| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
අනාපත්‌තිපන්‌නරසකාදිකථාවණ්‌ණනා
Anāpattipannarasakādikathāvaṇṇanā
172. කෙනචි 63 කරණීයෙන ගන්‌ත්‌වාති සීමාපරිච්‌ඡෙදතො බහිභූතං ගාමං වා අරඤ්‌ඤං වා ගන්‌ත්‌වාති අත්‌ථො. එතෙනෙව උපොසථඤත්‌තියා ඨපනකාලෙ සමග්‌ගා එව තෙ ඤත්‌තිං ඨපෙසුන්‌ති සිද්‌ධං. තෙනෙව පාළියං ‘‘උද්‌දිට්‌ඨං සුඋද්‌දිට්‌ඨ’’න්‌ති සබ්‌බපන්‌නරසකෙසුපි වුත්‌තං. වග්‌ගා සමග්‌ගසඤ්‌ඤිනොතිආදි පන ඤත්‌තියා නිට්‌ඨිතාය ‘‘කිං සඞ්‌ඝස්‌ස පුබ්‌බකිච්‌ච’’න්‌තිආදීනං (මහාව. 134) වචනක්‌ඛණෙ බහිගතානං භික්‌ඛූනං සීමාය පවිට්‌ඨත්‌තා භික්‌ඛූ තස්‌මිං ඛණෙ වග්‌ගා හොන්‌තීති වුත්‌තං. තෙනාහ ‘‘තෙසං සීමං ඔක්‌කන්‌තත්‌තා වග්‌ගා’’තිආදි, එතෙන පාරාජිකුද්‌දෙසාදික්‌ඛණෙපි වග්‌ගසඤ්‌ඤීනං උද්‌දිසන්‌තානං ආපත්‌ති එව, ඤත්‌තියා පන පුබ්‌බෙ නිට්‌ඨිතත්‌තා කම්‌මකොපො නත්‌ථීති දස්‌සිතමෙව හොති. එවං උපරිපි සබ්‌බවාරෙසු අධිප්‌පායො වෙදිතබ්‌බො.
172.Kenaci 63 karaṇīyena gantvāti sīmāparicchedato bahibhūtaṃ gāmaṃ vā araññaṃ vā gantvāti attho. Eteneva uposathañattiyā ṭhapanakāle samaggā eva te ñattiṃ ṭhapesunti siddhaṃ. Teneva pāḷiyaṃ ‘‘uddiṭṭhaṃ suuddiṭṭha’’nti sabbapannarasakesupi vuttaṃ. Vaggā samaggasaññinotiādi pana ñattiyā niṭṭhitāya ‘‘kiṃ saṅghassa pubbakicca’’ntiādīnaṃ (mahāva. 134) vacanakkhaṇe bahigatānaṃ bhikkhūnaṃ sīmāya paviṭṭhattā bhikkhū tasmiṃ khaṇe vaggā hontīti vuttaṃ. Tenāha ‘‘tesaṃ sīmaṃ okkantattā vaggā’’tiādi, etena pārājikuddesādikkhaṇepi vaggasaññīnaṃ uddisantānaṃ āpatti eva, ñattiyā pana pubbe niṭṭhitattā kammakopo natthīti dassitameva hoti. Evaṃ uparipi sabbavāresu adhippāyo veditabbo.
එත්‌ථ ච පාළියං ‘‘සබ්‌බාය වුට්‌ඨිතාය…පෙ.… තෙසං සන්‌තිකෙ පාරිසුද්‌ධි ආරොචෙතබ්‌බා’’ති (මහාව. 174) වුත්‌තත්‌තා බහිසීමාගතාය පරිසාය තෙසු යස්‌ස කස්‌සචි සන්‌තිකෙ අනධිට්‌ඨිතෙහි පාරිසුද්‌ධිං ආරොචෙතුං වට්‌ටතීති වදන්‌ති.
Ettha ca pāḷiyaṃ ‘‘sabbāya vuṭṭhitāya…pe… tesaṃ santike pārisuddhi ārocetabbā’’ti (mahāva. 174) vuttattā bahisīmāgatāya parisāya tesu yassa kassaci santike anadhiṭṭhitehi pārisuddhiṃ ārocetuṃ vaṭṭatīti vadanti.
අනාපත්‌තිපන්‌නරසකාදිකථාවණ්‌ණනා නිට්‌ඨිතා.
Anāpattipannarasakādikathāvaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi / 95. අනාපත්‌තිපන්‌නරසකං • 95. Anāpattipannarasakaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / අනාපත්‌තිපන්‌නරසකාදිකථා • Anāpattipannarasakādikathā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / අනාපත්‌තිපන්‌නරසකාදිකථාවණ්‌ණනා • Anāpattipannarasakādikathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 95. අනාපත්‌තිපන්‌නරසකාදිකථා • 95. Anāpattipannarasakādikathā
