| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੪੩. ਅਨਾਪੁਚ੍ਛਾવਰਣવਤ੍ਥੁਆਦਿਕਥਾ
43. Anāpucchāvaraṇavatthuādikathā
੧੦੮. ਉਪਜ੍ਝਾਯਂ ਅਨਾਪੁਚ੍ਛਾਤਿ ਏਤ੍ਥ ਉਪਜ੍ਝਾਯਂ ਅਨਾਪੁਚ੍ਛਿਤ੍વਾ। ਸਬ੍ਬਥਾ ਕਿਂ ਨ ਕਾਤਬ੍ਬਨ੍ਤਿ ਆਹ ‘‘ਤੁਮ੍ਹਾਕ’’ਨ੍ਤਿਆਦਿ। ਦਣ੍ਡਕਮ੍ਮਮਸ੍ਸਾਤਿ ਦਣ੍ਡਕਮ੍ਮਂ ਅਸ੍ਸ। ਅਸ੍ਸਾਤਿ ਸਾਮਣੇਰਸ੍ਸ। ਸਦ੍ਧਿਂ ਉਪਜ੍ਝਾਯੇਨ વਿਹਰਨ੍ਤੀਤਿ ਸਦ੍ਧਿવਿਹਾਰਿਕਾ। ਨਿਸ੍ਸਯਾਚਰਿਯਾਦੀਨਂ ਅਨ੍ਤੇ ਸਮੀਪੇ વਸਨ੍ਤੀਤਿ ਅਨ੍ਤੇવਾਸਿਕਾ, ਉਪਸਮ੍ਪਨ੍ਨਾਯੇવ।
108.Upajjhāyaṃ anāpucchāti ettha upajjhāyaṃ anāpucchitvā. Sabbathā kiṃ na kātabbanti āha ‘‘tumhāka’’ntiādi. Daṇḍakammamassāti daṇḍakammaṃ assa. Assāti sāmaṇerassa. Saddhiṃ upajjhāyena viharantīti saddhivihārikā. Nissayācariyādīnaṃ ante samīpe vasantīti antevāsikā, upasampannāyeva.
ਅਪਲਾਲ਼ੇਨ੍ਤੀਤਿ ਏਤ੍ਥ ਲਲ਼ ਉਪਸੇવਾਯਨ੍ਤਿ ਧਾਤੁਪਾਠੇਸੁ વੁਤ੍ਤਤ੍ਤਾ (ਸਦ੍ਦਨੀਤਿਧਾਤੁਮਾਲਾਯਂ ੧੮ ਲ਼ਕਾਰਨ੍ਤਧਾਤੁ) ਥੇਰੇ ਲਲ਼ਤੋ ਉਪਸੇવਤੋ ਅਪਗਮੇਨ੍ਤੀਤਿ ਅਤ੍ਥੋ ਦਟ੍ਠਬ੍ਬੋ। ਇਧ ਪਨ ਅਧਿਪ੍ਪਾਯਤ੍ਥਂ ਦਸ੍ਸੇਨ੍ਤੋ ਆਹ ‘‘ਤੁਮ੍ਹਾਕ’’ਨ੍ਤਿਆਦਿ। ਅਪਲਾਲ਼ੇਤਬ੍ਬਾਤਿ ਅਞ੍ਞਂ ਲਲ਼ਤੋ ਉਪਸੇવਤੋ ਅਪਗਮੇਤਬ੍ਬਾ। ਪਰਿਸਭੂਤੇ ਸਾਮਣੇਰੂਪਸਮ੍ਪਨ੍ਨੇਤਿ ਯੋਜਨਾ। ਆਦੀਨવਨ੍ਤਿ ਦੁਸ੍ਸੀਲਂ ਨਿਸ੍ਸਾਯ વਸਨਸ੍ਸ ਦੋਸਂ। ਨ੍ਹਾਯਿਤੁਂ ਆਗਤੇਨ ਤਯਾ ਗੂਥਮਕ੍ਖਨਂ ਕਤਂ વਿਯ ਦੁਸ੍ਸੀਲਂ ਨਿਸ੍ਸਾਯ વਿਹਰਨ੍ਤੇਨ ਦੁਸ੍ਸੀਲਂ ਕਤਨ੍ਤਿ ਯੋਜਨਾ। ‘‘ਦੁਸ੍ਸੀਲ’’ਨ੍ਤਿ ਪਦਂ ਪੁਰਿਮਪਚ੍ਛਿਮਪਦਾਪੇਕ੍ਖਂ, ਤਸ੍ਮਾ ਦ੍વਿਨ੍ਨਂ ਪਦਾਨਂ ਮਜ੍ਝੇ વੁਤ੍ਤਂ। ਤਤ੍ਥ ਪੁਰਿਮਪਦਾਪੇਕ੍ਖਕਾਲੇ વੁਤ੍ਤਕਮ੍ਮਂ, ਪਚ੍ਛਿਮਪਦਾਪੇਕ੍ਖਕਾਲੇ ਅવੁਤ੍ਤਕਮ੍ਮਂ। ਸੋਤਿ ਸਾਮਣੇਰੂਪਸਮ੍ਪਨ੍ਨੋ। ਉਪਜ੍ਝਾਯਂ વਾਤਿ ਸਾਮਣੇਰਂ ਸਨ੍ਧਾਯ વੁਤ੍ਤਂ। ਨਿਸ੍ਸਯਂ વਾਤਿ ਉਪਸਮ੍ਪਨ੍ਨਂ ਸਨ੍ਧਾਯ વੁਤ੍ਤਂ।
