| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১৪. অনত্তানুপস্সীসুত্তং
14. Anattānupassīsuttaṃ
১৪৯. সাৰত্থিনিদানং । ‘‘সদ্ধাপব্বজিতস্স, ভিক্খৰে, কুলপুত্তস্স অযমনুধম্মো হোতি – যং রূপে অনত্তানুপস্সী ৰিহরেয্য। ৰেদনায… সঞ্ঞায… সঙ্খারেসু… ৰিঞ্ঞাণে অনত্তানুপস্সী ৰিহরেয্য। (সো রূপে) অনত্তানুপস্সী ৰিহরন্তো, ৰেদনায… সঞ্ঞায… সঙ্খারেসু… ৰিঞ্ঞাণে অনত্তানুপস্সী ৰিহরন্তো রূপং পরিজানাতি, ৰেদনং…পে॰… সঞ্ঞং… সঙ্খারে… ৰিঞ্ঞাণং পরিজানাতি। সো রূপং পরিজানং ৰেদনং পরিজানং সঞ্ঞং পরিজানং সঙ্খারে পরিজানং ৰিঞ্ঞাণং পরিজানং পরিমুচ্চতি রূপম্হা, পরিমুচ্চতি ৰেদনায, পরিমুচ্চতি সঞ্ঞায, পরিমুচ্চতি সঙ্খারেহি, পরিমুচ্চতি ৰিঞ্ঞাণম্হা , পরিমুচ্চতি জাতিযা জরায মরণেন সোকেহি পরিদেৰেহি দুক্খেহি দোমনস্সেহি উপাযাসেহি; ‘পরিমুচ্চতি দুক্খস্মা’তি ৰদামী’’তি। চুদ্দসমং।
149. Sāvatthinidānaṃ . ‘‘Saddhāpabbajitassa, bhikkhave, kulaputtassa ayamanudhammo hoti – yaṃ rūpe anattānupassī vihareyya. Vedanāya… saññāya… saṅkhāresu… viññāṇe anattānupassī vihareyya. (So rūpe) anattānupassī viharanto, vedanāya… saññāya… saṅkhāresu… viññāṇe anattānupassī viharanto rūpaṃ parijānāti, vedanaṃ…pe… saññaṃ… saṅkhāre… viññāṇaṃ parijānāti. So rūpaṃ parijānaṃ vedanaṃ parijānaṃ saññaṃ parijānaṃ saṅkhāre parijānaṃ viññāṇaṃ parijānaṃ parimuccati rūpamhā, parimuccati vedanāya, parimuccati saññāya, parimuccati saṅkhārehi, parimuccati viññāṇamhā , parimuccati jātiyā jarāya maraṇena sokehi paridevehi dukkhehi domanassehi upāyāsehi; ‘parimuccati dukkhasmā’ti vadāmī’’ti. Cuddasamaṃ.
কুক্কুল়ৰগ্গো চুদ্দসমো।
Kukkuḷavaggo cuddasamo.
তস্সুদ্দানং –
Tassuddānaṃ –
কুক্কুল়া তযো অনিচ্চেন, দুক্খেন অপরে তযো।
Kukkuḷā tayo aniccena, dukkhena apare tayo;
অনত্তেন তযো ৰুত্তা, কুলপুত্তেন দ্ৰে দুকাতি॥
Anattena tayo vuttā, kulaputtena dve dukāti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১-১৩. কুক্কুল়সুত্তাদিৰণ্ণনা • 1-13. Kukkuḷasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১-১৪. কুক্কুল়সুত্তাদিৰণ্ণনা • 1-14. Kukkuḷasuttādivaṇṇanā
