| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
7. அனத்தலக்க²ணஸுத்தவண்ணனா
7. Anattalakkhaṇasuttavaṇṇanā
59. ஸத்தமே பஞ்சவக்³கி³யேதி அஞ்ஞாஸி கொண்ட³ஞ்ஞத்தே²ராதி³கே பஞ்ச ஜனே புராணுபட்டா²கே. ஆமந்தேஸீதி ஆஸாள்ஹிபுண்ணமதி³வஸே த⁴ம்மசக்கப்பவத்தனதோ பட்டா²ய அனுக்கமேன ஸோதாபத்திப²லே பதிட்டி²தே ‘‘இதா³னி நேஸங் ஆஸவக்க²யாய த⁴ம்மங் தே³ஸெஸ்ஸாமீ’’தி பஞ்சமியங் பக்க²ஸ்ஸ ஆமந்தேஸி. ஏதத³வோசாதி ஏதங் ‘‘ரூபங், பி⁴க்க²வே, அனத்தா’’திஆதி³னயப்பவத்தங் அனத்தலக்க²ணஸுத்தங் அவோச. தத்த² அனத்தாதி புப்³பே³ வுத்தேஹி சதூஹி காரணேஹி அனத்தா. தங் கிங் மஞ்ஞத², பி⁴க்க²வேதி இத³ங் கஸ்மா ஆரத்³த⁴ங்? எத்தகேன டா²னேன அனத்தலக்க²ணமேவ கதி²தங், ந அனிச்சது³க்க²லக்க²ணானி, இதா³னி தானி த³ஸ்ஸெத்வா ஸமோதா⁴னெத்வா தீணிபி லக்க²ணானி த³ஸ்ஸேதுங் இத³மாரத்³த⁴ந்தி வேதி³தப்³ப³ங். தஸ்மாதி யஸ்மா இமே பஞ்சக்க²ந்தா⁴ அனிச்சா து³க்கா² அனத்தா, தஸ்மா. யங்கிஞ்சி ரூபந்திஆதீ³ஸு வித்தா²ரகதா² விஸுத்³தி⁴மக்³கே³ பஞ்ஞாபா⁴வனாதி⁴காரே க²ந்த⁴னித்³தே³ஸே வுத்தாவ. ஸேஸங் ஸப்³ப³த்த² வுத்தானுஸாரேனேவ வேதி³தப்³ப³ங். இமஸ்மிங் பன ஸுத்தே அனத்தலக்க²ணமேவ கதி²தந்தி. ஸத்தமங்.
59. Sattame pañcavaggiyeti aññāsi koṇḍaññattherādike pañca jane purāṇupaṭṭhāke. Āmantesīti āsāḷhipuṇṇamadivase dhammacakkappavattanato paṭṭhāya anukkamena sotāpattiphale patiṭṭhite ‘‘idāni nesaṃ āsavakkhayāya dhammaṃ desessāmī’’ti pañcamiyaṃ pakkhassa āmantesi. Etadavocāti etaṃ ‘‘rūpaṃ, bhikkhave, anattā’’tiādinayappavattaṃ anattalakkhaṇasuttaṃ avoca. Tattha anattāti pubbe vuttehi catūhi kāraṇehi anattā. Taṃ kiṃ maññatha, bhikkhaveti idaṃ kasmā āraddhaṃ? Ettakena ṭhānena anattalakkhaṇameva kathitaṃ, na aniccadukkhalakkhaṇāni, idāni tāni dassetvā samodhānetvā tīṇipi lakkhaṇāni dassetuṃ idamāraddhanti veditabbaṃ. Tasmāti yasmā ime pañcakkhandhā aniccā dukkhā anattā, tasmā. Yaṃkiñci rūpantiādīsu vitthārakathā visuddhimagge paññābhāvanādhikāre khandhaniddese vuttāva. Sesaṃ sabbattha vuttānusāreneva veditabbaṃ. Imasmiṃ pana sutte anattalakkhaṇameva kathitanti. Sattamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. அனத்தலக்க²ணஸுத்தங் • 7. Anattalakkhaṇasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7. அனத்தலக்க²ணஸுத்தவண்ணனா • 7. Anattalakkhaṇasuttavaṇṇanā
