| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
анаат̇абин̣д̣игавад̇т̇угат̇ааван̣н̣анаа
Anāthapiṇḍikavatthukathāvaṇṇanā
304. анаат̇абин̣д̣игасздтивад̇т̇умхи (сам̣. ни. адта. 1.1.242) гзнажид̣̇зва гаран̣ийязнаад̇и ваан̣иж̇ж̇агаммам̣ ад̇хиббзд̇ам̣. анаат̇абин̣д̣иго гира рааж̇аг̇ахасздти жа ан̃н̃аман̃н̃ам̣ бхаг̇инибад̇игаа хонд̇и. яад̣̇аа рааж̇аг̇ахз удтаанагабхан̣д̣ам̣ самаг̇гхам̣ ход̇и, д̇ад̣̇аа рааж̇аг̇ахасздти д̇ам̣ г̇ахзд̇ваа сагадасад̇зхи саавад̇т̇им̣ г̇анд̇ваа яож̇анамад̇д̇з тид̇о ад̇д̇ано ааг̇ад̇абхаавам̣ ж̇аанаабзд̇и. анаат̇абин̣д̣иго бажжуг̇г̇анд̇ваа д̇асса махаасаггаарам̣ гад̇ваа згам̣ яаанам̣ ааробзд̇ваа саавад̇т̇им̣ бависад̇и. со сажз бхан̣д̣ам̣ лахугам̣ виггийяад̇и, виггин̣аад̇и. но жз, бхаг̇инигхарз табзд̇ваа баггамад̇и. анаат̇абин̣д̣игоби д̇ат̇зва гарод̇и. свааяам̣ д̇ад̣̇ааби д̇знзва гаран̣ийязна аг̇амааси. д̇ам̣ санд̇хааязд̇ам̣ вуд̇д̇ам̣.
304. Anāthapiṇḍikaseṭṭhivatthumhi (saṃ. ni. aṭṭha. 1.1.242) kenacideva karaṇīyenāti vāṇijjakammaṃ adhippetaṃ. Anāthapiṇḍiko kira rājagahaseṭṭhi ca aññamaññaṃ bhaginipatikā honti. Yadā rājagahe uṭṭhānakabhaṇḍaṃ samagghaṃ hoti, tadā rājagahaseṭṭhi taṃ gahetvā sakaṭasatehi sāvatthiṃ gantvā yojanamatte ṭhito attano āgatabhāvaṃ jānāpeti. Anāthapiṇḍiko paccuggantvā tassa mahāsakkāraṃ katvā ekaṃ yānaṃ āropetvā sāvatthiṃ pavisati. So sace bhaṇḍaṃ lahukaṃ vikkīyati, vikkiṇāti. No ce, bhaginighare ṭhapetvā pakkamati. Anāthapiṇḍikopi tatheva karoti. Svāyaṃ tadāpi teneva karaṇīyena agamāsi. Taṃ sandhāyetaṃ vuttaṃ.
д̇ам̣ д̣̇ивасам̣ бана рааж̇аг̇ахасздти яож̇анамад̇д̇з тид̇зна анаат̇абин̣д̣игзна ааг̇ад̇абхааваж̇аананад̇т̇ам̣ бзсид̇ам̣ бан̣н̣ам̣ на сун̣и, д̇хаммассаванад̇т̇ааяа вихаарам̣ аг̇амааси. со д̇хаммагат̇ам̣ суд̇ваа сваад̇анааяа б̣уд̣̇д̇хаббамукам̣ бхигкусан̇гхам̣ ниманд̇зд̇ваа ад̇д̇ано гхарз уд̣̇д̇ханакан̣аабанад̣̇аарупааланаад̣̇ийни гаарзси. анаат̇абин̣д̣игоби ‘‘ид̣̇аани маяхам̣ бажжуг̇г̇аманам̣ гариссад̇и, ид̣̇аани гариссад̇ий’’д̇и гхарад̣̇ваарзби бажжуг̇г̇аманам̣ алабхид̇ваа анд̇огхарам̣ бавидто бадисант̇аарамби на б̣ахум̣ алад̇т̇а. ‘‘гим̣ махаасздти гусалам̣ д̣̇аарагаруубаанам̣, наси маг̇г̇з гиланд̇о’’д̇и зд̇д̇агова бадисант̇ааро ахоси. д̇зна вуд̇д̇ам̣ ‘‘ат̇а ко анаат̇абин̣д̣игасса г̇ахабад̇исса зд̇ад̣̇ахосий’’д̇иаад̣̇и.
