃ pavāraṇā paññattā’’ti vacanañcettha sādhakaṃ. ‘‘Ito aññathā na vaṭṭati aṭṭhakathāyaṃ ananuññātattā’’ti upatissatthero vadati. ‘‘Thokatarehi tesaṃ santike pavāretabbaṃ ñattiṃ aṭṭhapetvāvā’’ti vuttaṃ. Āgantukā nāma navamito paṭṭhāyāgatā vā vajasatthanāvāsu vutthavassā vā honti.
237. ‘‘த³ஸவத்து²கா மிச்சா²தி³ட்டி² ஹோதி ததா²க³தோதிஆதீ³’’தி லிகி²தங். ‘‘நத்தி² தி³ன்னந்திஆதீ³’’தி வுத்தங்.
237. ‘‘Dasavatthukā micchādiṭṭhi hoti tathāgatotiādī’’ti likhitaṃ. ‘‘Natthi dinnantiādī’’ti vuttaṃ.
239. ‘‘உபபரிக்கி²த்வா ஜானிஸ்ஸாமாதி தேன ஸஹ பவாரேதப்³ப³’’ந்தி லிகி²தங்.
239. ‘‘Upaparikkhitvā jānissāmāti tena saha pavāretabba’’nti likhitaṃ.
பவாரணாக்க²ந்த⁴கவண்ணனா நிட்டி²தா.
Pavāraṇākkhandhakavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi
128. அனாபத்திபன்னரஸகங் • 128. Anāpattipannarasakaṃ
141. பவாரணாட²பனங் • 141. Pavāraṇāṭhapanaṃ
143. வத்து²ட²பனாதி³ • 143. Vatthuṭhapanādi
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā
அனாபத்திபன்னரஸகாதி³கதா² • Anāpattipannarasakādikathā
பவாரணாட²பனகதா² • Pavāraṇāṭhapanakathā
வத்து²ட²பனாதி³கதா² • Vatthuṭhapanādikathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā
அனாபத்திபன்னரஸககதா²வண்ணனா • Anāpattipannarasakakathāvaṇṇanā
பவாரணாட²பனகதா²வண்ணனா • Pavāraṇāṭhapanakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / அபா²ஸுவிஹாரகதா²தி³வண்ணனா • Aphāsuvihārakathādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi
121. பவாரணாபே⁴த³கதா² • 121. Pavāraṇābhedakathā
141. பவாரணாட்ட²பனகதா² • 141. Pavāraṇāṭṭhapanakathā
143. வத்து²ட்ட²பனாதி³கதா² • 143. Vatthuṭṭhapanādikathā
