| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༣. ཨནཱསཝཀཐཱཝཎྞནཱ
3. Anāsavakathāvaṇṇanā
༣༩༡. ཨིདཱནི ཨནཱསཝཀཐཱ ནཱམ ཧོཏི། ཏཏྠ ཡེ དྷམྨཱ ཨནཱསཝསྶ ཨརཧཏོ, སབྦེ ཏེ ཨནཱསཝཱཏི ཡེསཾ ལདྡྷི, སེཡྻཐཱཔི ཨེཏརཧི ཨུཏྟརཱཔཐཀཱནཾ; ཏེ སནྡྷཱཡ ཨརཧཏོཏི པུཙྪཱ སཀཝཱདིསྶ, པཊིཉྙཱ ཨིཏརསྶ། ཨཐ ནཾ ཨནཱསཝཱ ནཱམ མགྒཱདཡོ, ཀིཾ ཏསྶ ཏེཡེཝ ཨུཔྤཛྫནྟཱིཏི ཙོདནཏྠཾ མགྒོ ཕལནྟིཨཱདི ཨཱརདྡྷཾ། ཙཀྑུ ཨནཱསཝནྟི པུཊྛོ ཏསྶ སཱསཝཏྟཱ པཊིཀྑིཔཏི། དུཏིཡཾ པུཊྛོ ཨནཱསཝསྶེཏནྟི པཊིཛཱནཱཏི།
391. Idāni anāsavakathā nāma hoti. Tattha ye dhammā anāsavassa arahato, sabbe te anāsavāti yesaṃ laddhi, seyyathāpi etarahi uttarāpathakānaṃ; te sandhāya arahatoti pucchā sakavādissa, paṭiññā itarassa. Atha naṃ anāsavā nāma maggādayo, kiṃ tassa teyeva uppajjantīti codanatthaṃ maggo phalantiādi āraddhaṃ. Cakkhu anāsavanti puṭṭho tassa sāsavattā paṭikkhipati. Dutiyaṃ puṭṭho anāsavassetanti paṭijānāti.
༣༩༢. ཙཱིཝརཔཉྷེ ཨེཀོཝ དྷམྨོ ཨནཱསཝོ སཱསཝོ ཙ ཧོཏཱིཏི ལཀྑཎཝིརོདྷབྷཡཱ པཊིཀྑིཔཏི། དུཏིཡཾ པུཊྛོ ཨནཱསཝསྶ ཧུཏྭཱ སཱསཝསྶ ཧོཏཱིཏི པཊིཛཱནཱཏི། ཏཉྙེཝ ཨནཱསཝནྟི པཉྷཱདྭཡེཔི ཨེསེཝ ནཡོ། སཀཝཱདཱི པན ཏཉྙེཝཱཏི ཨནུཉྙཱཏཏྟཱ ‘‘མགྒོ ཨནཱསཝོ ཧུཏྭཱ’’ཏིཨཱདཱིཧི ཙོདེཏི། ཨིམིནཱ ཨུཔཱཡེན སབྦཏྠ ཨཏྠོ ཝེདིཏབྦོཏི།
392. Cīvarapañhe ekova dhammo anāsavo sāsavo ca hotīti lakkhaṇavirodhabhayā paṭikkhipati. Dutiyaṃ puṭṭho anāsavassa hutvā sāsavassa hotīti paṭijānāti. Taññeva anāsavanti pañhādvayepi eseva nayo. Sakavādī pana taññevāti anuññātattā ‘‘maggo anāsavo hutvā’’tiādīhi codeti. Iminā upāyena sabbattha attho veditabboti.
ཨནཱསཝཀཐཱཝཎྞནཱ།
Anāsavakathāvaṇṇanā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༣༥) ༣. ཨནཱསཝཀཐཱ • (35) 3. Anāsavakathā