Taṃ divasaṃ pana rājagahaseṭṭhi yojanamatte ṭhitena anāthapiṇḍikena āgatabhāvajānanatthaṃ pesitaṃ paṇṇaṃ na suṇi, dhammassavanatthāya vihāraṃ agamāsi. So dhammakathaṃ sutvā svātanāya buddhappamukhaṃ bhikkhusaṅghaṃ nimantetvā attano ghare uddhanakhaṇāpanadāruphālanādīni kāresi. Anāthapiṇḍikopi ‘‘idāni mayhaṃ paccuggamanaṃ karissati, idāni karissatī’’ti gharadvārepi paccuggamanaṃ alabhitvā antogharaṃ paviṭṭho paṭisanthārampi na bahuṃ alattha. ‘‘Kiṃ mahāseṭṭhi kusalaṃ dārakarūpānaṃ, nasi magge kilanto’’ti ettakova paṭisanthāro ahosi. Tena vuttaṃ ‘‘atha kho anāthapiṇḍikassa gahapatissa etadahosī’’tiādi.
б̣уд̣̇д̇ход̇и д̇вам̣ г̇ахабад̇и вад̣̇зсийд̇и д̇асса гира мукад̇о б̣уд̣̇д̇хасад̣̇д̣̇ам̣ суд̇ваа анаат̇абин̣д̣иго бан̃жаван̣н̣ам̣ бийд̇им̣ бадилабхад̇и, саа д̇асса сийсз удтахид̇ваа яаава баад̣̇абидтияаа, баад̣̇абидтияаа удтааяа яаава сийсаа г̇ажчад̇и, убхад̇о удтааяа маж̇жхз осарад̇и, маж̇жхз удтааяа убхад̇о г̇ажчад̇и. со бийд̇ияаа ниранд̇арам̣ пудо ‘‘б̣уд̣̇д̇ход̇и д̇вам̣ г̇ахабад̇и вад̣̇зсий’’д̇и звам̣ д̇игкад̇д̇ум̣ бужчи. агаало ко, г̇ахабад̇и, имам̣ гаалам̣ д̇ам̣ бхаг̇аванд̇ам̣ д̣̇ассанааяа убасан̇гамид̇унд̇и ‘‘б̣уд̣̇д̇хаа наама д̣̇ураасад̣̇аа аасийвисасад̣̇исаа хонд̇и, сад̇т̇аа жа сиват̇игааяа самийбз васад̇и, на саггаа д̇ад̇т̇а имааяа взлааяа иминаа г̇анд̇у’’нд̇и ман̃н̃амаано звамааха. б̣уд̣̇д̇хаг̇ад̇ааяа сад̇ияаа нибаж̇ж̇ийд̇и ан̃н̃ам̣ гин̃жи ажинд̇зд̇ваа б̣уд̣̇д̇хаг̇ад̇ааяа зва сад̇ияаа нибаж̇ж̇и. д̇ам̣ д̣̇ивасам̣ гирасса бхан̣д̣асагадзсу ваа убадтаагзсу ваа жид̇д̇амби нуббаж̇ж̇и, сааяамаасамби на агааси. сад̇д̇абхуумигам̣ бана баасаад̣̇ам̣ ааруяха субан̃н̃ад̇д̇аалан̇гад̇аварасаяанз ‘‘б̣уд̣̇д̇хо б̣уд̣̇д̇хо’’д̇и саж̇жхааяам̣ гаронд̇ова нибаж̇ж̇ид̇ваа нид̣̇д̣̇ам̣ оггами. д̇игкад̇д̇ум̣ вудтааси бабхаад̇ам̣ ман̃н̃амаанод̇и батамаяаамз д̇аава вийд̇ивад̇д̇з удтааяа б̣уд̣̇д̇хам̣ ануссари, ат̇асса б̣алаваббасаад̣̇о уд̣̇абаад̣̇и, бийд̇иаалого ахоси, саб̣б̣ад̇амам̣ виг̇ажчи, д̣̇ийбасахассуж̇ж̇аланам̣ вияа жанд̣̇удтаанасуурияудтаанам̣ вияа жа ж̇аад̇ам̣. со ‘‘бамаад̣̇ам̣ аабанномхи, ван̃жид̇омхи, суурияо уг̇г̇ад̇о’’д̇и удтааяа аагаасад̇алз тад̇ваа жанд̣̇ам̣ ологзд̇ваа ‘‘згова яаамо г̇ад̇о, ан̃н̃з д̣̇вз ад̇т̇ий’’д̇и буна бависид̇ваа нибаж̇ж̇и, зд̇знубааязна маж̇жхимаяаамаавасаанзби бажчимаяаамаавасаанзби д̇игкад̇д̇ум̣ удтааси. бажчимаяаамаавасаанз бана б̣алавабажжуусзязва удтааяа аагаасад̇алам̣ ааг̇анд̇ваа махаад̣̇ваараабхимуко ахоси, сад̇д̇абхуумигад̣̇ваарам̣ саяамзва вивадам̣ ахоси, баасаад̣̇аа оруяха анд̇аравийт̇им̣ бадибаж̇ж̇и.
Buddhoti tvaṃ gahapati vadesīti tassa kira mukhato buddhasaddaṃ sutvā anāthapiṇḍiko pañcavaṇṇaṃ pītiṃ paṭilabhati, sā tassa sīse uṭṭhahitvā yāva pādapiṭṭhiyā, pādapiṭṭhiyā uṭṭhāya yāva sīsā gacchati, ubhato uṭṭhāya majjhe osarati, majjhe uṭṭhāya ubhato gacchati. So pītiyā nirantaraṃ phuṭo ‘‘buddhoti tvaṃ gahapati vadesī’’ti evaṃ tikkhattuṃ pucchi. Akālo kho, gahapati, imaṃ kālaṃ taṃ bhagavantaṃdassanāya upasaṅkamitunti ‘‘buddhā nāma durāsadā āsīvisasadisā honti, satthā ca sivathikāya samīpe vasati, na sakkā tattha imāya velāya iminā gantu’’nti maññamāno evamāha. Buddhagatāya satiyā nipajjīti aññaṃ kiñci acintetvā buddhagatāya eva satiyā nipajji. Taṃ divasaṃ kirassa bhaṇḍasakaṭesu vā upaṭṭhākesu vā cittampi nuppajji, sāyamāsampi na akāsi. Sattabhūmikaṃ pana pāsādaṃ āruyha supaññattālaṅkatavarasayane ‘‘buddho buddho’’ti sajjhāyaṃ karontova nipajjitvā niddaṃ okkami. Tikkhattuṃ vuṭṭhāsi pabhātaṃ maññamānoti paṭhamayāme tāva vītivatte uṭṭhāya buddhaṃ anussari, athassa balavappasādo udapādi, pītiāloko ahosi, sabbatamaṃ vigacchi, dīpasahassujjalanaṃ viya canduṭṭhānasūriyuṭṭhānaṃ viya ca jātaṃ. So ‘‘pamādaṃ āpannomhi, vañcitomhi, sūriyo uggato’’ti uṭṭhāya ākāsatale ṭhatvā candaṃ oloketvā ‘‘ekova yāmo gato, aññe dve atthī’’ti puna pavisitvā nipajji, etenupāyena majjhimayāmāvasānepi pacchimayāmāvasānepi tikkhattuṃ uṭṭhāsi. Pacchimayāmāvasāne pana balavapaccūseyeva uṭṭhāya ākāsatalaṃ āgantvā mahādvārābhimukho ahosi, sattabhūmikadvāraṃ sayameva vivaṭaṃ ahosi, pāsādā oruyha antaravīthiṃ paṭipajji.
