| Library / Tipiṭaka / තිපිටක • Tipiṭaka / සාරත්‌ථදීපනී-ටීකා • Sāratthadīpanī-ṭīkā |
අනාපත්‌තිපන්‌නරසකකථාවණ්‌ණනා
Anāpattipannarasakakathāvaṇṇanā
222. පන්‌නරසකෙසු පවාරිතමත්‌තෙති පවාරිතසමනන්‌තරං. අවුට්‌ඨිතාය පරිසායාති පවාරෙත්‌වා පච්‌ඡා අඤ්‌ඤමඤ්‌ඤං කථෙන්‌තියා. එකච්‌චාය වුට්‌ඨිතායාති එකච්‌චෙසු යථානිසින්‌නෙසු එකච්‌චෙසු සකසකට්‌ඨානං ගතෙසු. පුන පවාරිතබ්‌බන්‌ති පුනපි සබ්‌බෙහි සමාගන්‌ත්‌වා පවාරෙතබ්‌බං. ආගච්‌ඡන්‌ති සමසමා, තෙසං සන්‌තිකෙ පවාරෙතබ්‌බන්‌ති ගතෙ අනානෙත්‌වා නිසින්‌නානඤ්‌ඤෙව සන්‌තිකෙ පවාරෙතබ්‌බං. සබ්‌බාය වුට්‌ඨිතාය පරිසාය ආගච්‌ඡන්‌ති සමසමා, තෙසං සන්‌තිකෙ පවාරෙතබ්‌බන්‌ති යදි සබ්‌බෙ වුට්‌ඨහිත්‌වා ගතා සන්‌නිපාතෙතුඤ්‌ච න සක්‌කා, එකච්‌චෙ සන්‌නිපාතෙත්‌වා පවාරෙතුං වට්‌ටති, ඤත්‌තිං ඨපෙත්‌වා කත්‌තබ්‌බසඞ්‌ඝකම්‌මාභාවා වග්‌ගං න හොති. උපොසථෙපි එසෙව නයො.
222. Pannarasakesu pavāritamatteti pavāritasamanantaraṃ. Avuṭṭhitāya parisāyāti pavāretvā pacchā aññamaññaṃ kathentiyā. Ekaccāya vuṭṭhitāyāti ekaccesu yathānisinnesu ekaccesu sakasakaṭṭhānaṃ gatesu. Puna pavāritabbanti punapi sabbehi samāgantvā pavāretabbaṃ. Āgacchanti samasamā, tesaṃ santike pavāretabbanti gate anānetvā nisinnānaññeva santike pavāretabbaṃ. Sabbāya vuṭṭhitāya parisāya āgacchanti samasamā, tesaṃ santike pavāretabbanti yadi sabbe vuṭṭhahitvā gatā sannipātetuñca na sakkā, ekacce sannipātetvā pavāretuṃ vaṭṭati, ñattiṃ ṭhapetvā kattabbasaṅghakammābhāvā vaggaṃ na hoti. Uposathepi eseva nayo.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi / 128. අනාපත්‌තිපන්‌නරසකං • 128. Anāpattipannarasakaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / අනාපත්‌තිපන්‌නරසකාදිකථා • Anāpattipannarasakādikathā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / අනාපත්‌තිපන්‌නරසකාදිකථාවණ්‌ණනා • Anāpattipannarasakādikathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 121. පවාරණාභෙදකථා • 121. Pavāraṇābhedakathā
