| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
5. сал̣ааяад̇анаваг̇г̇о
5. Saḷāyatanavaggo
1. анаат̇абин̣д̣иговаад̣̇асуд̇д̇ам̣
1. Anāthapiṇḍikovādasuttaṃ
383. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна анаат̇абин̣д̣иго г̇ахабад̇и ааб̣аад̇хиго ход̇и д̣̇угкид̇о б̣аал̣хаг̇илаано. ат̇а ко анаат̇абин̣д̣иго г̇ахабад̇и ан̃н̃ад̇арам̣ бурисам̣ ааманд̇зси – ‘‘зхи д̇вам̣, амбхо буриса, язна бхаг̇аваа д̇знубасан̇гама; убасан̇гамид̇ваа мама важанзна бхаг̇авад̇о баад̣̇з сирасаа ванд̣̇аахи 1 – ‘анаат̇абин̣д̣иго, бханд̇з, г̇ахабад̇и ааб̣аад̇хиго д̣̇угкид̇о б̣аал̣хаг̇илаано. со бхаг̇авад̇о баад̣̇з сирасаа ванд̣̇ад̇ий’д̇и. язна жааяасмаа саарибуд̇д̇о д̇знубасан̇гама; убасан̇гамид̇ваа мама важанзна ааяасмад̇о саарибуд̇д̇асса баад̣̇з сирасаа ванд̣̇аахи 2 – ‘анаат̇абин̣д̣иго, бханд̇з, г̇ахабад̇и ааб̣аад̇хиго д̣̇угкид̇о б̣аал̣хаг̇илаано. со ааяасмад̇о саарибуд̇д̇асса баад̣̇з сирасаа ванд̣̇ад̇ий’д̇и. зван̃жа вад̣̇зхи – ‘саад̇ху гира, бханд̇з, ааяасмаа саарибуд̇д̇о язна анаат̇абин̣д̣игасса г̇ахабад̇исса нивзсанам̣ д̇знубасан̇гамад̇у анугамбам̣ убаад̣̇ааяаа’’’д̇и.
383. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena anāthapiṇḍiko gahapati ābādhiko hoti dukkhito bāḷhagilāno. Atha kho anāthapiṇḍiko gahapati aññataraṃ purisaṃ āmantesi – ‘‘ehi tvaṃ, ambho purisa, yena bhagavā tenupasaṅkama; upasaṅkamitvā mama vacanena bhagavato pāde sirasā vandāhi 3 – ‘anāthapiṇḍiko, bhante, gahapati ābādhiko dukkhito bāḷhagilāno. So bhagavato pāde sirasā vandatī’ti. Yena cāyasmā sāriputto tenupasaṅkama; upasaṅkamitvā mama vacanena āyasmato sāriputtassa pāde sirasā vandāhi 4 – ‘anāthapiṇḍiko, bhante, gahapati ābādhiko dukkhito bāḷhagilāno. So āyasmato sāriputtassa pāde sirasā vandatī’ti. Evañca vadehi – ‘sādhu kira, bhante, āyasmā sāriputto yena anāthapiṇḍikassa gahapatissa nivesanaṃ tenupasaṅkamatu anukampaṃ upādāyā’’’ti.
‘‘звам̣, бханд̇з’’д̇и ко со бурисо анаат̇абин̣д̣игасса г̇ахабад̇исса бадиссуд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со бурисо бхаг̇аванд̇ам̣ зд̇ад̣̇авожа – ‘‘анаат̇абин̣д̣иго, бханд̇з, г̇ахабад̇и ааб̣аад̇хиго д̣̇угкид̇о б̣аал̣хаг̇илаано. со бхаг̇авад̇о баад̣̇з сирасаа ванд̣̇ад̇ий’’д̇и. язна жааяасмаа саарибуд̇д̇о д̇знубасан̇гами; убасан̇гамид̇ваа ааяасманд̇ам̣ саарибуд̇д̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со бурисо ааяасманд̇ам̣ саарибуд̇д̇ам̣ зд̇ад̣̇авожа – ‘‘анаат̇абин̣д̣иго, бханд̇з, г̇ахабад̇и ааб̣аад̇хиго д̣̇угкид̇о б̣аал̣хаг̇илаано. со ааяасмад̇о саарибуд̇д̇асса баад̣̇з сирасаа ванд̣̇ад̇и; зван̃жа вад̣̇зд̇и – ‘саад̇ху гира, бханд̇з, ааяасмаа саарибуд̇д̇о язна анаат̇абин̣д̣игасса г̇ахабад̇исса нивзсанам̣ д̇знубасан̇гамад̇у анугамбам̣ убаад̣̇ааяаа’’’д̇и. ад̇хиваасзси ко ааяасмаа саарибуд̇д̇о д̇ун̣хийбхаавзна.
‘‘Evaṃ, bhante’’ti kho so puriso anāthapiṇḍikassa gahapatissa paṭissutvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho so puriso bhagavantaṃ etadavoca – ‘‘anāthapiṇḍiko, bhante, gahapati ābādhiko dukkhito bāḷhagilāno. So bhagavato pāde sirasā vandatī’’ti. Yena cāyasmā sāriputto tenupasaṅkami; upasaṅkamitvā āyasmantaṃ sāriputtaṃ abhivādetvā ekamantaṃ nisīdi. Ekamantaṃ nisinno kho so puriso āyasmantaṃ sāriputtaṃ etadavoca – ‘‘anāthapiṇḍiko, bhante, gahapati ābādhiko dukkhito bāḷhagilāno. So āyasmato sāriputtassa pāde sirasā vandati; evañca vadeti – ‘sādhu kira, bhante, āyasmā sāriputto yena anāthapiṇḍikassa gahapatissa nivesanaṃ tenupasaṅkamatu anukampaṃ upādāyā’’’ti. Adhivāsesi kho āyasmā sāriputto tuṇhībhāvena.
