| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
5. сал̣ааяад̇анаваг̇г̇о
5. Saḷāyatanavaggo
1. анаат̇абин̣д̣иговаад̣̇асуд̇д̇аван̣н̣анаа
1. Anāthapiṇḍikovādasuttavaṇṇanā
383. ад̇химад̇д̇аг̇илаанод̇и ад̇хигааяа мад̇д̇ааяа маран̣асса аасаннад̇ааяа ад̇ивияа г̇илаанод̇и ад̇т̇о. д̇знааха ‘‘маран̣асзяяам̣ убаг̇ад̇о’’д̇и. акан̣д̣ам̣ агааси г̇ахабад̇ино сад̇т̇ари барамабзмад̇д̇аа. яад̇д̇агам̣ жассаад̇и, ‘‘сагим̣ ваа д̣̇вигкад̇д̇ум̣ ваа’’д̇и вуд̇д̇ам̣ яад̇д̇агам̣ асса г̇ахабад̇исса.
383.Adhimattagilānoti adhikāya mattāya maraṇassa āsannatāya ativiya gilānoti attho. Tenāha ‘‘maraṇaseyyaṃ upagato’’ti. Akhaṇḍaṃ akāsi gahapatino satthari paramapemattā. Yattakaṃ cassāti, ‘‘sakiṃ vā dvikkhattuṃ vā’’ti vuttaṃ yattakaṃ assa gahapatissa.
384. осагганд̇ийд̇и барихааяанд̇и. од̇т̇аранд̇ийд̇и абхибхаванд̇и. усмаа наама гаммаж̇ад̇зж̇од̇хаад̇у, саа саха ж̇ийвид̇инд̣̇рияанирод̇хаа барияаад̣̇ияад̇и, яаава д̇аа ааяуусмаа вад̇д̇анд̇и, д̇аава маран̣анд̇игаа взд̣̇анаа вад̇д̇анд̇зва вин̃н̃аан̣асса анируд̣̇д̇хад̇д̇аа. д̇знааха ‘‘яаава усмаа’’д̇иаад̣̇и.
384.Osakkantīti parihāyanti. Ottharantīti abhibhavanti. Usmā nāma kammajatejodhātu, sā saha jīvitindriyanirodhā pariyādiyati, yāva tā āyuusmā vattanti, tāva maraṇantikā vedanā vattanteva viññāṇassa aniruddhattā. Tenāha ‘‘yāva usmā’’tiādi.
385. д̇ийхи г̇аахзхийд̇и д̇ан̣хаамаанад̣̇идтиг̇г̇аахзхи. бадиб̣аахид̇ум̣ вигкамбхзд̇ум̣. жагкум̣ д̇ийхи г̇аахзхи на г̇ан̣хиссаамийд̇и маанаг̇г̇аахабадигкзбамукзна жагкусмим̣ анижжаанубассанаад̇и д̣̇ассзд̇и. анижжаанубассанааяа хи сад̇и аббад̇идто маанаг̇г̇аахо, д̣̇угкаанубассанааяа сад̇и аббад̇идто д̇ан̣хааг̇г̇аахо, анад̇д̇аанубассанааяа сад̇и аббад̇идто д̣̇идтиг̇г̇ааход̇и, г̇аахо жа наама ол̣аариго, д̇асмим̣ виг̇ад̇зби ниганд̇и д̇идтзяяаад̇и д̇ам̣ виж̇ахаабзд̇угаамзна, – ‘‘на жа мз жагкуниссид̇ам̣ вин̃н̃аан̣ам̣ бхависсад̇ий’’д̇и вуд̇д̇анд̇и ааха – ‘‘вин̃н̃аан̣ан̃жааби мз жагкуниссид̇ам̣ на бхависсад̇ий’’д̇и. саб̣б̣ам̣ гаамабхаваруубанд̇и гаамабхуумибарияаабаннам̣ саб̣б̣ам̣ руубагканд̇хамааха – ‘‘гаамаруубабхаварууба’’нд̇и ваа баато. со яуд̇д̇о имасса ваарасса зва анавасзсабан̃жавогаарабхавабарияаабаннад̇о. д̇ат̇аа хи убари жад̇увогаарабхаво анавасзсад̇о вуд̇д̇о.