Apalāḷentīti ettha laḷa upasevāyanti dhātupāṭhesu vuttattā (saddanītidhātumālāyaṃ 18 ḷakārantadhātu) there laḷato upasevato apagamentīti attho daṭṭhabbo. Idha pana adhippāyatthaṃ dassento āha ‘‘tumhāka’’ntiādi. Apalāḷetabbāti aññaṃ laḷato upasevato apagametabbā. Parisabhūte sāmaṇerūpasampanneti yojanā. Ādīnavanti dussīlaṃ nissāya vasanassa dosaṃ. Nhāyituṃ āgatena tayā gūthamakkhanaṃ kataṃ viya dussīlaṃ nissāya viharantena dussīlaṃ katanti yojanā. ‘‘Dussīla’’nti padaṃ purimapacchimapadāpekkhaṃ, tasmā dvinnaṃ padānaṃ majjhe vuttaṃ. Tattha purimapadāpekkhakāle vuttakammaṃ, pacchimapadāpekkhakāle avuttakammaṃ. Soti sāmaṇerūpasampanno. Upajjhāyaṃ vāti sāmaṇeraṃ sandhāya vuttaṃ. Nissayaṃ vāti upasampannaṃ sandhāya vuttaṃ.
ਤੀਸੁ ਨਾਸਨਾਸੂਤਿ ਸਂવਾਸਲਿਙ੍ਗਦਣ੍ਡਕਮ੍ਮਨਾਸਨਸਙ੍ਖਾਤਾਸੁ ਤੀਸੁ ਨਾਸਨਾਸੁ। ਯੋਤਿ ਸਾਮਣੇਰੋ। ਨਾਨਾਆਪਤ੍ਤਿਯੋਤਿ ਪਾਰਾਜਿਕਥੁਲ੍ਲਚ੍ਚਯ ਪਾਚਿਤ੍ਤਿਯਾਪਤ੍ਤਿਯੋ। ਹੀਤਿ ਸਚ੍ਚਂ, ਯਸ੍ਮਾ વਾ। ਕੁਨ੍ਥਕਿਪਿਲ੍ਲਿਕਮ੍ਪੀਤਿ ਏਤ੍ਥ ਪਾਣਖਾਦਕੇਹਿ ਸਤ੍ਤੇਹਿ ਕੁਥਿਯਤਿ ਹਿਂਸਿਯਤੀਤਿ ਕੁਨ੍ਥੋ, ਕੁਂ ਪਥવਿਂ વਾ ਧਾਰੇਤੀਤਿ ਕੁਨ੍ਧੋ।
Tīsunāsanāsūti saṃvāsaliṅgadaṇḍakammanāsanasaṅkhātāsu tīsu nāsanāsu. Yoti sāmaṇero. Nānāāpattiyoti pārājikathullaccaya pācittiyāpattiyo. Hīti saccaṃ, yasmā vā. Kunthakipillikampīti ettha pāṇakhādakehi sattehi kuthiyati hiṃsiyatīti kuntho, kuṃ pathaviṃ vā dhāretīti kundho.
