| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
အနာပတ္တိပန္နရသကာဒိကထာဝဏ္ဏနာ
Anāpattipannarasakādikathāvaṇṇanā
၁၇၂. ကေနစိ ၆၃ ကရဏီယေန ဂန္တ္ဝာတိ သီမာပရိစ္ဆေဒတော ဗဟိဘူတံ ဂာမံ ဝာ အရညံ ဝာ ဂန္တ္ဝာတိ အတ္ထော။ ဧတေနေဝ ဥပောသထဉတ္တိယာ ဌပနကာလေ သမဂ္ဂာ ဧဝ တေ ဉတ္တိံ ဌပေသုန္တိ သိဒ္ဓံ။ တေနေဝ ပာဠိယံ ‘‘ဥဒ္ဒိဋ္ဌံ သုဥဒ္ဒိဋ္ဌ’’န္တိ သဗ္ဗပန္နရသကေသုပိ ဝုတ္တံ။ ဝဂ္ဂာ သမဂ္ဂသညိနောတိအာဒိ ပန ဉတ္တိယာ နိဋ္ဌိတာယ ‘‘ကိံ သင္ဃသ္သ ပုဗ္ဗကိစ္စ’’န္တိအာဒီနံ (မဟာဝ. ၁၃၄) ဝစနက္ခဏေ ဗဟိဂတာနံ ဘိက္ခူနံ သီမာယ ပဝိဋ္ဌတ္တာ ဘိက္ခူ တသ္မိံ ခဏေ ဝဂ္ဂာ ဟောန္တီတိ ဝုတ္တံ။ တေနာဟ ‘‘တေသံ သီမံ ဩက္ကန္တတ္တာ ဝဂ္ဂာ’’တိအာဒိ, ဧတေန ပာရာဇိကုဒ္ဒေသာဒိက္ခဏေပိ ဝဂ္ဂသညီနံ ဥဒ္ဒိသန္တာနံ အာပတ္တိ ဧဝ, ဉတ္တိယာ ပန ပုဗ္ဗေ နိဋ္ဌိတတ္တာ ကမ္မကောပော နတ္ထီတိ ဒသ္သိတမေဝ ဟောတိ။ ဧဝံ ဥပရိပိ သဗ္ဗဝာရေသု အဓိပ္ပာယော ဝေဒိတဗ္ဗော။
172.Kenaci 63 karaṇīyena gantvāti sīmāparicchedato bahibhūtaṃ gāmaṃ vā araññaṃ vā gantvāti attho. Eteneva uposathañattiyā ṭhapanakāle samaggā eva te ñattiṃ ṭhapesunti siddhaṃ. Teneva pāḷiyaṃ ‘‘uddiṭṭhaṃ suuddiṭṭha’’nti sabbapannarasakesupi vuttaṃ. Vaggā samaggasaññinotiādi pana ñattiyā niṭṭhitāya ‘‘kiṃ saṅghassa pubbakicca’’ntiādīnaṃ (mahāva. 134) vacanakkhaṇe bahigatānaṃ bhikkhūnaṃ sīmāya paviṭṭhattā bhikkhū tasmiṃ khaṇe vaggā hontīti vuttaṃ. Tenāha ‘‘tesaṃ sīmaṃ okkantattā vaggā’’tiādi, etena pārājikuddesādikkhaṇepi vaggasaññīnaṃ uddisantānaṃ āpatti eva, ñattiyā pana pubbe niṭṭhitattā kammakopo natthīti dassitameva hoti. Evaṃ uparipi sabbavāresu adhippāyo veditabbo.
ဧတ္ထ စ ပာဠိယံ ‘‘သဗ္ဗာယ ဝုဋ္ဌိတာယ။ပေ.။ တေသံ သန္တိကေ ပာရိသုဒ္ဓိ အာရောစေတဗ္ဗာ’’တိ (မဟာဝ. ၁၇၄) ဝုတ္တတ္တာ ဗဟိသီမာဂတာယ ပရိသာယ တေသု ယသ္သ ကသ္သစိ သန္တိကေ အနဓိဋ္ဌိတေဟိ ပာရိသုဒ္ဓိံ အာရောစေတုံ ဝဋ္ဋတီတိ ဝဒန္တိ။
Ettha ca pāḷiyaṃ ‘‘sabbāya vuṭṭhitāya…pe… tesaṃ santike pārisuddhi ārocetabbā’’ti (mahāva. 174) vuttattā bahisīmāgatāya parisāya tesu yassa kassaci santike anadhiṭṭhitehi pārisuddhiṃ ārocetuṃ vaṭṭatīti vadanti.
အနာပတ္တိပန္နရသကာဒိကထာဝဏ္ဏနာ နိဋ္ဌိတာ။
Anāpattipannarasakādikathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၉၅. အနာပတ္တိပန္နရသကံ • 95. Anāpattipannarasakaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / အနာပတ္တိပန္နရသကာဒိကထာ • Anāpattipannarasakādikathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / အနာပတ္တိပန္နရသကာဒိကထာဝဏ္ဏနာ • Anāpattipannarasakādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၉၅. အနာပတ္တိပန္နရသကာဒိကထာ • 95. Anāpattipannarasakādikathā
