| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༡༤. ཨནཏྟཱནུཔསྶཱིསུཏྟཾ
14. Anattānupassīsuttaṃ
༡༤༩. སཱཝཏྠིནིདཱནཾ ། ‘‘སདྡྷཱཔབྦཛིཏསྶ, བྷིཀྑཝེ, ཀུལཔུཏྟསྶ ཨཡམནུདྷམྨོ ཧོཏི – ཡཾ རཱུཔེ ཨནཏྟཱནུཔསྶཱི ཝིཧརེཡྻ། ཝེདནཱཡ… སཉྙཱཡ… སངྑཱརེསུ… ཝིཉྙཱཎེ ཨནཏྟཱནུཔསྶཱི ཝིཧརེཡྻ། (སོ རཱུཔེ) ཨནཏྟཱནུཔསྶཱི ཝིཧརནྟོ, ཝེདནཱཡ… སཉྙཱཡ… སངྑཱརེསུ… ཝིཉྙཱཎེ ཨནཏྟཱནུཔསྶཱི ཝིཧརནྟོ རཱུཔཾ པརིཛཱནཱཏི, ཝེདནཾ…པེ॰… སཉྙཾ… སངྑཱརེ… ཝིཉྙཱཎཾ པརིཛཱནཱཏི། སོ རཱུཔཾ པརིཛཱནཾ ཝེདནཾ པརིཛཱནཾ སཉྙཾ པརིཛཱནཾ སངྑཱརེ པརིཛཱནཾ ཝིཉྙཱཎཾ པརིཛཱནཾ པརིམུཙྩཏི རཱུཔམྷཱ, པརིམུཙྩཏི ཝེདནཱཡ, པརིམུཙྩཏི སཉྙཱཡ, པརིམུཙྩཏི སངྑཱརེཧི, པརིམུཙྩཏི ཝིཉྙཱཎམྷཱ , པརིམུཙྩཏི ཛཱཏིཡཱ ཛརཱཡ མརཎེན སོཀེཧི པརིདེཝེཧི དུཀྑེཧི དོམནསྶེཧི ཨུཔཱཡཱསེཧི; ‘པརིམུཙྩཏི དུཀྑསྨཱ’ཏི ཝདཱམཱི’’ཏི། ཙུདྡསམཾ།
149. Sāvatthinidānaṃ . ‘‘Saddhāpabbajitassa, bhikkhave, kulaputtassa ayamanudhammo hoti – yaṃ rūpe anattānupassī vihareyya. Vedanāya… saññāya… saṅkhāresu… viññāṇe anattānupassī vihareyya. (So rūpe) anattānupassī viharanto, vedanāya… saññāya… saṅkhāresu… viññāṇe anattānupassī viharanto rūpaṃ parijānāti, vedanaṃ…pe… saññaṃ… saṅkhāre… viññāṇaṃ parijānāti. So rūpaṃ parijānaṃ vedanaṃ parijānaṃ saññaṃ parijānaṃ saṅkhāre parijānaṃ viññāṇaṃ parijānaṃ parimuccati rūpamhā, parimuccati vedanāya, parimuccati saññāya, parimuccati saṅkhārehi, parimuccati viññāṇamhā , parimuccati jātiyā jarāya maraṇena sokehi paridevehi dukkhehi domanassehi upāyāsehi; ‘parimuccati dukkhasmā’ti vadāmī’’ti. Cuddasamaṃ.
ཀུཀྐུལ༹ཝགྒོ ཙུདྡསམོ།
Kukkuḷavaggo cuddasamo.
ཏསྶུདྡཱནཾ –
Tassuddānaṃ –
ཀུཀྐུལཱ༹ ཏཡོ ཨནིཙྩེན, དུཀྑེན ཨཔརེ ཏཡོ།
Kukkuḷā tayo aniccena, dukkhena apare tayo;
ཨནཏྟེན ཏཡོ ཝུཏྟཱ, ཀུལཔུཏྟེན དྭེ དུཀཱཏི༎
Anattena tayo vuttā, kulaputtena dve dukāti.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡-༡༣. ཀུཀྐུལ༹སུཏྟཱདིཝཎྞནཱ • 1-13. Kukkuḷasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡-༡༤. ཀུཀྐུལ༹སུཏྟཱདིཝཎྞནཱ • 1-14. Kukkuḷasuttādivaṇṇanā
