| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੩. ਅਨਾਸવਕਥਾવਣ੍ਣਨਾ
3. Anāsavakathāvaṇṇanā
੩੯੧. ਇਦਾਨਿ ਅਨਾਸવਕਥਾ ਨਾਮ ਹੋਤਿ। ਤਤ੍ਥ ਯੇ ਧਮ੍ਮਾ ਅਨਾਸવਸ੍ਸ ਅਰਹਤੋ, ਸਬ੍ਬੇ ਤੇ ਅਨਾਸવਾਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਏਤਰਹਿ ਉਤ੍ਤਰਾਪਥਕਾਨਂ; ਤੇ ਸਨ੍ਧਾਯ ਅਰਹਤੋਤਿ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਅਥ ਨਂ ਅਨਾਸવਾ ਨਾਮ ਮਗ੍ਗਾਦਯੋ, ਕਿਂ ਤਸ੍ਸ ਤੇਯੇવ ਉਪ੍ਪਜ੍ਜਨ੍ਤੀਤਿ ਚੋਦਨਤ੍ਥਂ ਮਗ੍ਗੋ ਫਲਨ੍ਤਿਆਦਿ ਆਰਦ੍ਧਂ। ਚਕ੍ਖੁ ਅਨਾਸવਨ੍ਤਿ ਪੁਟ੍ਠੋ ਤਸ੍ਸ ਸਾਸવਤ੍ਤਾ ਪਟਿਕ੍ਖਿਪਤਿ। ਦੁਤਿਯਂ ਪੁਟ੍ਠੋ ਅਨਾਸવਸ੍ਸੇਤਨ੍ਤਿ ਪਟਿਜਾਨਾਤਿ।
391. Idāni anāsavakathā nāma hoti. Tattha ye dhammā anāsavassa arahato, sabbe te anāsavāti yesaṃ laddhi, seyyathāpi etarahi uttarāpathakānaṃ; te sandhāya arahatoti pucchā sakavādissa, paṭiññā itarassa. Atha naṃ anāsavā nāma maggādayo, kiṃ tassa teyeva uppajjantīti codanatthaṃ maggo phalantiādi āraddhaṃ. Cakkhu anāsavanti puṭṭho tassa sāsavattā paṭikkhipati. Dutiyaṃ puṭṭho anāsavassetanti paṭijānāti.
੩੯੨. ਚੀવਰਪਞ੍ਹੇ ਏਕੋવ ਧਮ੍ਮੋ ਅਨਾਸવੋ ਸਾਸવੋ ਚ ਹੋਤੀਤਿ ਲਕ੍ਖਣવਿਰੋਧਭਯਾ ਪਟਿਕ੍ਖਿਪਤਿ। ਦੁਤਿਯਂ ਪੁਟ੍ਠੋ ਅਨਾਸવਸ੍ਸ ਹੁਤ੍વਾ ਸਾਸવਸ੍ਸ ਹੋਤੀਤਿ ਪਟਿਜਾਨਾਤਿ। ਤਞ੍ਞੇવ ਅਨਾਸવਨ੍ਤਿ ਪਞ੍ਹਾਦ੍વਯੇਪਿ ਏਸੇવ ਨਯੋ। ਸਕવਾਦੀ ਪਨ ਤਞ੍ਞੇવਾਤਿ ਅਨੁਞ੍ਞਾਤਤ੍ਤਾ ‘‘ਮਗ੍ਗੋ ਅਨਾਸવੋ ਹੁਤ੍વਾ’’ਤਿਆਦੀਹਿ ਚੋਦੇਤਿ। ਇਮਿਨਾ ਉਪਾਯੇਨ ਸਬ੍ਬਤ੍ਥ ਅਤ੍ਥੋ વੇਦਿਤਬ੍ਬੋਤਿ।
392. Cīvarapañhe ekova dhammo anāsavo sāsavo ca hotīti lakkhaṇavirodhabhayā paṭikkhipati. Dutiyaṃ puṭṭho anāsavassa hutvā sāsavassa hotīti paṭijānāti. Taññeva anāsavanti pañhādvayepi eseva nayo. Sakavādī pana taññevāti anuññātattā ‘‘maggo anāsavo hutvā’’tiādīhi codeti. Iminā upāyena sabbattha attho veditabboti.
ਅਨਾਸવਕਥਾવਣ੍ਣਨਾ।
Anāsavakathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੩੫) ੩. ਅਨਾਸવਕਥਾ • (35) 3. Anāsavakathā
