| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
அனாபுச்சா²வரணவத்து²ஆதி³கதா²வண்ணனா
Anāpucchāvaraṇavatthuādikathāvaṇṇanā
108. பரஸ்ஸ து³ஸ்ஸீலபி⁴க்கு²ஸ்ஸபீதி அத்தோ². கேசி ‘‘து³ஸ்ஸீலபி⁴க்கூ²பீ’’தி லிக²ந்தி, தங் ந ஸுந்த³ரங். போராணா பன ‘‘யாவததியங் வுச்சமானோ சே ந ஓரமதி, ஸங்க⁴ங் அபலோகெத்வா நாஸேதப்³போ³, புன பப்³ப³ஜ்ஜங் யாசமானோபி அபலோகெத்வா பப்³பா³ஜேதப்³போ³’’தி வத³ந்தி. பி⁴க்கூ²னங் உபஸம்பத³கம்மவாசாஸதி³ஸந்தி எத்த² ‘‘யதா² உபஸம்பன்னோ ஸிக்க²ங் பச்சக்கா²ய யதா²னிவத்த²பாருதோவ ஹுத்வா பச்சா² உபஸம்பன்னோ புப்³பே³ அத்தனோ நவகதரஸ்ஸ ஸமானவஸ்ஸிகஸ்ஸ புன வந்த³னாதீ³னி கரோதி, ஏவங் ஸாமணேரோபி புன க³ஹிதஸரணோ ததோ புப்³பே³ அத்தனோ நவகதரஸ்ஸ ஸமானவஸ்ஸிகஸ்ஸ ஸாமணேரஸ்ஸ புன வந்த³னாதீ³னி கரோதி. லிங்க³ங் பனெத்த² வுட்³ட⁴தரபா⁴வங் ந ஸாதே⁴தீதி வுத்தங் ஹோதீ’’தி வுத்தங். விகாலபோ⁴ஜனங் ஸாமணேரானங் வீதிக்கமேவாதி ஏகே. ‘‘அச்சயோ மங், ப⁴ந்தே, அச்சாக³மா’’திஆதி³னா நயேன அச்சயங் தே³ஸாபேதப்³போ³. ‘‘தி³ட்டி²யா அனிஸ்ஸஜ்ஜனேன ‘த்வங், ஸாமணேர, க³ச்சா²’தி வுத்தேயேவ பாராஜிகோ ஹோதீ’’தி வுத்தங், ‘‘யாவததியந்தி வுத்தத்தா பு³த்³தா⁴தீ³னங் அவண்ணபா⁴ஸிதமத்தேன ச தி³ட்டி²க்³க³ஹிதமத்தேன ச ஸரணானி ந பி⁴ஜ்ஜந்தீதி வுத்தங் ஹோதீ’’தி வத³ந்தி. ஏவங் ஸந்தே பாணாதிபாதாதி³ங் கரொந்தஸ்ஸாபி தங் ஸம்போ⁴தீதி மம தக்கோ. ‘‘நிஸ்ஸீலஸ்ஸ புன நாஸனா வுத்தா’’தி ச கேசி வத³ந்தி, தங் யுத்தங் விய. ந ஹி ப⁴க³வா ஸீலவந்தஸ்ஸ லிங்க³னாஸனங் அனுஜானாதீதி விசாரேதப்³ப³ங், பி⁴க்கு²னிதூ³ஸகாபதே³ஸேன ப⁴ப்³பா³ப⁴ப்³பே³ ஸங்க³ண்ஹாதீதி போராணா. ‘‘பப்³ப³ஜ்ஜம்பி ந லப⁴தீதி யதா² செத்த² அயமத்தோ² த³ஸ்ஸிதோ, ததா² ‘பண்ட³கோ, பி⁴க்க²வே, அனுபஸம்பன்னோ ந உபஸம்பாதே³தப்³போ³, உபஸம்பன்னோ நாஸேதப்³போ³’தி (மஹாவ॰ 109) ஆதி³னா நயேன வுத்தானம்பி பப்³ப³ஜ்ஜங் நத்தீ²தி தீ³பிதங் ஹோதி. ந ஹி இத³ங் டா²னங் ட²பெத்வா தேஸங் பப்³ப³ஜ்ஜாய வாரிதட்டா²னங் அத்தி². ‘பி⁴க்கு²னிதூ³ஸகோ, பி⁴க்க²வே, அனுபஸம்பன்னோ ந உபஸம்பாதே³தப்³போ³, உபஸம்பன்னோ நாஸேதப்³போ³’தி (மஹாவ॰ 114) வுத்தேனபி ஸமானத்தா தஸ்ஸ பப்³ப³ஜ்ஜா விய தேஸம்பி பப்³ப³ஜ்ஜா வாரிதாவ ஹோதீதிபி த³ஸ்ஸேதுங் புன பி⁴க்கு²னிதூ³ஸகோதி க³ஹிதந்தி அபரே’’தி வுத்தங். கிங் இமினா? நனு அட்ட²கதா²யங் வுத்தங் ‘‘யஸ்ஸ செத்த² பப்³ப³ஜ்ஜா வாரிதா, தங் ஸந்தா⁴ய இத³ங் வுத்தங் அனுபஸம்பன்னோ ந உபஸம்பாதே³தப்³போ³, உபஸம்பன்னோ நாஸேதப்³போ³’’தி.
