| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
анаабужчааваран̣авад̇т̇уаад̣̇игат̇ааван̣н̣анаа
Anāpucchāvaraṇavatthuādikathāvaṇṇanā
108. барасса д̣̇уссийлабхигкуссабийд̇и ад̇т̇о. гзжи ‘‘д̣̇уссийлабхигкуубий’’д̇и ликанд̇и, д̇ам̣ на сунд̣̇арам̣. бораан̣аа бана ‘‘яаавад̇ад̇ияам̣ вужжамаано жз на орамад̇и, сан̇гхам̣ абалогзд̇ваа наасзд̇аб̣б̣о, буна баб̣б̣аж̇ж̇ам̣ яаажамааноби абалогзд̇ваа баб̣б̣ааж̇зд̇аб̣б̣о’’д̇и вад̣̇анд̇и. бхигкуунам̣ убасамбад̣̇агаммаваажаасад̣̇исанд̇и зд̇т̇а ‘‘яат̇аа убасамбанно сигкам̣ бажжагкааяа яат̇аанивад̇т̇абааруд̇ова худ̇ваа бажчаа убасамбанно буб̣б̣з ад̇д̇ано навагад̇арасса самаанавассигасса буна ванд̣̇анаад̣̇ийни гарод̇и, звам̣ сааман̣зроби буна г̇ахид̇асаран̣о д̇ад̇о буб̣б̣з ад̇д̇ано навагад̇арасса самаанавассигасса сааман̣зрасса буна ванд̣̇анаад̣̇ийни гарод̇и. лин̇г̇ам̣ банзд̇т̇а вуд̣дхад̇арабхаавам̣ на саад̇хзд̇ийд̇и вуд̇д̇ам̣ ход̇ий’’д̇и вуд̇д̇ам̣. вигаалабхож̇анам̣ сааман̣зраанам̣ вийд̇иггамзваад̇и згз. ‘‘ажжаяо мам̣, бханд̇з, ажжааг̇амаа’’д̇иаад̣̇инаа наязна ажжаяам̣ д̣̇зсаабзд̇аб̣б̣о. ‘‘д̣̇идтияаа аниссаж̇ж̇анзна ‘д̇вам̣, сааман̣зра, г̇ажчаа’д̇и вуд̇д̇зязва баарааж̇иго ход̇ий’’д̇и вуд̇д̇ам̣, ‘‘яаавад̇ад̇ияанд̇и вуд̇д̇ад̇д̇аа б̣уд̣̇д̇хаад̣̇ийнам̣ аван̣н̣абхаасид̇амад̇д̇зна жа д̣̇идтиг̇г̇ахид̇амад̇д̇зна жа саран̣аани на бхиж̇ж̇анд̇ийд̇и вуд̇д̇ам̣ ход̇ий’’д̇и вад̣̇анд̇и. звам̣ санд̇з баан̣аад̇ибаад̇аад̣̇им̣ гаронд̇ассааби д̇ам̣ самбход̇ийд̇и мама д̇агго. ‘‘ниссийласса буна наасанаа вуд̇д̇аа’’д̇и жа гзжи вад̣̇анд̇и, д̇ам̣ яуд̇д̇ам̣ вияа. на хи бхаг̇аваа сийлаванд̇асса лин̇г̇анаасанам̣ ануж̇аанаад̇ийд̇и вижаарзд̇аб̣б̣ам̣, бхигкунид̣̇уусагаабад̣̇зсзна бхаб̣б̣аабхаб̣б̣з сан̇г̇ан̣хаад̇ийд̇и бораан̣аа. ‘‘баб̣б̣аж̇ж̇амби на лабхад̇ийд̇и яат̇аа жзд̇т̇а аяамад̇т̇о д̣̇ассид̇о, д̇ат̇аа ‘бан̣д̣аго, бхигкавз, анубасамбанно на убасамбаад̣̇зд̇аб̣б̣о, убасамбанно наасзд̇аб̣б̣о’д̇и (махаава. 109) аад̣̇инаа наязна вуд̇д̇аанамби баб̣б̣аж̇ж̇ам̣ над̇т̇ийд̇и д̣̇ийбид̇ам̣ ход̇и. на хи ид̣̇ам̣ таанам̣ табзд̇ваа д̇зсам̣ баб̣б̣аж̇ж̇ааяа ваарид̇адтаанам̣ ад̇т̇и. ‘бхигкунид̣̇уусаго, бхигкавз, анубасамбанно на убасамбаад̣̇зд̇аб̣б̣о, убасамбанно наасзд̇аб̣б̣о’д̇и (махаава. 114) вуд̇д̇знаби самаанад̇д̇аа д̇асса баб̣б̣аж̇ж̇аа вияа д̇зсамби баб̣б̣аж̇ж̇аа ваарид̇аава ход̇ийд̇иби д̣̇ассзд̇ум̣ буна бхигкунид̣̇уусагод̇и г̇ахид̇анд̇и абарз’’д̇и вуд̇д̇ам̣. гим̣ иминаа? нану адтагат̇ааяам̣ вуд̇д̇ам̣ ‘‘яасса жзд̇т̇а баб̣б̣аж̇ж̇аа ваарид̇аа, д̇ам̣ санд̇хааяа ид̣̇ам̣ вуд̇д̇ам̣ анубасамбанно на убасамбаад̣̇зд̇аб̣б̣о, убасамбанно наасзд̇аб̣б̣о’’д̇и.
