| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
ਅਨਾਪਤ੍ਤਿਪਨ੍ਨਰਸਕਾਦਿਕਥਾવਣ੍ਣਨਾ
Anāpattipannarasakādikathāvaṇṇanā
੧੭੨. ਕੇਨਚਿ ੬੩ ਕਰਣੀਯੇਨ ਗਨ੍ਤ੍વਾਤਿ ਸੀਮਾਪਰਿਚ੍ਛੇਦਤੋ ਬਹਿਭੂਤਂ ਗਾਮਂ વਾ ਅਰਞ੍ਞਂ વਾ ਗਨ੍ਤ੍વਾਤਿ ਅਤ੍ਥੋ। ਏਤੇਨੇવ ਉਪੋਸਥਞਤ੍ਤਿਯਾ ਠਪਨਕਾਲੇ ਸਮਗ੍ਗਾ ਏવ ਤੇ ਞਤ੍ਤਿਂ ਠਪੇਸੁਨ੍ਤਿ ਸਿਦ੍ਧਂ। ਤੇਨੇવ ਪਾਲ਼ਿਯਂ ‘‘ਉਦ੍ਦਿਟ੍ਠਂ ਸੁਉਦ੍ਦਿਟ੍ਠ’’ਨ੍ਤਿ ਸਬ੍ਬਪਨ੍ਨਰਸਕੇਸੁਪਿ વੁਤ੍ਤਂ। વਗ੍ਗਾ ਸਮਗ੍ਗਸਞ੍ਞਿਨੋਤਿਆਦਿ ਪਨ ਞਤ੍ਤਿਯਾ ਨਿਟ੍ਠਿਤਾਯ ‘‘ਕਿਂ ਸਙ੍ਘਸ੍ਸ ਪੁਬ੍ਬਕਿਚ੍ਚ’’ਨ੍ਤਿਆਦੀਨਂ (ਮਹਾવ॰ ੧੩੪) વਚਨਕ੍ਖਣੇ ਬਹਿਗਤਾਨਂ ਭਿਕ੍ਖੂਨਂ ਸੀਮਾਯ ਪવਿਟ੍ਠਤ੍ਤਾ ਭਿਕ੍ਖੂ ਤਸ੍ਮਿਂ ਖਣੇ વਗ੍ਗਾ ਹੋਨ੍ਤੀਤਿ વੁਤ੍ਤਂ। ਤੇਨਾਹ ‘‘ਤੇਸਂ ਸੀਮਂ ਓਕ੍ਕਨ੍ਤਤ੍ਤਾ વਗ੍ਗਾ’’ਤਿਆਦਿ, ਏਤੇਨ ਪਾਰਾਜਿਕੁਦ੍ਦੇਸਾਦਿਕ੍ਖਣੇਪਿ વਗ੍ਗਸਞ੍ਞੀਨਂ ਉਦ੍ਦਿਸਨ੍ਤਾਨਂ ਆਪਤ੍ਤਿ ਏવ, ਞਤ੍ਤਿਯਾ ਪਨ ਪੁਬ੍ਬੇ ਨਿਟ੍ਠਿਤਤ੍ਤਾ ਕਮ੍ਮਕੋਪੋ ਨਤ੍ਥੀਤਿ ਦਸ੍ਸਿਤਮੇવ ਹੋਤਿ। ਏવਂ ਉਪਰਿਪਿ ਸਬ੍ਬવਾਰੇਸੁ ਅਧਿਪ੍ਪਾਯੋ વੇਦਿਤਬ੍ਬੋ।
172.Kenaci 63 karaṇīyena gantvāti sīmāparicchedato bahibhūtaṃ gāmaṃ vā araññaṃ vā gantvāti attho. Eteneva uposathañattiyā ṭhapanakāle samaggā eva te ñattiṃ ṭhapesunti siddhaṃ. Teneva pāḷiyaṃ ‘‘uddiṭṭhaṃ suuddiṭṭha’’nti sabbapannarasakesupi vuttaṃ. Vaggā samaggasaññinotiādi pana ñattiyā niṭṭhitāya ‘‘kiṃ saṅghassa pubbakicca’’ntiādīnaṃ (mahāva. 134) vacanakkhaṇe bahigatānaṃ bhikkhūnaṃ sīmāya paviṭṭhattā bhikkhū tasmiṃ khaṇe vaggā hontīti vuttaṃ. Tenāha ‘‘tesaṃ sīmaṃ okkantattā vaggā’’tiādi, etena pārājikuddesādikkhaṇepi vaggasaññīnaṃ uddisantānaṃ āpatti eva, ñattiyā pana pubbe niṭṭhitattā kammakopo natthīti dassitameva hoti. Evaṃ uparipi sabbavāresu adhippāyo veditabbo.
ਏਤ੍ਥ ਚ ਪਾਲ਼ਿਯਂ ‘‘ਸਬ੍ਬਾਯ વੁਟ੍ਠਿਤਾਯ…ਪੇ॰… ਤੇਸਂ ਸਨ੍ਤਿਕੇ ਪਾਰਿਸੁਦ੍ਧਿ ਆਰੋਚੇਤਬ੍ਬਾ’’ਤਿ (ਮਹਾવ॰ ੧੭੪) વੁਤ੍ਤਤ੍ਤਾ ਬਹਿਸੀਮਾਗਤਾਯ ਪਰਿਸਾਯ ਤੇਸੁ ਯਸ੍ਸ ਕਸ੍ਸਚਿ ਸਨ੍ਤਿਕੇ ਅਨਧਿਟ੍ਠਿਤੇਹਿ ਪਾਰਿਸੁਦ੍ਧਿਂ ਆਰੋਚੇਤੁਂ વਟ੍ਟਤੀਤਿ વਦਨ੍ਤਿ।
Ettha ca pāḷiyaṃ ‘‘sabbāya vuṭṭhitāya…pe… tesaṃ santike pārisuddhi ārocetabbā’’ti (mahāva. 174) vuttattā bahisīmāgatāya parisāya tesu yassa kassaci santike anadhiṭṭhitehi pārisuddhiṃ ārocetuṃ vaṭṭatīti vadanti.
ਅਨਾਪਤ੍ਤਿਪਨ੍ਨਰਸਕਾਦਿਕਥਾવਣ੍ਣਨਾ ਨਿਟ੍ਠਿਤਾ।
Anāpattipannarasakādikathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੯੫. ਅਨਾਪਤ੍ਤਿਪਨ੍ਨਰਸਕਂ • 95. Anāpattipannarasakaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਅਨਾਪਤ੍ਤਿਪਨ੍ਨਰਸਕਾਦਿਕਥਾ • Anāpattipannarasakādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅਨਾਪਤ੍ਤਿਪਨ੍ਨਰਸਕਾਦਿਕਥਾવਣ੍ਣਨਾ • Anāpattipannarasakādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੯੫. ਅਨਾਪਤ੍ਤਿਪਨ੍ਨਰਸਕਾਦਿਕਥਾ • 95. Anāpattipannarasakādikathā
