| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
7. අනවත්‌ථිතසුත්‌තං
7. Anavatthitasuttaṃ
102. ‘‘ඡ , භික්‌ඛවෙ, ආනිසංසෙ සම්‌පස්‌සමානෙන අලමෙව භික්‌ඛුනා සබ්‌බසඞ්‌ඛාරෙසු අනොධිං කරිත්‌වා අනිච්‌චසඤ්‌ඤං උපට්‌ඨාපෙතුං. කතමෙ ඡ? ‘සබ්‌බසඞ්‌ඛාරා ච මෙ අනවත්‌ථිතා 1 ඛායිස්‌සන්‌ති, සබ්‌බලොකෙ ච මෙ මනො නාභිරමිස්‌සති 2, සබ්‌බලොකා ච මෙ මනො වුට්‌ඨහිස්‌සති, නිබ්‌බානපොණඤ්‌ච මෙ මානසං භවිස්‌සති, සංයොජනා ච මෙ පහානං ගච්‌ඡිස්‌සන්‌ති 3, පරමෙන ච සාමඤ්‌ඤෙන සමන්‌නාගතො භවිස්‌සාමී’ති. ඉමෙ ඛො, භික්‌ඛවෙ, ඡ ආනිසංසෙ සම්‌පස්‌සමානෙන අලමෙව භික්‌ඛුනා සබ්‌බසඞ්‌ඛාරෙසු අනොධිං කරිත්‌වා අනිච්‌චසඤ්‌ඤං උපට්‌ඨාපෙතු’’න්‌ති. සත්‌තමං.
102. ‘‘Cha , bhikkhave, ānisaṃse sampassamānena alameva bhikkhunā sabbasaṅkhāresu anodhiṃ karitvā aniccasaññaṃ upaṭṭhāpetuṃ. Katame cha? ‘Sabbasaṅkhārā ca me anavatthitā 4 khāyissanti, sabbaloke ca me mano nābhiramissati 5, sabbalokā ca me mano vuṭṭhahissati, nibbānapoṇañca me mānasaṃ bhavissati, saṃyojanā ca me pahānaṃ gacchissanti 6, paramena ca sāmaññena samannāgato bhavissāmī’ti. Ime kho, bhikkhave, cha ānisaṃse sampassamānena alameva bhikkhunā sabbasaṅkhāresu anodhiṃ karitvā aniccasaññaṃ upaṭṭhāpetu’’nti. Sattamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 7. අනවත්‌ථිතසුත්‌තවණ්‌ණනා • 7. Anavatthitasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-11. පාතුභාවසුත්‌තාදිවණ්‌ණනා • 1-11. Pātubhāvasuttādivaṇṇanā
