| Library / Tipiṭaka / তিপিটক • Tipiṭaka / ৰজিরবুদ্ধি-টীকা • Vajirabuddhi-ṭīkā |
অনাপত্তিপন্নরসকাদিকথাৰণ্ণনা
Anāpattipannarasakādikathāvaṇṇanā
‘‘তস্সা চ পৰারণায আরোচিতায সঙ্ঘেন চ পৰারিতে সব্বেসং সুপ্পৰারিতং হোতীতি ৰচনতো কেৰলং পৰারণায পৰারণাদাযকোপি পৰারিতোৰ হোতী’’তি ৰদন্তীতি।
‘‘Tassā ca pavāraṇāya ārocitāya saṅghena ca pavārite sabbesaṃ suppavāritaṃ hotīti vacanato kevalaṃ pavāraṇāya pavāraṇādāyakopi pavāritova hotī’’ti vadantīti.
২২২. অৰুট্ঠিতায পরিসাযাতি পৰারেত্ৰা পচ্ছা অঞ্ঞমঞ্ঞং কথেন্তিযা। একচ্চায ৰুট্ঠিতাযাতি একচ্চেসু যথানিসিন্নেসু একচ্চেসু সকসকট্ঠানং গতেসু। পুন পৰারেতব্বন্তি পুনপি সব্বেহি সমাগন্ত্ৰা পৰারেতব্বং। আগচ্ছন্তি সমসমা, তেসং সন্তিকে পৰারেতব্বন্তি ‘‘গতে অনানেত্ৰা নিসিন্নানংযেৰ সন্তিকে পৰারেতব্বং, উপোসথক্খন্ধকেপি এসেৰ নযো’’তি লিখিতং। সব্বায ৰুট্ঠিতায পরিসায আগচ্ছন্তি সমসমা, তেসং সন্তিকে পৰারেতব্বন্তি ‘‘যদি সব্বে ৰুট্ঠহিত্ৰা গতা, সন্নিপাতেতুঞ্চ ন সক্কা, একচ্চে সন্নিপাতাপেত্ৰা পৰারেতুং ৰট্টতী’’তি ৰদন্তি। কস্মা? ঞত্তিং ঠপেত্ৰা কত্তব্বসঙ্ঘকম্মাভাৰা ৰগ্গং ন হোতি কির। এত্থ পন একচ্চেসু গতেসুপি সব্বেসু গতেসুপি সব্বে সন্নিপাতাপেত্ৰা ঞত্তিং অট্ঠপেত্ৰা কেৰলং পৰারেতব্বং। একচ্চে সন্নিপাতাপেত্ৰা পৰারেতুং ন ৰট্টতি ‘‘সঙ্ঘং, ভন্তে, পৰারেমী’’তি ৰচনতো। সব্বেপি হি সন্নিপতিতা পচ্ছা দিট্ঠং ৰা সুতং ৰা পরিসঙ্কিতং ৰা ৰত্তারো হোন্তি। অনাগতানং অত্থিভাৰং ঞত্ৰাপি একচ্চানং সন্তিকে পৰারণাৰচনং ৰিয হোতি। সম্মুখীভূতে চত্তারো সন্নিপাতাপেত্ৰা নিস্সগ্গিযং আপন্নচীৰরাদিনিস্সজ্জনং ৰিয পৰারণা ন হোতি সব্বাযত্তত্তা। ‘‘সমগ্গানং পৰারণা পঞ্ঞত্তা’’তি ৰচনঞ্চেত্থ সাধকং। ‘‘ইতো অঞ্ঞথা ন ৰট্টতি অট্ঠকথাযং অননুঞ্ঞাতত্তা’’তি উপতিস্সত্থেরো ৰদতি। ‘‘থোকতরেহি তেসং সন্তিকে পৰারেতব্বং ঞত্তিং অট্ঠপেত্ৰাৰা’’তি ৰুত্তং। আগন্তুকা নাম নৰমিতো পট্ঠাযাগতা ৰা ৰজসত্থনাৰাসু ৰুত্থৰস্সা ৰা হোন্তি।
222.Avuṭṭhitāya parisāyāti pavāretvā pacchā aññamaññaṃ kathentiyā. Ekaccāya vuṭṭhitāyāti ekaccesu yathānisinnesu ekaccesu sakasakaṭṭhānaṃ gatesu. Puna pavāretabbanti punapi sabbehi samāgantvā pavāretabbaṃ. Āgacchanti samasamā, tesaṃ santike pavāretabbanti ‘‘gate anānetvā nisinnānaṃyeva santike pavāretabbaṃ, uposathakkhandhakepi eseva nayo’’ti likhitaṃ. Sabbāya vuṭṭhitāya parisāya āgacchanti samasamā, tesaṃ santike pavāretabbanti ‘‘yadi sabbe