| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
5. сал̣ааяад̇анаваг̇г̇о
5. Saḷāyatanavaggo
1. анаат̇абин̣д̣иговаад̣̇асуд̇д̇аван̣н̣анаа
1. Anāthapiṇḍikovādasuttavaṇṇanā
383. звам̣ мз суд̇анд̇и анаат̇абин̣д̣иговаад̣̇асуд̇д̇ам̣. д̇ад̇т̇а б̣аал̣хаг̇илаанод̇и ад̇химад̇д̇аг̇илаано маран̣асзяяам̣ убаг̇ад̇о. ааманд̇зсийд̇и г̇ахабад̇исса гира яаава баад̣̇аа вахим̣су, д̇аава д̣̇ивасз сагим̣ ваа д̣̇вигкад̇д̇ум̣ ваа д̇игкад̇д̇ум̣ ваа б̣уд̣̇д̇хубадтаанам̣ акан̣д̣ам̣ агааси. яад̇д̇аган̃жасса сад̇т̇у убадтаанам̣ ахоси, д̇ад̇д̇агам̣язва махаат̇зраанам̣. со аж̇ж̇а г̇аманабаад̣̇асса бажчиннад̇д̇аа анудтаанасзяяам̣ убаг̇ад̇о саасанам̣ бзсзд̇угаамо ан̃н̃ад̇арам̣ бурисам̣ ааманд̇зси. д̇знубасан̇гамийд̇и бхаг̇аванд̇ам̣ аабужчид̇ваа суурияад̇т̇ан̇г̇аманавзлааяа убасан̇гами.
383.Evaṃme sutanti anāthapiṇḍikovādasuttaṃ. Tattha bāḷhagilānoti adhimattagilāno maraṇaseyyaṃ upagato. Āmantesīti gahapatissa kira yāva pādā vahiṃsu, tāva divase sakiṃ vā dvikkhattuṃ vā tikkhattuṃ vā buddhupaṭṭhānaṃ akhaṇḍaṃ akāsi. Yattakañcassa satthu upaṭṭhānaṃ ahosi, tattakaṃyeva mahātherānaṃ. So ajja gamanapādassa pacchinnattā anuṭṭhānaseyyaṃ upagato sāsanaṃ pesetukāmo aññataraṃ purisaṃ āmantesi. Tenupasaṅkamīti bhagavantaṃ āpucchitvā sūriyatthaṅgamanavelāya upasaṅkami.
384. бадиггаманд̇ийд̇и осагганд̇и, д̇анугаа бхаванд̇и. абхиггаманд̇ийд̇и абхивад̣дханд̇и од̇т̇аранд̇и, б̣алавад̇ияо хонд̇и.
384.Paṭikkamantīti osakkanti, tanukā bhavanti. Abhikkamantīti abhivaḍḍhanti ottharanti, balavatiyo honti.
абхиггамосаанам̣ бан̃н̃ааяад̇и но бадиггамод̇и яасмин̃хи самаяз мааран̣анд̇игаа взд̣̇анаа уббаж̇ж̇ад̇и, убариваад̇з ж̇алид̇аг̇г̇и вияа ход̇и, яаава усмаа на барияаад̣̇ияад̇и, д̇аава махад̇ааби убаггамзна на саггаа вуубасамзд̇ум̣, усмааяа бана барияаад̣̇иннааяа вуубасаммад̇и.
Abhikkamosānaṃ paññāyati no paṭikkamoti yasmiñhi samaye māraṇantikā vedanā uppajjati, uparivāte jalitaggi viya hoti, yāva usmā na pariyādiyati, tāva mahatāpi upakkamena na sakkā vūpasametuṃ, usmāya pana pariyādinnāya vūpasammati.
