| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
12. අනාපත්‌තිවග්‌ගවණ්‌ණනා
12. Anāpattivaggavaṇṇanā
150. ද්‌වාදසමෙ පන අනාපත්‌තිං ආපත්‌තීතිආදීසු ‘‘අනාපත්‌ති අජානන්‌තස්‌ස අථෙය්‍යචිත්‌තස්‌ස නමරණාධිප්‌පායස්‌ස අනුල්‌ලපනාධිප්‌පායස්‌ස නමොචනාධිප්‌පායස්‌සා’’ති තත්‌ථ තත්‌ථ වුත්‌තා අනාපත්‌ති අනාපත්‌ති නාම, ‘‘ජානන්‌තස්‌ස ථෙය්‍යචිත්‌තස්‌සා’’තිආදිනා නයෙන වුත්‌තා ආපත්‌ති ආපත්‌ති නාම, පඤ්‌චාපත්‌තික්‌ඛන්‌ධා ලහුකාපත්‌ති නාම, ද්‌වෙ ආපත්‌තික්‌ඛන්‌ධා ගරුකාපත්‌ති නාම. ද්‌වෙ ආපත්‌තික්‌ඛන්‌ධා දුට්‌ඨුල්‌ලාපත්‌ති නාම, පඤ්‌චාපත්‌තික්‌ඛන්‌ධා අදුට්‌ඨුල්‌ලාපත්‌ති නාම. ඡ ආපත්‌තික්‌ඛන්‌ධා සාවසෙසාපත්‌ති නාම, එකො පාරාජිකාපත්‌තික්‌ඛන්‌ධො අනවසෙසාපත්‌ති නාම. සප්‌පටිකම්‌මාපත්‌ති නාම සාවසෙසාපත්‌තියෙව, අප්‌පටිකම්‌මාපත්‌ති නාම අනවසෙසාපත්‌තියෙව. සෙසං සබ්‌බත්‌ථ උත්‌තානමෙවාති.
150. Dvādasame pana anāpattiṃ āpattītiādīsu ‘‘anāpatti ajānantassa atheyyacittassa namaraṇādhippāyassa anullapanādhippāyassa namocanādhippāyassā’’ti tattha tattha vuttā anāpatti anāpatti nāma, ‘‘jānantassa theyyacittassā’’tiādinā nayena vuttā āpatti āpatti nāma, pañcāpattikkhandhā lahukāpatti nāma, dve āpattikkhandhā garukāpatti nāma. Dve āpattikkhandhā duṭṭhullāpatti nāma, pañcāpattikkhandhā aduṭṭhullāpatti nāma. Cha āpattikkhandhā sāvasesāpatti nāma, eko pārājikāpattikkhandho anavasesāpatti nāma. Sappaṭikammāpatti nāma sāvasesāpattiyeva, appaṭikammāpatti nāma anavasesāpattiyeva. Sesaṃ sabbattha uttānamevāti.
අනාපත්‌තිවග්‌ගවණ්‌ණනා.
Anāpattivaggavaṇṇanā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 12. අනාපත්‌තිවග්‌ගො • 12. Anāpattivaggo
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 10. දුතියපමාදාදිවග්‌ගවණ්‌ණනා • 10. Dutiyapamādādivaggavaṇṇanā
