| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
анаабад̇д̇ибаннарасагаад̣̇игат̇ааван̣н̣анаа
Anāpattipannarasakādikathāvaṇṇanā
‘‘д̇ассаа жа бавааран̣ааяа аарожид̇ааяа сан̇гхзна жа баваарид̇з саб̣б̣зсам̣ суббаваарид̇ам̣ ход̇ийд̇и важанад̇о гзвалам̣ бавааран̣ааяа бавааран̣аад̣̇ааяагоби баваарид̇ова ход̇ий’’д̇и вад̣̇анд̇ийд̇и.
‘‘Tassā ca pavāraṇāya ārocitāya saṅghena ca pavārite sabbesaṃ suppavāritaṃ hotīti vacanato kevalaṃ pavāraṇāya pavāraṇādāyakopi pavāritova hotī’’ti vadantīti.
222. авудтид̇ааяа барисааяаад̇и баваарзд̇ваа бажчаа ан̃н̃аман̃н̃ам̣ гат̇знд̇ияаа. згажжааяа вудтид̇ааяаад̇и згажжзсу яат̇аанисиннзсу згажжзсу сагасагадтаанам̣ г̇ад̇зсу. буна баваарзд̇аб̣б̣анд̇и бунаби саб̣б̣зхи самааг̇анд̇ваа баваарзд̇аб̣б̣ам̣. ааг̇ажчанд̇и самасамаа, д̇зсам̣ санд̇игз баваарзд̇аб̣б̣анд̇и ‘‘г̇ад̇з анаанзд̇ваа нисиннаанам̣язва санд̇игз баваарзд̇аб̣б̣ам̣, убосат̇агканд̇хагзби зсзва наяо’’д̇и ликид̇ам̣. саб̣б̣ааяа вудтид̇ааяа барисааяа ааг̇ажчанд̇и самасамаа, д̇зсам̣ санд̇игз баваарзд̇аб̣б̣анд̇и ‘‘яад̣̇и саб̣б̣з вудтахид̇ваа г̇ад̇аа, саннибаад̇зд̇ун̃жа на саггаа, згажжз саннибаад̇аабзд̇ваа баваарзд̇ум̣ ваддад̇ий’’д̇и вад̣̇анд̇и. гасмаа? н̃ад̇д̇им̣ табзд̇ваа гад̇д̇аб̣б̣асан̇гхагаммаабхааваа ваг̇г̇ам̣ на ход̇и гира. зд̇т̇а бана згажжзсу г̇ад̇зсуби саб̣б̣зсу г̇ад̇зсуби саб̣б̣з саннибаад̇аабзд̇ваа н̃ад̇д̇им̣ адтабзд̇ваа гзвалам̣ баваарзд̇аб̣б̣ам̣. згажжз саннибаад̇аабзд̇ваа баваарзд̇ум̣ на ваддад̇и ‘‘сан̇гхам̣, бханд̇з, баваарзмий’’д̇и важанад̇о. саб̣б̣зби хи саннибад̇ид̇аа бажчаа д̣̇идтам̣ ваа суд̇ам̣ ваа барисан̇гид̇ам̣ ваа вад̇д̇ааро хонд̇и. анааг̇ад̇аанам̣ ад̇т̇ибхаавам̣ н̃ад̇вааби згажжаанам̣ санд̇игз бавааран̣ааважанам̣ вияа ход̇и. саммукийбхууд̇з жад̇д̇ааро саннибаад̇аабзд̇ваа ниссаг̇г̇ияам̣ аабаннажийвараад̣̇иниссаж̇ж̇анам̣ вияа бавааран̣аа на ход̇и саб̣б̣ааяад̇д̇ад̇д̇аа. ‘‘самаг̇г̇аанам̣ бавааран̣аа бан̃н̃ад̇д̇аа’’д̇и важанан̃жзд̇т̇а саад̇хагам̣. ‘‘ид̇о ан̃н̃ат̇аа на ваддад̇и адтагат̇ааяам̣ ананун̃н̃аад̇ад̇д̇аа’’д̇и убад̇иссад̇т̇зро вад̣̇ад̇и. ‘‘т̇огад̇арзхи д̇зсам̣ санд̇игз баваарзд̇аб̣б̣ам̣ н̃ад̇д̇им̣ адтабзд̇вааваа’’д̇и вуд̇д̇ам̣. ааг̇анд̇угаа наама навамид̇о бадтааяааг̇ад̇аа ваа важ̇асад̇т̇анааваасу вуд̇т̇авассаа ваа хонд̇и.
