| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
2. д̣̇уд̇ияабхаан̣авааро
2. Dutiyabhāṇavāro
анаат̇абин̣д̣игавад̇т̇у
Anāthapiṇḍikavatthu
304. д̇зна ко бана самаязна анаат̇абин̣д̣иго г̇ахабад̇и рааж̇аг̇ахагасса сздтисса бхаг̇инибад̇иго ход̇и. ат̇а ко анаат̇абин̣д̣иго г̇ахабад̇и рааж̇аг̇ахам̣ аг̇амааси гзнажид̣̇зва гаран̣ийязна. д̇зна ко бана самаязна рааж̇аг̇ахагзна сздтинаа сваад̇анааяа б̣уд̣̇д̇хаббамуко сан̇гхо ниманд̇ид̇о ход̇и. ат̇а ко рааж̇аг̇ахаго сздтий д̣̇аасз жа гаммагаарз 1 жа аан̣аабзси – ‘‘д̇зна хи, бхан̣з, гаалассзва удтааяа яааг̇уяо бажат̇а, бхад̇д̇аани бажат̇а, суубаани самбаад̣̇зт̇а, уд̇д̇арибхан̇г̇аани самбаад̣̇зт̇аа’’д̇и. ат̇а ко анаат̇абин̣д̣игасса г̇ахабад̇исса зд̇ад̣̇ахоси – ‘‘буб̣б̣з квааяам̣ г̇ахабад̇и маяи ааг̇ад̇з саб̣б̣агижжаани нигкибид̇ваа маман̃н̃зва сад̣̇д̇хим̣ бадисаммод̣̇ад̇и. сод̣̇аанааяам̣ вигкид̇д̇аруубо д̣̇аасз жа гаммагаарз жа аан̣аабзси – ‘д̇зна хи, бхан̣з, гаалассзва удтааяа яааг̇уяо бажат̇а, бхад̇д̇аани бажат̇а, суубаани самбаад̣̇зт̇а, уд̇д̇арибхан̇г̇аани самбаад̣̇зт̇аа’д̇и. гим̣ ну ко имасса г̇ахабад̇исса ааваахо ваа бхависсад̇и, виваахо ваа бхависсад̇и, махааяан̃н̃о ваа бажжубадтид̇о , рааж̇аа ваа мааг̇ад̇хо сзнияо б̣имб̣исааро ниманд̇ид̇о сваад̇анааяа сад̣̇д̇хим̣ б̣алагааязнаа’’д̇и?
304. Tena kho pana samayena anāthapiṇḍiko gahapati rājagahakassa seṭṭhissa bhaginipatiko hoti. Atha kho anāthapiṇḍiko gahapati rājagahaṃ agamāsi kenacideva karaṇīyena. Tena kho pana samayena rājagahakena seṭṭhinā svātanāya buddhappamukho saṅgho nimantito hoti. Atha kho rājagahako seṭṭhī dāse ca kammakāre 2 ca āṇāpesi – ‘‘tena hi, bhaṇe, kālasseva uṭṭhāya yāguyo pacatha, bhattāni pacatha, sūpāni sampādetha, uttaribhaṅgāni sampādethā’’ti. Atha kho anāthapiṇḍikassa gahapatissa etadahosi – ‘‘pubbe khvāyaṃ gahapati mayi āgate sabbakiccāni nikkhipitvā mamaññeva saddhiṃ paṭisammodati. Sodānāyaṃ vikkhittarūpo dāse ca kammakāre ca āṇāpesi – ‘tena hi, bhaṇe, kālasseva uṭṭhāya yāguyo pacatha, bhattāni pacatha, sūpāni sampādetha, uttaribhaṅgāni sampādethā’ti. Kiṃ nu kho imassa gahapatissa āvāho vā bhavissati, vivāho vā bhavissati, mahāyañño vā paccupaṭṭhito , rājā vā māgadho seniyo bimbisāro nimantito svātanāya saddhiṃ balakāyenā’’ti?
ат̇а ко рааж̇аг̇ахаго сздтий д̣̇аасз жа гаммагаарз жа аан̣аабзд̇ваа язна анаат̇абин̣д̣иго г̇ахабад̇и д̇знубасан̇гами, убасан̇гамид̇ваа анаат̇абин̣д̣игзна г̇ахабад̇инаа сад̣̇д̇хим̣ бадисаммод̣̇ид̇ваа згаманд̇ам̣ нисийд̣̇и. згаманд̇ам̣ нисиннам̣ ко рааж̇аг̇ахагам̣ сздтим̣ анаат̇абин̣д̣иго г̇ахабад̇и зд̇ад̣̇авожа – ‘‘буб̣б̣з ко д̇вам̣, г̇ахабад̇и, маяи ааг̇ад̇з саб̣б̣агижжаани нигкибид̇ваа маман̃н̃зва сад̣̇д̇хим̣ бадисаммод̣̇аси. сод̣̇аани д̇вам̣ вигкид̇д̇аруубо д̣̇аасз жа гаммагаарз жа аан̣аабзси – ‘д̇зна хи, бхан̣з, гаалассзва удтааяа яааг̇уяо бажат̇а, бхад̇д̇аани бажат̇а, суубаани самбаад̣̇зт̇а, уд̇д̇арибхан̇г̇аани самбаад̣̇зт̇аа’д̇и. гим̣ ну ко д̇з, г̇ахабад̇и, ааваахо ваа бхависсад̇и, виваахо ваа бхависсад̇и, махааяан̃н̃о ваа бажжубадтид̇о, рааж̇аа ваа мааг̇ад̇хо сзнияо б̣имб̣исааро ниманд̇ид̇о сваад̇анааяа сад̣̇д̇хим̣ б̣алагааязнаа’’д̇и? ‘‘на