384. ат̇а ко ааяасмаа саарибуд̇д̇о ниваасзд̇ваа бад̇д̇ажийварамаад̣̇ааяа ааяасмад̇аа аананд̣̇зна бажчаасаман̣зна язна анаат̇абин̣д̣игасса г̇ахабад̇исса нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. нисаж̇ж̇а ко ааяасмаа саарибуд̇д̇о анаат̇абин̣д̣игам̣ г̇ахабад̇им̣ зд̇ад̣̇авожа – ‘‘гажжи д̇з, г̇ахабад̇и, каманийяам̣, гажжи яаабанийяам̣? гажжи д̇з д̣̇угкаа взд̣̇анаа бадиггаманд̇и, но абхиггаманд̇и; бадиггамосаанам̣ бан̃н̃ааяад̇и, но абхиггамо’’д̇и?
384. Atha kho āyasmā sāriputto nivāsetvā pattacīvaramādāya āyasmatā ānandena pacchāsamaṇena yena anāthapiṇḍikassa gahapatissa nivesanaṃ tenupasaṅkami; upasaṅkamitvā paññatte āsane nisīdi. Nisajja kho āyasmā sāriputto anāthapiṇḍikaṃ gahapatiṃ etadavoca – ‘‘kacci te, gahapati, khamanīyaṃ, kacci yāpanīyaṃ? Kacci te dukkhā vedanā paṭikkamanti, no abhikkamanti; paṭikkamosānaṃ paññāyati, no abhikkamo’’ti?
‘‘на мз, бханд̇з саарибуд̇д̇а, каманийяам̣ на яаабанийяам̣. б̣аал̣хаа мз д̣̇угкаа взд̣̇анаа абхиггаманд̇и, но бадиггаманд̇и; абхиггамосаанам̣ бан̃н̃ааяад̇и, но бадиггамо. сзяяат̇ааби, бханд̇з саарибуд̇д̇а, б̣алаваа бурисо д̇ин̣хзна сикарзна муд̣̇д̇хани 5 абхимад̇т̇зяяа 6; звамзва ко мз, бханд̇з саарибуд̇д̇а, ад̇химад̇д̇аа ваад̇аа муд̣̇д̇хани 7 уухананд̇и 8. на мз, бханд̇з саарибуд̇д̇а, каманийяам̣ на яаабанийяам̣. б̣аал̣хаа мз д̣̇угкаа взд̣̇анаа абхиггаманд̇и, но бадиггаманд̇и; абхиггамосаанам̣ бан̃н̃ааяад̇и, но бадиггамо. сзяяат̇ааби, бханд̇з саарибуд̇д̇а, б̣алаваа бурисо д̣̇ал̣хзна варад̇д̇акан̣д̣зна сийсз сийсавзтам̣ д̣̇ад̣̇зяяа; звамзва ко мз, бханд̇з саарибуд̇д̇а, ад̇химад̇д̇аа сийсз сийсавзд̣̇анаа. на мз, бханд̇з саарибуд̇д̇а, каманийяам̣ на яаабанийяам̣. б̣аал̣хаа мз д̣̇угкаа взд̣̇анаа абхиггаманд̇и, но бадиггаманд̇и; абхиггамосаанам̣ бан̃н̃ааяад̇и, но бадиггамо. сзяяат̇ааби, бханд̇з саарибуд̇д̇а, д̣̇агко г̇огхаад̇аго ваа г̇огхаад̇аганд̇зваасий ваа д̇ин̣хзна г̇овиганд̇анзна гужчим̣ бариганд̇зяяа; звамзва ко мз, бханд̇з саарибуд̇д̇а, ад̇химад̇д̇аа ваад̇аа гужчим̣ бариганд̇анд̇и. на мз, бханд̇з саарибуд̇д̇а, каманийяам̣ на яаабанийяам̣. б̣аал̣хаа мз д̣̇угкаа взд̣̇анаа абхиггаманд̇и, но бадиггаманд̇и; абхиггамосаанам̣ бан̃н̃ааяад̇и, но бадиггамо. сзяяат̇ааби, бханд̇з саарибуд̇д̇а, д̣̇вз б̣алаванд̇о бурисаа д̣̇уб̣б̣алад̇арам̣ бурисам̣ наанааб̣аахаасу г̇ахзд̇ваа ан̇г̇аарагаасуяаа санд̇аабзяяум̣, самбарид̇аабзяяум̣; звамзва ко мз, бханд̇з саарибуд̇д̇а, ад̇химад̇д̇о гааяасмим̣ д̣аахо. на мз, бханд̇з саарибуд̇д̇а, каманийяам̣ на яаабанийяам̣. б̣аал̣хаа мз д̣̇угкаа взд̣̇анаа абхиггаманд̇и, но бадиггаманд̇и; абхиггамосаанам̣ бан̃н̃ааяад̇и, но бадиггамо’’д̇и.
