| Library / Tipiṭaka / តិបិដក • Tipiṭaka / កង្ខាវិតរណី-អភិនវ-ដីកា • Kaṅkhāvitaraṇī-abhinava-ṭīkā |
៥. អនាបុច្ឆាបក្កមនសិក្ខាបទវណ្ណនា
5. Anāpucchāpakkamanasikkhāpadavaṇṇanā
អាសីទន្តិ ឯត្ថាតិ អាសនន្តិ អាហ ‘‘បល្លង្កស្សោកាសភូតេ’’តិ, ឩរុពទ្ធាសនស្ស ឱកាសេតិ អត្ថោ។ អនោវស្សកន្តិ និព្ពកោកាសំ។ អជ្ឈោកាសេ ឧបចារន្តិ អជ្ឈោកាសេ និសីទិត្វា ទ្វាទសហត្ថប្បមាណំ បទេសំ។ គិលានាយាតិ យា តាទិសេន គេលញ្ញេន អាបុច្ឆិតុំ ន សក្កោតិ ។ អាបទាសូតិ ឃរេ អគ្គិ វា ឧដ្ឋិតោ ហោតិ, ចោរោ វា, ឯវរូបេ ឧបទ្ទវេ អនាបុច្ឆា បក្កមតិ, អនាបត្តិ។
Āsīdanti etthāti āsananti āha ‘‘pallaṅkassokāsabhūte’’ti, ūrubaddhāsanassa okāseti attho. Anovassakanti nibbakokāsaṃ. Ajjhokāse upacāranti ajjhokāse nisīditvā dvādasahatthappamāṇaṃ padesaṃ. Gilānāyāti yā tādisena gelaññena āpucchituṃ na sakkoti . Āpadāsūti ghare aggi vā uṭṭhito hoti, coro vā, evarūpe upaddave anāpucchā pakkamati, anāpatti.
អនាបុច្ឆាបក្កមនសិក្ខាបទវណ្ណនា និដ្ឋិតា។
Anāpucchāpakkamanasikkhāpadavaṇṇanā niṭṭhitā.
