| Library / Tipiṭaka / तिपिटक • Tipiṭaka / वजिरबुद्धि-टीका • Vajirabuddhi-ṭīkā |
अनापत्तिपन्नरसकादिकथावण्णना
Anāpattipannarasakādikathāvaṇṇanā
‘‘तस्सा च पवारणाय आरोचिताय सङ्घेन च पवारिते सब्बेसं सुप्पवारितं होतीति वचनतो केवलं पवारणाय पवारणादायकोपि पवारितोव होती’’ति वदन्तीति।
‘‘Tassā ca pavāraṇāya ārocitāya saṅghena ca pavārite sabbesaṃ suppavāritaṃ hotīti vacanato kevalaṃ pavāraṇāya pavāraṇādāyakopi pavāritova hotī’’ti vadantīti.
२२२. अवुट्ठिताय परिसायाति पवारेत्वा पच्छा अञ्ञमञ्ञं कथेन्तिया। एकच्चाय वुट्ठितायाति एकच्चेसु यथानिसिन्नेसु एकच्चेसु सकसकट्ठानं गतेसु। पुन पवारेतब्बन्ति पुनपि सब्बेहि समागन्त्वा पवारेतब्बं। आगच्छन्ति समसमा, तेसं सन्तिके पवारेतब्बन्ति ‘‘गते अनानेत्वा निसिन्नानंयेव सन्तिके पवारेतब्बं, उपोसथक्खन्धकेपि एसेव नयो’’ति लिखितं। सब्बाय वुट्ठिताय परिसाय आगच्छन्ति समसमा, तेसं सन्तिके पवारेतब्बन्ति ‘‘यदि सब्बे वुट्ठहित्वा गता, सन्निपातेतुञ्च न सक्का, एकच्चे सन्निपातापेत्वा पवारेतुं वट्टती’’ति वदन्ति। कस्मा? ञत्तिं ठपेत्वा कत्तब्बसङ्घकम्माभावा वग्गं न होति किर। एत्थ पन एकच्चेसु गतेसुपि सब्बेसु गतेसुपि सब्बे सन्निपातापेत्वा ञत्तिं अट्ठपेत्वा केवलं पवारेतब्बं। एकच्चे सन्निपातापेत्वा पवारेतुं न वट्टति ‘‘सङ्घं, भन्ते, पवारेमी’’ति वचनतो। सब्बेपि हि सन्निपतिता पच्छा दिट्ठं वा सुतं वा परिसङ्कितं वा वत्तारो होन्ति। अनागतानं अत्थिभावं ञत्वापि एकच्चानं सन्तिके पवारणावचनं विय होति। सम्मुखीभूते चत्तारो सन्निपातापेत्वा निस्सग्गियं आपन्नचीवरादिनिस्सज्जनं विय पवारणा न होति सब्बायत्तत्ता। ‘‘समग्गानं पवारणा पञ्ञत्ता’’ति वचनञ्चेत्थ साधकं। ‘‘इतो अञ्ञथा न वट्टति अट्ठकथायं अननुञ्ञातत्ता’’ति उपतिस्सत्थेरो वदति। ‘‘थोकतरेहि तेसं सन्तिके पवारेतब्बं ञत्तिं अट्ठपेत्वावा’’ति वुत्तं। आगन्तुका नाम नवमितो पट्ठायागता वा वजसत्थनावासु वुत्थवस्सा वा होन्ति।
222.Avuṭṭhitāya parisāyāti pavāretvā pacchā aññamaññaṃ kathentiyā. Ekaccāya vuṭṭhitāyāti ekaccesu yathānisinnesu ekaccesu sakasakaṭṭhānaṃ gatesu. Puna pavāretabbanti punapi sabbehi samāgantvā pavāretabbaṃ. Āgacchanti samasamā, tesaṃ santike pavāretabbanti ‘‘gate anānetvā nisinnānaṃyeva santike pavāretabbaṃ, uposathakkhandhakepi eseva nayo’’ti likhitaṃ. Sabbāya vuṭṭhitāya parisāya āgacchanti samasamā, tesaṃ santike pavāretabbanti ‘‘yadi sabbe vuṭṭhahitvā gatā, sannipātetuñca