| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
43. анаабужчааваран̣авад̇т̇уаад̣̇игат̇аа
43. Anāpucchāvaraṇavatthuādikathā
108. убаж̇жхааяам̣ анаабужчаад̇и зд̇т̇а убаж̇жхааяам̣ анаабужчид̇ваа. саб̣б̣ат̇аа гим̣ на гаад̇аб̣б̣анд̇и ааха ‘‘д̇умхаага’’нд̇иаад̣̇и. д̣̇ан̣д̣агаммамассаад̇и д̣̇ан̣д̣агаммам̣ асса. ассаад̇и сааман̣зрасса. сад̣̇д̇хим̣ убаж̇жхааязна вихаранд̇ийд̇и сад̣̇д̇хивихааригаа. ниссаяаажарияаад̣̇ийнам̣ анд̇з самийбз васанд̇ийд̇и анд̇зваасигаа, убасамбаннааязва.
108.Upajjhāyaṃ anāpucchāti ettha upajjhāyaṃ anāpucchitvā. Sabbathā kiṃ na kātabbanti āha ‘‘tumhāka’’ntiādi. Daṇḍakammamassāti daṇḍakammaṃ assa. Assāti sāmaṇerassa. Saddhiṃ upajjhāyena viharantīti saddhivihārikā. Nissayācariyādīnaṃ ante samīpe vasantīti antevāsikā, upasampannāyeva.
абалаал̣знд̇ийд̇и зд̇т̇а лал̣а убасзвааяанд̇и д̇хаад̇убаатзсу вуд̇д̇ад̇д̇аа (сад̣̇д̣̇анийд̇ид̇хаад̇умаалааяам̣ 18 л̣агааранд̇ад̇хаад̇у) т̇зрз лал̣ад̇о убасзвад̇о абаг̇амзнд̇ийд̇и ад̇т̇о д̣̇адтаб̣б̣о. ид̇ха бана ад̇хиббааяад̇т̇ам̣ д̣̇ассзнд̇о ааха ‘‘д̇умхаага’’нд̇иаад̣̇и. абалаал̣зд̇аб̣б̣аад̇и ан̃н̃ам̣ лал̣ад̇о убасзвад̇о абаг̇амзд̇аб̣б̣аа. барисабхууд̇з сааман̣зруубасамбаннзд̇и яож̇анаа. аад̣̇ийнаванд̇и д̣̇уссийлам̣ ниссааяа васанасса д̣̇осам̣. нхааяид̇ум̣ ааг̇ад̇зна д̇аяаа г̇уут̇амагканам̣ гад̇ам̣ вияа д̣̇уссийлам̣ ниссааяа вихаранд̇зна д̣̇уссийлам̣ гад̇анд̇и яож̇анаа. ‘‘д̣̇уссийла’’нд̇и бад̣̇ам̣ буримабажчимабад̣̇аабзгкам̣, д̇асмаа д̣̇виннам̣ бад̣̇аанам̣ маж̇жхз вуд̇д̇ам̣. д̇ад̇т̇а буримабад̣̇аабзгкагаалз вуд̇д̇агаммам̣, бажчимабад̣̇аабзгкагаалз авуд̇д̇агаммам̣. сод̇и сааман̣зруубасамбанно. убаж̇жхааяам̣ ваад̇и сааман̣зрам̣ санд̇хааяа вуд̇д̇ам̣. ниссаяам̣ ваад̇и убасамбаннам̣ санд̇хааяа вуд̇д̇ам̣.
Apalāḷentīti ettha laḷa upasevāyanti dhātupāṭhesu vuttattā (saddanītidhātumālāyaṃ 18 ḷakārantadhātu) there laḷato upasevato apagamentīti attho daṭṭhabbo. Idha pana adhippāyatthaṃ dassento āha ‘‘tumhāka’’ntiādi. Apalāḷetabbāti aññaṃ laḷato upasevato apagametabbā. Parisabhūte sāmaṇerūpasampanneti yojanā. Ādīnavanti dussīlaṃ nissāya vasanassa dosaṃ. Nhāyituṃ āgatena tayā gūthamakkhanaṃ kataṃ viya dussīlaṃ nissāya viharantena dussīlaṃ katanti yojanā. ‘‘Dussīla’’nti padaṃ purimapacchimapadāpekkhaṃ, tasmā dvinnaṃ padānaṃ majjhe vuttaṃ. Tattha purimapadāpekkhakāle vuttakammaṃ, pacchimapadāpekkhakāle avuttakammaṃ. Soti sāmaṇerūpasampanno. Upajjhāyaṃ vāti sāmaṇeraṃ sandhāya vuttaṃ. Nissayaṃ vāti upasampannaṃ sandhāya vuttaṃ.