385. ат̇ааяасмаа саарибуд̇д̇о жинд̇зси – ‘‘аяам̣ махаасздтисса взд̣̇анаа мааран̣анд̇игаа, на саггаа бадиб̣аахид̇ум̣, авасзсаа гат̇аа нирад̇т̇агаа, д̇хаммагат̇амасса гат̇зссаамий’’д̇и. ат̇а нам̣ д̇ам̣ гат̇знд̇о д̇асмаад̇ихаад̇иаад̣̇имааха. д̇ад̇т̇а д̇асмаад̇и яасмаа жагкум̣ д̇ийхи г̇аахзхи г̇ан̣ханд̇о уббаннам̣ мааран̣анд̇игам̣ взд̣̇анам̣ бадиб̣аахид̇ум̣ самад̇т̇о наама над̇т̇и, д̇асмаа. на жагкум̣ убаад̣̇ияиссаамийд̇и жагкум̣ д̇ийхи г̇аахзхи на г̇ан̣хиссаами. на жа мз жагкуниссид̇ам̣ вин̃н̃аан̣анд̇и вин̃н̃аан̣ан̃жааби мз жагкуниссид̇ам̣ на бхависсад̇и. на руубанд̇и хздтаа ааяад̇анаруубам̣ гат̇ид̇ам̣, имасмим̣ таанз саб̣б̣амби гаамабхаваруубам̣ гат̇знд̇о звамааха.
385. Athāyasmā sāriputto cintesi – ‘‘ayaṃ mahāseṭṭhissa vedanā māraṇantikā, na sakkā paṭibāhituṃ, avasesā kathā niratthakā, dhammakathamassa kathessāmī’’ti. Atha naṃ taṃ kathento tasmātihātiādimāha. Tattha tasmāti yasmā cakkhuṃ tīhi gāhehi gaṇhanto uppannaṃ māraṇantikaṃ vedanaṃ paṭibāhituṃ samattho nāma natthi, tasmā. Na cakkhuṃ upādiyissāmīti cakkhuṃ tīhi gāhehi na gaṇhissāmi. Na ca me cakkhunissitaṃ viññāṇanti viññāṇañcāpi me cakkhunissitaṃ na bhavissati. Na rūpanti heṭṭhā āyatanarūpaṃ kathitaṃ, imasmiṃ ṭhāne sabbampi kāmabhavarūpaṃ kathento evamāha.
386. на ид̇халоганд̇и васанадтаанам̣ ваа гхаасажчаад̣̇анам̣ ваа на убаад̣̇ияиссаамийд̇и ад̇т̇о. ид̣̇ан̃хи бажжаязсу абарид̇ассанад̇т̇ам̣ гат̇ид̇ам̣. на баралоганд̇и зд̇т̇а бана мануссалогам̣ табзд̇ваа сзсаа баралогаа наама. ид̣̇ам̣ – ‘‘асугад̣̇звалогз ниб̣б̣ад̇д̇ид̇ваа асугадтаанз бхависсаами, ид̣̇ам̣ наама каад̣̇иссаами бхун̃ж̇иссаами ниваасзссаами баарубиссаамий’’д̇и зваруубааяа барид̇ассанааяа бахаанад̇т̇ам̣ вуд̇д̇ам̣. д̇амби на убаад̣̇ияиссаами, на жа мз д̇анниссид̇ам̣ вин̃н̃аан̣ам̣ бхависсад̇ийд̇и звам̣ д̇ийхи г̇аахзхи бариможзд̇ваа т̇зро д̣̇зсанам̣ арахад̇д̇анигуудзна нидтабзси.
386.Na idhalokanti vasanaṭṭhānaṃ vā ghāsacchādanaṃ vā na upādiyissāmīti attho. Idañhi paccayesu aparitassanatthaṃ kathitaṃ. Na paralokanti ettha pana manussalokaṃ ṭhapetvā sesā paralokā nāma. Idaṃ – ‘‘asukadevaloke nibbattitvā asukaṭṭhāne bhavissāmi, idaṃ nāma khādissāmi bhuñjissāmi nivāsessāmi pārupissāmī’’ti evarūpāya paritassanāya pahānatthaṃ vuttaṃ. Tampi na upādiyissāmi, na ca me tannissitaṃ viññāṇaṃ bhavissatīti evaṃ tīhi gāhehi parimocetvā thero desanaṃ arahattanikūṭena niṭṭhapesi.
