| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৬. অনত্তসুত্তং
6. Anattasuttaṃ
৬৮. সাৰত্থিনিদানং। অথ খো অঞ্ঞতরো ভিক্খু…পে॰… একমন্তং নিসিন্নো খো সো ভিক্খু ভগৰন্তং এতদৰোচ – ‘‘সাধু মে, ভন্তে, ভগৰা সংখিত্তেন ধম্মং দেসেতু…পে॰… আতাপী পহিতত্তো ৰিহরেয্য’’ন্তি। ‘‘যো খো, ভিক্খু, অনত্তা; তত্র তে ছন্দো পহাতব্বো’’তি। ‘‘অঞ্ঞাতং, ভগৰা; অঞ্ঞাতং, সুগতা’’তি।
68. Sāvatthinidānaṃ. Atha kho aññataro bhikkhu…pe… ekamantaṃ nisinno kho so bhikkhu bhagavantaṃ etadavoca – ‘‘sādhu me, bhante, bhagavā saṃkhittena dhammaṃ desetu…pe… ātāpī pahitatto vihareyya’’nti. ‘‘Yo kho, bhikkhu, anattā; tatra te chando pahātabbo’’ti. ‘‘Aññātaṃ, bhagavā; aññātaṃ, sugatā’’ti.
‘‘যথা কথং পন ত্ৰং, ভিক্খু, মযা সংখিত্তেন ভাসিতস্স ৰিত্থারেন অত্থং আজানাসী’’তি? ‘‘রূপং খো, ভন্তে, অনত্তা; তত্র মে ছন্দো পহাতব্বো। ৰেদনা… সঞ্ঞা… সঙ্খারা… ৰিঞ্ঞাণং অনত্তা; তত্র মে ছন্দো পহাতব্বো। ইমস্স খ্ৰাহং, ভন্তে, ভগৰতা সংখিত্তেন ভাসিতস্স এৰং ৰিত্থারেন অত্থং আজানামী’’তি।
‘‘Yathā kathaṃ pana tvaṃ, bhikkhu, mayā saṃkhittena bhāsitassa vitthārena atthaṃ ājānāsī’’ti? ‘‘Rūpaṃ kho, bhante, anattā; tatra me chando pahātabbo. Vedanā… saññā… saṅkhārā… viññāṇaṃ anattā; tatra me chando pahātabbo. Imassa khvāhaṃ, bhante, bhagavatā saṃkhittena bhāsitassa evaṃ vitthārena atthaṃ ājānāmī’’ti.
‘‘সাধু সাধু, ভিক্খু! সাধু খো ত্ৰং, ভিক্খু, মযা সংখিত্তেন ভাসিতস্স ৰিত্থারেন অত্থং আজানাসি। রূপং খো, ভিক্খু, অনত্তা; তত্র তে ছন্দো পহাতব্বো । ৰেদনা… সঞ্ঞা… সঙ্খারা… ৰিঞ্ঞাণং অনত্তা; তত্র তে ছন্দো পহাতব্বো। ইমস্স খো, ভিক্খু, মযা সংখিত্তেন ভাসিতস্স এৰং ৰিত্থারেন অত্থো দট্ঠব্বো’’তি…পে॰… অঞ্ঞতরো চ পন সো ভিক্খু অরহতং অহোসীতি। ছট্ঠং।
‘‘Sādhu sādhu, bhikkhu! Sādhu kho tvaṃ, bhikkhu, mayā saṃkhittena bhāsitassa vitthārena atthaṃ ājānāsi. Rūpaṃ kho, bhikkhu, anattā; tatra te chando pahātabbo . Vedanā… saññā… saṅkhārā… viññāṇaṃ anattā; tatra te chando pahātabbo. Imassa kho, bhikkhu, mayā saṃkhittena bhāsitassa evaṃ vitthārena attho daṭṭhabbo’’ti…pe… aññataro ca pana so bhikkhu arahataṃ ahosīti. Chaṭṭhaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৪-৫. অনিচ্চসুত্তাদিৰণ্ণনা • 4-5. Aniccasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ২-৬. মঞ্ঞমানসুত্তাদিৰণ্ণনা • 2-6. Maññamānasuttādivaṇṇanā
