| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
аан̣ад̇д̇игат̇ааван̣н̣анаа
Āṇattikathāvaṇṇanā
121. аан̣ад̇д̇игат̇ааяам̣ асаммохад̇т̇анд̇и яасмаа сан̇гзд̇агамманимид̇д̇агаммаани гаронд̇о зго бурзбхад̇д̇аад̣̇ийсу ваа агкиникан̣анаад̣̇ийни ваа д̣̇исваа ‘‘г̇ан̣хаа’’д̇и вад̣̇ад̇и, зго г̇ахзд̇аб̣б̣абхан̣д̣аниссид̇ам̣ гад̇ваа ‘‘бурзбхад̇д̇ам̣ звам̣ван̣н̣асан̣таанам̣ бхан̣д̣ам̣ г̇ан̣хаа’’д̇и вад̣̇ад̇и, зго ‘‘д̇вам̣ ид̇т̇аннаамасса баавад̣̇а, со ан̃н̃асса баавад̣̇ад̇уу’’д̇иаад̣̇инаа буг̇г̇алабадибаадияаа жа аан̣аабзд̇и, д̇асмаа гаалавасзна гирияаавасзна бхан̣д̣авасзна буг̇г̇алавасзна жа аан̣ад̇д̇з висан̇гзд̇аависан̇гзд̇авасзна зд̇зсу сан̇гзд̇агамманимид̇д̇агаммзсу асаммохад̇т̇ам̣. нимид̇д̇асан̃н̃ам̣ гад̇ваад̇и ‘‘ийд̣̇исам̣ наама бхан̣д̣а’’нд̇и ван̣н̣асан̣таанаад̣̇ивасзна г̇ахан̣асса нимид̇д̇абхууд̇ам̣ сан̃н̃аан̣ам̣ гад̇ваа.
121. Āṇattikathāyaṃ asammohatthanti yasmā saṅketakammanimittakammāni karonto eko purebhattādīsu vā akkhinikhaṇanādīni vā disvā ‘‘gaṇhā’’ti vadati, eko gahetabbabhaṇḍanissitaṃ katvā ‘‘purebhattaṃ evaṃvaṇṇasaṇṭhānaṃ bhaṇḍaṃ gaṇhā’’ti vadati, eko ‘‘tvaṃ itthannāmassa pāvada, so aññassa pāvadatū’’tiādinā puggalapaṭipāṭiyā ca āṇāpeti, tasmā kālavasena kiriyāvasena bhaṇḍavasena puggalavasena ca āṇatte visaṅketāvisaṅketavasena etesu saṅketakammanimittakammesu asammohatthaṃ. Nimittasaññaṃ katvāti ‘‘īdisaṃ nāma bhaṇḍa’’nti vaṇṇasaṇṭhānādivasena gahaṇassa nimittabhūtaṃ saññāṇaṃ katvā.
яат̇аад̇хиббааяам̣ г̇ажчад̇ийд̇и д̣̇уд̇ияо д̇ад̇ияасса, д̇ад̇ияо жад̇уд̇т̇ассаад̇и звам̣ бадибаадияаа жз вад̣̇анд̇ийд̇и вуд̇д̇ам̣ ход̇и. сажз бана д̣̇уд̇ияо жад̇уд̇т̇асса аарожзд̇и, на яат̇аад̇хиббааяам̣ аан̣ад̇д̇и г̇ад̇аад̇и нзвад̇т̇и т̇уллажжаяам̣, батамам̣ вуд̇д̇ад̣̇уггадамзва ход̇и. д̇ад̣̇зва ход̇ийд̇и бхан̣д̣аг̇г̇ахан̣ам̣ винаа гзвалам̣ саасанаббадиг̇г̇ахан̣амад̇д̇ассзва сид̣̇д̇хад̇д̇аа д̇ад̣̇зва т̇уллажжаяам̣ ход̇и , на д̣̇уггадам̣ нааби баарааж̇иганд̇и ад̇т̇о. саб̣б̣ад̇т̇аад̇и ийд̣̇исзсу саб̣б̣адтаанзсу.
Yathādhippāyaṃ gacchatīti dutiyo tatiyassa, tatiyo catutthassāti evaṃ paṭipāṭiyā ce vadantīti vuttaṃ hoti. Sace pana dutiyo catutthassa āroceti, na yathādhippāyaṃ āṇatti gatāti nevatthi thullaccayaṃ, paṭhamaṃ vuttadukkaṭameva hoti. Tadeva hotīti bhaṇḍaggahaṇaṃ vinā kevalaṃ sāsanappaṭiggahaṇamattasseva siddhattā tadeva thullaccayaṃ hoti , na dukkaṭaṃ nāpi pārājikanti attho. Sabbatthāti īdisesu sabbaṭṭhānesu.
д̇зсамби д̣̇уггаданд̇и аарожанабажжаяаа д̣̇уггадам̣. бадиг̇г̇ахид̇амад̇д̇зд̇и зд̇т̇а авассам̣ жз бадиг̇г̇ан̣хаад̇и, д̇ад̇о буб̣б̣зва аажарияасса т̇уллажжаяам̣, на бана бадиг̇г̇ахид̇зд̇и д̣̇адтаб̣б̣ам̣. гасмаа банасса т̇уллажжаяанд̇и ааха – ‘‘махааж̇ано хи д̇зна баабз нияож̇ид̇о’’д̇и.
