| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৩. অনাসৰকথাৰণ্ণনা
3. Anāsavakathāvaṇṇanā
৩৯১. ইদানি অনাসৰকথা নাম হোতি। তত্থ যে ধম্মা অনাসৰস্স অরহতো, সব্বে তে অনাসৰাতি যেসং লদ্ধি, সেয্যথাপি এতরহি উত্তরাপথকানং; তে সন্ধায অরহতোতি পুচ্ছা সকৰাদিস্স, পটিঞ্ঞা ইতরস্স। অথ নং অনাসৰা নাম মগ্গাদযো, কিং তস্স তেযেৰ উপ্পজ্জন্তীতি চোদনত্থং মগ্গো ফলন্তিআদি আরদ্ধং। চক্খু অনাসৰন্তি পুট্ঠো তস্স সাসৰত্তা পটিক্খিপতি। দুতিযং পুট্ঠো অনাসৰস্সেতন্তি পটিজানাতি।
391. Idāni anāsavakathā nāma hoti. Tattha ye dhammā anāsavassa arahato, sabbe te anāsavāti yesaṃ laddhi, seyyathāpi etarahi uttarāpathakānaṃ; te sandhāya arahatoti pucchā sakavādissa, paṭiññā itarassa. Atha naṃ anāsavā nāma maggādayo, kiṃ tassa teyeva uppajjantīti codanatthaṃ maggo phalantiādi āraddhaṃ. Cakkhu anāsavanti puṭṭho tassa sāsavattā paṭikkhipati. Dutiyaṃ puṭṭho anāsavassetanti paṭijānāti.
৩৯২. চীৰরপঞ্হে একোৰ ধম্মো অনাসৰো সাসৰো চ হোতীতি লক্খণৰিরোধভযা পটিক্খিপতি। দুতিযং পুট্ঠো অনাসৰস্স হুত্ৰা সাসৰস্স হোতীতি পটিজানাতি। তঞ্ঞেৰ অনাসৰন্তি পঞ্হাদ্ৰযেপি এসেৰ নযো। সকৰাদী পন তঞ্ঞেৰাতি অনুঞ্ঞাতত্তা ‘‘মগ্গো অনাসৰো হুত্ৰা’’তিআদীহি চোদেতি। ইমিনা উপাযেন সব্বত্থ অত্থো ৰেদিতব্বোতি।
392. Cīvarapañhe ekova dhammo anāsavo sāsavo ca hotīti lakkhaṇavirodhabhayā paṭikkhipati. Dutiyaṃ puṭṭho anāsavassa hutvā sāsavassa hotīti paṭijānāti. Taññeva anāsavanti pañhādvayepi eseva nayo. Sakavādī pana taññevāti anuññātattā ‘‘maggo anāsavo hutvā’’tiādīhi codeti. Iminā upāyena sabbattha attho veditabboti.
অনাসৰকথাৰণ্ণনা।
Anāsavakathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (৩৫) ৩. অনাসৰকথা • (35) 3. Anāsavakathā
