| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
анаабужчааваран̣авад̇т̇уаад̣̇игат̇ааван̣н̣анаа
Anāpucchāvaraṇavatthuādikathāvaṇṇanā
108. сад̣̇д̇хивихааригаанд̇зваасигаанамбийд̇и убасамбаннз санд̇хааяа вуд̇д̇ам̣. д̇зсуби хи аажарияубаж̇жхааязсу яат̇аа ораманд̇и, д̇ат̇аа д̇зсам̣ ниг̇г̇ахам̣ агаронд̇зсу ан̃н̃зхи ааваран̣аад̣̇иниг̇г̇ахагаммам̣ гаад̇аб̣б̣амзва. сан̇г̇ан̣ханд̇ийд̇и ‘‘барабарисад̇о бхинд̣̇ид̇ваа г̇ан̣хиссаамий’’д̇и д̣̇аанаад̣̇ижад̇уухи сан̇г̇ахавад̇т̇уухи (д̣̇ий. ни. 3.210; а. ни. 4.32, 256) убалаал̣анавасзна сан̇г̇ан̣ханд̇и. со бхиж̇ж̇ад̇у ваа маа ваа, сан̇г̇ан̣ханд̇асса баяог̇з аабад̇д̇и зва. бхинд̣̇ид̇ваа г̇ан̣хид̇ум̣ на ваддад̇ийд̇и бхинд̣̇ид̇умби на ваддад̇и, г̇ан̣хид̇умби на ваддад̇ийд̇и ад̇т̇о. аад̣̇ийнавам̣ бана вад̇д̇ум̣ ваддад̇ийд̇и саасанаг̇ааравзна ваа бараануд̣̇д̣̇аяад̇ааяа ваа вад̇д̇ум̣ ваддад̇и, на барисалолад̇ааяа.
108.Saddhivihārikaantevāsikānampīti upasampanne sandhāya vuttaṃ. Tesupi hi ācariyupajjhāyesu yathā oramanti, tathā tesaṃ niggahaṃ akarontesu aññehi āvaraṇādiniggahakammaṃ kātabbameva. Saṅgaṇhantīti ‘‘paraparisato bhinditvā gaṇhissāmī’’ti dānādicatūhi saṅgahavatthūhi (dī. ni. 3.210; a. ni. 4.32, 256) upalāḷanavasena saṅgaṇhanti. So bhijjatu vā mā vā, saṅgaṇhantassa payoge āpatti eva. Bhinditvā gaṇhituṃ na vaṭṭatīti bhinditumpi na vaṭṭati, gaṇhitumpi na vaṭṭatīti attho. Ādīnavaṃ pana vattuṃ vaṭṭatīti sāsanagāravena vā parānuddayatāya vā vattuṃ vaṭṭati, na parisalolatāya.
‘‘сзнаасанаг̇г̇аахо жа бадиббассамбхад̇ий’’д̇и иминаа вассажчзд̣̇ам̣ д̣̇ассзд̇и. убасамбаннаанамби баарааж̇игасамаабад̇д̇ияаа саран̣аг̇аманаад̣̇исааман̣зрабхаавассааби винассанад̇о сзнаасанаг̇г̇аахо жа бадиббассамбхад̇и, сан̇гхалаабхамби д̇з на лабханд̇ийд̇и взд̣̇ид̇аб̣б̣ам̣. буримигааяа буна саран̣аани г̇ахид̇аанийд̇и саран̣аг̇г̇ахан̣зна саха д̇ад̣̇ахзвасса вассуубаг̇аманамби д̣̇ассзд̇и. бажчимигааяа вассааваасиганд̇и вассааваасигалаабхаг̇г̇ахан̣ад̣̇ассанамад̇д̇амзвзд̇ам̣, д̇ад̇о бурзби, бажчааби ваа вассааваасиган̃жа жийварамаасзсу сан̇гхз уббаннам̣ гаалажийваран̃жа буримигааяа убаг̇анд̇ваа авибаннасийло сааман̣зро лабхад̇и зва. сажз бажчимигааяа г̇ахид̇аанийд̇и бажчимигааяа вассуубаг̇аманан̃жа чиннавассад̇ан̃жа д̣̇ассзд̇и. д̇асса хи гаалажийварз бхааг̇о на баабун̣аад̇и. д̇асмаа ‘‘абалогзд̇ваа лаабхо д̣̇аад̇аб̣б̣о’’д̇и вуд̇д̇ам̣.