vuṭṭhahitvā gatā, sannipātetuñca na sakkā, ekacce sannipātāpetvā pavāretuṃ vaṭṭatī’’ti vadanti. Kasmā? Ñattiṃ ṭhapetvā kattabbasaṅghakammābhāvā vaggaṃ na hoti kira. Ettha pana ekaccesu gatesupi sabbesu gatesupi sabbe sannipātāpetvā ñattiṃ aṭṭhapetvā kevalaṃ pavāretabbaṃ. Ekacce sannipātāpetvā pavāretuṃ na vaṭṭati ‘‘saṅghaṃ, bhante, pavāremī’’ti vacanato. Sabbepi hi sannipatitā pacchā diṭṭhaṃ vā sutaṃ vā parisaṅkitaṃ vā vattāro honti. Anāgatānaṃ atthibhāvaṃ ñatvāpi ekaccānaṃ santike pavāraṇāvacanaṃ viya hoti. Sammukhībhūte cattāro sannipātāpetvā nissaggiyaṃ āpannacīvarādinissajjanaṃ viya pavāraṇā na hoti sabbāyattattā. ‘‘Samaggānaṃ pavāraṇā paññattā’’ti vacanañcettha sādhakaṃ. ‘‘Ito aññathā na vaṭṭati aṭṭhakathāyaṃ ananuññātattā’’ti upatissatthero vadati. ‘‘Thokatarehi tesaṃ santike pavāretabbaṃ ñattiṃ aṭṭhapetvāvā’’ti vuttaṃ. Āgantukā nāma navamito paṭṭhāyāgatā vā vajasatthanāvāsu vutthavassā vā honti.
২৩৭. ‘‘দসৰত্থুকা মিচ্ছাদিট্ঠি হোতি তথাগতোতিআদী’’তি লিখিতং। ‘‘নত্থি দিন্নন্তিআদী’’তি ৰুত্তং।
237. ‘‘Dasavatthukā micchādiṭṭhi hoti tathāgatotiādī’’ti likhitaṃ. ‘‘Natthi dinnantiādī’’ti vuttaṃ.
২৩৯. ‘‘উপপরিক্খিত্ৰা জানিস্সামাতি তেন সহ পৰারেতব্ব’’ন্তি লিখিতং।
239. ‘‘Upaparikkhitvā jānissāmāti tena saha pavāretabba’’nti likhitaṃ.
পৰারণাক্খন্ধকৰণ্ণনা নিট্ঠিতা।
Pavāraṇākkhandhakavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi
১২৮. অনাপত্তিপন্নরসকং • 128. Anāpattipannarasakaṃ
১৪১. পৰারণাঠপনং • 141. Pavāraṇāṭhapanaṃ
১৪৩. ৰত্থুঠপনাদি • 143. Vatthuṭhapanādi
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā
অনাপত্তিপন্নরসকাদিকথা • Anāpattipannarasakādikathā
পৰারণাঠপনকথা • Pavāraṇāṭhapanakathā
ৰত্থুঠপনাদিকথা • Vatthuṭhapanādikathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā
অনাপত্তিপন্নরসককথাৰণ্ণনা • Anāpattipannarasakakathāvaṇṇanā
পৰারণাঠপনকথাৰণ্ণনা • Pavāraṇāṭhapanakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / অফাসুৰিহারকথাদিৰণ্ণনা • Aphāsuvihārakathādivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi
১২১. পৰারণাভেদকথা • 121. Pavāraṇābhedakathā
১৪১. পৰারণাট্ঠপনকথা • 141. Pavāraṇāṭṭhapanakathā
১৪৩. ৰত্থুট্ঠপনাদিকথা • 143. Vatthuṭṭhapanādikathā