387. олийяасийд̇и ад̇д̇ано самбад̇д̇им̣ д̣̇исваа аарамман̣зсу б̣аж̇жхаси аллийяасийд̇и. ид̇и ааяасмаа аананд̣̇о – ‘‘аяамби наама г̇ахабад̇и звам̣ сад̣̇д̇хо басанно маран̣абхаяасса бхааяад̇и, ан̃н̃о го на бхааяиссад̇ий’’д̇и ман̃н̃амаано д̇асса г̇аал̣хам̣ гад̇ваа оваад̣̇ам̣ д̣̇знд̇о звамааха. на жа мз зваруубий д̇хаммийгат̇аа суд̇абуб̣б̣аад̇и аяам̣ убаасаго – ‘‘сад̇т̇у санд̇игааби мз зваруубий д̇хаммагат̇аа на суд̇абуб̣б̣аа’’д̇и вад̣̇ад̇и, гим̣ сад̇т̇аа зварууби сукумам̣ г̇амбхийрагат̇ам̣ на гат̇зд̇ийд̇и? но на гат̇зд̇и. звам̣ бана ча аж̇жхад̇д̇игаани ааяад̇анаани ча б̣аахираани ча вин̃н̃аан̣агааяз ча пассагааяз ча взд̣̇анаагааяз ча д̇хаад̇уяо бан̃жагканд̇хз жад̇д̇ааро аруубз ид̇халоган̃жа баралоган̃жа д̣̇ассзд̇ваа д̣̇идтасуд̇амуд̇авин̃н̃аад̇авасзна арахад̇д̇з багкибид̇ваа гат̇ид̇агат̇аа зд̇зна на суд̇абуб̣б̣аа, д̇асмаа звам̣ вад̣̇ад̇и.
387.Olīyasīti attano sampattiṃ disvā ārammaṇesu bajjhasi allīyasīti. Iti āyasmā ānando – ‘‘ayampi nāma gahapati evaṃ saddho pasanno maraṇabhayassa bhāyati, añño ko na bhāyissatī’’ti maññamāno tassa gāḷhaṃ katvā ovādaṃ dento evamāha. Na ca me evarūpī dhammīkathā sutapubbāti ayaṃ upāsako – ‘‘satthu santikāpi me evarūpī dhammakathā na sutapubbā’’ti vadati, kiṃ satthā evarūpi sukhumaṃ gambhīrakathaṃ na kathetīti? No na katheti. Evaṃ pana cha ajjhattikāni āyatanāni cha bāhirāni cha viññāṇakāye cha phassakāye cha vedanākāye cha dhātuyo pañcakkhandhe cattāro arūpe idhalokañca paralokañca dassetvā diṭṭhasutamutaviññātavasena arahatte pakkhipitvā kathitakathā etena na sutapubbā, tasmā evaṃ vadati.