д̇ийсу наасанаасууд̇и сам̣ваасалин̇г̇ад̣̇ан̣д̣агамманаасанасан̇каад̇аасу д̇ийсу наасанаасу. яод̇и сааман̣зро. наанаааабад̇д̇ияод̇и баарааж̇игат̇уллажжаяа баажид̇д̇ияаабад̇д̇ияо. хийд̇и сажжам̣, яасмаа ваа. гунт̇агибиллигамбийд̇и зд̇т̇а баан̣акаад̣̇агзхи сад̇д̇зхи гут̇ияад̇и хим̣сияад̇ийд̇и гунт̇о, гум̣ бат̇авим̣ ваа д̇хаарзд̇ийд̇и гунд̇хо.
Tīsunāsanāsūti saṃvāsaliṅgadaṇḍakammanāsanasaṅkhātāsu tīsu nāsanāsu. Yoti sāmaṇero. Nānāāpattiyoti pārājikathullaccaya pācittiyāpattiyo. Hīti saccaṃ, yasmā vā. Kunthakipillikampīti ettha pāṇakhādakehi sattehi kuthiyati hiṃsiyatīti kuntho, kuṃ pathaviṃ vā dhāretīti kundho.
гимиязва биллигам̣ бод̇агам̣ гибиллигам̣ мигаарасса лобам̣ гад̇ваа. биллигасад̣̇д̣̇о хи бод̇агабарияааяо. гимийнам̣, гимийсу ваа биллигам̣ гибиллигам̣. наасзд̇аб̣б̣ад̇ам̣язваад̇и лин̇г̇зна наасзд̇аб̣б̣абхаавамзва. д̇аавад̣̇зваад̇и д̇асмим̣ мааран̣абхинд̣̇анагкан̣зязва. ассаад̇и сааман̣зрасса. сзнаасанаг̇г̇аахо жа бадиббассамбхад̇ийд̇и вассажчзд̣̇о ход̇ийд̇и ад̇хиббааяо. аагин̣н̣ад̣̇осоваад̇и лин̇г̇анаасанад̣̇осзна жа д̣̇ан̣д̣агамманаасанад̣̇осзна жа аагулад̣̇осова. вираж̇жхид̇ваад̇и вираад̇хзд̇ваа. яат̇аанивад̇т̇абааруд̇ассзва сааман̣зрассаад̇и самб̣анд̇хо. д̇асмаад̇и саран̣аг̇аманаубасамбад̣̇агаммаваажаанам̣ сад̣̇исад̇д̇аа. бхигкунаа самаад̣̇иннам̣ вияа иминааби самаад̣̇иннаанзва хонд̇ийд̇и яож̇анаа. званд̇и звамиж̇жханз, самаад̣̇иннз ваа. д̣̇ал̣хийгаран̣ад̇т̇анд̇и сигкаабад̣̇аанам̣ д̣̇ал̣хийгаран̣ад̇т̇ам̣. бад̇идтаабанад̇т̇анд̇и сааман̣зрасса бад̇идтаабанад̇т̇ам̣. лажчад̇ийд̇и лабхиссад̇и. сан̇гхзна д̣̇аад̇аб̣б̣од̇и самб̣анд̇хо. абалогзд̇ваад̇и сан̇гхам̣ аабужчид̇ваа. иминаа чиннавассагам̣ д̣̇ассзд̇и.