‘‘Na me, bhante sāriputta, khamanīyaṃ na yāpanīyaṃ. Bāḷhā me dukkhā vedanā abhikkamanti, no paṭikkamanti; abhikkamosānaṃ paññāyati, no paṭikkamo. Seyyathāpi, bhante sāriputta, balavā puriso tiṇhena sikharena muddhani 9 abhimattheyya 10; evameva kho me, bhante sāriputta, adhimattā vātā muddhani 11 ūhananti 12. Na me, bhante sāriputta, khamanīyaṃ na yāpanīyaṃ. Bāḷhā me dukkhā vedanā abhikkamanti, no paṭikkamanti; abhikkamosānaṃ paññāyati, no paṭikkamo. Seyyathāpi, bhante sāriputta, balavā puriso daḷhena varattakhaṇḍena sīse sīsaveṭhaṃ dadeyya; evameva kho me, bhante sāriputta, adhimattā sīse sīsavedanā. Na me, bhante sāriputta, khamanīyaṃ na yāpanīyaṃ. Bāḷhā me dukkhā vedanā abhikkamanti, no paṭikkamanti; abhikkamosānaṃ paññāyati, no paṭikkamo. Seyyathāpi, bhante sāriputta, dakkho goghātako vā goghātakantevāsī vā tiṇhena govikantanena kucchiṃ parikanteyya; evameva kho me, bhante sāriputta, adhimattā vātā kucchiṃ parikantanti. Na me, bhante sāriputta, khamanīyaṃ na yāpanīyaṃ. Bāḷhā me dukkhā vedanā abhikkamanti, no paṭikkamanti; abhikkamosānaṃ paññāyati, no paṭikkamo. Seyyathāpi, bhante sāriputta, dve balavanto purisā dubbalataraṃ purisaṃ nānābāhāsu gahetvā aṅgārakāsuyā santāpeyyuṃ, samparitāpeyyuṃ; evameva kho me, bhante sāriputta, adhimatto kāyasmiṃ ḍāho. Na me, bhante sāriputta, khamanīyaṃ na yāpanīyaṃ. Bāḷhā me dukkhā vedanā abhikkamanti, no paṭikkamanti; abhikkamosānaṃ paññāyati, no paṭikkamo’’ti.
385. ‘‘д̇асмаад̇иха д̇з, г̇ахабад̇и, звам̣ сигкид̇аб̣б̣ам̣ – ‘на жагкум̣ убаад̣̇ияиссаами, на жа мз жагкуниссид̇ам̣ вин̃н̃аан̣ам̣ бхависсад̇ий’д̇и. зван̃хи д̇з, г̇ахабад̇и, сигкид̇аб̣б̣ам̣.
385. ‘‘Tasmātiha te, gahapati, evaṃ sikkhitabbaṃ – ‘na cakkhuṃ upādiyissāmi, na ca me cakkhunissitaṃ viññāṇaṃ bhavissatī’ti. Evañhi te, gahapati, sikkhitabbaṃ.
‘‘д̇асмаад̇иха д̇з, г̇ахабад̇и, звам̣ сигкид̇аб̣б̣ам̣ – ‘на сод̇ам̣ убаад̣̇ияиссаами, на жа мз сод̇аниссид̇ам̣ вин̃н̃аан̣ам̣ бхависсад̇ий’д̇и. зван̃хи д̇з, г̇ахабад̇и, сигкид̇аб̣б̣ам̣. д̇асмаад̇иха д̇з, г̇ахабад̇и, звам̣ сигкид̇аб̣б̣ам̣ – ‘на гхаанам̣ убаад̣̇ияиссаами, на жа мз гхаананиссид̇ам̣ вин̃н̃аан̣ам̣ бхависсад̇ий’д̇и. зван̃хи д̇з, г̇ахабад̇и, сигкид̇аб̣б̣ам̣. д̇асмаад̇иха д̇з, г̇ахабад̇и, звам̣ сигкид̇аб̣б̣ам̣ – ‘на ж̇ивхам̣ убаад̣̇ияиссаами, на жа мз ж̇ивхааниссид̇ам̣ вин̃н̃аан̣ам̣ бхависсад̇ий’д̇и. зван̃хи д̇з, г̇ахабад̇и, сигкид̇аб̣б̣ам̣. д̇асмаад̇иха д̇з, г̇ахабад̇и, звам̣ сигкид̇аб̣б̣ам̣ – ‘на гааяам̣ убаад̣̇ияиссаами, на жа мз гааяаниссид̇ам̣ вин̃н̃аан̣ам̣ бхависсад̇ий’д̇и. зван̃хи д̇з, г̇ахабад̇и, сигкид̇аб̣б̣ам̣. д̇асмаад̇иха д̇з, г̇ахабад̇и, звам̣ сигкид̇аб̣б̣ам̣ – ‘на манам̣ убаад̣̇ияиссаами, на жа мз манониссид̇ам̣ вин̃н̃аан̣ам̣ бхависсад̇ий’д̇и. зван̃хи д̇з, г̇ахабад̇и, сигкид̇аб̣б̣ам̣.
‘‘Tasmātiha te, gahapati, evaṃ sikkhitabbaṃ – ‘na sotaṃ upādiyissāmi, na ca me sotanissitaṃ viññāṇaṃ bhavissatī’ti. Evañhi te, gahapati, sikkhitabbaṃ. Tasmātiha te, gahapati, evaṃ sikkhitabbaṃ – ‘na ghānaṃ upādiyissāmi, na ca me ghānanissitaṃ viññāṇaṃ bhavissatī’ti. Evañhi te, gahapati, sikkhitabbaṃ. Tasmātiha te, gahapati, evaṃ sikkhitabbaṃ – ‘na jivhaṃ upādiyissāmi, na ca me jivhānissitaṃ viññāṇaṃ bhavissatī’ti. Evañhi te, gahapati, sikkhitabbaṃ. Tasmātiha te, gahapati, evaṃ sikkhitabbaṃ – ‘na kāyaṃ upādiyissāmi, na ca me kāyanissitaṃ viññāṇaṃ bhavissatī’ti. Evañhi te, gahapati, sikkhitabbaṃ. Tasmātiha te, gahapati, evaṃ sikkhitabbaṃ – ‘na manaṃ upādiyissāmi, na ca me manonissitaṃ viññāṇaṃ bhavissatī’ti. Evañhi te, gahapati, sikkhitabbaṃ.
