| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
3. анаасавагат̇ааван̣н̣анаа
3. Anāsavakathāvaṇṇanā
391. ид̣̇аани анаасавагат̇аа наама ход̇и. д̇ад̇т̇а яз д̇хаммаа анаасавасса арахад̇о, саб̣б̣з д̇з анаасаваад̇и язсам̣ лад̣̇д̇хи, сзяяат̇ааби зд̇арахи уд̇д̇араабат̇агаанам̣; д̇з санд̇хааяа арахад̇од̇и бужчаа сагаваад̣̇исса, бадин̃н̃аа ид̇арасса. ат̇а нам̣ анаасаваа наама маг̇г̇аад̣̇аяо, гим̣ д̇асса д̇зязва уббаж̇ж̇анд̇ийд̇и жод̣̇анад̇т̇ам̣ маг̇г̇о паланд̇иаад̣̇и аарад̣̇д̇хам̣. жагку анаасаванд̇и будто д̇асса саасавад̇д̇аа бадигкибад̇и. д̣̇уд̇ияам̣ будто анаасавассзд̇анд̇и бадиж̇аанаад̇и.
391. Idāni anāsavakathā nāma hoti. Tattha ye dhammā anāsavassa arahato, sabbe te anāsavāti yesaṃ laddhi, seyyathāpi etarahi uttarāpathakānaṃ; te sandhāya arahatoti pucchā sakavādissa, paṭiññā itarassa. Atha naṃ anāsavā nāma maggādayo, kiṃ tassa teyeva uppajjantīti codanatthaṃ maggo phalantiādi āraddhaṃ. Cakkhu anāsavanti puṭṭho tassa sāsavattā paṭikkhipati. Dutiyaṃ puṭṭho anāsavassetanti paṭijānāti.
392. жийварабан̃хз згова д̇хаммо анаасаво саасаво жа ход̇ийд̇и лагкан̣авирод̇хабхаяаа бадигкибад̇и. д̣̇уд̇ияам̣ будто анаасавасса худ̇ваа саасавасса ход̇ийд̇и бадиж̇аанаад̇и. д̇ан̃н̃зва анаасаванд̇и бан̃хаад̣̇ваязби зсзва наяо. сагаваад̣̇ий бана д̇ан̃н̃зваад̇и анун̃н̃аад̇ад̇д̇аа ‘‘маг̇г̇о анаасаво худ̇ваа’’д̇иаад̣̇ийхи жод̣̇зд̇и. иминаа убааязна саб̣б̣ад̇т̇а ад̇т̇о взд̣̇ид̇аб̣б̣од̇и.
392. Cīvarapañhe ekova dhammo anāsavo sāsavo ca hotīti lakkhaṇavirodhabhayā paṭikkhipati. Dutiyaṃ puṭṭho anāsavassa hutvā sāsavassa hotīti paṭijānāti. Taññeva anāsavanti pañhādvayepi eseva nayo. Sakavādī pana taññevāti anuññātattā ‘‘maggo anāsavo hutvā’’tiādīhi codeti. Iminā upāyena sabbattha attho veditabboti.
анаасавагат̇ааван̣н̣анаа.
Anāsavakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (35) 3. анаасавагат̇аа • (35) 3. Anāsavakathā
