| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੮. ਅਨવਸੇਸਸਿਕ੍ਖਾਪਦਪਞ੍ਹੋ
8. Anavasesasikkhāpadapañho
੮. ‘‘ਭਨ੍ਤੇ ਨਾਗਸੇਨ, ਯੇ ਤੇ ਅਹੇਸੁਂ ਤਿਕਿਚ੍ਛਕਾਨਂ ਪੁਬ੍ਬਕਾ ਆਚਰਿਯਾ ਸੇਯ੍ਯਥਿਦਂ, ਨਾਰਦੋ ਧਮ੍ਮਨ੍ਤਰੀ 1 ਅਙ੍ਗਿਰਸੋ ਕਪਿਲੋ ਕਣ੍ਡਰਗ੍ਗਿ ਸਾਮੋ ਅਤੁਲੋ ਪੁਬ੍ਬਕਚ੍ਚਾਯਨੋ, ਸਬ੍ਬੇਪੇਤੇ ਆਚਰਿਯਾ ਸਕਿਂ ਯੇવ ਰੋਗੁਪ੍ਪਤ੍ਤਿਞ੍ਚ ਨਿਦਾਨਞ੍ਚ ਸਭਾવਞ੍ਚ ਸਮੁਟ੍ਠਾਨਞ੍ਚ ਤਿਕਿਚ੍ਛਞ੍ਚ ਕਿਰਿਯਞ੍ਚ ਸਿਦ੍ਧਾਸਿਦ੍ਧਞ੍ਚ ਸਬ੍ਬਂ ਤਂ 2 ਨਿਰવਸੇਸਂ ਜਾਨਿਤ੍વਾ ‘ਇਮਸ੍ਮਿਂ ਕਾਯੇ ਏਤ੍ਤਕਾ ਰੋਗਾ ਉਪ੍ਪਜ੍ਜਿਸ੍ਸਨ੍ਤੀ’ਤਿ ਏਕਪ੍ਪਹਾਰੇਨ ਕਲਾਪਗ੍ਗਾਹਂ ਕਰਿਤ੍વਾ ਸੁਤ੍ਤਂ ਬਨ੍ਧਿਂਸੁ, ਅਸਬ੍ਬਞ੍ਞੁਨੋ ਏਤੇ ਸਬ੍ਬੇ, ਕਿਸ੍ਸ ਪਨ ਤਥਾਗਤੋ ਸਬ੍ਬਞ੍ਞੂ ਸਮਾਨੋ ਅਨਾਗਤਂ ਕਿਰਿਯਂ ਬੁਦ੍ਧਞਾਣੇਨ ਜਾਨਿਤ੍વਾ ‘ਏਤ੍ਤਕੇ ਨਾਮ વਤ੍ਥੁਸ੍ਮਿਂ ਏਤ੍ਤਕਂ ਨਾਮ ਸਿਕ੍ਖਾਪਦਂ ਪਞ੍ਞਪੇਤਬ੍ਬਂ ਭવਿਸ੍ਸਤੀ’ਤਿ ਪਰਿਚ੍ਛਿਨ੍ਦਿਤ੍વਾ ਅਨવਸੇਸਤੋ ਸਿਕ੍ਖਾਪਦਂ ਨ ਪਞ੍ਞਪੇਸਿ, ਉਪ੍ਪਨ੍ਨੁਪ੍ਪਨ੍ਨੇ વਤ੍ਥੁਸ੍ਮਿਂ ਅਯਸੇ ਪਾਕਟੇ ਦੋਸੇ વਿਤ੍ਥਾਰਿਕੇ ਪੁਥੁਗਤੇ ਉਜ੍ਝਾਯਨ੍ਤੇਸੁ ਮਨੁਸ੍ਸੇਸੁ ਤਸ੍ਮਿਂ ਤਸ੍ਮਿਂ ਕਾਲੇ ਸਾવਕਾਨਂ ਸਿਕ੍ਖਾਪਦਂ ਪਞ੍ਞਪੇਸੀ’’ਤਿ?
8. ‘‘Bhante nāgasena, ye te ahesuṃ tikicchakānaṃ pubbakā ācariyā seyyathidaṃ, nārado dhammantarī 3 aṅgiraso kapilo kaṇḍaraggi sāmo atulo pubbakaccāyano, sabbepete ācariyā sakiṃ yeva roguppattiñca nidānañca sabhāvañca samuṭṭhānañca tikicchañca kiriyañca siddhāsiddhañca sabbaṃ taṃ 4 niravasesaṃ jānitvā ‘imasmiṃ kāye ettakā rogā uppajjissantī’ti ekappahārena kalāpaggāhaṃ karitvā suttaṃ bandhiṃsu, asabbaññuno ete sabbe, kissa pana tathāgato sabbaññū samāno anāgataṃ kiriyaṃ buddhañāṇena jānitvā ‘ettake nāma vatthusmiṃ ettakaṃ nāma sikkhāpadaṃ paññapetabbaṃ bhavissatī’ti paricchinditvā anavasesato sikkhāpadaṃ na paññapesi, uppannuppanne vatthusmiṃ ayase pākaṭe dose vitthārike puthugate ujjhāyantesu manussesu tasmiṃ tasmiṃ kāle sāvakānaṃ sikkhāpadaṃ paññapesī’’ti?