‘‘Senāsanaggāho ca paṭippassambhatī’’ti iminā vassacchedaṃ dasseti. Upasampannānampi pārājikasamāpattiyā saraṇagamanādisāmaṇerabhāvassāpi vinassanato senāsanaggāho ca paṭippassambhati, saṅghalābhampi te na labhantīti veditabbaṃ. Purimikāya puna saraṇāni gahitānīti saraṇaggahaṇena saha tadahevassa vassūpagamanampi dasseti. Pacchimikāya vassāvāsikanti vassāvāsikalābhaggahaṇadassanamattamevetaṃ, tato purepi, pacchāpi vā vassāvāsikañca cīvaramāsesu saṅghe uppannaṃ kālacīvarañca purimikāya upagantvā avipannasīlo sāmaṇero labhati eva. Sace pacchimikāya gahitānīti pacchimikāya vassūpagamanañca chinnavassatañca dasseti. Tassa hi kālacīvare bhāgo na pāpuṇāti. Tasmā ‘‘apaloketvā lābho dātabbo’’ti vuttaṃ.
вассааваасигалаабхо бана яад̣̇и сзнаасанасаамигаа д̣̇ааяагаа сзнаасанаг̇уд̇д̇ад̇т̇ааяа бажчимигааяа убаг̇анд̇ваа вад̇д̇ам̣ гад̇ваа ад̇д̇ано сзнаасанз васанд̇ассаби вассааваасигам̣ д̣̇аад̇аб̣б̣анд̇и вад̣̇анд̇и, анабалогзд̇вааби д̣̇аад̇аб̣б̣ова. яам̣ бана саарад̇т̇ад̣̇ийбанияам̣ ‘‘бажчимигааяа вассааваасигам̣ лажчад̇ийд̇и бажчимигааяа буна вассам̣ убаг̇ад̇ад̇д̇аа лажчад̇ий’’д̇и (саарад̇т̇а. дий. махааваг̇г̇а 3.108) вуд̇д̇ам̣, д̇амби вассааваасигз д̣̇ааяагаанам̣ имам̣ ад̇хиббааяам̣ ниссааяа вуд̇д̇ан̃жз, сунд̣̇арам̣. сан̇гхигам̣, гаалажийварамби санд̇хааяа вуд̇д̇ан̃жз, на яуж̇ж̇ад̇ийд̇и взд̣̇ид̇аб̣б̣ам̣.
Vassāvāsikalābho pana yadi senāsanasāmikā dāyakā senāsanaguttatthāya pacchimikāya upagantvā vattaṃ katvā attano senāsane vasantassapi vassāvāsikaṃ dātabbanti vadanti, anapaloketvāpi dātabbova. Yaṃ pana sāratthadīpaniyaṃ ‘‘pacchimikāya vassāvāsikaṃ lacchatīti pacchimikāya puna vassaṃ upagatattā lacchatī’’ti (sārattha. ṭī. mahāvagga 3.108) vuttaṃ, tampi vassāvāsike dāyakānaṃ imaṃ adhippāyaṃ nissāya vuttañce, sundaraṃ. Saṅghikaṃ, kālacīvarampi sandhāya vuttañce, na yujjatīti veditabbaṃ.
на аж̇аанид̇ваад̇и ‘‘сураа’’д̇и аж̇аанид̇ваа бивад̇о баан̣аад̇ибаад̇авзраман̣иаад̣̇исаб̣б̣асийлабхзд̣̇ам̣, саран̣абхзд̣̇ан̃жа на аабаж̇ж̇ад̇и, агусалам̣ бана сураабаанавзраман̣исийлабхзд̣̇о жа ход̇и маалаад̣̇ид̇хааран̣аад̣̇ийсу вияаад̇и д̣̇адтаб̣б̣ам̣. ид̇араанийд̇и вигаалабхож̇анавзраман̣иаад̣̇ийни. д̇ааниби хи сан̃жижжа вийд̇иггаманд̇асса д̇ам̣ д̇ам̣ бхиж̇ж̇ад̇и зва, ид̇арийд̇арзсам̣ бана абхиж̇ж̇амаанзна наасанан̇г̇аани на хонд̇и. д̇знзва ‘‘д̇зсу бхиннзсуу’’д̇и бхзд̣̇аважанам̣ вуд̇д̇ам̣.
Na ajānitvāti ‘‘surā’’ti ajānitvā pivato pāṇātipātaveramaṇiādisabbasīlabhedaṃ, saraṇabhedañca na āpajjati, akusalaṃ pana surāpānaveramaṇisīlabhedo ca hoti mālādidhāraṇādīsu viyāti daṭṭhabbaṃ. Itarānīti vikālabhojanaveramaṇiādīni. Tānipi hi sañcicca vītikkamantassa taṃ taṃ bhijjati eva, itarītaresaṃ pana abhijjamānena nāsanaṅgāni na honti. Teneva ‘‘tesu bhinnesū’’ti bhedavacanaṃ vuttaṃ.