абижааяам̣ убаасаго д̣̇аанаад̇химуд̇д̇о д̣̇аанаабхирад̇о б̣уд̣̇д̇хаанам̣ санд̇игам̣ г̇ажчанд̇о д̇ужчахад̇т̇о на г̇ад̇абуб̣б̣о. бурзбхад̇д̇ам̣ г̇ажчанд̇о яааг̇укаж̇ж̇агаад̣̇ийни г̇аахаабзд̇ваа г̇ажчад̇и, бажчаабхад̇д̇ам̣ саббимад̇хупаан̣ид̇аад̣̇ийни. д̇асмим̣ асад̇и ваалигам̣ г̇аахаабзд̇ваа г̇анд̇хагудибаривзн̣з огираабзд̇и, д̣̇аанам̣ д̣̇ад̇ваа сийлам̣ рагкид̇ваа г̇зхам̣ г̇ад̇о. б̣од̇хисад̇д̇аг̇ад̇иго гирзса убаасаго, д̇асмаа бхаг̇аваа жад̇увийсад̇и сам̣важчараани убаасагасса язбхуяязна д̣̇аанагат̇амзва гат̇зси – ‘‘убаасага, ид̣̇ам̣ д̣̇аанам̣ наама б̣од̇хисад̇д̇аанам̣ г̇ад̇амаг̇г̇о, маяхамби г̇ад̇амаг̇г̇о, маяаа сад̇асахассагаббаад̇хигаани жад̇д̇аари асан̇кязяяаани д̣̇аанам̣ д̣̇иннам̣, д̇вам̣ маяаа г̇ад̇амаг̇г̇амзва ануг̇ажчасий’’д̇и. д̇хаммасзнаабад̇иаад̣̇аяо махаасаавагааби ад̇д̇ано ад̇д̇ано санд̇игам̣ ааг̇ад̇агаалз д̣̇аанагат̇амзвасса гат̇знд̇и. д̇знзвааха на ко г̇ахабад̇и г̇ихийнам̣ од̣̇аад̇авасанаанам̣ зваруубий д̇хаммийгат̇аа бадибхаад̇ийд̇и. ид̣̇ам̣ вуд̇д̇ам̣ ход̇и – г̇ахабад̇и г̇ихийнам̣ наама кзд̇д̇авад̇т̇ухиран̃н̃асуван̣н̣ад̣̇аасийд̣̇аасабуд̇д̇абхарияаад̣̇ийсу д̇иб̣б̣о аалаяо д̇иб̣б̣ам̣ ниганд̇ибарияудтаанам̣ , д̇зсам̣ – ‘‘зд̇т̇а аалаяо на гаад̇аб̣б̣о, ниганд̇и на гаад̇аб̣б̣аа’’д̇и гат̇аа на бадибхаад̇и на ружжад̇ийд̇и.
Apicāyaṃ upāsako dānādhimutto dānābhirato buddhānaṃ santikaṃ gacchanto tucchahattho na gatapubbo. Purebhattaṃ gacchanto yāgukhajjakādīni gāhāpetvā gacchati, pacchābhattaṃ sappimadhuphāṇitādīni. Tasmiṃ asati vālikaṃ gāhāpetvā gandhakuṭipariveṇe okirāpeti, dānaṃ datvā sīlaṃ rakkhitvā gehaṃ gato. Bodhisattagatiko kiresa upāsako, tasmā bhagavā catuvīsati saṃvaccharāni upāsakassa yebhuyyena dānakathameva kathesi – ‘‘upāsaka, idaṃ dānaṃ nāma bodhisattānaṃ gatamaggo, mayhampi gatamaggo, mayā satasahassakappādhikāni cattāri asaṅkhyeyyāni dānaṃ dinnaṃ, tvaṃ mayā gatamaggameva anugacchasī’’ti. Dhammasenāpatiādayo mahāsāvakāpi attano attano santikaṃ āgatakāle dānakathamevassa kathenti. Tenevāha na kho gahapati gihīnaṃ odātavasanānaṃ evarūpī dhammīkathā paṭibhātīti. Idaṃ vuttaṃ hoti – gahapati gihīnaṃ nāma khettavatthuhiraññasuvaṇṇadāsīdāsaputtabhariyādīsu tibbo ālayo tibbaṃ nikantipariyuṭṭhānaṃ , tesaṃ – ‘‘ettha ālayo na kātabbo, nikanti na kātabbā’’ti kathā na paṭibhāti na ruccatīti.