305. амануссаад̇и ад̇хиг̇ад̇ависзсаа д̣̇звад̇аа. д̇ат̇аа хи д̇аа сздтисса бхаавинисамбад̇д̇им̣ бажжагкад̇о самбассамаанаа ‘‘аяам̣ махаасздти ‘б̣уд̣̇д̇хубадтаанам̣ г̇амиссаамий’д̇и нигканд̇о батамад̣̇ассанзнзва сод̇аабад̇д̇ипалз бад̇идтааяа д̇ин̣н̣ам̣ рад̇анаанам̣ аг̇г̇убадтааго худ̇ваа асад̣̇исам̣ сан̇гхаараамам̣ гад̇ваа жаад̇уд̣̇д̣̇исасса арияасан̇гхасса анаавадад̣̇вааро бхависсад̇и, на яуд̇д̇амасса д̣̇ваарам̣ бид̣̇ахид̇у’’нд̇и жинд̇зд̇ваа д̣̇ваарам̣ виварим̣су. анд̇арад̇хааяийд̇и рааж̇аг̇ахам̣ гира аагин̣н̣амануссам̣, анд̇онаг̇арз нава годияо б̣ахинаг̇арз наваад̇и д̇ам̣ убаниссааяа адтаараса мануссагодияо васанд̇и. авзлааяа мад̇амануссз б̣ахи нийхарид̇ум̣ асаггонд̇аа аддаалагз тад̇ваа б̣ахид̣̇ваарз кибанд̇и. махаасздти наг̇арад̇о б̣ахи нигканд̇амад̇д̇ова алласарийрам̣ баад̣̇зна аггами, абарамби бидтибаад̣̇зна бахари, магкигаа уббад̇ид̇ваа багирим̣су, д̣̇уг̇г̇анд̇хо наасаабудам̣ абхихани, б̣уд̣̇д̇хаббасаад̣̇о д̇ануд̇д̇ам̣ г̇ад̇о. д̇знасса аалого анд̇арад̇хааяи анд̇хагааро баад̇урахоси бийд̇ивзг̇асса д̇анубхаавз д̇ам̣самудтид̇аруубаанам̣ барид̣̇уб̣б̣алабхаавад̇о . сад̣̇д̣̇амануссаавзсийд̇и ‘‘сздтисса уссаахам̣ ж̇анзссаамий’’д̇и суван̣н̣агин̇гин̣игам̣ гхаддзнд̇о вияа мад̇хурассарзна сад̣̇д̣̇ам̣ ануссаавзси.
305.Amanussāti adhigatavisesā devatā. Tathā hi tā seṭṭhissa bhāvinisampattiṃ paccakkhato sampassamānā ‘‘ayaṃ mahāseṭṭhi ‘buddhupaṭṭhānaṃ gamissāmī’ti nikkhanto paṭhamadassaneneva sotāpattiphale patiṭṭhāya tiṇṇaṃ ratanānaṃ aggupaṭṭhāko hutvā asadisaṃ saṅghārāmaṃ katvā cātuddisassa ariyasaṅghassa anāvaṭadvāro bhavissati, na yuttamassa dvāraṃ pidahitu’’nti cintetvā dvāraṃ vivariṃsu. Antaradhāyīti rājagahaṃ kira ākiṇṇamanussaṃ, antonagare nava koṭiyo bahinagare navāti taṃ upanissāya aṭṭhārasa manussakoṭiyo vasanti. Avelāya matamanusse bahi nīharituṃ asakkontā aṭṭālake ṭhatvā bahidvāre khipanti. Mahāseṭṭhi nagarato bahi nikkhantamattova allasarīraṃ pādena akkami, aparampi piṭṭhipādena pahari, makkhikā uppatitvā pakiriṃsu, duggandho nāsāpuṭaṃ abhihani, buddhappasādo tanuttaṃ gato. Tenassa āloko antaradhāyi andhakāro pāturahosi pītivegassa tanubhāve taṃsamuṭṭhitarūpānaṃ paridubbalabhāvato . Saddamanussāvesīti ‘‘seṭṭhissa ussāhaṃ janessāmī’’ti suvaṇṇakiṅkiṇikaṃ ghaṭṭento viya madhurassarena saddaṃ anussāvesi.