ਕਿਮਿਯੇવ ਪਿਲ੍ਲਿਕਂ ਪੋਤਕਂ ਕਿਪਿਲ੍ਲਿਕਂ ਮਿਕਾਰਸ੍ਸ ਲੋਪਂ ਕਤ੍વਾ। ਪਿਲ੍ਲਿਕਸਦ੍ਦੋ ਹਿ ਪੋਤਕਪਰਿਯਾਯੋ। ਕਿਮੀਨਂ, ਕਿਮੀਸੁ વਾ ਪਿਲ੍ਲਿਕਂ ਕਿਪਿਲ੍ਲਿਕਂ। ਨਾਸੇਤਬ੍ਬਤਂਯੇવਾਤਿ ਲਿਙ੍ਗੇਨ ਨਾਸੇਤਬ੍ਬਭਾવਮੇવ। ਤਾવਦੇવਾਤਿ ਤਸ੍ਮਿਂ ਮਾਰਣਭਿਨ੍ਦਨਕ੍ਖਣੇਯੇવ। ਅਸ੍ਸਾਤਿ ਸਾਮਣੇਰਸ੍ਸ। ਸੇਨਾਸਨਗ੍ਗਾਹੋ ਚ ਪਟਿਪ੍ਪਸ੍ਸਮ੍ਭਤੀਤਿ વਸ੍ਸਚ੍ਛੇਦੋ ਹੋਤੀਤਿ ਅਧਿਪ੍ਪਾਯੋ। ਆਕਿਣ੍ਣਦੋਸੋવਾਤਿ ਲਿਙ੍ਗਨਾਸਨਦੋਸੇਨ ਚ ਦਣ੍ਡਕਮ੍ਮਨਾਸਨਦੋਸੇਨ ਚ ਆਕੁਲਦੋਸੋવ। વਿਰਜ੍ਝਿਤ੍વਾਤਿ વਿਰਾਧੇਤ੍વਾ। ਯਥਾਨਿવਤ੍ਥਪਾਰੁਤਸ੍ਸੇવ ਸਾਮਣੇਰਸ੍ਸਾਤਿ ਸਮ੍ਬਨ੍ਧੋ। ਤਸ੍ਮਾਤਿ ਸਰਣਗਮਨਉਪਸਮ੍ਪਦਕਮ੍ਮવਾਚਾਨਂ ਸਦਿਸਤ੍ਤਾ। ਭਿਕ੍ਖੁਨਾ ਸਮਾਦਿਨ੍ਨਂ વਿਯ ਇਮਿਨਾਪਿ ਸਮਾਦਿਨ੍ਨਾਨੇવ ਹੋਨ੍ਤੀਤਿ ਯੋਜਨਾ। ਏવਨ੍ਤਿ ਏવਮਿਜ੍ਝਨੇ, ਸਮਾਦਿਨ੍ਨੇ વਾ। ਦਲ਼੍ਹੀਕਰਣਤ੍ਥਨ੍ਤਿ ਸਿਕ੍ਖਾਪਦਾਨਂ ਦਲ਼੍ਹੀਕਰਣਤ੍ਥਂ। ਪਤਿਟ੍ਠਾਪਨਤ੍ਥਨ੍ਤਿ ਸਾਮਣੇਰਸ੍ਸ ਪਤਿਟ੍ਠਾਪਨਤ੍ਥਂ। ਲਚ੍ਛਤੀਤਿ ਲਭਿਸ੍ਸਤਿ। ਸਙ੍ਘੇਨ ਦਾਤਬ੍ਬੋਤਿ ਸਮ੍ਬਨ੍ਧੋ। ਅਪਲੋਕੇਤ੍વਾਤਿ ਸਙ੍ਘਂ ਆਪੁਚ੍ਛਿਤ੍વਾ। ਇਮਿਨਾ ਛਿਨ੍ਨવਸ੍ਸਕਂ ਦਸ੍ਸੇਤਿ।
Kimiyeva pillikaṃ potakaṃ kipillikaṃ mikārassa lopaṃ katvā. Pillikasaddo hi potakapariyāyo. Kimīnaṃ, kimīsu vā pillikaṃ kipillikaṃ. Nāsetabbataṃyevāti liṅgena nāsetabbabhāvameva. Tāvadevāti tasmiṃ māraṇabhindanakkhaṇeyeva. Assāti sāmaṇerassa. Senāsanaggāho ca paṭippassambhatīti vassacchedo hotīti adhippāyo. Ākiṇṇadosovāti liṅganāsanadosena ca daṇḍakammanāsanadosena ca ākuladosova. Virajjhitvāti