‘‘д̇асмаад̇иха д̇з, г̇ахабад̇и, звам̣ сигкид̇аб̣б̣ам̣ – ‘на руубам̣ убаад̣̇ияиссаами, на жа мз руубаниссид̇ам̣ вин̃н̃аан̣ам̣ бхависсад̇ий’д̇и. зван̃хи д̇з, г̇ахабад̇и, сигкид̇аб̣б̣ам̣. д̇асмаад̇иха д̇з, г̇ахабад̇и, звам̣ сигкид̇аб̣б̣ам̣ – ‘на сад̣̇д̣̇ам̣ убаад̣̇ияиссаами…бз… на г̇анд̇хам̣ убаад̣̇ияиссаами… на расам̣ убаад̣̇ияиссаами… на подтаб̣б̣ам̣ убаад̣̇ияиссаами… на д̇хаммам̣ убаад̣̇ияиссаами на жа мз д̇хамманиссид̇ам̣ вин̃н̃аан̣ам̣ бхависсад̇ий’д̇и. зван̃хи д̇з, г̇ахабад̇и, сигкид̇аб̣б̣ам̣.
‘‘Tasmātiha te, gahapati, evaṃ sikkhitabbaṃ – ‘na rūpaṃ upādiyissāmi, na ca me rūpanissitaṃ viññāṇaṃ bhavissatī’ti. Evañhi te, gahapati, sikkhitabbaṃ. Tasmātiha te, gahapati, evaṃ sikkhitabbaṃ – ‘na saddaṃ upādiyissāmi…pe… na gandhaṃ upādiyissāmi… na rasaṃ upādiyissāmi… na phoṭṭhabbaṃ upādiyissāmi… na dhammaṃ upādiyissāmi na ca me dhammanissitaṃ viññāṇaṃ bhavissatī’ti. Evañhi te, gahapati, sikkhitabbaṃ.
‘‘д̇асмаад̇иха д̇з, г̇ахабад̇и, звам̣ сигкид̇аб̣б̣ам̣ – ‘на жагкувин̃н̃аан̣ам̣ убаад̣̇ияиссаами, на жа мз жагкувин̃н̃аан̣аниссид̇ам̣ вин̃н̃аан̣ам̣ бхависсад̇ий’д̇и. зван̃хи д̇з, г̇ахабад̇и, сигкид̇аб̣б̣ам̣. д̇асмаад̇иха д̇з, г̇ахабад̇и, звам̣ сигкид̇аб̣б̣ам̣ – ‘на сод̇авин̃н̃аан̣ам̣ убаад̣̇ияиссаами… на гхаанавин̃н̃аан̣ам̣ убаад̣̇ияиссаами… на ж̇ивхаавин̃н̃аан̣ам̣ убаад̣̇ияиссаами… на гааяавин̃н̃аан̣ам̣ убаад̣̇ияиссаами… на мановин̃н̃аан̣ам̣ убаад̣̇ияиссаами на жа мз мановин̃н̃аан̣аниссид̇ам̣ вин̃н̃аан̣ам̣ бхависсад̇ий’д̇и. зван̃хи д̇з, г̇ахабад̇и, сигкид̇аб̣б̣ам̣.
‘‘Tasmātiha te, gahapati, evaṃ sikkhitabbaṃ – ‘na cakkhuviññāṇaṃ upādiyissāmi, na ca me cakkhuviññāṇanissitaṃ viññāṇaṃ bhavissatī’ti. Evañhi te, gahapati, sikkhitabbaṃ. Tasmātiha te, gahapati, evaṃ sikkhitabbaṃ – ‘na sotaviññāṇaṃ upādiyissāmi… na ghānaviññāṇaṃ upādiyissāmi… na jivhāviññāṇaṃ upādiyissāmi… na kāyaviññāṇaṃ upādiyissāmi… na manoviññāṇaṃ upādiyissāmi na ca me manoviññāṇanissitaṃ viññāṇaṃ bhavissatī’ti. Evañhi te, gahapati, sikkhitabbaṃ.
‘‘д̇асмаад̇иха д̇з, г̇ахабад̇и, звам̣ сигкид̇аб̣б̣ам̣ – ‘на жагкусампассам̣ убаад̣̇ияиссаами, на жа мз жагкусампассаниссид̇ам̣ вин̃н̃аан̣ам̣ бхависсад̇ий’д̇и. зван̃хи д̇з, г̇ахабад̇и, сигкид̇аб̣б̣ам̣. д̇асмаад̇иха д̇з, г̇ахабад̇и, звам̣ сигкид̇аб̣б̣ам̣ – ‘на сод̇асампассам̣ убаад̣̇ияиссаами… на гхаанасампассам̣ убаад̣̇ияиссаами… на ж̇ивхаасампассам̣ убаад̣̇ияиссаами… на гааяасампассам̣ убаад̣̇ияиссаами… на маносампассам̣ убаад̣̇ияиссаами, на жа мз маносампассаниссид̇ам̣ вин̃н̃аан̣ам̣ бхависсад̇ий’д̇и. зван̃хи д̇з, г̇ахабад̇и, сигкид̇аб̣б̣ам̣.
‘‘Tasmātiha te, gahapati, evaṃ sikkhitabbaṃ – ‘na cakkhusamphassaṃ upādiyissāmi, na ca me cakkhusamphassanissitaṃ viññāṇaṃ bhavissatī’ti. Evañhi te, gahapati, sikkhitabbaṃ. Tasmātiha te, gahapati, evaṃ sikkhitabbaṃ – ‘na sotasamphassaṃ upādiyissāmi… na ghānasamphassaṃ upādiyissāmi… na jivhāsamphassaṃ upādiyissāmi… na kāyasamphassaṃ upādiyissāmi… na manosamphassaṃ upādiyissāmi, na ca me manosamphassanissitaṃ viññāṇaṃ bhavissatī’ti. Evañhi te, gahapati, sikkhitabbaṃ.