108. Parassa dussīlabhikkhussapīti attho. Keci ‘‘dussīlabhikkhūpī’’ti likhanti, taṃ na sundaraṃ. Porāṇā pana ‘‘yāvatatiyaṃ vuccamāno ce na oramati, saṅghaṃ apaloketvā nāsetabbo, puna pabbajjaṃ yācamānopi apaloketvā pabbājetabbo’’ti vadanti. Bhikkhūnaṃ upasampadakammavācāsadisanti ettha ‘‘yathā upasampanno sikkhaṃ paccakkhāya yathānivatthapārutova hutvā pacchā upasampanno pubbe attano navakatarassa samānavassikassa puna vandanādīni karoti, evaṃ sāmaṇeropi puna gahitasaraṇo tato pubbe attano navakatarassa samānavassikassa sāmaṇerassa puna vandanādīni karoti. Liṅgaṃ panettha vuḍḍhatarabhāvaṃ na sādhetīti vuttaṃ hotī’’ti vuttaṃ. Vikālabhojanaṃ sāmaṇerānaṃ vītikkamevāti eke. ‘‘Accayo maṃ, bhante, accāgamā’’tiādinā nayena accayaṃ desāpetabbo. ‘‘Diṭṭhiyā anissajjanena ‘tvaṃ, sāmaṇera, gacchā’ti vutteyeva pārājiko hotī’’ti vuttaṃ, ‘‘yāvatatiyanti vuttattā buddhādīnaṃ avaṇṇabhāsitamattena ca diṭṭhiggahitamattena ca saraṇāni na bhijjantīti vuttaṃ hotī’’ti vadanti. Evaṃ sante pāṇātipātādiṃ karontassāpi taṃ sambhotīti mama takko. ‘‘Nissīlassa puna nāsanā vuttā’’ti ca keci vadanti, taṃ yuttaṃ viya. Na hi bhagavā sīlavantassa liṅganāsanaṃ anujānātīti vicāretabbaṃ, bhikkhunidūsakāpadesena bhabbābhabbe saṅgaṇhātīti porāṇā. ‘‘Pabbajjampi na labhatīti yathā cettha ayamattho dassito, tathā ‘paṇḍako, bhikkhave, anupasampanno na upasampādetabbo, upasampanno nāsetabbo’ti (mahāva. 109) ādinā nayena vuttānampi pabbajjaṃ natthīti dīpitaṃ hoti. Na hi idaṃ ṭhānaṃ ṭhapetvā tesaṃ pabbajjāya vāritaṭṭhānaṃ atthi. ‘Bhikkhunidūsako, bhikkhave, anupasampanno na upasampādetabbo, upasampanno nāsetabbo’ti (mahāva. 114) vuttenapi samānattā tassa pabbajjā viya tesampi pabbajjā vāritāva hotītipi dassetuṃ puna bhikkhunidūsakoti gahitanti apare’’ti vuttaṃ. Kiṃ iminā? Nanu aṭṭhakathāyaṃ vuttaṃ ‘‘yassa cettha pabbajjā vāritā, taṃ sandhāya idaṃ vuttaṃ anupasampanno na upasampādetabbo, upasampanno nāsetabbo’’ti.
анаабужчааваран̣авад̇т̇уаад̣̇игат̇ааван̣н̣анаа нидтид̇аа.
Anāpucchāvaraṇavatthuādikathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 44. анаабужчааваран̣авад̇т̇у • 44. Anāpucchāvaraṇavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / анаабужчааваран̣авад̇т̇уаад̣̇игат̇аа • Anāpucchāvaraṇavatthuādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / анаабужчааваран̣авад̇т̇уаад̣̇игат̇ааван̣н̣анаа • Anāpucchāvaraṇavatthuādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / анаабужчааваран̣авад̇т̇уаад̣̇игат̇ааван̣н̣анаа • Anāpucchāvaraṇavatthuādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 43. анаабужчааваран̣авад̇т̇уаад̣̇игат̇аа • 43. Anāpucchāvaraṇavatthuādikathā