Kimiyeva pillikaṃ potakaṃ kipillikaṃ mikārassa lopaṃ katvā. Pillikasaddo hi potakapariyāyo. Kimīnaṃ, kimīsu vā pillikaṃ kipillikaṃ. Nāsetabbataṃyevāti liṅgena nāsetabbabhāvameva. Tāvadevāti tasmiṃ māraṇabhindanakkhaṇeyeva. Assāti sāmaṇerassa. Senāsanaggāho ca paṭippassambhatīti vassacchedo hotīti adhippāyo. Ākiṇṇadosovāti liṅganāsanadosena ca daṇḍakammanāsanadosena ca ākuladosova. Virajjhitvāti virādhetvā. Yathānivatthapārutasseva sāmaṇerassāti sambandho. Tasmāti saraṇagamanaupasampadakammavācānaṃ sadisattā. Bhikkhunā samādinnaṃ viya imināpi samādinnāneva hontīti yojanā. Evanti evamijjhane, samādinne vā. Daḷhīkaraṇatthanti sikkhāpadānaṃ daḷhīkaraṇatthaṃ. Patiṭṭhāpanatthanti sāmaṇerassa patiṭṭhāpanatthaṃ. Lacchatīti labhissati. Saṅghena dātabboti sambandho. Apaloketvāti saṅghaṃ āpucchitvā. Iminā chinnavassakaṃ dasseti.
ад̣̇иннаад̣̇аанз д̇ин̣асалаагамад̇д̇знааби вад̇т̇унаа асаман̣о ход̇ийд̇и яож̇анаа. виббадибад̇д̇ияаад̇и вигаарзна бадибаж̇ж̇анад̇о. бхан̣ид̇зд̇и бхан̣анз. ж̇аанид̇ваад̇и ж̇аанид̇ваа зва. звагааро хзд̇т̇а аж̇жхаахарид̇аб̣б̣о, д̇зна вуд̇д̇ам̣ ‘‘на аж̇аанид̇ваа’’д̇и. яаани бан̃жа сигкаабад̣̇аанийд̇и яож̇анаа. ассаад̇и сааман̣зрасса. табанад̇т̇ааяаад̇и сигкаабад̣̇аанам̣ табанад̇т̇ааяа. аяанд̇и баарааж̇иго. висзсод̇и бхигкуунам̣ баажид̇д̇ияад̇о висзсо.
Adinnādāne tiṇasalākamattenāpi vatthunā asamaṇo hotīti yojanā. Vippaṭipattiyāti vikārena paṭipajjanato. Bhaṇiteti bhaṇane. Jānitvāti jānitvā eva. Evakāro hettha ajjhāharitabbo, tena vuttaṃ ‘‘na ajānitvā’’ti. Yāni pañca sikkhāpadānīti yojanā. Assāti sāmaṇerassa. Ṭhapanatthāyāti sikkhāpadānaṃ ṭhapanatthāya. Ayanti pārājiko. Visesoti bhikkhūnaṃ pācittiyato viseso.
бадибагкавасзнаад̇и ‘‘анарахам̣ асаммаасамб̣уд̣̇д̇хо’’д̇иаад̣̇инаа жа ‘‘д̣̇ваагкаад̇о’’д̇иаад̣̇инаа жа ‘‘д̣̇уббадиббанно’’д̇иаад̣̇инаа жа бадивируд̣̇д̇хавасзна г̇араханд̇о сааман̣зро ниваарзд̇аб̣б̣од̇и самб̣анд̇хо. ган̣д̣аганаасанааяаад̇и ган̣д̣аганаамагасса сааман̣зрасса д̣̇ан̣д̣агамманаасанааяа. д̇ам̣ лад̣̇д̇хинд̇и аван̣н̣абхаасанад̣̇идтим̣. ажжаяанд̇и ад̇иггамам̣, д̣̇осам̣ ваа. д̣̇зсаабзд̇аб̣б̣од̇и ‘‘ажжаяо мам̣ бханд̇з ажжаг̇амаа’’д̇иаад̣̇инаа д̣̇зсаабзд̇аб̣б̣аа. д̇ам̣ яуд̇д̇анд̇и ‘‘лин̇г̇анаасанааяа наасзд̇аб̣б̣о’’д̇и д̇ам̣ важанам̣ бад̇ируубам̣. хийд̇и сажжам̣, яасмаа ваа. ид̇хаад̇и канд̇хагз, ‘‘сааман̣зрам̣ наасзд̇у’’нд̇иважанз ваа.