сад̇ам̣ ган̃н̃аасахассаанийд̇и буримабад̣̇ааниби иминаава сахасса-бад̣̇зна сад̣̇д̇хим̣ самб̣анд̇хид̇аб̣б̣аани. яат̇зва хи сад̇ам̣ ган̃н̃аасахассаани, звам̣ сад̇ам̣ сахассаани хад̇т̇ий, сад̇ам̣ сахассаани ассаа, сад̇ам̣ сахассаани рат̇аад̇и аяамзд̇т̇а ад̇т̇о, ид̇и згзгам̣ сад̇асахассам̣ д̣̇ийбид̇ам̣ ход̇и. бад̣̇авийд̇ихаарассаад̇и бад̣̇ам̣ вийд̇ихарад̇и зд̇т̇аад̇и бад̣̇авийд̇ихааро. со д̣̇уд̇авиламб̣ид̇ам̣ агад̇ваа самаг̇аманз д̣̇виннам̣ бад̣̇аанам̣ анд̇арз мудтирад̇анамад̇д̇ам̣. галам̣ нааг̇гханд̇и сол̣асинд̇и д̇ам̣ згам̣ бад̣̇авийд̇ихаарам̣ сол̣аса бхааг̇з гад̇ваа д̇ад̇о зго годтаасо буна сол̣асад̇хаа, д̇ад̇о зго сол̣асад̇хаад̇и звам̣ сол̣аса ваарз сол̣асад̇хаа бхиннасса зго годтаасо сол̣асий галаа наама, д̇ам̣ сол̣асим̣ галам̣ зд̇аани жад̇д̇аари сад̇асахассаани на аг̇гханд̇и. ид̣̇ам̣ вуд̇д̇ам̣ ход̇и – сад̇ам̣ хад̇т̇исахассаани сад̇ам̣ ассасахассаани сад̇ам̣ рат̇асахассаани сад̇ам̣ ган̃н̃аасахассаани, д̇аа жа ко аамуггаман̣игун̣д̣алаа сагалаж̇амб̣уд̣̇ийбарааж̇ад̇хийд̇ароваад̇и имасмаа зд̇д̇агаа лаабхаа вихаарам̣ г̇ажчанд̇асса д̇асмим̣ сол̣асигалаасан̇каад̇з бад̣̇зсз лан̇гханасаад̇ханавасзна бавад̇д̇ажзд̇анаава уд̇д̇арид̇араад̇и. бад̣̇ам̣ ваа вийд̇ихарад̇и зд̇знаад̇и бад̣̇авийд̇ихааро, д̇ат̇аабавад̇д̇аа гусалажзд̇анаа, д̇ассаа палам̣ сол̣асад̇хаа гад̇ваад̇и жа вад̣̇анд̇и. ид̣̇ам̣ бана вихаараг̇аманам̣ гасса васзна г̇ахид̇анд̇и? вихаарам̣ г̇анд̇ваа ананд̇арааязна сод̇аабад̇д̇ипалз бад̇идтаханд̇асса васзна г̇ахид̇ам̣. ‘‘г̇анд̇хамаалаад̣̇ийхи бууж̇ам̣ гариссаами, жзд̇ияам̣ ванд̣̇иссаами, д̇хаммам̣ соссаами, д̣̇ийбабууж̇ам̣ гариссаами, сан̇гхам̣ ниманд̇зд̇ваа д̣̇аанам̣ д̣̇ассаами, сигкаабад̣̇зсу ваа саран̣зсу ваа бад̇идтахиссаамий’’д̇и г̇ажчад̇оби васзна ваддад̇иязва.
