| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
அனாபத்திபன்னரஸகாதி³கதா²வண்ணனா
Anāpattipannarasakādikathāvaṇṇanā
172. கேனசி 63 கரணீயேன க³ந்த்வாதி ஸீமாபரிச்சே²த³தோ ப³ஹிபூ⁴தங் கா³மங் வா அரஞ்ஞங் வா க³ந்த்வாதி அத்தோ². ஏதேனேவ உபோஸத²ஞத்தியா ட²பனகாலே ஸமக்³கா³ ஏவ தே ஞத்திங் ட²பேஸுந்தி ஸித்³த⁴ங். தேனேவ பாளியங் ‘‘உத்³தி³ட்ட²ங் ஸுஉத்³தி³ட்ட²’’ந்தி ஸப்³ப³பன்னரஸகேஸுபி வுத்தங். வக்³கா³ ஸமக்³க³ஸஞ்ஞினோதிஆதி³ பன ஞத்தியா நிட்டி²தாய ‘‘கிங் ஸங்க⁴ஸ்ஸ புப்³ப³கிச்ச’’ந்திஆதீ³னங் (மஹாவ॰ 134) வசனக்க²ணே ப³ஹிக³தானங் பி⁴க்கூ²னங் ஸீமாய பவிட்ட²த்தா பி⁴க்கூ² தஸ்மிங் க²ணே வக்³கா³ ஹொந்தீதி வுத்தங். தேனாஹ ‘‘தேஸங் ஸீமங் ஓக்கந்தத்தா வக்³கா³’’திஆதி³, ஏதேன பாராஜிகுத்³தே³ஸாதி³க்க²ணேபி வக்³க³ஸஞ்ஞீனங் உத்³தி³ஸந்தானங் ஆபத்தி ஏவ, ஞத்தியா பன புப்³பே³ நிட்டி²தத்தா கம்மகோபோ நத்தீ²தி த³ஸ்ஸிதமேவ ஹோதி. ஏவங் உபரிபி ஸப்³ப³வாரேஸு அதி⁴ப்பாயோ வேதி³தப்³போ³.
172.Kenaci 63 karaṇīyena gantvāti sīmāparicchedato bahibhūtaṃ gāmaṃ vā araññaṃ vā gantvāti attho. Eteneva uposathañattiyā ṭhapanakāle samaggā eva te ñattiṃ ṭhapesunti siddhaṃ. Teneva pāḷiyaṃ ‘‘uddiṭṭhaṃ suuddiṭṭha’’nti sabbapannarasakesupi vuttaṃ. Vaggā samaggasaññinotiādi pana ñattiyā niṭṭhitāya ‘‘kiṃ saṅghassa pubbakicca’’ntiādīnaṃ (mahāva. 134) vacanakkhaṇe bahigatānaṃ bhikkhūnaṃ sīmāya paviṭṭhattā bhikkhū tasmiṃ khaṇe vaggā hontīti vuttaṃ. Tenāha ‘‘tesaṃ sīmaṃ okkantattā vaggā’’tiādi, etena pārājikuddesādikkhaṇepi vaggasaññīnaṃ uddisantānaṃ āpatti eva, ñattiyā pana pubbe niṭṭhitattā kammakopo natthīti dassitameva hoti. Evaṃ uparipi sabbavāresu adhippāyo veditabbo.
எத்த² ச பாளியங் ‘‘ஸப்³பா³ய வுட்டி²தாய…பே॰… தேஸங் ஸந்திகே பாரிஸுத்³தி⁴ ஆரோசேதப்³பா³’’தி (மஹாவ॰ 174) வுத்தத்தா ப³ஹிஸீமாக³தாய பரிஸாய தேஸு யஸ்ஸ கஸ்ஸசி ஸந்திகே அனதி⁴ட்டி²தேஹி பாரிஸுத்³தி⁴ங் ஆரோசேதுங் வட்டதீதி வத³ந்தி.
Ettha ca pāḷiyaṃ ‘‘sabbāya vuṭṭhitāya…pe… tesaṃ santike pārisuddhi ārocetabbā’’ti (mahāva. 174) vuttattā bahisīmāgatāya parisāya tesu yassa kassaci santike anadhiṭṭhitehi pārisuddhiṃ ārocetuṃ vaṭṭatīti vadanti.
அனாபத்திபன்னரஸகாதி³கதா²வண்ணனா நிட்டி²தா.
Anāpattipannarasakādikathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 95. அனாபத்திபன்னரஸகங் • 95. Anāpattipannarasakaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / அனாபத்திபன்னரஸகாதி³கதா² • Anāpattipannarasakādikathā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / அனாபத்திபன்னரஸகாதி³கதா²வண்ணனா • Anāpattipannarasakādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 95. அனாபத்திபன்னரஸகாதி³கதா² • 95. Anāpattipannarasakādikathā
