| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
аан̣ад̇д̇игат̇ааван̣н̣анаа
Āṇattikathāvaṇṇanā
121. аан̣ад̇д̇игат̇ааяам̣ асаммохад̇т̇анд̇и яасмаа сан̇гзд̇агамманимид̇д̇агаммаани гаронд̇о на гзвалам̣ бурзбхад̇д̇аад̣̇игааласан̇гзд̇агаммам̣ агкиникан̣анаад̣̇инимид̇д̇агаммамзва ваа гарод̇и, ат̇а ко звам̣ван̣н̣асан̣таанабхан̣д̣ам̣ г̇ан̣хаад̇и, бхан̣д̣анияамамби гарод̇и, д̇вам̣ ид̇т̇аннаамасса баавад̣̇а, со ан̃н̃асса баавад̣̇ад̇ууд̇иаад̣̇инаа буг̇г̇алабадибаадияаа жа аан̣аабзд̇и, д̇асмаа буб̣б̣ан̣хаад̣̇игаалавасзна агкиникан̣анаад̣̇игирияаавасзна бхан̣д̣абуг̇г̇алабадибаадивасзна жа аан̣ад̇д̇з зд̇зсу сан̇гзд̇агамманимид̇д̇агаммзсу висан̇гзд̇аа висан̇гзд̇абхаавз саммохо ж̇ааяад̇и, д̇ад̣̇абаг̇амзна асаммохад̇т̇ам̣. яам̣ аан̣аабагзна нимид̇д̇асан̃н̃ам̣ гад̇ваа вуд̇д̇анд̇и буб̣б̣ан̣хаад̣̇ийсу агкиникан̣анаад̣̇ийсу ваа г̇ахан̣ад̇т̇ам̣ аан̣аабзнд̇зна ийд̣̇исаван̣н̣асан̣таанаад̣̇ияуд̇д̇ам̣ г̇ан̣хаад̇и звам̣ г̇ахан̣асса нимид̇д̇абхууд̇асан̃н̃аан̣ам̣ гад̇ваа яам̣ бхан̣д̣ам̣ вуд̇д̇ам̣. аяам̣ яуд̇д̇и саб̣б̣ад̇т̇аад̇и хздтаа вуд̇д̇зсу убари вагкамаанзсу жа саб̣б̣ад̇т̇а аан̣ад̇д̇иббасан̇г̇зсу аан̣ад̇д̇игкан̣зязва баарааж̇игаад̣̇ийнам̣ бхаавасан̇каад̇аа винаяаяуд̇д̇и, саа жа аан̣ад̇д̇асса гирияаанидтаабанагкан̣з аан̣аабагасса баяог̇з т̇зяяажид̇д̇аанам̣ абхааваа аан̣ад̇д̇игкан̣з згаа зва аабад̇д̇и ход̇ийд̇и звам̣ убабад̇д̇ияаа бавад̇д̇ад̇д̇аа яуд̇д̇ийд̇и вуд̇д̇аа. ‘‘мууладтасса т̇уллажжаяа’’нд̇и вуд̇д̇ад̇д̇аа сан̇гхарагкид̇зна бадиг̇г̇ахид̇зби б̣уд̣̇д̇харагкид̇ад̇хаммарагкид̇аанам̣ д̣̇уггадамзва, гасмаа банзд̇т̇а аажарияасса т̇уллажжаяанд̇и ааха ‘‘махааж̇ано хий’’д̇иаад̣̇и. махааж̇анод̇и жа б̣уд̣̇д̇харагкид̇ад̇хаммарагкид̇асан̇гхарагкид̇з санд̇хааяа вуд̇д̇ам̣. мууладтассзва д̣̇уггаданд̇и б̣уд̣̇д̇харагкид̇асса д̣̇уггадам̣. ид̣̇ан̃жа мууладтасса т̇уллажжаяаабхаавад̣̇ассанад̇т̇ам̣ батамам̣ аан̣ад̇д̇игкан̣з д̣̇уггадам̣ санд̇хааяа вуд̇д̇ам̣, на бана сан̇гхарагкид̇асса бадиг̇г̇ахан̣абажжаяаа буна д̣̇уггадасамбхавам̣ санд̇хааяа. на хи со згабаяог̇зна д̣̇уггадад̣̇ваяам̣ аабаж̇ж̇ад̇и. гзжи бана ‘‘висан̇гзд̇ад̇д̇аа баал̣ияам̣ ‘мууладтассаа’д̇и авад̇ваа ‘бадиг̇г̇ан̣хаад̇и, аабад̇д̇и д̣̇уггадассаа’д̇и сааман̃н̃зна вуд̇д̇ад̇д̇аа ид̣̇ам̣ сан̇гхарагкид̇асса д̣̇уггадам̣ санд̇хааяа вуд̇д̇а’’нд̇и вад̣̇анд̇и, д̇ам̣ гин̃жааби адтагат̇ааяа на самзд̇и, баал̣ид̇о бана яуд̇д̇ам̣ вияа д̣̇иссад̇и. на хи д̇асса бадиг̇г̇ахан̣аббаяог̇з анаабад̇д̇и ход̇ийд̇и. иминаава хздтаа ааг̇ад̇аваарзсуби бадиг̇г̇ан̣ханд̇аанам̣ д̣̇уггадам̣ взд̣̇ид̇аб̣б̣ам̣. ‘‘бан̣н̣з ваа силаад̣̇ийсу ваа ‘жорияам̣ гаад̇аб̣б̣а’нд̇и ликид̇ваа табид̇з баарааж̇игамзваа’’д̇и гзжи вад̣̇анд̇и, д̇ам̣ бана ‘‘асугасса г̇зхз бхан̣д̣а’’нд̇и звам̣ нияамзд̇ваа ликид̇з яуж̇ж̇ад̇и, на анияамзд̇ваа ликид̇зд̇и виймам̣сид̇аб̣б̣ам̣. маг̇г̇аананд̇арапаласад̣̇исаад̇и иминаа яат̇аа арияабуг̇г̇алаанам̣ маг̇г̇аананд̇арз палз уббаннз гилзсабадиббассад̣̇д̇хибарияосаанам̣ бхааванаагижжам̣ нибпаннам̣ наама ход̇и, звамзд̇иссаа ад̇т̇асаад̇хагажзд̇анааяа уббаннааяа аан̣ад̇д̇игижжам̣ нибпаннамзваад̇и д̣̇ассзд̇и, д̇знааха ‘‘д̇асмаа аяам̣ аан̣ад̇д̇игкан̣зязва баарааж̇иго’’д̇и, аан̣ад̇д̇иважийбаяог̇асамудтаабагажзд̇анаагкан̣зязва баарааж̇иго ход̇ийд̇и ад̇т̇о.
