| Library / Tipiṭaka / ཏིཔིཊཀ • Tipiṭaka / ཝིམཏིཝིནོདནཱི-ཊཱིཀཱ • Vimativinodanī-ṭīkā |
ཨནཱཔཏྟིཔནྣརསཀཱདིཀཐཱཝཎྞནཱ
Anāpattipannarasakādikathāvaṇṇanā
༡༧༢. ཀེནཙི ༦༣ ཀརཎཱིཡེན གནྟྭཱཏི སཱིམཱཔརིཙྪེདཏོ བཧིབྷཱུཏཾ གཱམཾ ཝཱ ཨརཉྙཾ ཝཱ གནྟྭཱཏི ཨཏྠོ། ཨེཏེནེཝ ཨུཔོསཐཉཏྟིཡཱ ཋཔནཀཱལེ སམགྒཱ ཨེཝ ཏེ ཉཏྟིཾ ཋཔེསུནྟི སིདྡྷཾ། ཏེནེཝ པཱལི༹ཡཾ ‘‘ཨུདྡིཊྛཾ སུཨུདྡིཊྛ’’ནྟི སབྦཔནྣརསཀེསུཔི ཝུཏྟཾ། ཝགྒཱ སམགྒསཉྙིནོཏིཨཱདི པན ཉཏྟིཡཱ ནིཊྛིཏཱཡ ‘‘ཀིཾ སངྒྷསྶ པུབྦཀིཙྩ’’ནྟིཨཱདཱིནཾ (མཧཱཝ॰ ༡༣༤) ཝཙནཀྑཎེ བཧིགཏཱནཾ བྷིཀྑཱུནཾ སཱིམཱཡ པཝིཊྛཏྟཱ བྷིཀྑཱུ ཏསྨིཾ ཁཎེ ཝགྒཱ ཧོནྟཱིཏི ཝུཏྟཾ། ཏེནཱཧ ‘‘ཏེསཾ སཱིམཾ ཨོཀྐནྟཏྟཱ ཝགྒཱ’’ཏིཨཱདི, ཨེཏེན པཱརཱཛིཀུདྡེསཱདིཀྑཎེཔི ཝགྒསཉྙཱིནཾ ཨུདྡིསནྟཱནཾ ཨཱཔཏྟི ཨེཝ, ཉཏྟིཡཱ པན པུབྦེ ནིཊྛིཏཏྟཱ ཀམྨཀོཔོ ནཏྠཱིཏི དསྶིཏམེཝ ཧོཏི། ཨེཝཾ ཨུཔརིཔི སབྦཝཱརེསུ ཨདྷིཔྤཱཡོ ཝེདིཏབྦོ།
172.Kenaci 63 karaṇīyena gantvāti sīmāparicchedato bahibhūtaṃ gāmaṃ vā araññaṃ vā gantvāti attho. Eteneva uposathañattiyā ṭhapanakāle samaggā eva te ñattiṃ ṭhapesunti siddhaṃ. Teneva pāḷiyaṃ ‘‘uddiṭṭhaṃ suuddiṭṭha’’nti sabbapannarasakesupi vuttaṃ. Vaggā samaggasaññinotiādi pana ñattiyā niṭṭhitāya ‘‘kiṃ saṅghassa pubbakicca’’ntiādīnaṃ (mahāva. 134) vacanakkhaṇe bahigatānaṃ bhikkhūnaṃ sīmāya paviṭṭhattā bhikkhū tasmiṃ khaṇe vaggā hontīti vuttaṃ. Tenāha ‘‘tesaṃ sīmaṃ okkantattā vaggā’’tiādi, etena pārājikuddesādikkhaṇepi vaggasaññīnaṃ uddisantānaṃ āpatti eva, ñattiyā pana pubbe niṭṭhitattā kammakopo natthīti dassitameva hoti. Evaṃ uparipi sabbavāresu adhippāyo veditabbo.
ཨེཏྠ ཙ པཱལི༹ཡཾ ‘‘སབྦཱཡ ཝུཊྛིཏཱཡ…པེ॰… ཏེསཾ སནྟིཀེ པཱརིསུདྡྷི ཨཱརོཙེཏབྦཱ’’ཏི (མཧཱཝ॰ ༡༧༤) ཝུཏྟཏྟཱ བཧིསཱིམཱགཏཱཡ པརིསཱཡ ཏེསུ ཡསྶ ཀསྶཙི སནྟིཀེ ཨནདྷིཊྛིཏེཧི པཱརིསུདྡྷིཾ ཨཱརོཙེཏུཾ ཝཊྚཏཱིཏི ཝདནྟི།
Ettha ca pāḷiyaṃ ‘‘sabbāya vuṭṭhitāya…pe… tesaṃ santike pārisuddhi ārocetabbā’’ti (mahāva. 174) vuttattā bahisīmāgatāya parisāya tesu yassa kassaci santike anadhiṭṭhitehi pārisuddhiṃ ārocetuṃ vaṭṭatīti vadanti.
ཨནཱཔཏྟིཔནྣརསཀཱདིཀཐཱཝཎྞནཱ ནིཊྛིཏཱ།
Anāpattipannarasakādikathāvaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi / ༩༥. ཨནཱཔཏྟིཔནྣརསཀཾ • 95. Anāpattipannarasakaṃ
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / ཨནཱཔཏྟིཔནྣརསཀཱདིཀཐཱ • Anāpattipannarasakādikathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཨནཱཔཏྟིཔནྣརསཀཱདིཀཐཱཝཎྞནཱ • Anāpattipannarasakādikathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༩༥. ཨནཱཔཏྟིཔནྣརསཀཱདིཀཐཱ • 95. Anāpattipannarasakādikathā