мз, г̇ахабад̇и, ааваахо ваа бхависсад̇и, нааби виваахо ваа бхависсад̇и, нааби рааж̇аа ваа мааг̇ад̇хо сзнияо б̣имб̣исааро ниманд̇ид̇о сваад̇анааяа сад̣̇д̇хим̣ б̣алагааязна; аби жа мз махааяан̃н̃о бажжубадтид̇о; сваад̇анааяа б̣уд̣̇д̇хаббамуко сан̇гхо ниманд̇ид̇о’’д̇и. ‘‘б̣уд̣̇д̇ход̇и д̇вам̣, г̇ахабад̇и, вад̣̇зсий’’д̇и? ‘‘б̣уд̣̇д̇хо д̇яаахам̣, г̇ахабад̇и, вад̣̇аамий’’д̇и. ‘‘б̣уд̣̇д̇ход̇и д̇вам̣, г̇ахабад̇и, вад̣̇зсий’’д̇и? ‘‘б̣уд̣̇д̇хо д̇яаахам̣, г̇ахабад̇и, вад̣̇аамий’’д̇и. ‘‘б̣уд̣̇д̇ход̇и д̇вам̣, г̇ахабад̇и, вад̣̇зсий’’д̇и? ‘‘б̣уд̣̇д̇хо д̇яаахам̣, г̇ахабад̇и, вад̣̇аамий’’д̇и. ‘‘гхособи ко зсо, г̇ахабад̇и, д̣̇уллабхо логасмим̣ яад̣̇ид̣̇ам̣ – б̣уд̣̇д̇хо б̣уд̣̇д̇ход̇и. саггаа ну ко, г̇ахабад̇и, имам̣ гаалам̣ д̇ам̣ бхаг̇аванд̇ам̣ д̣̇ассанааяа убасан̇гамид̇ум̣ араханд̇ам̣ саммаасамб̣уд̣̇д̇ха’’нд̇и? ‘‘агаало ко, г̇ахабад̇и, имам̣ гаалам̣ д̇ам̣ бхаг̇аванд̇ам̣ д̣̇ассанааяа убасан̇гамид̇ум̣ араханд̇ам̣ саммаасамб̣уд̣̇д̇хам̣. свзд̣̇аани д̇вам̣ гаалзна д̇ам̣ бхаг̇аванд̇ам̣ д̣̇ассанааяа убасан̇гамиссаси араханд̇ам̣ саммаасамб̣уд̣̇д̇ха’’нд̇и. ат̇а ко анаат̇абин̣д̣иго г̇ахабад̇и – свзд̣̇аанаахам̣ гаалзна д̇ам̣ бхаг̇аванд̇ам̣ д̣̇ассанааяа убасан̇гамиссаами араханд̇ам̣ саммаасамб̣уд̣̇д̇ханд̇и – б̣уд̣̇д̇хаг̇ад̇ааяа сад̇ияаа нибаж̇ж̇ид̇ваа рад̇д̇ияаа суд̣̇ам̣ д̇игкад̇д̇ум̣ вудтааси бабхаад̇ам̣ ман̃н̃амаано.
Atha kho rājagahako seṭṭhī dāse ca kammakāre ca āṇāpetvā yena anāthapiṇḍiko gahapati tenupasaṅkami, upasaṅkamitvā anāthapiṇḍikena gahapatinā saddhiṃ paṭisammoditvā ekamantaṃ nisīdi. Ekamantaṃ nisinnaṃ kho rājagahakaṃ seṭṭhiṃ anāthapiṇḍiko gahapati etadavoca – ‘‘pubbe kho tvaṃ, gahapati, mayi āgate sabbakiccāni nikkhipitvā mamaññeva saddhiṃ paṭisammodasi. Sodāni tvaṃ vikkhittarūpo dāse ca kammakāre ca āṇāpesi – ‘tena hi, bhaṇe, kālasseva uṭṭhāya yāguyo pacatha, bhattāni pacatha, sūpāni sampādetha, uttaribhaṅgāni sampādethā’ti. Kiṃ nu kho te, gahapati, āvāho vā bhavissati, vivāho vā bhavissati, mahāyañño vā paccupaṭṭhito, rājā vā māgadho seniyo bimbisāro nimantito svātanāya saddhiṃ balakāyenā’’ti? ‘‘Na me, gahapati, āvāho vā bhavissati, nāpi vivāho vā bhavissati, nāpi rājā vā māgadho seniyo bimbisāro nimantito svātanāya saddhiṃ balakāyena; api ca me mahāyañño paccupaṭṭhito; svātanāya buddhappamukho saṅgho nimantito’’ti. ‘‘Buddhoti tvaṃ, gahapati, vadesī’’ti? ‘‘Buddho tyāhaṃ, gahapati, vadāmī’’ti. ‘‘Buddhoti tvaṃ, gahapati, vadesī’’ti? ‘‘Buddho tyāhaṃ, gahapati, vadāmī’’ti. ‘‘Buddhoti tvaṃ, gahapati, vadesī’’ti? ‘‘Buddho tyāhaṃ, gahapati, vadāmī’’ti. ‘‘Ghosopi kho eso, gahapati, dullabho lokasmiṃ yadidaṃ – buddho buddhoti. Sakkā nu kho, gahapati, imaṃ kālaṃ taṃ bhagavantaṃ dassanāya upasaṅkamituṃ arahantaṃ sammāsambuddha’’nti? ‘‘Akālo kho, gahapati, imaṃ kālaṃ taṃ bhagavantaṃ dassanāya upasaṅkamituṃ arahantaṃ sammāsambuddhaṃ. Svedāni tvaṃ kālena taṃ bhagavantaṃ dassanāya upasaṅkamissasi arahantaṃ sammāsambuddha’’nti. Atha kho anāthapiṇḍiko gahapati – svedānāhaṃ kālena taṃ bhagavantaṃ dassanāya upasaṅkamissāmi arahantaṃ sammāsambuddhanti – buddhagatāya satiyā nipajjitvā rattiyā sudaṃ tikkhattuṃ vuṭṭhāsi pabhātaṃ maññamāno.