222.Avuṭṭhitāya parisāyāti pavāretvā pacchā aññamaññaṃ kathentiyā. Ekaccāya vuṭṭhitāyāti ekaccesu yathānisinnesu ekaccesu sakasakaṭṭhānaṃ gatesu. Puna pavāretabbanti punapi sabbehi samāgantvā pavāretabbaṃ. Āgacchanti samasamā, tesaṃ santike pavāretabbanti ‘‘gate anānetvā nisinnānaṃyeva santike pavāretabbaṃ, uposathakkhandhakepi eseva nayo’’ti likhitaṃ. Sabbāya vuṭṭhitāya parisāya āgacchanti samasamā, tesaṃ santike pavāretabbanti ‘‘yadi sabbe vuṭṭhahitvā gatā, sannipātetuñca na sakkā, ekacce sannipātāpetvā pavāretuṃ vaṭṭatī’’ti vadanti. Kasmā? Ñattiṃ ṭhapetvā kattabbasaṅghakammābhāvā vaggaṃ na hoti kira. Ettha pana ekaccesu gatesupi sabbesu gatesupi sabbe sannipātāpetvā ñattiṃ aṭṭhapetvā kevalaṃ pavāretabbaṃ. Ekacce sannipātāpetvā pavāretuṃ na vaṭṭati ‘‘saṅghaṃ, bhante, pavāremī’’ti vacanato. Sabbepi hi sannipatitā pacchā diṭṭhaṃ vā sutaṃ vā parisaṅkitaṃ vā vattāro honti. Anāgatānaṃ atthibhāvaṃ ñatvāpi ekaccānaṃ santike pavāraṇāvacanaṃ viya hoti. Sammukhībhūte cattāro sannipātāpetvā nissaggiyaṃ āpannacīvarādinissajjanaṃ viya pavāraṇā na hoti sabbāyattattā. ‘‘Samaggānaṃ pavāraṇā paññattā’’ti vacanañcettha sādhakaṃ. ‘‘Ito aññathā na vaṭṭati aṭṭhakathāyaṃ ananuññātattā’’ti upatissatthero vadati. ‘‘Thokatarehi tesaṃ santike pavāretabbaṃ ñattiṃ aṭṭhapetvāvā’’ti vuttaṃ. Āgantukā nāma navamito paṭṭhāyāgatā vā vajasatthanāvāsu vutthavassā vā honti.
237. ‘‘д̣̇асавад̇т̇угаа мижчаад̣̇идти ход̇и д̇ат̇ааг̇ад̇од̇иаад̣̇ий’’д̇и ликид̇ам̣. ‘‘над̇т̇и д̣̇иннанд̇иаад̣̇ий’’д̇и вуд̇д̇ам̣.
237. ‘‘Dasavatthukā micchādiṭṭhi hoti tathāgatotiādī’’ti likhitaṃ. ‘‘Natthi dinnantiādī’’ti vuttaṃ.
239. ‘‘убабаригкид̇ваа ж̇ааниссаамаад̇и д̇зна саха баваарзд̇аб̣б̣а’’нд̇и ликид̇ам̣.
239. ‘‘Upaparikkhitvā jānissāmāti tena saha pavāretabba’’nti likhitaṃ.
бавааран̣аагканд̇хагаван̣н̣анаа нидтид̇аа.
Pavāraṇākkhandhakavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
128. анаабад̇д̇ибаннарасагам̣ • 128. Anāpattipannarasakaṃ
141. бавааран̣аатабанам̣ • 141. Pavāraṇāṭhapanaṃ
143. вад̇т̇утабанаад̣̇и • 143. Vatthuṭhapanādi
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā
анаабад̇д̇ибаннарасагаад̣̇игат̇аа • Anāpattipannarasakādikathā
бавааран̣аатабанагат̇аа • Pavāraṇāṭhapanakathā
вад̇т̇утабанаад̣̇игат̇аа • Vatthuṭhapanādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
анаабад̇д̇ибаннарасагагат̇ааван̣н̣анаа • Anāpattipannarasakakathāvaṇṇanā
бавааран̣аатабанагат̇ааван̣н̣анаа • Pavāraṇāṭhapanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / апаасувихаарагат̇аад̣̇иван̣н̣анаа • Aphāsuvihārakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi
121. бавааран̣аабхзд̣̇агат̇аа • 121. Pavāraṇābhedakathā
141. бавааран̣аадтабанагат̇аа • 141. Pavāraṇāṭṭhapanakathā
143. вад̇т̇удтабанаад̣̇игат̇аа • 143. Vatthuṭṭhapanādikathā