Sataṃ kaññāsahassānīti purimapadānipi imināva sahassa-padena saddhiṃ sambandhitabbāni. Yatheva hi sataṃ kaññāsahassāni, evaṃ sataṃ sahassāni hatthī, sataṃ sahassāni assā, sataṃ sahassāni rathāti ayamettha attho, iti ekekaṃ satasahassaṃ dīpitaṃ hoti. Padavītihārassāti padaṃ vītiharati etthāti padavītihāro. So dutavilambitaṃ akatvā samagamane dvinnaṃ padānaṃ antare muṭṭhiratanamattaṃ. Kalaṃ nāgghanti soḷasinti taṃ ekaṃ padavītihāraṃ soḷasa bhāge katvā tato eko koṭṭhāso puna soḷasadhā, tato eko soḷasadhāti evaṃ soḷasa vāre soḷasadhā bhinnassa eko koṭṭhāso soḷasī kalā nāma, taṃ soḷasiṃ kalaṃ etāni cattāri satasahassāni na agghanti. Idaṃ vuttaṃ hoti – sataṃ hatthisahassāni sataṃ assasahassāni sataṃ rathasahassāni sataṃ kaññāsahassāni, tā ca kho āmukkamaṇikuṇḍalā sakalajambudīparājadhītarovāti imasmā ettakā lābhā vihāraṃ gacchantassa tasmiṃ soḷasikalāsaṅkhāte padese laṅghanasādhanavasena pavattacetanāva uttaritarāti. Padaṃ vā vītiharati etenāti padavītihāro, tathāpavattā kusalacetanā, tassā phalaṃ soḷasadhā katvāti ca vadanti. Idaṃ pana vihāragamanaṃ kassa vasena gahitanti? Vihāraṃ gantvā anantarāyena sotāpattiphale patiṭṭhahantassa vasena gahitaṃ. ‘‘Gandhamālādīhi pūjaṃ karissāmi, cetiyaṃ vandissāmi, dhammaṃ sossāmi, dīpapūjaṃ karissāmi, saṅghaṃ nimantetvā dānaṃ dassāmi, sikkhāpadesu vā saraṇesu vā patiṭṭhahissāmī’’ti gacchatopi vasena vaṭṭatiyeva.
анд̇хагааро анд̇арад̇хааяийд̇и со гира жинд̇зси ‘‘ахам̣ згагод̇и сан̃н̃ам̣ гароми, амануссаа жа мз ануг̇аамино сахааяаа ад̇т̇и, гасмаа бхааяаамий’’д̇и сууро ахоси. ат̇асса б̣алаваа б̣уд̣̇д̇хаббасаад̣̇о уд̣̇абаад̣̇и, д̇асмаа анд̇хагааро анд̇арад̇хааяи. сзсаваарзсуби зсзва наяо. аалого баад̇урахосийд̇и буримаб̣уд̣̇д̇хзсу жирагаалабарижаяасамбхууд̇асса б̣алавад̇о басаад̣̇асса васзна уббаннааяа ул̣аарааяа б̣уд̣̇д̇хаарамман̣ааяа бийд̇ияаа самудтаабид̇о вибассанобхаасасад̣̇исо саад̇исаяо жид̇д̇абажжаяауд̇усамудтаано аалого баад̇урахоси. д̣̇звад̇аахи гад̇од̇иби вад̣̇анд̇и, буримоязвзд̇т̇а яуд̇д̇ад̇аро. зхи суд̣̇ад̇д̇аад̇и со гира сздти г̇ажчамаанова жинд̇зси ‘‘имасмим̣ логз б̣ахуу бууран̣агассабаад̣̇аяо д̇ид̇т̇ияаа ‘маяам̣ б̣уд̣̇д̇хаа, маяам̣ б̣уд̣̇д̇хаа’д̇и вад̣̇анд̇и, гат̇ам̣ ну ко ахам̣ сад̇т̇у б̣уд̣̇д̇хабхаавам̣ ж̇аанзяяа’’нд̇и. ат̇асса зд̇ад̣̇ахоси ‘‘маяхам̣ г̇ун̣авасзна уббаннам̣ наамам̣ махааж̇ано ж̇аанаад̇и, гулад̣̇ад̇д̇ияам̣ бана мз наамам̣ ан̃н̃ад̇ра маяаа на гожи ж̇аанаад̇и, сажз б̣уд̣̇д̇хо бхависсад̇и, гулад̣̇ад̇д̇иганаамзна мам̣ аалабиссад̇ий’’д̇и. сад̇т̇аа д̇асса жид̇д̇ам̣ н̃ад̇ваа звамааха.
