| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
៨. អនត្តធម្មសុត្តំ
8. Anattadhammasuttaṃ
១៧៧. សាវត្ថិនិទានំ។ ឯកមន្តំ និសិន្នោ ខោ អាយស្មា រាធោ ភគវន្តំ ឯតទវោច – ‘‘‘អនត្តធម្មោ, អនត្តធម្មោ’តិ, ភន្តេ, វុច្ចតិ។ កតមោ នុ ខោ, ភន្តេ, អនត្តធម្មោ’’តិ? ‘‘រូបំ ខោ, រាធ, អនត្តធម្មោ, វេទនា អនត្តធម្មោ , សញ្ញា អនត្តធម្មោ, សង្ខារា អនត្តធម្មោ, វិញ្ញាណំ អនត្តធម្មោ។ ឯវំ បស្សំ…បេ.… នាបរំ ឥត្ថត្តាយាតិ បជានាតី’’តិ។ អដ្ឋមំ។
177. Sāvatthinidānaṃ. Ekamantaṃ nisinno kho āyasmā rādho bhagavantaṃ etadavoca – ‘‘‘anattadhammo, anattadhammo’ti, bhante, vuccati. Katamo nu kho, bhante, anattadhammo’’ti? ‘‘Rūpaṃ kho, rādha, anattadhammo, vedanā anattadhammo , saññā anattadhammo, saṅkhārā anattadhammo, viññāṇaṃ anattadhammo. Evaṃ passaṃ…pe… nāparaṃ itthattāyāti pajānātī’’ti. Aṭṭhamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ១-១២. មារសុត្តាទិវណ្ណនា • 1-12. Mārasuttādivaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ១-១២. មារសុត្តាទិវណ្ណនា • 1-12. Mārasuttādivaṇṇanā