305. 3 ат̇а ко анаат̇абин̣д̣иго г̇ахабад̇и язна сивагад̣̇ваарам̣ 4 д̇знубасан̇гами. амануссаа д̣̇ваарам̣ виварим̣су. ат̇а ко анаат̇абин̣д̣игасса г̇ахабад̇исса наг̇арамхаа нигканд̇асса аалого анд̇арад̇хааяи, анд̇хагааро баад̇урахоси, бхаяам̣ чамбхид̇ад̇д̇ам̣ ломахам̣со уд̣̇абаад̣̇и; д̇ад̇ова буна нивад̇д̇ид̇угаамо ахоси. ат̇а ко сиваго 5 яагко анд̇арахид̇о сад̣̇д̣̇амануссаавзси –
305.6 Atha kho anāthapiṇḍiko gahapati yena sivakadvāraṃ 7 tenupasaṅkami. Amanussā dvāraṃ vivariṃsu. Atha kho anāthapiṇḍikassa gahapatissa nagaramhā nikkhantassa āloko antaradhāyi, andhakāro pāturahosi, bhayaṃ chambhitattaṃ lomahaṃso udapādi; tatova puna nivattitukāmo ahosi. Atha kho sivako 8 yakkho antarahito saddamanussāvesi –
‘‘сад̇ам̣ хад̇т̇ий сад̇ам̣ ассаа, сад̇ам̣ ассад̇арийрат̇аа;
‘‘Sataṃ hatthī sataṃ assā, sataṃ assatarīrathā;
сад̇ам̣ ган̃н̃аасахассаани, аамуггаман̣игун̣д̣алаа;
Sataṃ kaññāsahassāni, āmukkamaṇikuṇḍalā;
згасса бад̣̇авийд̇ихаарасса, галам̣ нааг̇гханд̇и сол̣асим̣ 9.
Ekassa padavītihārassa, kalaṃ nāgghanti soḷasiṃ 10.
‘‘абхиггама г̇ахабад̇и абхиггама г̇ахабад̇и;
‘‘Abhikkama gahapati abhikkama gahapati;
абхигганд̇ам̣ д̇з сзяяо но бадигганд̇а’’нд̇и.
Abhikkantaṃ te seyyo no paṭikkanta’’nti.
ат̇а ко анаат̇абин̣д̣игасса г̇ахабад̇исса анд̇хагааро анд̇арад̇хааяи, аалого баад̇урахоси. яам̣ ахоси бхаяам̣ чамбхид̇ад̇д̇ам̣ ломахам̣со со бадиббассамбхи. д̣̇уд̇ияамби ко…бз… д̇ад̇ияамби ко…бз… анаат̇абин̣д̣игасса г̇ахабад̇исса аалого анд̇арад̇хааяи, анд̇хагааро баад̇урахоси, бхаяам̣ чамбхид̇ад̇д̇ам̣ ломахам̣со уд̣̇абаад̣̇и, д̇ад̇ова буна нивад̇д̇ид̇угаамо ахоси. д̇ад̇ияамби ко сиваго яагко анд̇арахид̇о сад̣̇д̣̇амануссаавзси –
Atha kho anāthapiṇḍikassa gahapatissa andhakāro antaradhāyi, āloko pāturahosi. Yaṃ ahosi bhayaṃ chambhitattaṃ lomahaṃso so paṭippassambhi. Dutiyampi kho…pe… tatiyampi kho…pe… anāthapiṇḍikassa gahapatissa āloko antaradhāyi, andhakāro pāturahosi, bhayaṃ chambhitattaṃ lomahaṃso udapādi, tatova puna nivattitukāmo ahosi. Tatiyampi kho sivako yakkho antarahito saddamanussāvesi –
‘‘сад̇ам̣ хад̇т̇ий сад̇ам̣ ассаа, сад̇ам̣ ассад̇арийрат̇аа;
‘‘Sataṃ hatthī sataṃ assā, sataṃ assatarīrathā;
сад̇ам̣ ган̃н̃аасахассаани, аамуггаман̣игун̣д̣алаа;
Sataṃ kaññāsahassāni, āmukkamaṇikuṇḍalā;
згасса бад̣̇авийд̇ихаарасса, галам̣ нааг̇гханд̇и сол̣асим̣.
Ekassa padavītihārassa, kalaṃ nāgghanti soḷasiṃ.
‘‘абхиггама г̇ахабад̇и абхиггама г̇ахабад̇и,
‘‘Abhikkama gahapati abhikkama gahapati,
абхигганд̇ам̣ д̇з сзяяо но бадигганд̇а’’нд̇и.
Abhikkantaṃ te seyyo no paṭikkanta’’nti.
д̇ад̇ияамби ко анаат̇абин̣д̣игасса г̇ахабад̇исса анд̇хагааро анд̇арад̇хааяи , аалого баад̇урахоси, яам̣ ахоси бхаяам̣ чамбхид̇ад̇д̇ам̣ ломахам̣со, со бадиббассамбхи. ат̇а ко анаат̇абин̣д̣иго г̇ахабад̇и язна сийд̇аванам̣ д̇знубасан̇гами. д̇зна ко бана самаязна бхаг̇аваа рад̇д̇ияаа бажжуусасамаяам̣ бажжудтааяа аж̇жхогаасз жан̇гамад̇и. ад̣̇д̣̇асаа ко бхаг̇аваа анаат̇абин̣д̣игам̣ г̇ахабад̇им̣ д̣̇уурад̇ова ааг̇ажчанд̇ам̣. д̣̇исваана жан̇гамаа орохид̇ваа бан̃н̃ад̇д̇з аасанз нисийд̣̇и. нисаж̇ж̇а ко бхаг̇аваа анаат̇абин̣д̣игам̣ г̇ахабад̇им̣ зд̇ад̣̇авожа – ‘‘зхи суд̣̇ад̇д̇аа’’д̇и. ат̇а ко анаат̇абин̣д̣иго г̇ахабад̇и – наамзна мам̣ бхаг̇аваа аалабад̇ийд̇и – хадто уд̣̇аг̇г̇о язна бхаг̇аваа д̇знубасан̇гами, убасан̇гамид̇ваа бхаг̇авад̇о баад̣̇зсу сирасаа нибад̇ид̇ваа бхаг̇аванд̇ам̣ зд̇ад̣̇авожа – ‘‘гажжи, бханд̇з, бхаг̇аваа сукам̣ саяид̇т̇аа’’д̇и?