ажжаяам̣ д̣̇зсаабзд̇аб̣б̣од̇и ‘‘ажжаяо мам̣, бханд̇з, ажжаг̇амаа’’д̇иаад̣̇инаа сан̇гхамаж̇жхз д̣̇зсаабзд̇ваа саран̣асийлам̣ д̣̇аад̇аб̣б̣анд̇и ад̇хиббааяо баарааж̇игад̇д̇аа д̇зсам̣. д̇знааха ‘‘лин̇г̇анаасанааяа наасзд̇аб̣б̣о’’д̇и. аяамзва хи наасанаа ид̇ха ад̇хиббзд̇аад̇и лин̇г̇анаасанаагааран̣зхи баан̣аад̇ибаад̇аад̣̇ийхи аван̣н̣абхаасанаад̣̇ийнам̣ саха бад̇ид̇ад̇д̇аа вуд̇д̇ам̣.
Accayaṃdesāpetabboti ‘‘accayo maṃ, bhante, accagamā’’tiādinā saṅghamajjhe desāpetvā saraṇasīlaṃ dātabbanti adhippāyo pārājikattā tesaṃ. Tenāha ‘‘liṅganāsanāya nāsetabbo’’ti. Ayameva hi nāsanā idha adhippetāti liṅganāsanākāraṇehi pāṇātipātādīhi avaṇṇabhāsanādīnaṃ saha patitattā vuttaṃ.
нану жа ган̣дагасааман̣зроби мижчаад̣̇идтиго зва, д̇асса жа хздтаа д̣̇ан̣д̣агамманаасанаава вуд̇д̇аа. ид̇ха бана мижчаад̣̇идтигасса лин̇г̇анаасанаа вужжад̇и, го имзсам̣ бхзд̣̇од̇и жод̣̇анам̣ манаси нид̇хааяааха ‘‘сассад̇ужчзд̣̇аанан̃хи ан̃н̃ад̇арад̣̇идтиго’’д̇и. зд̇т̇а жааяамад̇хиббааяо – яо хи ‘‘ад̇д̇аа иссаро ваа нижжо д̇хуво’’д̇иаад̣̇инаа ваа ‘‘ад̇д̇аа ужчиж̇ж̇иссад̇и винассиссад̇ий’’д̇иаад̣̇инаа ваа д̇ид̇т̇ияабаригаббид̇ам̣ яам̣ гин̃жи сассад̇ужчзд̣̇ад̣̇идтим̣ д̣̇ал̣хам̣ г̇ахзд̇ваа вохарад̇и, д̇асса саа баарааж̇игадтаанам̣ ход̇и. со жа лин̇г̇анаасанааяа наасзд̇аб̣б̣о. яо бана ийд̣̇исам̣ д̣̇идтим̣ аг̇г̇ахзд̇ваа саасанигова худ̇ваа гзвалам̣ б̣уд̣̇д̇хаважанаад̇хиббааяам̣ вибарийд̇ад̇о г̇ахзд̇ваа бхигкуухи овад̣̇ияамааноби аббадиниссаж̇ж̇ид̇ваа вохарад̇и, д̇асса саа д̣̇идти баарааж̇игам̣ на ход̇и, со бана ган̣даганаасанааяа зва наасзд̇аб̣б̣од̇и.
Nanu ca kaṇṭakasāmaṇeropi micchādiṭṭhiko eva, tassa ca heṭṭhā daṇḍakammanāsanāva vuttā. Idha pana micchādiṭṭhikassa liṅganāsanā vuccati, ko imesaṃ bhedoti codanaṃ manasi nidhāyāha ‘‘sassatucchedānañhi aññataradiṭṭhiko’’ti. Ettha cāyamadhippāyo – yo hi ‘‘attā issaro vā nicco dhuvo’’tiādinā vā ‘‘attā ucchijjissati vinassissatī’’tiādinā vā titthiyaparikappitaṃ yaṃ kiñci sassatucchedadiṭṭhiṃ daḷhaṃ gahetvā voharati, tassa sā pārājikaṭṭhānaṃ hoti. So ca liṅganāsanāya nāsetabbo. Yo pana īdisaṃ diṭṭhiṃ aggahetvā sāsanikova hutvā kevalaṃ buddhavacanādhippāyaṃ viparītato gahetvā bhikkhūhi ovadiyamānopi appaṭinissajjitvā voharati, tassa sā diṭṭhi pārājikaṃ na hoti, so pana kaṇṭakanāsanāya eva nāsetabboti.
анаабужчааваран̣авад̇т̇уаад̣̇игат̇ааван̣н̣анаа нидтид̇аа.
Anāpucchāvaraṇavatthuādikathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 44. анаабужчааваран̣авад̇т̇у • 44. Anāpucchāvaraṇavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / анаабужчааваран̣авад̇т̇уаад̣̇игат̇аа • Anāpucchāvaraṇavatthuādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / анаабужчааваран̣авад̇т̇уаад̣̇игат̇ааван̣н̣анаа • Anāpucchāvaraṇavatthuādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / анаабужчааваран̣авад̇т̇уаад̣̇игат̇ааван̣н̣анаа • Anāpucchāvaraṇavatthuādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 43. анаабужчааваран̣авад̇т̇уаад̣̇игат̇аа • 43. Anāpucchāvaraṇavatthuādikathā
