| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
10. අනාථපිණ්‌ඩිකසුත්‌තවණ්‌ණනා
10. Anāthapiṇḍikasuttavaṇṇanā
101. දසමෙ කාමං දෙවතාසංයුත්‌තෙපි ‘‘ඉදං හි තං ජෙතවන’’න්‌තිආදිනා ඉමා එව ගාථා ආගතා. තත්‌ථ ‘‘අඤ්‌ඤතරා දෙවතා’’ති නිදානං ආරොපිතං. හෙට්‌ඨා ආගතනයත්‌තා එව හි පොත්‌ථකෙසු න ලිඛිතං, ඉධ පන දෙවපුත්‌තසංයුත්‌තෙ ‘‘අනාථපිණ්‌ඩිකො දෙවපුත්‌තො’’ති නිදානෙ නිගමෙ ච ආගතං, තත්‌ථ දෙවපුත්‌තෙන සත්‌ථු වුත්‌තප්‌පකාරගුණපවෙදනවසෙන වුත්‌තං. සත්‌ථා පන භික්‌ඛූනං තමත්‌ථං පවෙදෙන්‌තො ‘‘අඤ්‌ඤතරො දෙවපුත්‌තො’’ති ආහ. තථා පවෙදනෙ පන කාරණං දස්‌සෙන්‌තො ‘‘ආනන්‌දත්‌ථෙරස්‌සා’’තිආදිමාහ. අනුමානබුද්‌ධියාති අනුමානඤාණස්‌ස. ආනුභාවප්‌පකාසනත්‌ථන්‌ති බලදීපනත්‌ථං.
101. Dasame kāmaṃ devatāsaṃyuttepi ‘‘idaṃ hi taṃ jetavana’’ntiādinā imā eva gāthā āgatā. Tattha ‘‘aññatarā devatā’’ti nidānaṃ āropitaṃ. Heṭṭhā āgatanayattā eva hi potthakesu na likhitaṃ, idha pana devaputtasaṃyutte ‘‘anāthapiṇḍiko devaputto’’ti nidāne nigame ca āgataṃ, tattha devaputtena satthu vuttappakāraguṇapavedanavasena vuttaṃ. Satthā pana bhikkhūnaṃ tamatthaṃ pavedento ‘‘aññataro devaputto’’ti āha. Tathā pavedane pana kāraṇaṃ dassento ‘‘ānandattherassā’’tiādimāha. Anumānabuddhiyāti anumānañāṇassa. Ānubhāvappakāsanatthanti baladīpanatthaṃ.
අනාථපිණ්‌ඩිකසුත්‌තවණ්‌ණනා නිට්‌ඨිතා.
Anāthapiṇḍikasuttavaṇṇanā niṭṭhitā.
දුතියවග්‌ගවණ්‌ණනා නිට්‌ඨිතා.
Dutiyavaggavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 10. අනාථපිණ්‌ඩිකසුත්‌තං • 10. Anāthapiṇḍikasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 8-10. කකුධසුත්‌තාදිවණ්‌ණනා • 8-10. Kakudhasuttādivaṇṇanā