Tatiyampi kho anāthapiṇḍikassa gahapatissa andhakāro antaradhāyi , āloko pāturahosi, yaṃ ahosi bhayaṃ chambhitattaṃ lomahaṃso, so paṭippassambhi. Atha kho anāthapiṇḍiko gahapati yena sītavanaṃ tenupasaṅkami. Tena kho pana samayena bhagavā rattiyā paccūsasamayaṃ paccuṭṭhāya ajjhokāse caṅkamati. Addasā kho bhagavā anāthapiṇḍikaṃ gahapatiṃ dūratova āgacchantaṃ. Disvāna caṅkamā orohitvā paññatte āsane nisīdi. Nisajja kho bhagavā anāthapiṇḍikaṃ gahapatiṃ etadavoca – ‘‘ehi sudattā’’ti. Atha kho anāthapiṇḍiko gahapati – nāmena maṃ bhagavā ālapatīti – haṭṭho udaggo yena bhagavā tenupasaṅkami, upasaṅkamitvā bhagavato pādesu sirasā nipatitvā bhagavantaṃ etadavoca – ‘‘kacci, bhante, bhagavā sukhaṃ sayitthā’’ti?
11 ‘‘саб̣б̣ад̣̇аа вз сукам̣ сзд̇и, б̣раахман̣о бариниб̣б̣уд̇о;
12 ‘‘Sabbadā ve sukhaṃ seti, brāhmaṇo parinibbuto;
яо на лимбад̇и гаамзсу, сийд̇ибхууд̇о нируубад̇хи.
Yo na limpati kāmesu, sītibhūto nirūpadhi.
‘‘саб̣б̣аа аасад̇д̇ияо чзд̇ваа, винзяяа хад̣̇аяз д̣̇арам̣;
‘‘Sabbā āsattiyo chetvā, vineyya hadaye daraṃ;
убасанд̇о сукам̣ сзд̇и, санд̇им̣ баббуяяа жзд̇асаа’’д̇и 13.
Upasanto sukhaṃ seti, santiṃ pappuyya cetasā’’ti 14.
ат̇а ко бхаг̇аваа анаат̇абин̣д̣игасса г̇ахабад̇исса анубуб̣б̣им̣ гат̇ам̣ 15 гат̇зси, сзяяат̇ид̣̇ам̣ – д̣̇аанагат̇ам̣ сийлагат̇ам̣ саг̇г̇агат̇ам̣, гаамаанам̣ аад̣̇ийнавам̣ огаарам̣ сам̣гилзсам̣, нзгкаммз аанисам̣сам̣ багаасзси. яад̣̇аа бхаг̇аваа ан̃н̃ааси анаат̇абин̣д̣игам̣ г̇ахабад̇им̣ галлажид̇д̇ам̣ муд̣̇ужид̇д̇ам̣ винийваран̣ажид̇д̇ам̣ уд̣̇аг̇г̇ажид̇д̇ам̣ басаннажид̇д̇ам̣, ат̇а яаа б̣уд̣̇д̇хаанам̣ саамуггам̣сигаа д̇хаммад̣̇зсанаа д̇ам̣ багаасзси – д̣̇угкам̣, самуд̣̇аяам̣, нирод̇хам̣, маг̇г̇ам̣. сзяяат̇ааби наама суд̣̇д̇хам̣ вад̇т̇ам̣ абаг̇ад̇агаал̣агам̣ саммад̣̇зва раж̇анам̣ бадиг̇г̇ан̣хзяяа, звамзва анаат̇абин̣д̣игасса г̇ахабад̇исса д̇асмим̣язва аасанз вираж̇ам̣ вийд̇амалам̣ д̇хаммажагкум̣ уд̣̇абаад̣̇и – яам̣ гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамманд̇и. ат̇а ко анаат̇абин̣д̣иго г̇ахабад̇и д̣̇идтад̇хаммо бад̇д̇ад̇хаммо вид̣̇ид̇ад̇хаммо барияог̇аал̣хад̇хаммо д̇ин̣н̣авижигижчо виг̇ад̇агат̇ам̣гат̇о взсаараж̇ж̇аббад̇д̇о абараббажжаяо сад̇т̇усаасанз бхаг̇аванд̇ам̣ зд̇ад̣̇авожа – ‘‘абхигганд̇ам̣ бханд̇з, абхигганд̇ам̣ бханд̇з! сзяяат̇ааби, бханд̇з, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа – жагкуманд̇о руубаани д̣̇агканд̇ийд̇и – звамзвам̣ бхаг̇авад̇аа анзгабарияааязна д̇хаммо багаасид̇о. зсаахам̣, бханд̇з, бхаг̇аванд̇ам̣ саран̣ам̣ г̇ажчаами, д̇хамман̃жа, бхигкусан̇гхан̃жа. убаасагам̣ мам̣ бхаг̇аваа д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇ам̣. ад̇хиваасзд̇у жа мз, бханд̇з, бхаг̇аваа сваад̇анааяа бхад̇д̇ам̣ сад̣̇д̇хим̣ бхигкусан̇гхзнаа’’д̇и. ад̇хиваасзси бхаг̇аваа д̇ун̣хийбхаавзна.