121. Āṇattikathāyaṃ asammohatthanti yasmā saṅketakammanimittakammāni karonto na kevalaṃ purebhattādikālasaṅketakammaṃ akkhinikhaṇanādinimittakammameva vā karoti, atha kho evaṃvaṇṇasaṇṭhānabhaṇḍaṃ gaṇhāti, bhaṇḍaniyamampi karoti, tvaṃ itthannāmassa pāvada, so aññassa pāvadatūtiādinā puggalapaṭipāṭiyā ca āṇāpeti, tasmā pubbaṇhādikālavasena akkhinikhaṇanādikiriyāvasena bhaṇḍapuggalapaṭipāṭivasena ca āṇatte etesu saṅketakammanimittakammesu visaṅketā visaṅketabhāve sammoho jāyati, tadapagamena asammohatthaṃ. Yaṃ āṇāpakena nimittasaññaṃ katvā vuttanti pubbaṇhādīsu akkhinikhaṇanādīsu vā gahaṇatthaṃ āṇāpentena īdisavaṇṇasaṇṭhānādiyuttaṃ gaṇhāti evaṃ gahaṇassa nimittabhūtasaññāṇaṃ katvā yaṃ bhaṇḍaṃ vuttaṃ. Ayaṃ yutti sabbatthāti heṭṭhā vuttesu upari vakkhamānesu ca sabbattha āṇattippasaṅgesu āṇattikkhaṇeyeva pārājikādīnaṃ bhāvasaṅkhātā vinayayutti, sā ca āṇattassa kiriyāniṭṭhāpanakkhaṇe āṇāpakassa payoge theyyacittānaṃ abhāvā āṇattikkhaṇe ekā eva āpatti hotīti evaṃ upapattiyā pavattattā yuttīti vuttā. ‘‘Mūlaṭṭhassa thullaccaya’’nti vuttattā saṅgharakkhitena paṭiggahitepi buddharakkhitadhammarakkhitānaṃ dukkaṭameva, kasmā panettha ācariyassa thullaccayanti āha ‘‘mahājano hī’’tiādi. Mahājanoti ca buddharakkhitadhammarakkhitasaṅgharakkhite sandhāya vuttaṃ. Mūlaṭṭhasseva dukkaṭanti buddharakkhitassa dukkaṭaṃ. Idañca mūlaṭṭhassa thullaccayābhāvadassanatthaṃ paṭhamaṃ āṇattikkhaṇe dukkaṭaṃ sandhāya vuttaṃ, na pana saṅgharakkhitassa paṭiggahaṇapaccayā puna dukkaṭasambhavaṃ sandhāya. Na hi so ekapayogena dukkaṭadvayaṃ āpajjati. Keci pana ‘‘visaṅketattā pāḷiyaṃ ‘mūlaṭṭhassā’ti avatvā ‘paṭiggaṇhāti, āpatti dukkaṭassā’ti sāmaññena vuttattā idaṃ saṅgharakkhitassa dukkaṭaṃ sandhāya vutta’’nti vadanti, taṃ kiñcāpi aṭṭhakathāya na sameti, pāḷito pana yuttaṃ viya dissati. Na hi tassa paṭiggahaṇappayoge anāpatti hotīti. Imināva heṭṭhā āgatavāresupi paṭiggaṇhantānaṃ dukkaṭaṃ veditabbaṃ. ‘‘Paṇṇe vā silādīsu vā ‘coriyaṃ kātabba’nti likhitvā ṭhapite pārājikamevā’’ti keci vadanti, taṃ pana ‘‘asukassa gehe bhaṇḍa’’nti evaṃ niyametvā likhite yujjati, na aniyametvā likhiteti vīmaṃsitabbaṃ. Maggānantaraphalasadisāti iminā yathā ariyapuggalānaṃ maggānantare phale uppanne kilesapaṭippassaddhipariyosānaṃ bhāvanākiccaṃ nipphannaṃ nāma hoti, evametissā atthasādhakacetanāya uppannāya āṇattikiccaṃ nipphannamevāti dasseti, tenāha ‘‘tasmā ayaṃ āṇattikkhaṇeyeva pārājiko’’ti, āṇattivacīpayogasamuṭṭhāpakacetanākkhaṇeyeva pārājiko hotīti attho.
аан̣ад̇д̇игат̇ааван̣н̣анаанаяо нидтид̇о.
Āṇattikathāvaṇṇanānayo niṭṭhito.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / аан̣ад̇д̇игат̇ааван̣н̣анаа • Āṇattikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бхуумадтагат̇аад̣̇иван̣н̣анаа • Bhūmaṭṭhakathādivaṇṇanā
