| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၁၂. အနာပတ္တိဝဂ္ဂဝဏ္ဏနာ
12. Anāpattivaggavaṇṇanā
၁၅၀. ဒ္ဝာဒသမေ ပန အနာပတ္တိံ အာပတ္တီတိအာဒီသု ‘‘အနာပတ္တိ အဇာနန္တသ္သ အထေယ္ယစိတ္တသ္သ နမရဏာဓိပ္ပာယသ္သ အနုလ္လပနာဓိပ္ပာယသ္သ နမောစနာဓိပ္ပာယသ္သာ’’တိ တတ္ထ တတ္ထ ဝုတ္တာ အနာပတ္တိ အနာပတ္တိ နာမ, ‘‘ဇာနန္တသ္သ ထေယ္ယစိတ္တသ္သာ’’တိအာဒိနာ နယေန ဝုတ္တာ အာပတ္တိ အာပတ္တိ နာမ, ပဉ္စာပတ္တိက္ခန္ဓာ လဟုကာပတ္တိ နာမ, ဒ္ဝေ အာပတ္တိက္ခန္ဓာ ဂရုကာပတ္တိ နာမ။ ဒ္ဝေ အာပတ္တိက္ခန္ဓာ ဒုဋ္ဌုလ္လာပတ္တိ နာမ, ပဉ္စာပတ္တိက္ခန္ဓာ အဒုဋ္ဌုလ္လာပတ္တိ နာမ။ ဆ အာပတ္တိက္ခန္ဓာ သာဝသေသာပတ္တိ နာမ, ဧကော ပာရာဇိကာပတ္တိက္ခန္ဓော အနဝသေသာပတ္တိ နာမ။ သပ္ပဋိကမ္မာပတ္တိ နာမ သာဝသေသာပတ္တိယေဝ, အပ္ပဋိကမ္မာပတ္တိ နာမ အနဝသေသာပတ္တိယေဝ။ သေသံ သဗ္ဗတ္ထ ဥတ္တာနမေဝာတိ။
150. Dvādasame pana anāpattiṃ āpattītiādīsu ‘‘anāpatti ajānantassa atheyyacittassa namaraṇādhippāyassa anullapanādhippāyassa namocanādhippāyassā’’ti tattha tattha vuttā anāpatti anāpatti nāma, ‘‘jānantassa theyyacittassā’’tiādinā nayena vuttā āpatti āpatti nāma, pañcāpattikkhandhā lahukāpatti nāma, dve āpattikkhandhā garukāpatti nāma. Dve āpattikkhandhā duṭṭhullāpatti nāma, pañcāpattikkhandhā aduṭṭhullāpatti nāma. Cha āpattikkhandhā sāvasesāpatti nāma, eko pārājikāpattikkhandho anavasesāpatti nāma. Sappaṭikammāpatti nāma sāvasesāpattiyeva, appaṭikammāpatti nāma anavasesāpattiyeva. Sesaṃ sabbattha uttānamevāti.
အနာပတ္တိဝဂ္ဂဝဏ္ဏနာ။
Anāpattivaggavaṇṇanā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁၂. အနာပတ္တိဝဂ္ဂော • 12. Anāpattivaggo
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁၀. ဒုတိယပမာဒာဒိဝဂ္ဂဝဏ္ဏနာ • 10. Dutiyapamādādivaggavaṇṇanā