‘‘д̇асмаад̇иха д̇з, г̇ахабад̇и, звам̣ сигкид̇аб̣б̣ам̣ – ‘на жагкусампассаж̇ам̣ взд̣̇анам̣ убаад̣̇ияиссаами, на жа мз жагкусампассаж̇аавзд̣̇анааниссид̇ам̣ вин̃н̃аан̣ам̣ бхависсад̇ий’д̇и. зван̃хи д̇з, г̇ахабад̇и, сигкид̇аб̣б̣ам̣. д̇асмаад̇иха д̇з , г̇ахабад̇и, звам̣ сигкид̇аб̣б̣ам̣ – ‘на сод̇асампассаж̇ам̣ взд̣̇анам̣ убаад̣̇ияиссаами… на гхаанасампассаж̇ам̣ взд̣̇анам̣ убаад̣̇ияиссаами… на ж̇ивхаасампассаж̇ам̣ взд̣̇анам̣ убаад̣̇ияиссаами… на гааяасампассаж̇ам̣ взд̣̇анам̣ убаад̣̇ияиссаами… на маносампассаж̇ам̣ взд̣̇анам̣ убаад̣̇ияиссаами, на жа мз маносампассаж̇аавзд̣̇анааниссид̇ам̣ вин̃н̃аан̣ам̣ бхависсад̇ий’д̇и. зван̃хи д̇з, г̇ахабад̇и, сигкид̇аб̣б̣ам̣.
‘‘Tasmātiha te, gahapati, evaṃ sikkhitabbaṃ – ‘na cakkhusamphassajaṃ vedanaṃ upādiyissāmi, na ca me cakkhusamphassajāvedanānissitaṃ viññāṇaṃ bhavissatī’ti. Evañhi te, gahapati, sikkhitabbaṃ. Tasmātiha te , gahapati, evaṃ sikkhitabbaṃ – ‘na sotasamphassajaṃ vedanaṃ upādiyissāmi… na ghānasamphassajaṃ vedanaṃ upādiyissāmi… na jivhāsamphassajaṃ vedanaṃ upādiyissāmi… na kāyasamphassajaṃ vedanaṃ upādiyissāmi… na manosamphassajaṃ vedanaṃ upādiyissāmi, na ca me manosamphassajāvedanānissitaṃ viññāṇaṃ bhavissatī’ti. Evañhi te, gahapati, sikkhitabbaṃ.
386. ‘‘д̇асмаад̇иха д̇з, г̇ахабад̇и, звам̣ сигкид̇аб̣б̣ам̣ – ‘на бат̇авийд̇хаад̇ум̣ убаад̣̇ияиссаами, на жа мз бат̇авийд̇хаад̇униссид̇ам̣ вин̃н̃аан̣ам̣ бхависсад̇ий’д̇и. зван̃хи д̇з, г̇ахабад̇и, сигкид̇аб̣б̣ам̣. д̇асмаад̇иха д̇з, г̇ахабад̇и, звам̣ сигкид̇аб̣б̣ам̣ – ‘на аабод̇хаад̇ум̣ убаад̣̇ияиссаами… на д̇зж̇од̇хаад̇ум̣ убаад̣̇ияиссаами… на вааяод̇хаад̇ум̣ убаад̣̇ияиссаами… на аагаасад̇хаад̇ум̣ убаад̣̇ияиссаами… на вин̃н̃аан̣ад̇хаад̇ум̣ убаад̣̇ияиссаами, на жа мз вин̃н̃аан̣ад̇хаад̇униссид̇ам̣ вин̃н̃аан̣ам̣ бхависсад̇ий’д̇и. зван̃хи д̇з, г̇ахабад̇и, сигкид̇аб̣б̣ам̣.
386. ‘‘Tasmātiha te, gahapati, evaṃ sikkhitabbaṃ – ‘na pathavīdhātuṃ upādiyissāmi, na ca me pathavīdhātunissitaṃ viññāṇaṃ bhavissatī’ti. Evañhi te, gahapati, sikkhitabbaṃ. Tasmātiha te, gahapati, evaṃ sikkhitabbaṃ – ‘na āpodhātuṃ upādiyissāmi… na tejodhātuṃ upādiyissāmi… na vāyodhātuṃ upādiyissāmi… na ākāsadhātuṃ upādiyissāmi… na viññāṇadhātuṃ upādiyissāmi, na ca me viññāṇadhātunissitaṃ viññāṇaṃ bhavissatī’ti. Evañhi te, gahapati, sikkhitabbaṃ.
‘‘д̇асмаад̇иха д̇з, г̇ахабад̇и, звам̣ сигкид̇аб̣б̣ам̣ – ‘на руубам̣ убаад̣̇ияиссаами, на жа мз руубаниссид̇ам̣ вин̃н̃аан̣ам̣ бхависсад̇ий’д̇и. зван̃хи д̇з, г̇ахабад̇и, сигкид̇аб̣б̣ам̣. д̇асмаад̇иха д̇з, г̇ахабад̇и, звам̣ сигкид̇аб̣б̣ам̣ – ‘на взд̣̇анам̣ убаад̣̇ияиссаами… на сан̃н̃ам̣ убаад̣̇ияиссаами… на сан̇каарз убаад̣̇ияиссаами… на вин̃н̃аан̣ам̣ убаад̣̇ияиссаами, на жа мз вин̃н̃аан̣аниссид̇ам̣ вин̃н̃аан̣ам̣ бхависсад̇ий’д̇и. зван̃хи д̇з, г̇ахабад̇и, сигкид̇аб̣б̣ам̣.
‘‘Tasmātiha te, gahapati, evaṃ sikkhitabbaṃ – ‘na rūpaṃ upādiyissāmi, na ca me rūpanissitaṃ viññāṇaṃ bhavissatī’ti. Evañhi te, gahapati, sikkhitabbaṃ. Tasmātiha te, gahapati, evaṃ sikkhitabbaṃ – ‘na vedanaṃ upādiyissāmi… na saññaṃ upādiyissāmi… na saṅkhāre upādiyissāmi… na viññāṇaṃ upādiyissāmi, na ca me viññāṇanissitaṃ viññāṇaṃ bhavissatī’ti. Evañhi te, gahapati, sikkhitabbaṃ.