Andhakāro antaradhāyīti so kira cintesi ‘‘ahaṃ ekakoti saññaṃ karomi, amanussā ca me anugāmino sahāyā atthi, kasmā bhāyāmī’’ti sūro ahosi. Athassa balavā buddhappasādo udapādi, tasmā andhakāro antaradhāyi. Sesavāresupi eseva nayo. Āloko pāturahosīti purimabuddhesu cirakālaparicayasambhūtassa balavato pasādassa vasena uppannāya uḷārāya buddhārammaṇāya pītiyā samuṭṭhāpito vipassanobhāsasadiso sātisayo cittapaccayautusamuṭṭhāno āloko pāturahosi. Devatāhi katotipi vadanti, purimoyevettha yuttataro. Ehi sudattāti so kira seṭṭhi gacchamānova cintesi ‘‘imasmiṃ loke bahū pūraṇakassapādayo titthiyā ‘mayaṃ buddhā, mayaṃ buddhā’ti vadanti, kathaṃ nu kho ahaṃ satthu buddhabhāvaṃ jāneyya’’nti. Athassa etadahosi ‘‘mayhaṃ guṇavasena uppannaṃ nāmaṃ mahājano jānāti, kuladattiyaṃ pana me nāmaṃ aññatra mayā na koci jānāti, sace buddho bhavissati, kuladattikanāmena maṃ ālapissatī’’ti. Satthā tassa cittaṃ ñatvā evamāha.
бариниб̣б̣уд̇од̇и гилзсабариниб̣б̣аанзна бариниб̣б̣уд̇о. аасад̇д̇ияод̇и руубаад̣̇ийсу аасан̃ж̇анадтзна аасад̇д̇ияо, д̇ан̣хааяо. санд̇инд̇и гилзсавуубасамам̣. баббуяяаад̇и аг̇г̇амаг̇г̇зна бад̇ваа. сзсамзд̇т̇а баал̣ианусаарзнзва взд̣̇ид̇аб̣б̣ам̣. яан̃жзд̇т̇а ануд̇д̇аанамад̇т̇ам̣, д̇ам̣ адтагат̇ааяам̣ вуд̇д̇амзва.
Parinibbutoti kilesaparinibbānena parinibbuto. Āsattiyoti rūpādīsu āsañjanaṭṭhena āsattiyo, taṇhāyo. Santinti kilesavūpasamaṃ. Pappuyyāti aggamaggena patvā. Sesamettha pāḷianusāreneva veditabbaṃ. Yañcettha anuttānamatthaṃ, taṃ aṭṭhakathāyaṃ vuttameva.
306. ваяамзва взяяааяиганд̇и ааха ‘‘взяяааяиганд̇и ваяагаран̣ам̣ вужжад̇ий’’д̇и.
306. Vayameva veyyāyikanti āha ‘‘veyyāyikanti vayakaraṇaṃ vuccatī’’ti.
анаат̇абин̣д̣игавад̇т̇угат̇ааван̣н̣анаа нидтид̇аа.
Anāthapiṇḍikavatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / анаат̇абин̣д̣игавад̇т̇у • Anāthapiṇḍikavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / вихаараануж̇аананагат̇аа • Vihārānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / вихаараануж̇аананагат̇ааван̣н̣анаа • Vihārānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вихаараануж̇аананагат̇ааван̣н̣анаа • Vihārānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / вихаараануж̇аананагат̇аа • Vihārānujānanakathā