385.Tīhi gāhehīti taṇhāmānadiṭṭhiggāhehi. Paṭibāhituṃ vikkhambhetuṃ. Cakkhuṃ tīhi gāhehi na gaṇhissāmīti mānaggāhapaṭikkhepamukhena cakkhusmiṃ aniccānupassanāti dasseti. Aniccānupassanāya hi sati appatiṭṭho mānaggāho, dukkhānupassanāya sati appatiṭṭho taṇhāggāho, anattānupassanāya sati appatiṭṭho diṭṭhiggāhoti, gāho ca nāma oḷāriko, tasmiṃ vigatepi nikanti tiṭṭheyyāti taṃ vijahāpetukāmena, – ‘‘na ca me cakkhunissitaṃ viññāṇaṃ bhavissatī’’ti vuttanti āha – ‘‘viññāṇañcāpi me cakkhunissitaṃ na bhavissatī’’ti. Sabbaṃ kāmabhavarūpanti kāmabhūmipariyāpannaṃ sabbaṃ rūpakkhandhamāha – ‘‘kāmarūpabhavarūpa’’nti vā pāṭho. So yutto imassa vārassa eva anavasesapañcavokārabhavapariyāpannato. Tathā hi upari catuvokārabhavo anavasesato vutto.
386. ид̇халоганд̇и зд̇т̇а сан̇кааралогависаяод̇и ад̇хиббааязна, ‘‘васанадтаанам̣ ваа’’д̇иаад̣̇и вуд̇д̇ам̣, д̇ан̃жа ко батамад̣̇уд̇ияаваарзхи ид̇халого г̇ахид̇од̇и гад̇ваа. батамад̣̇уд̇ияаваарзхи бана ид̇халого баралогод̇и вибхааг̇зна винаа бан̃жавогаарабхаво г̇ахид̇о; д̇ат̇аа д̇ад̇ияаваарз бан̃жавогаарабхаво жад̇увогаарабхаво жа г̇ахид̇од̇и буна д̣̇идтад̇хаммасамбарааяавасзна д̇ам̣ вибхаж̇ид̇ваа д̣̇ассзд̇ум̣, ‘‘на ид̇халога’’нд̇иаад̣̇и вуд̇д̇ам̣ . ид̇халоганд̇и жа сад̇д̇асан̇кааравасзнзва г̇ахид̇ам̣. саб̣б̣амби сан̇кааравасзна бариг̇г̇ахзд̇ваа д̣̇ассзд̇ум̣, ‘‘яамби мз д̣̇идта’’нд̇иаад̣̇и вуд̇д̇анд̇и гзжи. абарид̇ассанад̇т̇ам̣ д̇ан̣хаабарид̇ассанааяа ануббаад̣̇анад̇т̇ам̣. яасса д̣̇идтад̇хаммод̇и вужжад̇и, д̇асса бана абхаавад̇о, ‘‘мануссалогам̣ табзд̇ваа сзсаа баралогаа наамаа’’д̇и вуд̇д̇ам̣. язсам̣ бана ‘‘ид̇халога’’нд̇и иминаа сад̇д̇алогассаби г̇ахан̣ам̣ ижчид̇ам̣. д̇зсам̣ мад̇зна, ‘‘мануссалогам̣ табзд̇ваа’’д̇и яож̇анаа.
386.Idhalokanti ettha saṅkhāralokavisayoti adhippāyena, ‘‘vasanaṭṭhānaṃ vā’’tiādi vuttaṃ, tañca kho paṭhamadutiyavārehi idhaloko gahitoti katvā. Paṭhamadutiyavārehi pana idhaloko paralokoti vibhāgena vinā pañcavokārabhavo gahito; tathā tatiyavāre pañcavokārabhavo catuvokārabhavo ca gahitoti puna diṭṭhadhammasamparāyavasena taṃ vibhajitvā dassetuṃ, ‘‘na idhaloka’’ntiādi vuttaṃ . Idhalokanti ca sattasaṅkhāravaseneva gahitaṃ. Sabbampi saṅkhāravasena pariggahetvā dassetuṃ, ‘‘yampi me diṭṭha’’ntiādi vuttanti keci. Aparitassanatthaṃ taṇhāparitassanāya anuppādanatthaṃ. Yassa diṭṭhadhammoti vuccati, tassa pana abhāvato, ‘‘manussalokaṃ ṭhapetvā sesā paralokā nāmā’’ti vuttaṃ. Yesaṃ pana ‘‘idhaloka’’nti iminā sattalokassapi gahaṇaṃ icchitaṃ. Tesaṃ matena, ‘‘manussalokaṃ ṭhapetvā’’ti yojanā.