Atha kho bhagavā anāthapiṇḍikassa gahapatissa anupubbiṃ kathaṃ 16 kathesi, seyyathidaṃ – dānakathaṃ sīlakathaṃ saggakathaṃ, kāmānaṃ ādīnavaṃ okāraṃ saṃkilesaṃ, nekkhamme ānisaṃsaṃ pakāsesi. Yadā bhagavā aññāsi anāthapiṇḍikaṃ gahapatiṃ kallacittaṃ muducittaṃ vinīvaraṇacittaṃ udaggacittaṃ pasannacittaṃ, atha yā buddhānaṃ sāmukkaṃsikā dhammadesanā taṃ pakāsesi – dukkhaṃ, samudayaṃ, nirodhaṃ, maggaṃ. Seyyathāpi nāma suddhaṃ vatthaṃ apagatakāḷakaṃ sammadeva rajanaṃ paṭiggaṇheyya, evameva anāthapiṇḍikassa gahapatissa tasmiṃyeva āsane virajaṃ vītamalaṃ dhammacakkhuṃ udapādi – yaṃ kiñci samudayadhammaṃ, sabbaṃ taṃ nirodhadhammanti. Atha kho anāthapiṇḍiko gahapati diṭṭhadhammo pattadhammo viditadhammo pariyogāḷhadhammo tiṇṇavicikiccho vigatakathaṃkatho vesārajjappatto aparappaccayo satthusāsane bhagavantaṃ etadavoca – ‘‘abhikkantaṃ bhante, abhikkantaṃ bhante! Seyyathāpi, bhante, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya – cakkhumanto rūpāni dakkhantīti – evamevaṃ bhagavatā anekapariyāyena dhammo pakāsito. Esāhaṃ, bhante, bhagavantaṃ saraṇaṃ gacchāmi, dhammañca, bhikkhusaṅghañca. Upāsakaṃ maṃ bhagavā dhāretu ajjatagge pāṇupetaṃ saraṇaṃ gataṃ. Adhivāsetu ca me, bhante, bhagavā svātanāya bhattaṃ saddhiṃ bhikkhusaṅghenā’’ti. Adhivāsesi bhagavā tuṇhībhāvena.
ат̇а ко анаат̇абин̣д̣иго г̇ахабад̇и бхаг̇авад̇о ад̇хиваасанам̣ вид̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами. ассоси ко рааж̇аг̇ахаго сздтий – ‘‘анаат̇абин̣д̣игзна гира г̇ахабад̇инаа сваад̇анааяа б̣уд̣̇д̇хаббамуко сан̇гхо ниманд̇ид̇о’’д̇и.
Atha kho anāthapiṇḍiko gahapati bhagavato adhivāsanaṃ viditvā uṭṭhāyāsanā bhagavantaṃ abhivādetvā padakkhiṇaṃ katvā pakkāmi. Assosi kho rājagahako seṭṭhī – ‘‘anāthapiṇḍikena kira gahapatinā svātanāya buddhappamukho saṅgho nimantito’’ti.
306. ат̇а ко рааж̇аг̇ахаго сздтий анаат̇абин̣д̣игам̣ г̇ахабад̇им̣ зд̇ад̣̇авожа – ‘‘д̇аяаа гира, г̇ахабад̇и, сваад̇анааяа б̣уд̣̇д̇хаббамуко сан̇гхо ниманд̇ид̇о. д̇ван̃жааси ааг̇анд̇уго. д̣̇зми д̇з, г̇ахабад̇и, взяяааяигам̣ язна д̇вам̣ б̣уд̣̇д̇хаббамукасса сан̇гхасса бхад̇д̇ам̣ гарзяяаасий’’д̇и. ‘‘алам̣, г̇ахабад̇и ад̇т̇и мз взяяааяигам̣ язнаахам̣ б̣уд̣̇д̇хаббамукасса сан̇гхасса бхад̇д̇ам̣ гариссаамий’’д̇и.
306. Atha kho rājagahako seṭṭhī anāthapiṇḍikaṃ gahapatiṃ etadavoca – ‘‘tayā kira, gahapati, svātanāya buddhappamukho saṅgho nimantito. Tvañcāsi āgantuko. Demi te, gahapati, veyyāyikaṃ yena tvaṃ buddhappamukhassa saṅghassa bhattaṃ kareyyāsī’’ti. ‘‘Alaṃ, gahapati atthi me veyyāyikaṃ yenāhaṃ buddhappamukhassa saṅghassa bhattaṃ karissāmī’’ti.
ассоси ко рааж̇аг̇ахаго нзг̇амо – ‘‘анаат̇абин̣д̣игзна гира г̇ахабад̇инаа сваад̇анааяа б̣уд̣̇д̇хаббамуко сан̇гхо ниманд̇ид̇о’’д̇и. ат̇а ко рааж̇аг̇ахаго нзг̇амо анаат̇абин̣д̣игам̣ г̇ахабад̇им̣ зд̇ад̣̇авожа – ‘‘д̇аяаа гира, г̇ахабад̇и, сваад̇анааяа б̣уд̣̇д̇хаббамуко сан̇гхо ниманд̇ид̇о. д̇ван̃жааси ааг̇анд̇уго. д̣̇зми д̇з, г̇ахабад̇и, взяяааяигам̣ язна д̇вам̣ б̣уд̣̇д̇хаббамукасса сан̇гхасса бхад̇д̇ам̣ гарзяяаасий’’д̇и. ‘‘алам̣ аяяа; ад̇т̇и мз взяяааяигам̣ язнаахам̣ б̣уд̣̇д̇хаббамукасса сан̇гхасса бхад̇д̇ам̣ гариссаамий’’д̇и.
Assosi kho rājagahako negamo – ‘‘anāthapiṇḍikena kira gahapatinā svātanāya buddhappamukho saṅgho nimantito’’ti. Atha kho rājagahako negamo anāthapiṇḍikaṃ gahapatiṃ etadavoca – ‘‘tayā kira, gahapati, svātanāya buddhappamukho saṅgho nimantito. Tvañcāsi āgantuko. Demi te, gahapati, veyyāyikaṃ yena tvaṃ buddhappamukhassa saṅghassa bhattaṃ kareyyāsī’’ti. ‘‘Alaṃ ayya; atthi me veyyāyikaṃ yenāhaṃ buddhappamukhassa saṅghassa bhattaṃ karissāmī’’ti.
