| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
анаабад̇д̇ибаннарасагаад̣̇игат̇ааван̣н̣анаа
Anāpattipannarasakādikathāvaṇṇanā
172. гзнажи 63 гаран̣ийязна г̇анд̇ваад̇и сиймаабарижчзд̣̇ад̇о б̣ахибхууд̇ам̣ г̇аамам̣ ваа аран̃н̃ам̣ ваа г̇анд̇ваад̇и ад̇т̇о. зд̇знзва убосат̇ан̃ад̇д̇ияаа табанагаалз самаг̇г̇аа зва д̇з н̃ад̇д̇им̣ табзсунд̇и сид̣̇д̇хам̣. д̇знзва баал̣ияам̣ ‘‘уд̣̇д̣̇идтам̣ сууд̣̇д̣̇идта’’нд̇и саб̣б̣абаннарасагзсуби вуд̇д̇ам̣. ваг̇г̇аа самаг̇г̇асан̃н̃инод̇иаад̣̇и бана н̃ад̇д̇ияаа нидтид̇ааяа ‘‘гим̣ сан̇гхасса буб̣б̣агижжа’’нд̇иаад̣̇ийнам̣ (махаава. 134) важанагкан̣з б̣ахиг̇ад̇аанам̣ бхигкуунам̣ сиймааяа бавидтад̇д̇аа бхигкуу д̇асмим̣ кан̣з ваг̇г̇аа хонд̇ийд̇и вуд̇д̇ам̣. д̇знааха ‘‘д̇зсам̣ сиймам̣ огганд̇ад̇д̇аа ваг̇г̇аа’’д̇иаад̣̇и, зд̇зна баарааж̇игуд̣̇д̣̇зсаад̣̇игкан̣зби ваг̇г̇асан̃н̃ийнам̣ уд̣̇д̣̇исанд̇аанам̣ аабад̇д̇и зва, н̃ад̇д̇ияаа бана буб̣б̣з нидтид̇ад̇д̇аа гаммагобо над̇т̇ийд̇и д̣̇ассид̇амзва ход̇и. звам̣ убариби саб̣б̣аваарзсу ад̇хиббааяо взд̣̇ид̇аб̣б̣о.
172.Kenaci 63 karaṇīyena gantvāti sīmāparicchedato bahibhūtaṃ gāmaṃ vā araññaṃ vā gantvāti attho. Eteneva uposathañattiyā ṭhapanakāle samaggā eva te ñattiṃ ṭhapesunti siddhaṃ. Teneva pāḷiyaṃ ‘‘uddiṭṭhaṃ suuddiṭṭha’’nti sabbapannarasakesupi vuttaṃ. Vaggā samaggasaññinotiādi pana ñattiyā niṭṭhitāya ‘‘kiṃ saṅghassa pubbakicca’’ntiādīnaṃ (mahāva. 134) vacanakkhaṇe bahigatānaṃ bhikkhūnaṃ sīmāya paviṭṭhattā bhikkhū tasmiṃ khaṇe vaggā hontīti vuttaṃ. Tenāha ‘‘tesaṃ sīmaṃ okkantattā vaggā’’tiādi, etena pārājikuddesādikkhaṇepi vaggasaññīnaṃ uddisantānaṃ āpatti eva, ñattiyā pana pubbe niṭṭhitattā kammakopo natthīti dassitameva hoti. Evaṃ uparipi sabbavāresu adhippāyo veditabbo.
зд̇т̇а жа баал̣ияам̣ ‘‘саб̣б̣ааяа вудтид̇ааяа…бз… д̇зсам̣ санд̇игз баарисуд̣̇д̇хи аарожзд̇аб̣б̣аа’’д̇и (махаава. 174) вуд̇д̇ад̇д̇аа б̣ахисиймааг̇ад̇ааяа барисааяа д̇зсу яасса гассажи санд̇игз анад̇хидтид̇зхи баарисуд̣̇д̇хим̣ аарожзд̇ум̣ ваддад̇ийд̇и вад̣̇анд̇и.
Ettha ca pāḷiyaṃ ‘‘sabbāya vuṭṭhitāya…pe… tesaṃ santike pārisuddhi ārocetabbā’’ti (mahāva. 174) vuttattā bahisīmāgatāya parisāya tesu yassa kassaci santike anadhiṭṭhitehi pārisuddhiṃ ārocetuṃ vaṭṭatīti vadanti.
анаабад̇д̇ибаннарасагаад̣̇игат̇ааван̣н̣анаа нидтид̇аа.
Anāpattipannarasakādikathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 95. анаабад̇д̇ибаннарасагам̣ • 95. Anāpattipannarasakaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / анаабад̇д̇ибаннарасагаад̣̇игат̇аа • Anāpattipannarasakādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / анаабад̇д̇ибаннарасагаад̣̇игат̇ааван̣н̣анаа • Anāpattipannarasakādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 95. анаабад̇д̇ибаннарасагаад̣̇игат̇аа • 95. Anāpattipannarasakādikathā