387. аллийяасийд̇и ад̇д̇абхаавз бхог̇зсу жа абзгкам̣ гаросийд̇и ад̇т̇о. зваруубийд̇и яаад̣̇исий д̇ад̣̇аа д̇хаммасзнаабад̇инаа гат̇ид̇аа, зваруубий. д̇хаммагат̇аа на суд̇абуб̣б̣аад̇и яат̇аагат̇ид̇аагаарамзва санд̇хааяа бадигкзбо, на сукумаг̇амбхийрасун̃н̃ад̇аабадисам̣яуд̇д̇ад̇аасааман̃н̃ам̣. д̇знааха ‘‘звам̣ банаа’’д̇иаад̣̇и.
387.Allīyasīti attabhāve bhogesu ca apekkhaṃ karosīti attho. Evarūpīti yādisī tadā dhammasenāpatinā kathitā, evarūpī. Dhammakathā na sutapubbāti yathākathitākārameva sandhāya paṭikkhepo, na sukhumagambhīrasuññatāpaṭisaṃyuttatāsāmaññaṃ. Tenāha ‘‘evaṃ panā’’tiādi.
маяаа г̇ад̇амаг̇г̇амзва ануг̇ажчасийд̇и д̣̇аанамаяабун̃н̃абхаавасааман̃н̃ам̣ г̇ахзд̇ваа вад̣̇ад̇и, на б̣од̇хисад̇д̇ад̣̇аанабхууд̇ам̣ д̣̇аанабаарамид̇ам̣. на бадибхаад̇ийд̇и ружжанавасзна жид̇д̇з на убад̇идтад̇и. д̇знааха ‘‘на ружжад̇ий’’д̇и. д̇ат̇аа хзса ваддаабхирад̇од̇и. уж̇умаг̇г̇аавахаа вибассанаа бхаг̇авад̇аа банасса гат̇ид̇абуб̣б̣аа.
Mayā gatamaggameva anugacchasīti dānamayapuññabhāvasāmaññaṃ gahetvā vadati, na bodhisattadānabhūtaṃ dānapāramitaṃ. Na paṭibhātīti ruccanavasena citte na upatiṭṭhati. Tenāha ‘‘na ruccatī’’ti. Tathā hesa vaṭṭābhiratoti. Ujumaggāvahā vipassanā bhagavatā panassa kathitapubbā.