ассоси ко рааж̇аа мааг̇ад̇хо сзнияо б̣имб̣исааро – ‘‘анаат̇абин̣д̣игзна гира г̇ахабад̇инаа сваад̇анааяа б̣уд̣̇д̇хаббамуко сан̇гхо ниманд̇ид̇о’’д̇и. ат̇а ко рааж̇аа мааг̇ад̇хо сзнияо б̣имб̣исааро анаат̇абин̣д̣игам̣ г̇ахабад̇им̣ зд̇ад̣̇авожа – ‘‘д̇аяаа гира, г̇ахабад̇и, сваад̇анааяа б̣уд̣̇д̇хаббамуко сан̇гхо ниманд̇ид̇о. д̇ван̃жааси ааг̇анд̇уго. д̣̇зми д̇з, г̇ахабад̇и, взяяааяигам̣ язна д̇вам̣ б̣уд̣̇д̇хаббамукасса сан̇гхасса бхад̇д̇ам̣ гарзяяаасий’’д̇и. ‘‘алам̣ д̣̇зва; ад̇т̇и мз взяяааяигам̣ язнаахам̣ б̣уд̣̇д̇хаббамукасса сан̇гхасса бхад̇д̇ам̣ гариссаамий’’д̇и.
Assosi kho rājā māgadho seniyo bimbisāro – ‘‘anāthapiṇḍikena kira gahapatinā svātanāya buddhappamukho saṅgho nimantito’’ti. Atha kho rājā māgadho seniyo bimbisāro anāthapiṇḍikaṃ gahapatiṃ etadavoca – ‘‘tayā kira, gahapati, svātanāya buddhappamukho saṅgho nimantito. Tvañcāsi āgantuko. Demi te, gahapati, veyyāyikaṃ yena tvaṃ buddhappamukhassa saṅghassa bhattaṃ kareyyāsī’’ti. ‘‘Alaṃ deva; atthi me veyyāyikaṃ yenāhaṃ buddhappamukhassa saṅghassa bhattaṃ karissāmī’’ti.
ат̇а ко анаат̇абин̣д̣иго г̇ахабад̇и д̇ассаа рад̇д̇ияаа ажжаязна рааж̇аг̇ахагасса сздтисса нивзсанз бан̣ийд̇ам̣ каад̣̇анийяам̣ бхож̇анийяам̣ бадияаад̣̇аабзд̇ваа бхаг̇авад̇о гаалам̣ аарожаабзси – ‘‘гаало, бханд̇з, нидтид̇ам̣ бхад̇д̇а’’нд̇и. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна рааж̇аг̇ахагасса сздтисса нивзсанам̣ д̇знубасан̇гами, убасан̇гамид̇ваа бан̃н̃ад̇д̇з аасанз нисийд̣̇и сад̣̇д̇хим̣ бхигкусан̇гхзна. ат̇а ко анаат̇абин̣д̣иго г̇ахабад̇и б̣уд̣̇д̇хаббамукам̣ бхигкусан̇гхам̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзд̇ваа самбаваарзд̇ваа, бхаг̇аванд̇ам̣ бхуд̇д̇аавим̣ онийд̇абад̇д̇абаан̣им̣, згаманд̇ам̣ нисийд̣̇и . згаманд̇ам̣ нисинно ко анаат̇абин̣д̣иго г̇ахабад̇и бхаг̇аванд̇ам̣ зд̇ад̣̇авожа – ‘‘ад̇хиваасзд̇у мз, бханд̇з, бхаг̇аваа саавад̇т̇ияам̣ вассааваасам̣ сад̣̇д̇хим̣ бхигкусан̇гхзнаа’’д̇и. ‘‘сун̃н̃ааг̇аарз ко, г̇ахабад̇и, д̇ат̇ааг̇ад̇аа абхираманд̇ий’’д̇и. ‘‘ан̃н̃аад̇ам̣ бхаг̇аваа, ан̃н̃аад̇ам̣ суг̇ад̇аа’’д̇и. ат̇а ко бхаг̇аваа анаат̇абин̣д̣игам̣ г̇ахабад̇им̣ д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇д̇зж̇зд̇ваа самбахам̣сзд̇ваа удтааяаасанаа баггаами.
Atha kho anāthapiṇḍiko gahapati tassā rattiyā accayena rājagahakassa seṭṭhissa nivesane paṇītaṃ khādanīyaṃ bhojanīyaṃ paṭiyādāpetvā bhagavato kālaṃ ārocāpesi – ‘‘kālo, bhante, niṭṭhitaṃ bhatta’’nti. Atha kho bhagavā pubbaṇhasamayaṃ nivāsetvā pattacīvaramādāya yena rājagahakassa seṭṭhissa nivesanaṃ tenupasaṅkami, upasaṅkamitvā paññatte āsane nisīdi saddhiṃ bhikkhusaṅghena. Atha kho anāthapiṇḍiko gahapati buddhappamukhaṃ bhikkhusaṅghaṃ paṇītena khādanīyena bhojanīyena sahatthā santappetvā sampavāretvā, bhagavantaṃ bhuttāviṃ onītapattapāṇiṃ, ekamantaṃ nisīdi . Ekamantaṃ nisinno kho anāthapiṇḍiko gahapati bhagavantaṃ etadavoca – ‘‘adhivāsetu me, bhante, bhagavā sāvatthiyaṃ vassāvāsaṃ saddhiṃ bhikkhusaṅghenā’’ti. ‘‘Suññāgāre kho, gahapati, tathāgatā abhiramantī’’ti. ‘‘Aññātaṃ bhagavā, aññātaṃ sugatā’’ti. Atha kho bhagavā anāthapiṇḍikaṃ gahapatiṃ dhammiyā kathāya sandassetvā samādapetvā samuttejetvā sampahaṃsetvā uṭṭhāyāsanā pakkāmi.