virādhetvā. Yathānivatthapārutasseva sāmaṇerassāti sambandho. Tasmāti saraṇagamanaupasampadakammavācānaṃ sadisattā. Bhikkhunā samādinnaṃ viya imināpi samādinnāneva hontīti yojanā. Evanti evamijjhane, samādinne vā. Daḷhīkaraṇatthanti sikkhāpadānaṃ daḷhīkaraṇatthaṃ. Patiṭṭhāpanatthanti sāmaṇerassa patiṭṭhāpanatthaṃ. Lacchatīti labhissati. Saṅghena dātabboti sambandho. Apaloketvāti saṅghaṃ āpucchitvā. Iminā chinnavassakaṃ dasseti.
ਅਦਿਨ੍ਨਾਦਾਨੇ ਤਿਣਸਲਾਕਮਤ੍ਤੇਨਾਪਿ વਤ੍ਥੁਨਾ ਅਸਮਣੋ ਹੋਤੀਤਿ ਯੋਜਨਾ। વਿਪ੍ਪਟਿਪਤ੍ਤਿਯਾਤਿ વਿਕਾਰੇਨ ਪਟਿਪਜ੍ਜਨਤੋ। ਭਣਿਤੇਤਿ ਭਣਨੇ। ਜਾਨਿਤ੍વਾਤਿ ਜਾਨਿਤ੍વਾ ਏવ। ਏવਕਾਰੋ ਹੇਤ੍ਥ ਅਜ੍ਝਾਹਰਿਤਬ੍ਬੋ, ਤੇਨ વੁਤ੍ਤਂ ‘‘ਨ ਅਜਾਨਿਤ੍વਾ’’ਤਿ। ਯਾਨਿ ਪਞ੍ਚ ਸਿਕ੍ਖਾਪਦਾਨੀਤਿ ਯੋਜਨਾ। ਅਸ੍ਸਾਤਿ ਸਾਮਣੇਰਸ੍ਸ। ਠਪਨਤ੍ਥਾਯਾਤਿ ਸਿਕ੍ਖਾਪਦਾਨਂ ਠਪਨਤ੍ਥਾਯ। ਅਯਨ੍ਤਿ ਪਾਰਾਜਿਕੋ। વਿਸੇਸੋਤਿ ਭਿਕ੍ਖੂਨਂ ਪਾਚਿਤ੍ਤਿਯਤੋ વਿਸੇਸੋ।
Adinnādāne tiṇasalākamattenāpi vatthunā asamaṇo hotīti yojanā. Vippaṭipattiyāti vikārena paṭipajjanato. Bhaṇiteti bhaṇane. Jānitvāti jānitvā eva. Evakāro hettha ajjhāharitabbo, tena vuttaṃ ‘‘na ajānitvā’’ti. Yāni pañca sikkhāpadānīti yojanā. Assāti sāmaṇerassa. Ṭhapanatthāyāti sikkhāpadānaṃ ṭhapanatthāya. Ayanti pārājiko. Visesoti bhikkhūnaṃ pācittiyato viseso.
