| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
8. අනත්‌තධම්‌මසුත්‌තං
8. Anattadhammasuttaṃ
177. සාවත්‌ථිනිදානං. එකමන්‌තං නිසින්‌නො ඛො ආයස්‌මා රාධො භගවන්‌තං එතදවොච – ‘‘‘අනත්‌තධම්‌මො, අනත්‌තධම්‌මො’ති, භන්‌තෙ, වුච්‌චති. කතමො නු ඛො, භන්‌තෙ, අනත්‌තධම්‌මො’’ති? ‘‘රූපං ඛො, රාධ, අනත්‌තධම්‌මො, වෙදනා අනත්‌තධම්‌මො , සඤ්‌ඤා අනත්‌තධම්‌මො, සඞ්‌ඛාරා අනත්‌තධම්‌මො, විඤ්‌ඤාණං අනත්‌තධම්‌මො. එවං පස්‌සං…පෙ.… නාපරං ඉත්‌ථත්‌තායාති පජානාතී’’ති. අට්‌ඨමං.
177. Sāvatthinidānaṃ. Ekamantaṃ nisinno kho āyasmā rādho bhagavantaṃ etadavoca – ‘‘‘anattadhammo, anattadhammo’ti, bhante, vuccati. Katamo nu kho, bhante, anattadhammo’’ti? ‘‘Rūpaṃ kho, rādha, anattadhammo, vedanā anattadhammo , saññā anattadhammo, saṅkhārā anattadhammo, viññāṇaṃ anattadhammo. Evaṃ passaṃ…pe… nāparaṃ itthattāyāti pajānātī’’ti. Aṭṭhamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 1-12. මාරසුත්‌තාදිවණ්‌ණනා • 1-12. Mārasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 1-12. මාරසුත්‌තාදිවණ්‌ණනා • 1-12. Mārasuttādivaṇṇanā