108. Parassa dussīlabhikkhussapīti attho. Keci ‘‘dussīlabhikkhūpī’’ti likhanti, taṃ na sundaraṃ. Porāṇā pana ‘‘yāvatatiyaṃ vuccamāno ce na oramati, saṅghaṃ apaloketvā nāsetabbo, puna pabbajjaṃ yācamānopi apaloketvā pabbājetabbo’’ti vadanti. Bhikkhūnaṃ upasampadakammavācāsadisanti ettha ‘‘yathā upasampanno sikkhaṃ paccakkhāya yathānivatthapārutova hutvā pacchā upasampanno pubbe attano navakatarassa samānavassikassa puna vandanādīni karoti, evaṃ sāmaṇeropi puna gahitasaraṇo tato pubbe attano navakatarassa samānavassikassa sāmaṇerassa puna vandanādīni karoti. Liṅgaṃ panettha vuḍḍhatarabhāvaṃ na sādhetīti vuttaṃ hotī’’ti vuttaṃ. Vikālabhojanaṃ sāmaṇerānaṃ vītikkamevāti eke. ‘‘Accayo maṃ, bhante, accāgamā’’tiādinā nayena accayaṃ desāpetabbo. ‘‘Diṭṭhiyā anissajjanena ‘tvaṃ, sāmaṇera, gacchā’ti vutteyeva pārājiko hotī’’ti vuttaṃ, ‘‘yāvatatiyanti vuttattā buddhādīnaṃ avaṇṇabhāsitamattena ca diṭṭhiggahitamattena ca saraṇāni na bhijjantīti vuttaṃ hotī’’ti vadanti. Evaṃ sante pāṇātipātādiṃ karontassāpi taṃ sambhotīti mama takko. ‘‘Nissīlassa puna nāsanā vuttā’’ti ca keci vadanti, taṃ yuttaṃ viya. Na hi bhagavā sīlavantassa liṅganāsanaṃ anujānātīti vicāretabbaṃ, bhikkhunidūsakāpadesena bhabbābhabbe saṅgaṇhātīti porāṇā. ‘‘Pabbajjampi na labhatīti yathā cettha ayamattho dassito, tathā ‘paṇḍako, bhikkhave, anupasampanno na upasampādetabbo, upasampanno nāsetabbo’ti (mahāva. 109) ādinā nayena vuttānampi pabbajjaṃ natthīti dīpitaṃ hoti. Na hi idaṃ ṭhānaṃ ṭhapetvā tesaṃ pabbajjāya vāritaṭṭhānaṃ atthi. ‘Bhikkhunidūsako, bhikkhave, anupasampanno na upasampādetabbo, upasampanno nāsetabbo’ti (mahāva. 114) vuttenapi samānattā tassa pabbajjā viya tesampi pabbajjā vāritāva hotītipi dassetuṃ puna bhikkhunidūsakoti gahitanti apare’’ti vuttaṃ. Kiṃ iminā? Nanu aṭṭhakathāyaṃ vuttaṃ ‘‘yassa cettha pabbajjā vāritā, taṃ sandhāya idaṃ vuttaṃ anupasampanno na upasampādetabbo, upasampanno nāsetabbo’’ti.
அனாபுச்சா²வரணவத்து²ஆதி³கதா²வண்ணனா நிட்டி²தா.
Anāpucchāvaraṇavatthuādikathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 44. அனாபுச்சா²வரணவத்து² • 44. Anāpucchāvaraṇavatthu
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / அனாபுச்சா²வரணவத்து²ஆதி³கதா² • Anāpucchāvaraṇavatthuādikathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / அனாபுச்சா²வரணவத்து²ஆதி³கதா²வண்ணனா • Anāpucchāvaraṇavatthuādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / அனாபுச்சா²வரணவத்து²ஆதி³கதா²வண்ணனா • Anāpucchāvaraṇavatthuādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 43. அனாபுச்சா²வரணவத்து²ஆதி³கதா² • 43. Anāpucchāvaraṇavatthuādikathā