388. зсид̇аг̇ун̣ад̇д̇аа зсияамаанаг̇ун̣ад̇д̇аа жа иси, асзгкаа сзгкаа галяаан̣абут̇уж̇ж̇анаа жа, исийнам̣ сан̇гхо, д̇зна нисзвид̇анд̇и исисан̇гханисзвид̇ам̣. гаамам̣ д̇асса вихаарасса г̇анд̇хагудибаасаад̣̇агуудааг̇аараад̣̇ивасзна нисийд̣̇ананибаж̇ж̇анааяа ругкалад̇аад̣̇ивасзна бхуумисаяаад̣̇ивасзна жа анан̃н̃асаад̇хааран̣аа махад̇ий раман̣ийяад̇аа ад̇т̇зва, саа бана г̇зхассид̇абхаавзна арияаанам̣ жид̇д̇ам̣ д̇ат̇аа на д̇осзд̇и; яат̇аа арияаанам̣ нисзвид̇абхаавзнаад̇и ааха – ‘‘батамаг̇аат̇ааяа ж̇зд̇аванасса ван̣н̣ам̣ гат̇зд̇ваа’’д̇и. д̇знааха бхаг̇аваа – ‘‘яад̇т̇а араханд̇о вихаранд̇и, д̇ам̣ бхуумирааман̣зяяага’’нд̇и (д̇ха. ба. 98; т̇зраг̇аа. 991; сам̣. ни. 1.261). абажаяаг̇ааминий жзд̇анаа сад̇д̇аанам̣ суд̣̇д̇химаавахад̇ийд̇и ааха – ‘‘гамманд̇и маг̇г̇ажзд̇анаа’’д̇и. жад̇уннам̣ арияасажжаанам̣ вид̣̇ид̇агаран̣адтзна гилзсаанам̣ вигкамбханадтзна жа виж̇ж̇аа, маг̇г̇асаммаад̣̇идтийд̇и ааха – ‘‘виж̇ж̇аад̇и маг̇г̇абан̃н̃аа’’д̇и. самаад̇хибагкиго д̇хаммо наама саммаавааяаамасад̇исамаад̇хаяо. д̇ат̇аа хи виж̇ж̇аабхааг̇ияо самаад̇хиби самаад̇хибагкиго. сийлам̣ д̇асса ад̇т̇ийд̇и сийланд̇и ааха – ‘‘сийлз бад̇идтид̇асса ж̇ийвид̇ам̣ уд̇д̇ама’’нд̇и. д̣̇идтисан̇габбод̇и саммаасан̇габбо. д̇ад̇т̇а саммаасан̇габбасса убагаарагабхаавзна виж̇ж̇аабхааг̇о . д̇ат̇аа хи со бан̃н̃аагканд̇хасан̇г̇ахид̇од̇и вужжад̇и, яат̇аа саммаасан̇габбо бан̃н̃аагканд̇хзна сан̇г̇ахид̇о, звам̣ вааяаамасад̇ияо самаад̇хигканд̇хасан̇г̇ахид̇аад̇и. д̇знааха – ‘‘д̇хаммод̇и вааяаамасад̇исамаад̇хаяо’’д̇и. ‘‘д̇хаммо’’д̇и хи ид̇ха саммаасамаад̇хи ад̇хиббзд̇о, – ‘‘звам̣ д̇хаммаа д̇з бхаг̇аванд̇о ахзсу’’нд̇иаад̣̇ийсу (д̣̇ий. ни. 2.13; ма. ни. 3.198; сам̣. ни. 5.378) вияа. ваажаагамманд̇ааж̇ийваад̇и саммааваажаагамманд̇ааж̇ийваа маг̇г̇абарияаабаннаа зва, д̇з саб̣б̣зби г̇ахид̇аад̇и. д̇знааха – ‘‘зд̇зна адтан̇г̇игзна маг̇г̇знаа’’д̇и.
388. Esitaguṇattā esiyamānaguṇattā ca isi, asekkhā sekkhā kalyāṇaputhujjanā ca, isīnaṃ saṅgho, tena nisevitanti isisaṅghanisevitaṃ. Kāmaṃ tassa vihārassa gandhakuṭipāsādakūṭāgārādivasena nisīdananipajjanāya rukkhalatādivasena bhūmisayādivasena ca anaññasādhāraṇā mahatī ramaṇīyatā attheva, sā pana gehassitabhāvena ariyānaṃ cittaṃ tathā na toseti; yathā ariyānaṃ nisevitabhāvenāti āha – ‘‘paṭhamagāthāya jetavanassa vaṇṇaṃ kathetvā’’ti. Tenāha bhagavā – ‘‘yattha arahanto viharanti, taṃ bhūmirāmaṇeyyaka’’nti (dha. pa. 98; theragā. 991; saṃ. ni. 1.261). Apacayagāminī cetanā sattānaṃ suddhimāvahatīti āha – ‘‘kammanti maggacetanā’’ti. Catunnaṃ ariyasaccānaṃ viditakaraṇaṭṭhena kilesānaṃ vikkhambhanaṭṭhena ca vijjā, maggasammādiṭṭhīti āha – ‘‘vijjāti maggapaññā’’ti. Samādhipakkhiko dhammo nāma sammāvāyāmasatisamādhayo. Tathā hi vijjābhāgiyo samādhipi samādhipakkhiko. Sīlaṃ tassa atthīti sīlanti āha – ‘‘sīle patiṭṭhitassa jīvitaṃ uttama’’nti. Diṭṭhisaṅkappoti sammāsaṅkappo. Tattha sammāsaṅkappassa upakārakabhāvena vijjābhāgo . Tathā hi so paññākkhandhasaṅgahitoti vuccati, yathā sammāsaṅkappo paññākkhandhena saṅgahito, evaṃ vāyāmasatiyo samādhikkhandhasaṅgahitāti. Tenāha – ‘‘dhammoti vāyāmasatisamādhayo’’ti. ‘‘Dhammo’’ti hi idha sammāsamādhi adhippeto, – ‘‘evaṃ dhammā te bhagavanto ahesu’’ntiādīsu (dī. ni. 2.13; ma. ni. 3.198; saṃ. ni. 5.378) viya. Vācākammantājīvāti sammāvācākammantājīvā maggapariyāpannā eva, te sabbepi gahitāti. Tenāha – ‘‘etena aṭṭhaṅgikena maggenā’’ti.
