| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੪. ਅਨਤ੍ਤਾਨੁਪਸ੍ਸੀਸੁਤ੍ਤਂ
14. Anattānupassīsuttaṃ
੧੪੯. ਸਾવਤ੍ਥਿਨਿਦਾਨਂ । ‘‘ਸਦ੍ਧਾਪਬ੍ਬਜਿਤਸ੍ਸ, ਭਿਕ੍ਖવੇ, ਕੁਲਪੁਤ੍ਤਸ੍ਸ ਅਯਮਨੁਧਮ੍ਮੋ ਹੋਤਿ – ਯਂ ਰੂਪੇ ਅਨਤ੍ਤਾਨੁਪਸ੍ਸੀ વਿਹਰੇਯ੍ਯ। વੇਦਨਾਯ… ਸਞ੍ਞਾਯ… ਸਙ੍ਖਾਰੇਸੁ… વਿਞ੍ਞਾਣੇ ਅਨਤ੍ਤਾਨੁਪਸ੍ਸੀ વਿਹਰੇਯ੍ਯ। (ਸੋ ਰੂਪੇ) ਅਨਤ੍ਤਾਨੁਪਸ੍ਸੀ વਿਹਰਨ੍ਤੋ, વੇਦਨਾਯ… ਸਞ੍ਞਾਯ… ਸਙ੍ਖਾਰੇਸੁ… વਿਞ੍ਞਾਣੇ ਅਨਤ੍ਤਾਨੁਪਸ੍ਸੀ વਿਹਰਨ੍ਤੋ ਰੂਪਂ ਪਰਿਜਾਨਾਤਿ, વੇਦਨਂ…ਪੇ॰… ਸਞ੍ਞਂ… ਸਙ੍ਖਾਰੇ… વਿਞ੍ਞਾਣਂ ਪਰਿਜਾਨਾਤਿ। ਸੋ ਰੂਪਂ ਪਰਿਜਾਨਂ વੇਦਨਂ ਪਰਿਜਾਨਂ ਸਞ੍ਞਂ ਪਰਿਜਾਨਂ ਸਙ੍ਖਾਰੇ ਪਰਿਜਾਨਂ વਿਞ੍ਞਾਣਂ ਪਰਿਜਾਨਂ ਪਰਿਮੁਚ੍ਚਤਿ ਰੂਪਮ੍ਹਾ, ਪਰਿਮੁਚ੍ਚਤਿ વੇਦਨਾਯ, ਪਰਿਮੁਚ੍ਚਤਿ ਸਞ੍ਞਾਯ, ਪਰਿਮੁਚ੍ਚਤਿ ਸਙ੍ਖਾਰੇਹਿ, ਪਰਿਮੁਚ੍ਚਤਿ વਿਞ੍ਞਾਣਮ੍ਹਾ , ਪਰਿਮੁਚ੍ਚਤਿ ਜਾਤਿਯਾ ਜਰਾਯ ਮਰਣੇਨ ਸੋਕੇਹਿ ਪਰਿਦੇવੇਹਿ ਦੁਕ੍ਖੇਹਿ ਦੋਮਨਸ੍ਸੇਹਿ ਉਪਾਯਾਸੇਹਿ; ‘ਪਰਿਮੁਚ੍ਚਤਿ ਦੁਕ੍ਖਸ੍ਮਾ’ਤਿ વਦਾਮੀ’’ਤਿ। ਚੁਦ੍ਦਸਮਂ।
149. Sāvatthinidānaṃ . ‘‘Saddhāpabbajitassa, bhikkhave, kulaputtassa ayamanudhammo hoti – yaṃ rūpe anattānupassī vihareyya. Vedanāya… saññāya… saṅkhāresu… viññāṇe anattānupassī vihareyya. (So rūpe) anattānupassī viharanto, vedanāya… saññāya… saṅkhāresu… viññāṇe anattānupassī viharanto rūpaṃ parijānāti, vedanaṃ…pe… saññaṃ… saṅkhāre… viññāṇaṃ parijānāti. So rūpaṃ parijānaṃ vedanaṃ parijānaṃ saññaṃ parijānaṃ saṅkhāre parijānaṃ viññāṇaṃ parijānaṃ parimuccati rūpamhā, parimuccati vedanāya, parimuccati saññāya, parimuccati saṅkhārehi, parimuccati viññāṇamhā , parimuccati jātiyā jarāya maraṇena sokehi paridevehi dukkhehi domanassehi upāyāsehi; ‘parimuccati dukkhasmā’ti vadāmī’’ti. Cuddasamaṃ.
ਕੁਕ੍ਕੁਲ਼વਗ੍ਗੋ ਚੁਦ੍ਦਸਮੋ।
Kukkuḷavaggo cuddasamo.
ਤਸ੍ਸੁਦ੍ਦਾਨਂ –
Tassuddānaṃ –
ਕੁਕ੍ਕੁਲ਼ਾ ਤਯੋ ਅਨਿਚ੍ਚੇਨ, ਦੁਕ੍ਖੇਨ ਅਪਰੇ ਤਯੋ।
Kukkuḷā tayo aniccena, dukkhena apare tayo;
ਅਨਤ੍ਤੇਨ ਤਯੋ વੁਤ੍ਤਾ, ਕੁਲਪੁਤ੍ਤੇਨ ਦ੍વੇ ਦੁਕਾਤਿ॥
Anattena tayo vuttā, kulaputtena dve dukāti.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧-੧੩. ਕੁਕ੍ਕੁਲ਼ਸੁਤ੍ਤਾਦਿવਣ੍ਣਨਾ • 1-13. Kukkuḷasuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧-੧੪. ਕੁਕ੍ਕੁਲ਼ਸੁਤ੍ਤਾਦਿવਣ੍ਣਨਾ • 1-14. Kukkuḷasuttādivaṇṇanā