‘‘д̇асмаад̇иха д̇з, г̇ахабад̇и, звам̣ сигкид̇аб̣б̣ам̣ – ‘на аагаасаанан̃жааяад̇анам̣ убаад̣̇ияиссаами , на жа мз аагаасаанан̃жааяад̇ананиссид̇ам̣ вин̃н̃аан̣ам̣ бхависсад̇ий’д̇и . зван̃хи д̇з, г̇ахабад̇и, сигкид̇аб̣б̣ам̣. д̇асмаад̇иха д̇з, г̇ахабад̇и, звам̣ сигкид̇аб̣б̣ам̣ – ‘на вин̃н̃аан̣ан̃жааяад̇анам̣ убаад̣̇ияиссаами… на аагин̃жан̃н̃ааяад̇анам̣ убаад̣̇ияиссаами… на нзвасан̃н̃аанаасан̃н̃ааяад̇анам̣ убаад̣̇ияиссаами на жа мз нзвасан̃н̃аанаасан̃н̃ааяад̇ананиссид̇ам̣ вин̃н̃аан̣ам̣ бхависсад̇ий’д̇и. зван̃хи д̇з, г̇ахабад̇и, сигкид̇аб̣б̣ам̣.
‘‘Tasmātiha te, gahapati, evaṃ sikkhitabbaṃ – ‘na ākāsānañcāyatanaṃ upādiyissāmi , na ca me ākāsānañcāyatananissitaṃ viññāṇaṃ bhavissatī’ti . Evañhi te, gahapati, sikkhitabbaṃ. Tasmātiha te, gahapati, evaṃ sikkhitabbaṃ – ‘na viññāṇañcāyatanaṃ upādiyissāmi… na ākiñcaññāyatanaṃ upādiyissāmi… na nevasaññānāsaññāyatanaṃ upādiyissāmi na ca me nevasaññānāsaññāyatananissitaṃ viññāṇaṃ bhavissatī’ti. Evañhi te, gahapati, sikkhitabbaṃ.
‘‘д̇асмаад̇иха д̇з, г̇ахабад̇и, звам̣ сигкид̇аб̣б̣ам̣ – ‘на ид̇халогам̣ убаад̣̇ияиссаами, на жа мз ид̇халоганиссид̇ам̣ вин̃н̃аан̣ам̣ бхависсад̇ий’д̇и. зван̃хи д̇з, г̇ахабад̇и, сигкид̇аб̣б̣ам̣. д̇асмаад̇иха д̇з, г̇ахабад̇и, звам̣ сигкид̇аб̣б̣ам̣ – ‘на баралогам̣ убаад̣̇ияиссаами, на жа мз баралоганиссид̇ам̣ вин̃н̃аан̣ам̣ бхависсад̇ий’д̇и. зван̃хи д̇з, г̇ахабад̇и, сигкид̇аб̣б̣ам̣. д̇асмаад̇иха д̇з, г̇ахабад̇и, звам̣ сигкид̇аб̣б̣ам̣ – ‘яамби мз д̣̇идтам̣ суд̇ам̣ муд̇ам̣ вин̃н̃аад̇ам̣ бад̇д̇ам̣ бариязсид̇ам̣ анубариязсид̇ам̣ анужарид̇ам̣ манасаа д̇амби на убаад̣̇ияиссаами, на жа мз д̇ам̣ниссид̇ам̣ вин̃н̃аан̣ам̣ бхависсад̇ий’д̇и. зван̃хи д̇з, г̇ахабад̇и, сигкид̇аб̣б̣а’’нд̇и.
‘‘Tasmātiha te, gahapati, evaṃ sikkhitabbaṃ – ‘na idhalokaṃ upādiyissāmi, na ca me idhalokanissitaṃ viññāṇaṃ bhavissatī’ti. Evañhi te, gahapati, sikkhitabbaṃ. Tasmātiha te, gahapati, evaṃ sikkhitabbaṃ – ‘na paralokaṃ upādiyissāmi, na ca me paralokanissitaṃ viññāṇaṃ bhavissatī’ti. Evañhi te, gahapati, sikkhitabbaṃ. Tasmātiha te, gahapati, evaṃ sikkhitabbaṃ – ‘yampi me diṭṭhaṃ sutaṃ mutaṃ viññātaṃ pattaṃ pariyesitaṃ anupariyesitaṃ anucaritaṃ manasā tampi na upādiyissāmi, na ca me taṃnissitaṃ viññāṇaṃ bhavissatī’ti. Evañhi te, gahapati, sikkhitabba’’nti.
387. звам̣ вуд̇д̇з, анаат̇абин̣д̣иго г̇ахабад̇и барод̣̇и, ассууни бавад̇д̇зси. ат̇а ко ааяасмаа аананд̣̇о анаат̇абин̣д̣игам̣ г̇ахабад̇им̣ зд̇ад̣̇авожа – ‘‘олийяаси ко д̇вам̣, г̇ахабад̇и, сам̣сийд̣̇аси ко д̇вам̣, г̇ахабад̇ий’’д̇и? ‘‘наахам̣, бханд̇з аананд̣̇а, олийяаами, наби сам̣сийд̣̇аами; аби жа мз д̣̇ийгхарад̇д̇ам̣ сад̇т̇аа баяирубаасид̇о манобхааванийяаа жа бхигкуу; на жа мз зваруубий д̇хаммий гат̇аа суд̇абуб̣б̣аа’’д̇и. ‘‘на ко, г̇ахабад̇и, г̇ихийнам̣ од̣̇аад̇авасанаанам̣ зваруубий д̇хаммий гат̇аа бадибхаад̇и; баб̣б̣аж̇ид̇аанам̣ ко, г̇ахабад̇и, зваруубий д̇хаммий гат̇аа бадибхаад̇ий’’д̇и. ‘‘д̇зна хи, бханд̇з саарибуд̇д̇а, г̇ихийнамби од̣̇аад̇авасанаанам̣ зваруубий д̇хаммий гат̇аа бадибхаад̇у. санд̇и хи, бханд̇з, гулабуд̇д̇аа аббараж̇агкаж̇аад̇игаа, ассаванад̇аа д̇хаммасса барихааяанд̇и; бхависсанд̇и д̇хаммасса ан̃н̃аад̇ааро’’д̇и.