убааязнаад̇и язна вид̇хинаа арияамаг̇г̇о бхаавзд̇аб̣б̣о, д̇зна самаад̇хибагкияам̣ вибассанаад̇хамман̃жзва маг̇г̇ад̇хамман̃жа. ‘‘арияам̣ во, бхигкавз, саммаасамаад̇хим̣ д̣̇зсзссаами саубанисам̣ сабаригкаара’’нд̇и (ма. ни. 3.136) хи важанад̇о саммаасамаад̇хиаад̣̇аяо маг̇г̇ад̇хаммааби самаад̇хибагкияаа. вижинзяяаад̇и виймам̣сзяяа, бхаавзяяаад̇и ад̇т̇о. д̇ад̇т̇аад̇и хзд̇умхи бхуммаважанам̣. арияамаг̇г̇ахзд̇угаа хи сад̇д̇аанам̣ висуд̣̇д̇хи. д̇знааха – ‘‘д̇асмим̣ арияамаг̇г̇з висуж̇жхад̇ий’’д̇и. бан̃жагканд̇хад̇хаммам̣ вижинзяяа, бан̃жубаад̣̇аанагканд̇хз вибассзяяа. д̇зсу хи вибассияамаанзсу вибассанаа уггам̣саг̇ад̇аа. яад̣̇аг̇г̇зна д̣̇угкасажжам̣ барин̃н̃аабадивзд̇хзна бадивиж̇жхийяад̇и, д̇ад̣̇аг̇г̇зна самуд̣̇аяасажжам̣ бахаанабадивзд̇хзна нирод̇хасажжам̣ сажчигирияаабадивзд̇хзна, маг̇г̇асажжам̣ бхааванаабадивзд̇хзна бадивиж̇жхийяад̇и, звам̣ ажжанд̇ависуд̣̇д̇хияаа суж̇жхад̇и. д̇знааха – ‘‘звам̣ д̇зсу жад̇уусу сажжзсу висуж̇жхад̇ий’’д̇и. ид̇хааби нимид̇д̇ад̇т̇з бхуммаважанам̣. сажжзсу ваа бадивиж̇жхияамаанзсууд̇и важанасзсо.
Upāyenāti yena vidhinā ariyamaggo bhāvetabbo, tena samādhipakkhiyaṃ vipassanādhammañceva maggadhammañca. ‘‘Ariyaṃ vo, bhikkhave, sammāsamādhiṃ desessāmi saupanisaṃ saparikkhāra’’nti (ma. ni. 3.136) hi vacanato sammāsamādhiādayo maggadhammāpi samādhipakkhiyā. Vicineyyāti vīmaṃseyya, bhāveyyāti attho. Tatthāti hetumhi bhummavacanaṃ. Ariyamaggahetukā hi sattānaṃ visuddhi. Tenāha – ‘‘tasmiṃ ariyamagge visujjhatī’’ti. Pañcakkhandhadhammaṃ vicineyya, pañcupādānakkhandhe vipasseyya. Tesu hi vipassiyamānesu vipassanā ukkaṃsagatā. Yadaggena dukkhasaccaṃ pariññāpaṭivedhena paṭivijjhīyati, tadaggena samudayasaccaṃ pahānapaṭivedhena nirodhasaccaṃ sacchikiriyāpaṭivedhena, maggasaccaṃ bhāvanāpaṭivedhena paṭivijjhīyati, evaṃ accantavisuddhiyā sujjhati. Tenāha – ‘‘evaṃ tesu catūsu saccesu visujjhatī’’ti. Idhāpi nimittatthe bhummavacanaṃ. Saccesu vā paṭivijjhiyamānesūti vacanaseso.