язна бхаг̇аваа д̇знубасан̇гамийд̇и гасмаа убасан̇гами? д̇усид̇абхаванз гирасса ниб̣б̣ад̇д̇амад̇д̇ассзва д̇иг̇аавуд̇аббамаан̣ам̣ суван̣н̣агканд̇хам̣ вияа виж̇ж̇од̇амаанам̣ ад̇д̇абхаавам̣ уяяаанавимаанаад̣̇исамбад̇д̇ин̃жа д̣̇исваа – ‘‘махад̇ий аяам̣ маяхам̣ самбад̇д̇и, гим̣ ну ко мз мануссабат̇з гаммам̣ гад̇а’’нд̇и ологзнд̇о д̇ийсу рад̇анзсу ад̇хигаарам̣ д̣̇исваа жинд̇зси ‘‘бамаад̣̇адтаанамид̣̇ам̣ д̣̇звад̇д̇ам̣ наама, имааяа хи мз самбад̇д̇ияаа мод̣̇амаанасса сад̇исаммособи сияаа, ханд̣̇аахам̣ г̇анд̇ваа мама ж̇зд̇аванасса жзва бхигкусан̇гхасса жа д̇ат̇ааг̇ад̇асса жа арияамаг̇г̇асса жа саарибуд̇д̇ад̇т̇зрасса жа ван̣н̣ам̣ гат̇зд̇ваа д̇ад̇о ааг̇анд̇ваа самбад̇д̇им̣ анубхависсаамий’’д̇и. со д̇ат̇аа агааси. д̇ам̣ д̣̇ассзд̇ум̣ ат̇а ко анаат̇абин̣д̣игод̇иаад̣̇и вуд̇д̇ам̣.
Yena bhagavā tenupasaṅkamīti kasmā upasaṅkami? Tusitabhavane kirassa nibbattamattasseva tigāvutappamāṇaṃ suvaṇṇakkhandhaṃ viya vijjotamānaṃ attabhāvaṃ uyyānavimānādisampattiñca disvā – ‘‘mahatī ayaṃ mayhaṃ sampatti, kiṃ nu kho me manussapathe kammaṃ kata’’nti olokento tīsu ratanesu adhikāraṃ disvā cintesi ‘‘pamādaṭṭhānamidaṃ devattaṃ nāma, imāya hi me sampattiyā modamānassa satisammosopi siyā, handāhaṃ gantvā mama jetavanassa ceva bhikkhusaṅghassa ca tathāgatassa ca ariyamaggassa ca sāriputtattherassa ca vaṇṇaṃ kathetvā tato āgantvā sampattiṃ anubhavissāmī’’ti. So tathā akāsi. Taṃ dassetuṃ atha kho anāthapiṇḍikotiādi vuttaṃ.
д̇ад̇т̇а исисан̇гханисзвид̇анд̇и бхигкусан̇гханисзвид̇ам̣. звам̣ батамаг̇аат̇ааяа ж̇зд̇аванасса ван̣н̣ам̣ гат̇зд̇ваа ид̣̇аани арияамаг̇г̇асса ван̣н̣ам̣ гат̇знд̇о гаммам̣ виж̇ж̇аа жаад̇иаад̣̇имааха. д̇ад̇т̇а гамманд̇и маг̇г̇ажзд̇анаа. виж̇ж̇аад̇и маг̇г̇абан̃н̃аа. д̇хаммод̇и самаад̇хибагкиго д̇хаммо. сийлам̣ ж̇ийвид̇амуд̇д̇аманд̇и сийлз бад̇идтид̇асса ж̇ийвид̇ам̣ уд̇д̇аманд̇и д̣̇ассзд̇и. ат̇а ваа виж̇ж̇аад̇и д̣̇идтисан̇габбо. д̇хаммод̇и вааяаамасад̇исамаад̇хаяо. сийланд̇и ваажаагамманд̇ааж̇ийваа. ж̇ийвид̇амуд̇д̇аманд̇и зд̇асмим̣ сийлз бад̇идтид̇асса ж̇ийвид̇ам̣ наама уд̇д̇амам̣. зд̇зна мажжаа суж̇жханд̇ийд̇и зд̇зна адтан̇г̇игзна маг̇г̇зна сад̇д̇аа висуж̇жханд̇и.