na sakkā, ekacce sannipātāpetvā pavāretuṃ vaṭṭatī’’ti vadanti. Kasmā? Ñattiṃ ṭhapetvā kattabbasaṅghakammābhāvā vaggaṃ na hoti kira. Ettha pana ekaccesu gatesupi sabbesu gatesupi sabbe sannipātāpetvā ñattiṃ aṭṭhapetvā kevalaṃ pavāretabbaṃ. Ekacce sannipātāpetvā pavāretuṃ na vaṭṭati ‘‘saṅghaṃ, bhante, pavāremī’’ti vacanato. Sabbepi hi sannipatitā pacchā diṭṭhaṃ vā sutaṃ vā parisaṅkitaṃ vā vattāro honti. Anāgatānaṃ atthibhāvaṃ ñatvāpi ekaccānaṃ santike pavāraṇāvacanaṃ viya hoti. Sammukhībhūte cattāro sannipātāpetvā nissaggiyaṃ āpannacīvarādinissajjanaṃ viya pavāraṇā na hoti sabbāyattattā. ‘‘Samaggānaṃ pavāraṇā paññattā’’ti vacanañcettha sādhakaṃ. ‘‘Ito aññathā na vaṭṭati aṭṭhakathāyaṃ ananuññātattā’’ti upatissatthero vadati. ‘‘Thokatarehi tesaṃ santike pavāretabbaṃ ñattiṃ aṭṭhapetvāvā’’ti vuttaṃ. Āgantukā nāma navamito paṭṭhāyāgatā vā vajasatthanāvāsu vutthavassā vā honti.
२३७. ‘‘दसवत्थुका मिच्छादिट्ठि होति तथागतोतिआदी’’ति लिखितं। ‘‘नत्थि दिन्नन्तिआदी’’ति वुत्तं।
237. ‘‘Dasavatthukā micchādiṭṭhi hoti tathāgatotiādī’’ti likhitaṃ. ‘‘Natthi dinnantiādī’’ti vuttaṃ.
२३९. ‘‘उपपरिक्खित्वा जानिस्सामाति तेन सह पवारेतब्ब’’न्ति लिखितं।
239. ‘‘Upaparikkhitvā jānissāmāti tena saha pavāretabba’’nti likhitaṃ.
पवारणाक्खन्धकवण्णना निट्ठिता।
Pavāraṇākkhandhakavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महावग्गपाळि • Mahāvaggapāḷi
१२८. अनापत्तिपन्नरसकं • 128. Anāpattipannarasakaṃ
१४१. पवारणाठपनं • 141. Pavāraṇāṭhapanaṃ
१४३. वत्थुठपनादि • 143. Vatthuṭhapanādi
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / महावग्ग-अट्ठकथा • Mahāvagga-aṭṭhakathā
अनापत्तिपन्नरसकादिकथा • Anāpattipannarasakādikathā
पवारणाठपनकथा • Pavāraṇāṭhapanakathā
वत्थुठपनादिकथा • Vatthuṭhapanādikathā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā
अनापत्तिपन्नरसककथावण्णना • Anāpattipannarasakakathāvaṇṇanā
पवारणाठपनकथावण्णना • Pavāraṇāṭhapanakathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / अफासुविहारकथादिवण्णना • Aphāsuvihārakathādivaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi
१२१. पवारणाभेदकथा • 121. Pavāraṇābhedakathā
१४१. पवारणाट्ठपनकथा • 141. Pavāraṇāṭṭhapanakathā
१४३. वत्थुट्ठपनादिकथा • 143. Vatthuṭṭhapanādikathā