ਪਟਿਪਕ੍ਖવਸੇਨਾਤਿ ‘‘ਅਨਰਹਂ ਅਸਮ੍ਮਾਸਮ੍ਬੁਦ੍ਧੋ’’ਤਿਆਦਿਨਾ ਚ ‘‘ਦ੍વਾਕ੍ਖਾਤੋ’’ਤਿਆਦਿਨਾ ਚ ‘‘ਦੁਪ੍ਪਟਿਪ੍ਪਨ੍ਨੋ’’ਤਿਆਦਿਨਾ ਚ ਪਟਿવਿਰੁਦ੍ਧવਸੇਨ ਗਰਹਨ੍ਤੋ ਸਾਮਣੇਰੋ ਨਿવਾਰੇਤਬ੍ਬੋਤਿ ਸਮ੍ਬਨ੍ਧੋ। ਕਣ੍ਡਕਨਾਸਨਾਯਾਤਿ ਕਣ੍ਡਕਨਾਮਕਸ੍ਸ ਸਾਮਣੇਰਸ੍ਸ ਦਣ੍ਡਕਮ੍ਮਨਾਸਨਾਯ। ਤਂ ਲਦ੍ਧਿਨ੍ਤਿ ਅવਣ੍ਣਭਾਸਨਦਿਟ੍ਠਿਂ। ਅਚ੍ਚਯਨ੍ਤਿ ਅਤਿਕ੍ਕਮਂ, ਦੋਸਂ વਾ। ਦੇਸਾਪੇਤਬ੍ਬੋਤਿ ‘‘ਅਚ੍ਚਯੋ ਮਂ ਭਨ੍ਤੇ ਅਚ੍ਚਗਮਾ’’ਤਿਆਦਿਨਾ ਦੇਸਾਪੇਤਬ੍ਬਾ। ਤਂ ਯੁਤ੍ਤਨ੍ਤਿ ‘‘ਲਿਙ੍ਗਨਾਸਨਾਯ ਨਾਸੇਤਬ੍ਬੋ’’ਤਿ ਤਂ વਚਨਂ ਪਤਿਰੂਪਂ। ਹੀਤਿ ਸਚ੍ਚਂ, ਯਸ੍ਮਾ વਾ। ਇਧਾਤਿ ਖਨ੍ਧਕੇ, ‘‘ਸਾਮਣੇਰਂ ਨਾਸੇਤੁ’’ਨ੍ਤਿવਚਨੇ વਾ।
Paṭipakkhavasenāti ‘‘anarahaṃ asammāsambuddho’’tiādinā ca ‘‘dvākkhāto’’tiādinā ca ‘‘duppaṭippanno’’tiādinā ca paṭiviruddhavasena garahanto sāmaṇero nivāretabboti sambandho. Kaṇḍakanāsanāyāti kaṇḍakanāmakassa sāmaṇerassa daṇḍakammanāsanāya. Taṃ laddhinti avaṇṇabhāsanadiṭṭhiṃ. Accayanti atikkamaṃ, dosaṃ vā. Desāpetabboti ‘‘accayo maṃ bhante accagamā’’tiādinā desāpetabbā. Taṃ yuttanti ‘‘liṅganāsanāya nāsetabbo’’ti taṃ vacanaṃ patirūpaṃ. Hīti saccaṃ, yasmā vā. Idhāti khandhake, ‘‘sāmaṇeraṃ nāsetu’’ntivacane vā.