387. Evaṃ vutte, anāthapiṇḍiko gahapati parodi, assūni pavattesi. Atha kho āyasmā ānando anāthapiṇḍikaṃ gahapatiṃ etadavoca – ‘‘olīyasi kho tvaṃ, gahapati, saṃsīdasi kho tvaṃ, gahapatī’’ti? ‘‘Nāhaṃ, bhante ānanda, olīyāmi, napi saṃsīdāmi; api ca me dīgharattaṃ satthā payirupāsito manobhāvanīyā ca bhikkhū; na ca me evarūpī dhammī kathā sutapubbā’’ti. ‘‘Na kho, gahapati, gihīnaṃ odātavasanānaṃ evarūpī dhammī kathā paṭibhāti; pabbajitānaṃ kho, gahapati, evarūpī dhammī kathā paṭibhātī’’ti. ‘‘Tena hi, bhante sāriputta, gihīnampi odātavasanānaṃ evarūpī dhammī kathā paṭibhātu. Santi hi, bhante, kulaputtā apparajakkhajātikā, assavanatā dhammassa parihāyanti; bhavissanti dhammassa aññātāro’’ti.
ат̇а ко ааяасмаа жа саарибуд̇д̇о ааяасмаа жа аананд̣̇о анаат̇абин̣д̣игам̣ г̇ахабад̇им̣ иминаа оваад̣̇зна овад̣̇ид̇ваа удтааяаасанаа баггамим̣су. ат̇а ко анаат̇абин̣д̣иго г̇ахабад̇и, ажирабагганд̇з ааяасманд̇з жа саарибуд̇д̇з ааяасманд̇з жа аананд̣̇з , гааламагааси д̇усид̇ам̣ гааяам̣ убабаж̇ж̇и. ат̇а ко анаат̇абин̣д̣иго д̣̇звабуд̇д̇о абхигганд̇ааяа рад̇д̇ияаа абхигганд̇аван̣н̣о гзвалагаббам̣ ж̇зд̇аванам̣ обхаасзд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ ж̇тид̇о ко анаат̇абин̣д̣иго д̣̇звабуд̇д̇о бхаг̇аванд̇ам̣ г̇аат̇аахи аж̇жхабхааси –
Atha kho āyasmā ca sāriputto āyasmā ca ānando anāthapiṇḍikaṃ gahapatiṃ iminā ovādena ovaditvā uṭṭhāyāsanā pakkamiṃsu. Atha kho anāthapiṇḍiko gahapati, acirapakkante āyasmante ca sāriputte āyasmante ca ānande , kālamakāsi tusitaṃ kāyaṃ upapajji. Atha kho anāthapiṇḍiko devaputto abhikkantāya rattiyā abhikkantavaṇṇo kevalakappaṃ jetavanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ jṭhito kho anāthapiṇḍiko devaputto bhagavantaṃ gāthāhi ajjhabhāsi –
‘‘ид̣̇ан̃хи д̇ам̣ ж̇зд̇аванам̣, исисан̇гханисзвид̇ам̣;
‘‘Idañhi taṃ jetavanaṃ, isisaṅghanisevitaṃ;
аавуд̇т̇ам̣ д̇хаммарааж̇зна, бийд̇исан̃ж̇ананам̣ мама.
Āvutthaṃ dhammarājena, pītisañjananaṃ mama.
‘‘гаммам̣ виж̇ж̇аа жа д̇хаммо жа, сийлам̣ ж̇ийвид̇амуд̇д̇амам̣;
‘‘Kammaṃ vijjā ca dhammo ca, sīlaṃ jīvitamuttamaṃ;
зд̇зна мажжаа суж̇жханд̇и, на г̇од̇д̇зна д̇ханзна ваа.
Etena maccā sujjhanti, na gottena dhanena vā.
‘‘д̇асмаа хи бан̣д̣ид̇о босо, самбассам̣ ад̇т̇амад̇д̇ано;
‘‘Tasmā hi paṇḍito poso, sampassaṃ atthamattano;
яонисо вижинз д̇хаммам̣, звам̣ д̇ад̇т̇а висуж̇жхад̇и.
Yoniso vicine dhammaṃ, evaṃ tattha visujjhati.
‘‘саарибуд̇д̇ова бан̃н̃ааяа, сийлзна убасамзна;
‘‘Sāriputtova paññāya, sīlena upasamena;
яоби бааран̇г̇ад̇о бхигку, зд̇аавабарамо сияаа’’д̇и.
Yopi pāraṅgato bhikkhu, etāvaparamo siyā’’ti.
ид̣̇амавожа анаат̇абин̣д̣иго д̣̇звабуд̇д̇о. саманун̃н̃о сад̇т̇аа ахоси. ат̇а ко анаат̇абин̣д̣иго д̣̇звабуд̇д̇о – ‘‘саманун̃н̃о мз сад̇т̇аа’’д̇и бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа д̇ад̇т̇званд̇арад̇хааяи.