Paṭipakkhavasenāti ‘‘anarahaṃ asammāsambuddho’’tiādinā ca ‘‘dvākkhāto’’tiādinā ca ‘‘duppaṭippanno’’tiādinā ca paṭiviruddhavasena garahanto sāmaṇero nivāretabboti sambandho. Kaṇḍakanāsanāyāti kaṇḍakanāmakassa sāmaṇerassa daṇḍakammanāsanāya. Taṃ laddhinti avaṇṇabhāsanadiṭṭhiṃ. Accayanti atikkamaṃ, dosaṃ vā. Desāpetabboti ‘‘accayo maṃ bhante accagamā’’tiādinā desāpetabbā. Taṃ yuttanti ‘‘liṅganāsanāya nāsetabbo’’ti taṃ vacanaṃ patirūpaṃ. Hīti saccaṃ, yasmā vā. Idhāti khandhake, ‘‘sāmaṇeraṃ nāsetu’’ntivacane vā.
‘‘зсзва наяо’’д̇и вуд̇д̇аважанам̣ баагадам̣ гаронд̇о ааха ‘‘сассад̇ужчзд̣̇аанан̃хий’’д̇иаад̣̇и. ан̃н̃ад̇арад̣̇идтиго сааман̣зрод̇и яож̇анаа. зд̇т̇аад̇и д̣̇асасу наасанан̇г̇зсу. ‘‘гаама’’нд̇ибад̣̇зна бунаруд̇д̇инирад̇т̇агад̣̇осааробанзна г̇арахам̣ д̣̇ассзд̇и. ‘‘банаа’’д̇ибад̣̇зна д̇зсам̣ д̣̇осаанам̣ бахаанзна самбхааванам̣ д̣̇ассзд̇и. аб̣рахмажаарим̣ сааман̣зранд̇и самб̣анд̇хо. убасамбаад̣̇зд̇ум̣ ваддад̇ийд̇и убасамбаад̣̇анам̣ ваддад̇и. бхигкунид̣̇уусаго сааман̣зрод̇и самб̣анд̇хо. баб̣б̣аж̇ж̇амбийд̇и зд̇т̇а бисад̣̇д̣̇асса г̇арахад̇т̇абхаавам̣ д̣̇ассзд̇ум̣ вуд̇д̇ам̣ ‘‘баг̇зва убасамбад̣̇а’’нд̇и. зд̇амад̇т̇анд̇и зд̇аад̣̇исамад̇т̇ам̣.
‘‘Eseva nayo’’ti vuttavacanaṃ pākaṭaṃ karonto āha ‘‘sassatucchedānañhī’’tiādi. Aññataradiṭṭhiko sāmaṇeroti yojanā. Etthāti dasasu nāsanaṅgesu. ‘‘Kāma’’ntipadena punaruttiniratthakadosāropanena garahaṃ dasseti. ‘‘Panā’’tipadena tesaṃ dosānaṃ pahānena sambhāvanaṃ dasseti. Abrahmacāriṃ sāmaṇeranti sambandho. Upasampādetuṃ vaṭṭatīti upasampādanaṃ vaṭṭati. Bhikkhunidūsako sāmaṇeroti sambandho. Pabbajjampīti ettha pisaddassa garahatthabhāvaṃ dassetuṃ vuttaṃ ‘‘pageva upasampada’’nti. Etamatthanti etādisamatthaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 44. анаабужчааваран̣авад̇т̇у • 44. Anāpucchāvaraṇavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / анаабужчааваран̣авад̇т̇уаад̣̇игат̇аа • Anāpucchāvaraṇavatthuādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / анаабужчааваран̣авад̇т̇уаад̣̇игат̇ааван̣н̣анаа • Anāpucchāvaraṇavatthuādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / анаабужчааваран̣авад̇т̇уаад̣̇игат̇ааван̣н̣анаа • Anāpucchāvaraṇavatthuādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / анаабужчааваран̣авад̇т̇уаад̣̇игат̇ааван̣н̣анаа • Anāpucchāvaraṇavatthuādikathāvaṇṇanā