‘‘ਏਸੇવ ਨਯੋ’’ਤਿ વੁਤ੍ਤવਚਨਂ ਪਾਕਟਂ ਕਰੋਨ੍ਤੋ ਆਹ ‘‘ਸਸ੍ਸਤੁਚ੍ਛੇਦਾਨਞ੍ਹੀ’’ਤਿਆਦਿ। ਅਞ੍ਞਤਰਦਿਟ੍ਠਿਕੋ ਸਾਮਣੇਰੋਤਿ ਯੋਜਨਾ। ਏਤ੍ਥਾਤਿ ਦਸਸੁ ਨਾਸਨਙ੍ਗੇਸੁ। ‘‘ਕਾਮ’’ਨ੍ਤਿਪਦੇਨ ਪੁਨਰੁਤ੍ਤਿਨਿਰਤ੍ਥਕਦੋਸਾਰੋਪਨੇਨ ਗਰਹਂ ਦਸ੍ਸੇਤਿ। ‘‘ਪਨਾ’’ਤਿਪਦੇਨ ਤੇਸਂ ਦੋਸਾਨਂ ਪਹਾਨੇਨ ਸਮ੍ਭਾવਨਂ ਦਸ੍ਸੇਤਿ। ਅਬ੍ਰਹ੍ਮਚਾਰਿਂ ਸਾਮਣੇਰਨ੍ਤਿ ਸਮ੍ਬਨ੍ਧੋ। ਉਪਸਮ੍ਪਾਦੇਤੁਂ વਟ੍ਟਤੀਤਿ ਉਪਸਮ੍ਪਾਦਨਂ વਟ੍ਟਤਿ। ਭਿਕ੍ਖੁਨਿਦੂਸਕੋ ਸਾਮਣੇਰੋਤਿ ਸਮ੍ਬਨ੍ਧੋ। ਪਬ੍ਬਜ੍ਜਮ੍ਪੀਤਿ ਏਤ੍ਥ ਪਿਸਦ੍ਦਸ੍ਸ ਗਰਹਤ੍ਥਭਾવਂ ਦਸ੍ਸੇਤੁਂ વੁਤ੍ਤਂ ‘‘ਪਗੇવ ਉਪਸਮ੍ਪਦ’’ਨ੍ਤਿ। ਏਤਮਤ੍ਥਨ੍ਤਿ ਏਤਾਦਿਸਮਤ੍ਥਂ।
‘‘Eseva nayo’’ti vuttavacanaṃ pākaṭaṃ karonto āha ‘‘sassatucchedānañhī’’tiādi. Aññataradiṭṭhiko sāmaṇeroti yojanā. Etthāti dasasu nāsanaṅgesu. ‘‘Kāma’’ntipadena punaruttiniratthakadosāropanena garahaṃ dasseti. ‘‘Panā’’tipadena tesaṃ dosānaṃ pahānena sambhāvanaṃ dasseti. Abrahmacāriṃ sāmaṇeranti sambandho. Upasampādetuṃ vaṭṭatīti upasampādanaṃ vaṭṭati. Bhikkhunidūsako sāmaṇeroti sambandho. Pabbajjampīti ettha pisaddassa garahatthabhāvaṃ dassetuṃ vuttaṃ ‘‘pageva upasampada’’nti. Etamatthanti etādisamatthaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੪੪. ਅਨਾਪੁਚ੍ਛਾવਰਣવਤ੍ਥੁ • 44. Anāpucchāvaraṇavatthu
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਅਨਾਪੁਚ੍ਛਾવਰਣવਤ੍ਥੁਆਦਿਕਥਾ • Anāpucchāvaraṇavatthuādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਅਨਾਪੁਚ੍ਛਾવਰਣવਤ੍ਥੁਆਦਿਕਥਾવਣ੍ਣਨਾ • Anāpucchāvaraṇavatthuādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅਨਾਪੁਚ੍ਛਾવਰਣવਤ੍ਥੁਆਦਿਕਥਾવਣ੍ਣਨਾ • Anāpucchāvaraṇavatthuādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਨਾਪੁਚ੍ਛਾવਰਣવਤ੍ਥੁਆਦਿਕਥਾવਣ੍ਣਨਾ • Anāpucchāvaraṇavatthuādikathāvaṇṇanā