‘‘ਞਾਤਮੇਤਂ, ਮਹਾਰਾਜ, ਤਥਾਗਤਸ੍ਸ ‘ਇਮਸ੍ਮਿਂ ਸਮਯੇ ਇਮੇਸੁ ਮਨੁਸ੍ਸੇਸੁ ਸਾਧਿਕਂ ਦਿਯਡ੍ਢਸਿਕ੍ਖਾਪਦਸਤਂ ਪਞ੍ਞਪੇਤਬ੍ਬਂ ਭવਿਸ੍ਸਤੀ’ਤਿ, ਅਪਿ ਚ ਤਥਾਗਤਸ੍ਸ ਏવਂ ਅਹੋਸਿ ‘ਸਚੇ ਖੋ ਅਹਂ ਸਾਧਿਕਂ ਦਿਯਡ੍ਢਸਿਕ੍ਖਾਪਦਸਤਂ ਏਕਪ੍ਪਹਾਰਂ ਪਞ੍ਞਪੇਸ੍ਸਾਮਿ, ਮਹਾਜਨੋ ਸਨ੍ਤਾਸਮਾਪਜ੍ਜਿਸ੍ਸਤਿ ‘ਬਹੁਕਂ ਇਧ ਰਕ੍ਖਿਤਬ੍ਬਂ, ਦੁਕ੍ਕਰਂ વਤ ਭੋ ਸਮਣਸ੍ਸ ਗੋਤਮਸ੍ਸ ਸਾਸਨੇ ਪਬ੍ਬਜਿਤੁ’ਨ੍ਤਿ, ਪਬ੍ਬਜਿਤੁਕਾਮਾਪਿ ਨ ਪਬ੍ਬਜਿਸ੍ਸਨ੍ਤਿ, વਚਨਞ੍ਚ ਮੇ ਨ ਸਦ੍ਦਹਿਸ੍ਸਨ੍ਤਿ, ਅਸਦ੍ਦਹਨ੍ਤਾ ਤੇ ਮਨੁਸ੍ਸਾ ਅਪਾਯਗਾਮਿਨੋ ਭવਿਸ੍ਸਨ੍ਨ-ਤਿ ਉਪ੍ਪਨ੍ਨੁਪ੍ਪਨ੍ਨੇ વਤ੍ਥੁਸ੍ਮਿਂ ਧਮ੍ਮਦੇਸਨਾਯ વਿਞ੍ਞਾਪੇਤ੍વਾ ਪਾਕਟੇ ਦੋਸੇ ਸਿਕ੍ਖਾਪਦਂ ਪਞ੍ਞਪੇਸ੍ਸਾਮੀ’’’ਤਿ। ‘‘ਅਚ੍ਛਰਿਯਂ, ਭਨ੍ਤੇ ਨਾਗਸੇਨ, ਬੁਦ੍ਧਾਨਂ, ਅਬ੍ਭੁਤਂ, ਭਨ੍ਤੇ ਨਾਗਸੇਨ, ਬੁਦ੍ਧਾਨਂ, ਯਾવ ਮਹਨ੍ਤਂ ਤਥਾਗਤਸ੍ਸ ਸਬ੍ਬਞ੍ਞੁਤਞਾਣਂ, ਏવਮੇਤਂ, ਭਨ੍ਤੇ ਨਾਗਸੇਨ, ਸੁਨਿਦ੍ਦਿਟ੍ਠੋ ਏਸੋ ਅਤ੍ਥੋ ਤਥਾਗਤੇਨ, ‘ਬਹੁਕਂ ਇਧ ਸਿਕ੍ਖਿਤਬ੍ਬ’ਨ੍ਤਿ ਸੁਤ੍વਾ ਸਤ੍ਤਾਨਂ ਸਨ੍ਤਾਸੋ ਉਪ੍ਪਜ੍ਜੇਯ੍ਯ, ਏਕੋਪਿ ਜਿਨਸਾਸਨੇ ਨ ਪਬ੍ਬਜੇਯ੍ਯ, ਏવਮੇਤਂ ਤਥਾ ਸਮ੍ਪਟਿਚ੍ਛਾਮੀ’’ਤਿ।
‘‘Ñātametaṃ, mahārāja, tathāgatassa ‘imasmiṃ samaye imesu manussesu sādhikaṃ diyaḍḍhasikkhāpadasataṃ paññapetabbaṃ bhavissatī’ti, api ca tathāgatassa evaṃ ahosi ‘sace kho ahaṃ sādhikaṃ diyaḍḍhasikkhāpadasataṃ ekappahāraṃ paññapessāmi, mahājano santāsamāpajjissati ‘bahukaṃ idha rakkhitabbaṃ, dukkaraṃ vata bho samaṇassa gotamassa sāsane pabbajitu’nti, pabbajitukāmāpi na pabbajissanti, vacanañca me na saddahissanti, asaddahantā te manussā apāyagāmino bhavissanna-ti uppannuppanne vatthusmiṃ dhammadesanāya viññāpetvā pākaṭe dose sikkhāpadaṃ paññapessāmī’’’ti. ‘‘Acchariyaṃ, bhante nāgasena, buddhānaṃ, abbhutaṃ, bhante nāgasena, buddhānaṃ, yāva mahantaṃ tathāgatassa sabbaññutañāṇaṃ, evametaṃ, bhante nāgasena, suniddiṭṭho eso attho tathāgatena, ‘bahukaṃ idha sikkhitabba’nti sutvā sattānaṃ santāso uppajjeyya, ekopi jinasāsane na pabbajeyya, evametaṃ tathā sampaṭicchāmī’’ti.
ਅਨવਸੇਸਸਿਕ੍ਖਾਪਦਪਞ੍ਹੋ ਅਟ੍ਠਮੋ।
Anavasesasikkhāpadapañho aṭṭhamo.
Footnotes:
