| Library / Tipiṭaka / ติปิฎก • Tipiṭaka / ปญฺจปกรณ-อฎฺฐกถา • Pañcapakaraṇa-aṭṭhakathā |
๓. อนาสวกถาวณฺณนา
3. Anāsavakathāvaṇṇanā
๓๙๑. อิทานิ อนาสวกถา นาม โหติฯ ตตฺถ เย ธมฺมา อนาสวสฺส อรหโต, สเพฺพ เต อนาสวาติ เยสํ ลทฺธิ, เสยฺยถาปิ เอตรหิ อุตฺตราปถกานํ; เต สนฺธาย อรหโตติ ปุจฺฉา สกวาทิสฺส, ปฎิญฺญา อิตรสฺสฯ อถ นํ อนาสวา นาม มคฺคาทโย, กิํ ตสฺส เตเยว อุปฺปชฺชนฺตีติ โจทนตฺถํ มโคฺค ผลนฺติอาทิ อารทฺธํฯ จกฺขุ อนาสวนฺติ ปุโฎฺฐ ตสฺส สาสวตฺตา ปฎิกฺขิปติฯ ทุติยํ ปุโฎฺฐ อนาสวเสฺสตนฺติ ปฎิชานาติฯ
391. Idāni anāsavakathā nāma hoti. Tattha ye dhammā anāsavassa arahato, sabbe te anāsavāti yesaṃ laddhi, seyyathāpi etarahi uttarāpathakānaṃ; te sandhāya arahatoti pucchā sakavādissa, paṭiññā itarassa. Atha naṃ anāsavā nāma maggādayo, kiṃ tassa teyeva uppajjantīti codanatthaṃ maggo phalantiādi āraddhaṃ. Cakkhu anāsavanti puṭṭho tassa sāsavattā paṭikkhipati. Dutiyaṃ puṭṭho anāsavassetanti paṭijānāti.
๓๙๒. จีวรปเญฺห เอโกว ธโมฺม อนาสโว สาสโว จ โหตีติ ลกฺขณวิโรธภยา ปฎิกฺขิปติฯ ทุติยํ ปุโฎฺฐ อนาสวสฺส หุตฺวา สาสวสฺส โหตีติ ปฎิชานาติฯ ตเญฺญว อนาสวนฺติ ปญฺหาทฺวเยปิ เอเสว นโยฯ สกวาที ปน ตเญฺญวาติ อนุญฺญาตตฺตา ‘‘มโคฺค อนาสโว หุตฺวา’’ติอาทีหิ โจเทติฯ อิมินา อุปาเยน สพฺพตฺถ อโตฺถ เวทิตโพฺพติฯ
392. Cīvarapañhe ekova dhammo anāsavo sāsavo ca hotīti lakkhaṇavirodhabhayā paṭikkhipati. Dutiyaṃ puṭṭho anāsavassa hutvā sāsavassa hotīti paṭijānāti. Taññeva anāsavanti pañhādvayepi eseva nayo. Sakavādī pana taññevāti anuññātattā ‘‘maggo anāsavo hutvā’’tiādīhi codeti. Iminā upāyena sabbattha attho veditabboti.
อนาสวกถาวณฺณนาฯ
Anāsavakathāvaṇṇanā.
Related texts:
ติปิฎก (มูล) • Tipiṭaka (Mūla) / อภิธมฺมปิฎก • Abhidhammapiṭaka / กถาวตฺถุปาฬิ • Kathāvatthupāḷi / (๓๕) ๓. อนาสวกถา • (35) 3. Anāsavakathā
