| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੭. ਅਨਤ੍ਤਲਕ੍ਖਣਸੁਤ੍ਤવਣ੍ਣਨਾ
7. Anattalakkhaṇasuttavaṇṇanā
੫੯. ਪੁਰਾਣੁਪਟ੍ਠਾਕੇਤਿ ਪੁਬ੍ਬੇ ਪਧਾਨਪਦਹਨਕਾਲੇ ਉਪਟ੍ਠਾਕਭੂਤੇ। ‘‘ਅવਸવਤ੍ਤਨਟ੍ਠੇਨ ਅਸ੍ਸਾਮਿਕਟ੍ਠੇਨ ਸੁਞ੍ਞਤਟ੍ਠੇਨ ਅਤ੍ਤਪਟਿਕ੍ਖੇਪਟ੍ਠੇਨਾ’’ਤਿ ਏવਂ ਪੁਬ੍ਬੇ વੁਤ੍ਤੇਹਿ। ਏਤ੍ਤਕੇਨ ਠਾਨੇਨਾਤਿ ‘‘ਰੂਪਂ, ਭਿਕ੍ਖવੇ, ਅਨਤ੍ਤਾ’’ਤਿ ਆਰਭਿਤ੍વਾ ਯਾવ ‘‘ਏવਂ ਮੇ વਿਞ੍ਞਾਣਂ ਮਾ ਅਹੋਸੀ’’ਤਿ ਏਤ੍ਤਕੇਨ ਸੁਤ੍ਤਪਦੇਸੇਨ। ਅਕਥਿਤਸ੍ਸੇવ ਕਥਨਂ ਉਤ੍ਤਰਂ, ਨ ਕਥਿਤਸ੍ਸਾਤਿ વੁਤ੍ਤਂ ‘‘ਤਾਨਿ ਦਸ੍ਸੇਤ੍વਾ’’ਤਿ। ਸਮੋਧਾਨੇਤ੍વਾਤਿ ਸਮ੍ਪਿਣ੍ਡਿਤ੍વਾ। વਿਤ੍ਥਾਰਕਥਾਤਿ વਿਤ੍ਥਾਰਤੋ ਅਟ੍ਠਕਥਾ। ਅਨਤ੍ਤਲਕ੍ਖਣਮੇવਾਤਿ ਤਬ੍ਬਹੁਲਤਾਯ ਤਪ੍ਪਧਾਨਤਾਯ ਚ વੁਤ੍ਤਂ। ਅਨਿਚ੍ਚਤਾਦੀਨਮ੍ਪਿ ਹਿ ਤਤ੍ਥ ਤਂਦੀਪਨਤ੍ਥਮੇવ વੁਤ੍ਤਤ੍ਤਾ ਤਦੇવ ਜੇਟ੍ਠਂ ਪਧਾਨਂ ਤਥਾ વੇਨੇਯ੍ਯਜ੍ਝਾਸਯਤੋ।
59.Purāṇupaṭṭhāketi pubbe padhānapadahanakāle upaṭṭhākabhūte. ‘‘Avasavattanaṭṭhena assāmikaṭṭhena suññataṭṭhena attapaṭikkhepaṭṭhenā’’ti evaṃ pubbe vuttehi. Ettakena ṭhānenāti ‘‘rūpaṃ, bhikkhave, anattā’’ti ārabhitvā yāva ‘‘evaṃ me viññāṇaṃ mā ahosī’’ti ettakena suttapadesena. Akathitasseva kathanaṃ uttaraṃ, na kathitassāti vuttaṃ ‘‘tāni dassetvā’’ti. Samodhānetvāti sampiṇḍitvā. Vitthārakathāti vitthārato aṭṭhakathā. Anattalakkhaṇamevāti tabbahulatāya tappadhānatāya ca vuttaṃ. Aniccatādīnampi hi tattha taṃdīpanatthameva vuttattā tadeva jeṭṭhaṃ padhānaṃ tathā veneyyajjhāsayato.
ਅਨਤ੍ਤਲਕ੍ਖਣਸੁਤ੍ਤવਣ੍ਣਨਾ ਨਿਟ੍ਠਿਤਾ।
Anattalakkhaṇasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਅਨਤ੍ਤਲਕ੍ਖਣਸੁਤ੍ਤਂ • 7. Anattalakkhaṇasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੭. ਅਨਤ੍ਤਲਕ੍ਖਣਸੁਤ੍ਤવਣ੍ਣਨਾ • 7. Anattalakkhaṇasuttavaṇṇanā
