| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
14. අනත්‌තානුපස්‌සීසුත්‌තං
14. Anattānupassīsuttaṃ
149. සාවත්‌ථිනිදානං . ‘‘සද්‌ධාපබ්‌බජිතස්‌ස, භික්‌ඛවෙ, කුලපුත්‌තස්‌ස අයමනුධම්‌මො හොති – යං රූපෙ අනත්‌තානුපස්‌සී විහරෙය්‍ය. වෙදනාය… සඤ්‌ඤාය… සඞ්‌ඛාරෙසු… විඤ්‌ඤාණෙ අනත්‌තානුපස්‌සී විහරෙය්‍ය. (සො රූපෙ) අනත්‌තානුපස්‌සී විහරන්‌තො, වෙදනාය… සඤ්‌ඤාය… සඞ්‌ඛාරෙසු… විඤ්‌ඤාණෙ අනත්‌තානුපස්‌සී විහරන්‌තො රූපං පරිජානාති, වෙදනං…පෙ.… සඤ්‌ඤං… සඞ්‌ඛාරෙ… විඤ්‌ඤාණං පරිජානාති. සො රූපං පරිජානං වෙදනං පරිජානං සඤ්‌ඤං පරිජානං සඞ්‌ඛාරෙ පරිජානං විඤ්‌ඤාණං පරිජානං පරිමුච්‌චති රූපම්‌හා, පරිමුච්‌චති වෙදනාය, පරිමුච්‌චති සඤ්‌ඤාය, පරිමුච්‌චති සඞ්‌ඛාරෙහි, පරිමුච්‌චති විඤ්‌ඤාණම්‌හා , පරිමුච්‌චති ජාතියා ජරාය මරණෙන සොකෙහි පරිදෙවෙහි දුක්‌ඛෙහි දොමනස්‌සෙහි උපායාසෙහි; ‘පරිමුච්‌චති දුක්‌ඛස්‌මා’ති වදාමී’’ති. චුද්‌දසමං.
149. Sāvatthinidānaṃ . ‘‘Saddhāpabbajitassa, bhikkhave, kulaputtassa ayamanudhammo hoti – yaṃ rūpe anattānupassī vihareyya. Vedanāya… saññāya… saṅkhāresu… viññāṇe anattānupassī vihareyya. (So rūpe) anattānupassī viharanto, vedanāya… saññāya… saṅkhāresu… viññāṇe anattānupassī viharanto rūpaṃ parijānāti, vedanaṃ…pe… saññaṃ… saṅkhāre… viññāṇaṃ parijānāti. So rūpaṃ parijānaṃ vedanaṃ parijānaṃ saññaṃ parijānaṃ saṅkhāre parijānaṃ viññāṇaṃ parijānaṃ parimuccati rūpamhā, parimuccati vedanāya, parimuccati saññāya, parimuccati saṅkhārehi, parimuccati viññāṇamhā , parimuccati jātiyā jarāya maraṇena sokehi paridevehi dukkhehi domanassehi upāyāsehi; ‘parimuccati dukkhasmā’ti vadāmī’’ti. Cuddasamaṃ.
කුක්‌කුළවග්‌ගො චුද්‌දසමො.
Kukkuḷavaggo cuddasamo.
තස්‌සුද්‌දානං –
Tassuddānaṃ –
කුක්‌කුළා තයො අනිච්‌චෙන, දුක්‌ඛෙන අපරෙ තයො;
Kukkuḷā tayo aniccena, dukkhena apare tayo;
අනත්‌තෙන තයො වුත්‌තා, කුලපුත්‌තෙන ද්‌වෙ දුකාති.
Anattena tayo vuttā, kulaputtena dve dukāti.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 1-13. කුක්‌කුළසුත්‌තාදිවණ්‌ණනා • 1-13. Kukkuḷasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 1-14. කුක්‌කුළසුත්‌තාදිවණ්‌ණනා • 1-14. Kukkuḷasuttādivaṇṇanā