авад̇хааран̣аважананд̇и вавад̇т̇аабанаважанам̣, авад̇хааран̣анд̇и ад̇т̇о. саарибуд̇д̇оваад̇и жа авад̇хааран̣ам̣ д̇асса саавагабхаавад̇о саавагзсу саарибуд̇д̇ова сзяяод̇и имамад̇т̇ам̣ д̣̇ийбзд̇и. гилзсаубасамзнаад̇и иминаа махаат̇зрасса д̇аад̣̇исо гилзсуубасамод̇и д̣̇ассзд̇и, яасса саавагасса висаяз бан̃н̃ааяа баарамиббад̇д̇и ахоси. яад̣̇и звам̣ – ‘‘яоби бааран̇г̇ад̇о бхигку, зд̇аавабарамо сияаа’’д̇и ид̣̇ам̣ гат̇анд̇и? д̇зсам̣ д̇зсам̣ б̣уд̣̇д̇хаанам̣ саасанз бан̃н̃ааяа баарамиббад̇д̇асаавагавасзнзд̇ам̣ вуд̇д̇анд̇и д̣̇адтаб̣б̣ам̣. ат̇а ваа – ‘‘над̇т̇и вимуд̇д̇ияаа наанад̇д̇а’’нд̇и (д̣̇ий. ни. дий. 3.141; вибха. мууладий. суд̇д̇анд̇абхааж̇анийяаван̣н̣анаа) важанад̇о саавагзхи вимуд̇д̇ибан̃н̃аамад̇д̇ам̣ санд̇хааязд̇ам̣ вуд̇д̇ам̣. д̇знааха – ‘‘бааран̇г̇ад̇од̇и ниб̣б̣аанам̣ г̇ад̇о’’д̇иаад̣̇и. сзсам̣ сувин̃н̃зяяамзва.
Avadhāraṇavacananti vavatthāpanavacanaṃ, avadhāraṇanti attho. Sāriputtovāti ca avadhāraṇaṃ tassa sāvakabhāvato sāvakesu sāriputtova seyyoti imamatthaṃ dīpeti. Kilesaupasamenāti iminā mahātherassa tādiso kilesūpasamoti dasseti, yassa sāvakassa visaye paññāya pāramippatti ahosi. Yadi evaṃ – ‘‘yopi pāraṅgato bhikkhu, etāvaparamo siyā’’ti idaṃ kathanti? Tesaṃ tesaṃ buddhānaṃ sāsane paññāya pāramippattasāvakavasenetaṃ vuttanti daṭṭhabbaṃ. Atha vā – ‘‘natthi vimuttiyā nānatta’’nti (dī. ni. ṭī. 3.141; vibha. mūlaṭī. suttantabhājanīyavaṇṇanā) vacanato sāvakehi vimuttipaññāmattaṃ sandhāyetaṃ vuttaṃ. Tenāha – ‘‘pāraṅgatoti nibbānaṃ gato’’tiādi. Sesaṃ suviññeyyameva.
анаат̇абин̣д̣иговаад̣̇асуд̇д̇аван̣н̣анааяа лийнад̇т̇аббагаасанаа самад̇д̇аа.
Anāthapiṇḍikovādasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 1. анаат̇абин̣д̣иговаад̣̇асуд̇д̇ам̣ • 1. Anāthapiṇḍikovādasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 1. анаат̇абин̣д̣иговаад̣̇асуд̇д̇аван̣н̣анаа • 1. Anāthapiṇḍikovādasuttavaṇṇanā