307. д̇зна ко бана самаязна анаат̇абин̣д̣иго г̇ахабад̇и б̣ахумид̇д̇о ход̇и б̣ахусахааяо аад̣̇зяяаваажо. ат̇а ко анаат̇абин̣д̣иго г̇ахабад̇и рааж̇аг̇ахз д̇ам̣ гаран̣ийяам̣ д̇ийрзд̇ваа язна саавад̇т̇и д̇зна баггаами. ат̇а ко анаат̇абин̣д̣иго г̇ахабад̇и анд̇араамаг̇г̇з мануссз аан̣аабзси – ‘‘аараамз , аяяаа, гарот̇а, вихаарз бад̇идтаабзт̇а, д̣̇аанаани бадтабзт̇а. б̣уд̣̇д̇хо логз уббанно. со жа маяаа бхаг̇аваа ниманд̇ид̇о иминаа маг̇г̇зна ааг̇ажчиссад̇ий’’д̇и. ат̇а ко д̇з мануссаа анаат̇абин̣д̣игзна г̇ахабад̇инаа уяяож̇ид̇аа аараамз агам̣су, вихаарз бад̇идтаабзсум̣, д̣̇аанаани бадтабзсум̣.
307. Tena kho pana samayena anāthapiṇḍiko gahapati bahumitto hoti bahusahāyo ādeyyavāco. Atha kho anāthapiṇḍiko gahapati rājagahe taṃ karaṇīyaṃ tīretvā yena sāvatthi tena pakkāmi. Atha kho anāthapiṇḍiko gahapati antarāmagge manusse āṇāpesi – ‘‘ārāme , ayyā, karotha, vihāre patiṭṭhāpetha, dānāni paṭṭhapetha. Buddho loke uppanno. So ca mayā bhagavā nimantito iminā maggena āgacchissatī’’ti. Atha kho te manussā anāthapiṇḍikena gahapatinā uyyojitā ārāme akaṃsu, vihāre patiṭṭhāpesuṃ, dānāni paṭṭhapesuṃ.
ат̇а ко анаат̇абин̣д̣иго г̇ахабад̇и саавад̇т̇им̣ г̇анд̇ваа саманд̇аа саавад̇т̇им̣ анувилогзси – ‘‘гад̇т̇а ну ко бхаг̇аваа вихарзяяа? яам̣ асса г̇аамад̇о нзва ад̇ид̣̇уурз на ажжаасаннз, г̇аманааг̇аманасамбаннам̣, ад̇т̇игаанам̣ ад̇т̇игаанам̣ мануссаанам̣ абхиггаманийяам̣, д̣̇иваа аббаагин̣н̣ам̣, рад̇д̇им̣ аббасад̣̇д̣̇ам̣, аббаниг̇гхосам̣, виж̇анаваад̇ам̣, мануссараахассзяяагам̣, бадисаллаанасаарубба’’нд̇и.
Atha kho anāthapiṇḍiko gahapati sāvatthiṃ gantvā samantā sāvatthiṃ anuvilokesi – ‘‘kattha nu kho bhagavā vihareyya? Yaṃ assa gāmato neva atidūre na accāsanne, gamanāgamanasampannaṃ, atthikānaṃ atthikānaṃ manussānaṃ abhikkamanīyaṃ, divā appākiṇṇaṃ, rattiṃ appasaddaṃ, appanigghosaṃ, vijanavātaṃ, manussarāhasseyyakaṃ, paṭisallānasāruppa’’nti.
ад̣̇д̣̇асаа ко анаат̇абин̣д̣иго г̇ахабад̇и ж̇зд̇асса гумаарасса 17 уяяаанам̣ – г̇аамад̇о нзва ад̇ид̣̇уурз на ажжаасаннз, г̇аманааг̇аманасамбаннам̣, ад̇т̇игаанам̣ ад̇т̇игаанам̣ мануссаанам̣ абхиггаманийяам̣, д̣̇иваа аббаагин̣н̣ам̣, рад̇д̇им̣ аббасад̣̇д̣̇ам̣, аббаниг̇гхосам̣, виж̇анаваад̇ам̣, мануссараахассзяяагам̣, бадисаллаанасааруббам̣. д̣̇исваана язна ж̇зд̇о гумааро д̇знубасан̇гами, убасан̇гамид̇ваа ж̇зд̇ам̣ гумаарам̣ зд̇ад̣̇авожа – ‘‘д̣̇зхи мз, аяяабуд̇д̇а, уяяаанам̣ аараамам̣ гаад̇у’’нд̇и 18. ‘‘ад̣̇зяяо, г̇ахабад̇и, аараамо аби годисант̇арзнаа’’д̇и. ‘‘г̇ахид̇о, аяяабуд̇д̇а, аараамо’’д̇и. ‘‘на, г̇ахабад̇и, г̇ахид̇о аараамо’’д̇и. г̇ахид̇о на г̇ахид̇од̇и вохааригз махаамад̇д̇з бужчим̣су. махаамад̇д̇аа звамаахам̣су – ‘‘яад̇о д̇аяаа , аяяабуд̇д̇а, аг̇гхо гад̇о, г̇ахид̇о аараамо’’д̇и. ат̇а ко анаат̇абин̣д̣иго г̇ахабад̇и сагадзхи хиран̃н̃ам̣ ниб̣б̣аахаабзд̇ваа ж̇зд̇аванам̣ годисант̇арам̣ сант̇араабзси. сагим̣ нийхадам̣ хиран̃н̃ам̣ т̇огасса огаасасса годтагасааманд̇аа наббаход̇и. ат̇а ко анаат̇абин̣д̣иго г̇ахабад̇и мануссз аан̣аабзси – ‘‘г̇ажчат̇а, бхан̣з, хиран̃н̃ам̣ аахарат̇а; имам̣ огаасам̣ сант̇ариссаамаа’’д̇и.