Idamavoca anāthapiṇḍiko devaputto. Samanuñño satthā ahosi. Atha kho anāthapiṇḍiko devaputto – ‘‘samanuñño me satthā’’ti bhagavantaṃ abhivādetvā padakkhiṇaṃ katvā tatthevantaradhāyi.
388. ат̇а ко бхаг̇аваа д̇ассаа рад̇д̇ияаа ажжаязна бхигкуу ааманд̇зси – ‘‘имам̣, бхигкавз, рад̇д̇им̣ ан̃н̃ад̇аро д̣̇звабуд̇д̇о абхигганд̇ааяа рад̇д̇ияаа абхигганд̇аван̣н̣о гзвалагаббам̣ ж̇зд̇аванам̣ обхаасзд̇ваа язнаахам̣ д̇знубасан̇гами; убасан̇гамид̇ваа мам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко со д̣̇звабуд̇д̇о мам̣ г̇аат̇аахи аж̇жхабхааси –
388. Atha kho bhagavā tassā rattiyā accayena bhikkhū āmantesi – ‘‘imaṃ, bhikkhave, rattiṃ aññataro devaputto abhikkantāya rattiyā abhikkantavaṇṇo kevalakappaṃ jetavanaṃ obhāsetvā yenāhaṃ tenupasaṅkami; upasaṅkamitvā maṃ abhivādetvā ekamantaṃ aṭṭhāsi. Ekamantaṃ ṭhito kho so devaputto maṃ gāthāhi ajjhabhāsi –
‘‘ид̣̇ан̃хи д̇ам̣ ж̇зд̇аванам̣, исисан̇гханисзвид̇ам̣;
‘‘Idañhi taṃ jetavanaṃ, isisaṅghanisevitaṃ;
аавуд̇т̇ам̣ д̇хаммарааж̇зна, бийд̇исан̃ж̇ананам̣ мама.
Āvutthaṃ dhammarājena, pītisañjananaṃ mama.
‘‘гаммам̣ виж̇ж̇аа жа д̇хаммо жа, сийлам̣ ж̇ийвид̇амуд̇д̇амам̣;
‘‘Kammaṃ vijjā ca dhammo ca, sīlaṃ jīvitamuttamaṃ;
зд̇зна мажжаа суж̇жханд̇и, на г̇од̇д̇зна д̇ханзна ваа.
Etena maccā sujjhanti, na gottena dhanena vā.
‘‘д̇асмаа хи бан̣д̣ид̇о босо, самбассам̣ ад̇т̇амад̇д̇ано;
‘‘Tasmā hi paṇḍito poso, sampassaṃ atthamattano;
яонисо вижинз д̇хаммам̣, звам̣ д̇ад̇т̇а висуж̇жхад̇и.
Yoniso vicine dhammaṃ, evaṃ tattha visujjhati.
‘‘саарибуд̇д̇ова бан̃н̃ааяа, сийлзна убасамзна;
‘‘Sāriputtova paññāya, sīlena upasamena;
яоби бааран̇г̇ад̇о бхигку, зд̇аавабарамо сияаа’’д̇и.
Yopi pāraṅgato bhikkhu, etāvaparamo siyā’’ti.
‘‘ид̣̇амавожа , бхигкавз, со д̣̇звабуд̇д̇о. ‘саманун̃н̃о мз сад̇т̇аа’д̇и мам̣ абхиваад̣̇зд̇ваа бад̣̇агкин̣ам̣ гад̇ваа д̇ад̇т̇званд̇арад̇хааяий’’д̇и.
‘‘Idamavoca , bhikkhave, so devaputto. ‘Samanuñño me satthā’ti maṃ abhivādetvā padakkhiṇaṃ katvā tatthevantaradhāyī’’ti.
звам̣ вуд̇д̇з, ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘со хи нууна со, бханд̇з, анаат̇абин̣д̣иго д̣̇звабуд̇д̇о бхависсад̇и. анаат̇абин̣д̣иго, бханд̇з, г̇ахабад̇и ааяасманд̇з саарибуд̇д̇з абхиббасанно ахосий’’д̇и. ‘‘саад̇ху, саад̇ху, аананд̣̇а! яаавад̇агам̣ ко, аананд̣̇а, д̇аггааяа бад̇д̇аб̣б̣ам̣, ануббад̇д̇ам̣ д̇ам̣ д̇аяаа. анаат̇абин̣д̣иго со, аананд̣̇а, д̣̇звабуд̇д̇о’’д̇и.
Evaṃ vutte, āyasmā ānando bhagavantaṃ etadavoca – ‘‘so hi nūna so, bhante, anāthapiṇḍiko devaputto bhavissati. Anāthapiṇḍiko, bhante, gahapati āyasmante sāriputte abhippasanno ahosī’’ti. ‘‘Sādhu, sādhu, ānanda! Yāvatakaṃ kho, ānanda, takkāya pattabbaṃ, anuppattaṃ taṃ tayā. Anāthapiṇḍiko so, ānanda, devaputto’’ti.
ид̣̇амавожа бхаг̇аваа. ад̇д̇амано ааяасмаа аананд̣̇о бхаг̇авад̇о бхаасид̇ам̣ абхинанд̣̇ийд̇и.
Idamavoca bhagavā. Attamano āyasmā ānando bhagavato bhāsitaṃ abhinandīti.
анаат̇абин̣д̣иговаад̣̇асуд̇д̇ам̣ нидтид̇ам̣ батамам̣.
Anāthapiṇḍikovādasuttaṃ niṭṭhitaṃ paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 1. анаат̇абин̣д̣иговаад̣̇асуд̇д̇аван̣н̣анаа • 1. Anāthapiṇḍikovādasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 1. анаат̇абин̣д̣иговаад̣̇асуд̇д̇аван̣н̣анаа • 1. Anāthapiṇḍikovādasuttavaṇṇanā