Tattha isisaṅghanisevitanti bhikkhusaṅghanisevitaṃ. Evaṃ paṭhamagāthāya jetavanassa vaṇṇaṃ kathetvā idāni ariyamaggassa vaṇṇaṃ kathento kammaṃ vijjā cātiādimāha. Tattha kammanti maggacetanā. Vijjāti maggapaññā. Dhammoti samādhipakkhiko dhammo. Sīlaṃ jīvitamuttamanti sīle patiṭṭhitassa jīvitaṃ uttamanti dasseti. Atha vā vijjāti diṭṭhisaṅkappo. Dhammoti vāyāmasatisamādhayo. Sīlanti vācākammantājīvā. Jīvitamuttamanti etasmiṃ sīle patiṭṭhitassa jīvitaṃ nāma uttamaṃ. Etena maccā sujjhantīti etena aṭṭhaṅgikena maggena sattā visujjhanti.
д̇асмаад̇и яасмаа маг̇г̇зна суж̇жханд̇и, на г̇од̇д̇ад̇ханзхи, д̇асмаа. яонисо вижинз д̇хамманд̇и убааязна самаад̇хибагкияам̣ д̇хаммам̣ вижинзяяа. звам̣ д̇ад̇т̇а висуж̇жхад̇ийд̇и звам̣ д̇асмим̣ арияамаг̇г̇з висуж̇жхад̇и . ат̇а ваа яонисо вижинз д̇хамманд̇и убааязна бан̃жагканд̇хад̇хаммам̣ вижинзяяа. звам̣ д̇ад̇т̇а висуж̇жхад̇ийд̇и звам̣ д̇зсу жад̇уусу сажжзсу висуж̇жхад̇и.
Tasmāti yasmā maggena sujjhanti, na gottadhanehi, tasmā. Yoniso vicine dhammanti upāyena samādhipakkhiyaṃ dhammaṃ vicineyya. Evaṃ tattha visujjhatīti evaṃ tasmiṃ ariyamagge visujjhati . Atha vā yoniso vicine dhammanti upāyena pañcakkhandhadhammaṃ vicineyya. Evaṃ tattha visujjhatīti evaṃ tesu catūsu saccesu visujjhati.
ид̣̇аани саарибуд̇д̇ад̇т̇зрасса ван̣н̣ам̣ гат̇знд̇о саарибуд̇д̇о ваад̇иаад̣̇имааха. д̇ад̇т̇а саарибуд̇д̇о ваад̇и авад̇хааран̣аважанам̣. зд̇зхи бан̃н̃аад̣̇ийхи саарибуд̇д̇ова сзяяод̇и вад̣̇ад̇и. убасамзнаад̇и гилзсаубасамзна. бааран̇г̇ад̇од̇и ниб̣б̣аанам̣ г̇ад̇о. яо гожи ниб̣б̣аанам̣ бад̇д̇о бхигку, со зд̇аавабарамо сияаа, на т̇зрзна уд̇д̇арид̇аро наама ад̇т̇ийд̇и вад̣̇ад̇и. сзсам̣ саб̣б̣ад̇т̇а уд̇д̇аанамзваад̇и.
Idāni sāriputtattherassa vaṇṇaṃ kathento sāriputto vātiādimāha. Tattha sāriputto vāti avadhāraṇavacanaṃ. Etehi paññādīhi sāriputtova seyyoti vadati. Upasamenāti kilesaupasamena. Pāraṅgatoti nibbānaṃ gato. Yo koci nibbānaṃ patto bhikkhu, so etāvaparamo siyā, na therena uttaritaro nāma atthīti vadati. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
анаат̇абин̣д̣иговаад̣̇асуд̇д̇аван̣н̣анаа нидтид̇аа.
Anāthapiṇḍikovādasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 1. анаат̇абин̣д̣иговаад̣̇асуд̇д̇ам̣ • 1. Anāthapiṇḍikovādasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 1. анаат̇абин̣д̣иговаад̣̇асуд̇д̇аван̣н̣анаа • 1. Anāthapiṇḍikovādasuttavaṇṇanā
