| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
7. анад̇д̇алагкан̣асуд̇д̇аван̣н̣анаа
7. Anattalakkhaṇasuttavaṇṇanā
59. сад̇д̇амз бан̃жаваг̇г̇иязд̇и ан̃н̃ааси гон̣д̣ан̃н̃ад̇т̇зраад̣̇игз бан̃жа ж̇анз бураан̣убадтаагз. ааманд̇зсийд̇и аасаал̣хибун̣н̣амад̣̇ивасз д̇хаммажаггаббавад̇д̇анад̇о бадтааяа ануггамзна сод̇аабад̇д̇ипалз бад̇идтид̇з ‘‘ид̣̇аани нзсам̣ аасавагкаяааяа д̇хаммам̣ д̣̇зсзссаамий’’д̇и бан̃жамияам̣ багкасса ааманд̇зси. зд̇ад̣̇авожаад̇и зд̇ам̣ ‘‘руубам̣, бхигкавз, анад̇д̇аа’’д̇иаад̣̇инаяаббавад̇д̇ам̣ анад̇д̇алагкан̣асуд̇д̇ам̣ авожа. д̇ад̇т̇а анад̇д̇аад̇и буб̣б̣з вуд̇д̇зхи жад̇уухи гааран̣зхи анад̇д̇аа. д̇ам̣ гим̣ ман̃н̃ат̇а, бхигкавзд̇и ид̣̇ам̣ гасмаа аарад̣̇д̇хам̣? зд̇д̇агзна таанзна анад̇д̇алагкан̣амзва гат̇ид̇ам̣, на анижжад̣̇угкалагкан̣аани, ид̣̇аани д̇аани д̣̇ассзд̇ваа самод̇хаанзд̇ваа д̇ийн̣иби лагкан̣аани д̣̇ассзд̇ум̣ ид̣̇амаарад̣̇д̇ханд̇и взд̣̇ид̇аб̣б̣ам̣. д̇асмаад̇и яасмаа имз бан̃жагканд̇хаа анижжаа д̣̇угкаа анад̇д̇аа, д̇асмаа. яам̣гин̃жи руубанд̇иаад̣̇ийсу вид̇т̇аарагат̇аа висуд̣̇д̇химаг̇г̇з бан̃н̃аабхааванаад̇хигаарз канд̇ханид̣̇д̣̇зсз вуд̇д̇аава. сзсам̣ саб̣б̣ад̇т̇а вуд̇д̇аанусаарзнзва взд̣̇ид̇аб̣б̣ам̣. имасмим̣ бана суд̇д̇з анад̇д̇алагкан̣амзва гат̇ид̇анд̇и. сад̇д̇амам̣.
59. Sattame pañcavaggiyeti aññāsi koṇḍaññattherādike pañca jane purāṇupaṭṭhāke. Āmantesīti āsāḷhipuṇṇamadivase dhammacakkappavattanato paṭṭhāya anukkamena sotāpattiphale patiṭṭhite ‘‘idāni nesaṃ āsavakkhayāya dhammaṃ desessāmī’’ti pañcamiyaṃ pakkhassa āmantesi. Etadavocāti etaṃ ‘‘rūpaṃ, bhikkhave, anattā’’tiādinayappavattaṃ anattalakkhaṇasuttaṃ avoca. Tattha anattāti pubbe vuttehi catūhi kāraṇehi anattā. Taṃ kiṃ maññatha, bhikkhaveti idaṃ kasmā āraddhaṃ? Ettakena ṭhānena anattalakkhaṇameva kathitaṃ, na aniccadukkhalakkhaṇāni, idāni tāni dassetvā samodhānetvā tīṇipi lakkhaṇāni dassetuṃ idamāraddhanti veditabbaṃ. Tasmāti yasmā ime pañcakkhandhā aniccā dukkhā anattā, tasmā. Yaṃkiñci rūpantiādīsu vitthārakathā visuddhimagge paññābhāvanādhikāre khandhaniddese vuttāva. Sesaṃ sabbattha vuttānusāreneva veditabbaṃ. Imasmiṃ pana sutte anattalakkhaṇameva kathitanti. Sattamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. анад̇д̇алагкан̣асуд̇д̇ам̣ • 7. Anattalakkhaṇasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. анад̇д̇алагкан̣асуд̇д̇аван̣н̣анаа • 7. Anattalakkhaṇasuttavaṇṇanā