Addasā kho anāthapiṇḍiko gahapati jetassa kumārassa 19 uyyānaṃ – gāmato neva atidūre na accāsanne, gamanāgamanasampannaṃ, atthikānaṃ atthikānaṃ manussānaṃ abhikkamanīyaṃ, divā appākiṇṇaṃ, rattiṃ appasaddaṃ, appanigghosaṃ, vijanavātaṃ, manussarāhasseyyakaṃ, paṭisallānasāruppaṃ. Disvāna yena jeto kumāro tenupasaṅkami, upasaṅkamitvā jetaṃ kumāraṃ etadavoca – ‘‘dehi me, ayyaputta, uyyānaṃ ārāmaṃ kātu’’nti 20. ‘‘Adeyyo, gahapati, ārāmo api koṭisantharenā’’ti. ‘‘Gahito, ayyaputta, ārāmo’’ti. ‘‘Na, gahapati, gahito ārāmo’’ti. Gahito na gahitoti vohārike mahāmatte pucchiṃsu. Mahāmattā evamāhaṃsu – ‘‘yato tayā , ayyaputta, aggho kato, gahito ārāmo’’ti. Atha kho anāthapiṇḍiko gahapati sakaṭehi hiraññaṃ nibbāhāpetvā jetavanaṃ koṭisantharaṃ santharāpesi. Sakiṃ nīhaṭaṃ hiraññaṃ thokassa okāsassa koṭṭhakasāmantā nappahoti. Atha kho anāthapiṇḍiko gahapati manusse āṇāpesi – ‘‘gacchatha, bhaṇe, hiraññaṃ āharatha; imaṃ okāsaṃ santharissāmā’’ti.
ат̇а ко ж̇зд̇асса гумаарасса зд̇ад̣̇ахоси – ‘‘на ко ид̣̇ам̣ орагам̣ бхависсад̇и, яат̇ааяам̣ г̇ахабад̇и д̇аава б̣ахум̣ хиран̃н̃ам̣ барижжаж̇ад̇ий’’д̇и. анаат̇абин̣д̣игам̣ г̇ахабад̇им̣ зд̇ад̣̇авожа – ‘‘алам̣, г̇ахабад̇и; маа д̇ам̣ огаасам̣ сант̇араабзси. д̣̇зхи мз зд̇ам̣ огаасам̣. мамзд̇ам̣ д̣̇аанам̣ бхависсад̇ий’’д̇и. ат̇а ко анаат̇абин̣д̣иго г̇ахабад̇и – аяам̣ ко ж̇зд̇о гумааро абхин̃н̃аад̇о н̃аад̇амануссо; махад̇т̇иго ко бана зваруубаанам̣ н̃аад̇амануссаанам̣ имасмим̣ д̇хаммавинаяз басаад̣̇од̇и – д̇ам̣ огаасам̣ ж̇зд̇асса гумаарасса баад̣̇ааси 21. ат̇а ко ж̇зд̇о гумааро д̇асмим̣ огаасз годтагам̣ маабзси.
Atha kho jetassa kumārassa etadahosi – ‘‘na kho idaṃ orakaṃ bhavissati, yathāyaṃ gahapati tāva bahuṃ hiraññaṃ pariccajatī’’ti. Anāthapiṇḍikaṃ gahapatiṃ etadavoca – ‘‘alaṃ, gahapati; mā taṃ okāsaṃ santharāpesi. Dehi me etaṃ okāsaṃ. Mametaṃ dānaṃ bhavissatī’’ti. Atha kho anāthapiṇḍiko gahapati – ayaṃ kho jeto kumāro abhiññāto ñātamanusso; mahatthiko kho pana evarūpānaṃ ñātamanussānaṃ imasmiṃ dhammavinaye pasādoti – taṃ okāsaṃ jetassa kumārassa pādāsi 22. Atha kho jeto kumāro tasmiṃ okāse koṭṭhakaṃ māpesi.
ат̇а ко анаат̇абин̣д̣иго г̇ахабад̇и ж̇зд̇аванз вихаарз гаараабзси, баривзн̣аани гаараабзси, годтагз гаараабзси, убадтаанасаалааяо гаараабзси, аг̇г̇исаалааяо гаараабзси, габбияагудияо гаараабзси, важжагудияо гаараабзси, жан̇гамз гаараабзси, жан̇гаманасаалааяо гаараабзси, уд̣̇абаанз гаараабзси, уд̣̇абаанасаалааяо гаараабзси, ж̇анд̇аагхарз гаараабзси, ж̇анд̇аагхарасаалааяо гаараабзси, богкаран̣ияо гаараабзси, ман̣д̣абз гаараабзси.
Atha kho anāthapiṇḍiko gahapati jetavane vihāre kārāpesi, pariveṇāni kārāpesi, koṭṭhake kārāpesi, upaṭṭhānasālāyo kārāpesi, aggisālāyo kārāpesi, kappiyakuṭiyo kārāpesi, vaccakuṭiyo kārāpesi, caṅkame kārāpesi, caṅkamanasālāyo kārāpesi, udapāne kārāpesi, udapānasālāyo kārāpesi, jantāghare kārāpesi, jantāgharasālāyo kārāpesi, pokkharaṇiyo kārāpesi, maṇḍape kārāpesi.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / вихаараануж̇аананагат̇аа • Vihārānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / анаат̇абин̣д̣игавад̇т̇угат̇ааван̣н̣анаа • Anāthapiṇḍikavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / вихаараануж̇аананагат̇ааван̣н̣анаа • Vihārānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вихаараануж̇аананагат̇ааван̣н̣анаа • Vihārānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / вихаараануж̇аананагат̇аа • Vihārānujānanakathā