Tesampi dukkaṭanti ārocanapaccayā dukkaṭaṃ. Paṭiggahitamatteti ettha avassaṃ ce paṭiggaṇhāti, tato pubbeva ācariyassa thullaccayaṃ, na pana paṭiggahiteti daṭṭhabbaṃ. Kasmā panassa thullaccayanti āha – ‘‘mahājano hi tena pāpe niyojito’’ti.
мууладтассзва д̣̇уггаданд̇и аяам̣ д̇аава адтагат̇аанаяо, аажарияаа бана ‘‘висан̇гзд̇ад̇д̇аа зва мууладтассаад̇и баал̣ияам̣ авуд̇д̇ад̇д̇аа бадиг̇г̇ан̣ханд̇ассзва д̇ам̣ д̣̇уггадам̣ вуд̇д̇ам̣, иминаава хздтаа ааг̇ад̇аваарзсуби бадиг̇г̇ан̣ханд̇аанам̣ бадиг̇г̇ахан̣з д̣̇уггадам̣ взд̣̇ид̇аб̣б̣ам̣, д̇ам̣ бана д̇ад̇т̇а огаасаабхаавад̇о авад̇ваа ид̇ха вуд̇д̇а’’нд̇и вад̣̇анд̇и.
Mūlaṭṭhasseva dukkaṭanti ayaṃ tāva aṭṭhakathānayo, ācariyā pana ‘‘visaṅketattā eva mūlaṭṭhassāti pāḷiyaṃ avuttattā paṭiggaṇhantasseva taṃ dukkaṭaṃ vuttaṃ, imināva heṭṭhā āgatavāresupi paṭiggaṇhantānaṃ paṭiggahaṇe dukkaṭaṃ veditabbaṃ, taṃ pana tattha okāsābhāvato avatvā idha vutta’’nti vadanti.
звам̣ буна аан̣ад̇д̇ияааби д̣̇уггадамзва ход̇ийд̇и батамам̣ ад̇т̇асаад̇хагад̇д̇аабхаавад̇о вуд̇д̇ам̣. аан̣ад̇д̇игкан̣зязва баарааж̇игод̇и маг̇г̇аананд̇арапалам̣ вияа ад̇т̇асаад̇хигаан̣ад̇д̇ижзд̇анаагкан̣зязва баарааж̇иго. б̣ад̇хирад̇ааяаад̇и ужжам̣ бхан̣анд̇о б̣ад̇хирад̇ааяа ваа на саавзд̇ийд̇и вуд̇д̇ам̣ ход̇и. ‘‘аан̣ад̇д̇о ахам̣ д̇аяаа’’д̇и имасмим̣ ваарз буна бадигкибид̇аб̣б̣аабхаавзна ад̇т̇асаад̇хагад̇д̇аабхаавад̇о мууладтасса над̇т̇и баарааж̇игам̣. ‘‘бан̣н̣з ваа силааяа ваа яад̇т̇а гад̇т̇ажи ‘жорияам̣ гаад̇аб̣б̣а’нд̇и ликид̇ваа табид̇з баарааж̇игамзваа’’д̇и д̇ийсуби г̇ан̣тибад̣̇зсу вуд̇д̇ам̣. д̇ам̣ бана яасмаа ад̣̇иннаад̣̇аанад̇о барияааяагат̇ааяа мужжад̇и, д̇асмаа виймам̣сид̇ваа г̇ахзд̇аб̣б̣ам̣. яад̣̇и бана ‘‘асугасмим̣ наама таанз асугам̣ наама бхан̣д̣ам̣ тид̇ам̣, д̇ам̣ авахараа’’д̇и бан̣н̣з ликид̇ваа гассажи бзсзд̇и, со жз д̇ам̣ бхан̣д̣ам̣ авахарад̇и, аан̣ад̇д̇ияаа авахадам̣ наама ход̇ийд̇и яуд̇д̇ам̣ аан̣аабагасса баарааж̇игам̣.
Evaṃ puna āṇattiyāpi dukkaṭameva hotīti paṭhamaṃ atthasādhakattābhāvato vuttaṃ. Āṇattikkhaṇeyeva pārājikoti maggānantaraphalaṃ viya atthasādhikāṇatticetanākkhaṇeyeva pārājiko. Badhiratāyāti uccaṃ bhaṇanto badhiratāya vā na sāvetīti vuttaṃ hoti. ‘‘Āṇatto ahaṃ tayā’’ti imasmiṃ vāre puna paṭikkhipitabbābhāvena atthasādhakattābhāvato mūlaṭṭhassa natthi pārājikaṃ. ‘‘Paṇṇe vā silāya vā yattha katthaci ‘coriyaṃ kātabba’nti likhitvā ṭhapite pārājikamevā’’ti tīsupi gaṇṭhipadesu vuttaṃ. Taṃ pana yasmā adinnādānato pariyāyakathāya muccati, tasmā vīmaṃsitvā gahetabbaṃ. Yadi pana ‘‘asukasmiṃ nāma ṭhāne asukaṃ nāma bhaṇḍaṃ ṭhitaṃ, taṃ avaharā’’ti paṇṇe likhitvā kassaci peseti, so ce taṃ bhaṇḍaṃ avaharati, āṇattiyā avahaṭaṃ nāma hotīti yuttaṃ āṇāpakassa pārājikaṃ.
аан̣ад̇д̇игат̇ааван̣н̣анаа нидтид̇аа.
Āṇattikathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бхуумадтагат̇аад̣̇иван̣н̣анаа • Bhūmaṭṭhakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / аан̣ад̇д̇игат̇ааван̣н̣анаа • Āṇattikathāvaṇṇanā
