| Library / Tipiṭaka / ཏིཔིཊཀ • Tipiṭaka / སཱརཏྠདཱིཔནཱི-ཊཱིཀཱ • Sāratthadīpanī-ṭīkā |
ཨནཱཔུཙྪཱཝརཎཝཏྠུཨཱདིཀཐཱཝཎྞནཱ
Anāpucchāvaraṇavatthuādikathāvaṇṇanā
༡༠༨. དཎྜཀམྨམསྶ ཀརོཐཱཏི ཨསྶ དཎྜཀམྨཾ ཡོཛེཐ ཨཱཎཱཔེཐ། དཎྜཀམྨནྟི ཝཱ ནིགྒཧཀམྨཾ, ཏསྨཱ ནིགྒཧམསྶ ཀརོཐཱཏི ཝུཏྟཾ ཧོཏི། ཨེས ནཡོ སབྦཏྠ ཨཱིདིསེསུ ཋཱནེསུ། སེནཱསནགྒཱཧོ ཙ པཊིཔྤསྶམྦྷཏཱིཏི ཨིམིནཱ ཙ ཚིནྣཝསྶོ ཙ ཧོཏཱིཏི དཱིཔེཏི། སཙེ ཨཱཀིཎྞདོསོཝ ཧོཏི, ཨཱཡཏིཾ སཾཝརེ ན ཏིཊྛཏི, ནིཀྐཌྜྷིཏབྦོཏི ཨེཏྠ སཙེ ཡཱཝཏཏིཡཾ ཝུཙྩམཱནོ ན ཨོརམཏི, སངྒྷཾ ཨཔལོཀེཏྭཱ ནཱསེཏབྦོ། པུན པབྦཛྫཾ ཡཱཙམཱནོཔི ཨཔལོཀེཏྭཱ པབྦཱཛེཏབྦོཏི ཝདནྟི། པཙྪིམིཀཱཡ ཝསྶཱཝཱསིཀཾ ལཙྪཏཱིཏི པཙྪིམིཀཱཡ པུན ཝསྶཾ ཨུཔགཏཏྟཱ ལཙྪཏི། ཨཔལོཀེཏྭཱ ལཱབྷོ དཱཏབྦོཏི ཚིནྣཝསྶཏཱཡ ཝུཏྟཾ། ཨིཏརཱནི པཉྩ སིཀྑཱཔདཱནཱིཏི ཝིཀཱལབྷོཛནཱདཱིནི པཉྩ། ཨཙྩཡཾ དེསཱཔེཏབྦོཏི ‘‘ཨཙྩཡོ མཾ, བྷནྟེ, ཨཙྩགམཱ’’ཏིཨཱདིནཱ ནཡེན དེསཱཔེཏབྦོ།
108.Daṇḍakammamassa karothāti assa daṇḍakammaṃ yojetha āṇāpetha. Daṇḍakammanti vā niggahakammaṃ, tasmā niggahamassa karothāti vuttaṃ hoti. Esa nayo sabbattha īdisesu ṭhānesu. Senāsanaggāho ca paṭippassambhatīti iminā ca chinnavasso ca hotīti dīpeti. Sace ākiṇṇadosova hoti, āyatiṃ saṃvare na tiṭṭhati, nikkaḍḍhitabboti ettha sace yāvatatiyaṃ vuccamāno na oramati, saṅghaṃ apaloketvā nāsetabbo. Puna pabbajjaṃ yācamānopi apaloketvā pabbājetabboti vadanti. Pacchimikāya vassāvāsikaṃ lacchatīti pacchimikāya puna vassaṃ upagatattā lacchati. Apaloketvā lābho dātabboti chinnavassatāya vuttaṃ. Itarāni pañca sikkhāpadānīti vikālabhojanādīni pañca. Accayaṃ desāpetabboti ‘‘accayo maṃ, bhante, accagamā’’tiādinā nayena desāpetabbo.
ཨནཱཔུཙྪཱཝརཎཝཏྠུཨཱདིཀཐཱཝཎྞནཱ ནིཊྛིཏཱ།
Anāpucchāvaraṇavatthuādikathāvaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi / ༤༤. ཨནཱཔུཙྪཱཝརཎཝཏྠུ • 44. Anāpucchāvaraṇavatthu
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / ཨནཱཔུཙྪཱཝརཎཝཏྠུཨཱདིཀཐཱ • Anāpucchāvaraṇavatthuādikathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཨནཱཔུཙྪཱཝརཎཝཏྠུཨཱདིཀཐཱཝཎྞནཱ • Anāpucchāvaraṇavatthuādikathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཨནཱཔུཙྪཱཝརཎཝཏྠུཨཱདིཀཐཱཝཎྞནཱ • Anāpucchāvaraṇavatthuādikathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༤༣. ཨནཱཔུཙྪཱཝརཎཝཏྠུཨཱདིཀཐཱ • 43. Anāpucchāvaraṇavatthuādikathā
