| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[62] 2. ан̣д̣абхууд̇аж̇аад̇агаван̣н̣анаа
[62] 2. Aṇḍabhūtajātakavaṇṇanā
яам̣ б̣раахман̣о аваад̣̇зсийд̇и ид̣̇ам̣ сад̇т̇аа ж̇зд̇аванз вихаранд̇о угган̣тид̇амзваараб̣бха гат̇зси. д̇ан̃хи сад̇т̇аа ‘‘сажжам̣ гира д̇вам̣ бхигку угган̣тид̇осий’’д̇и бужчид̇ваа ‘‘сажжа’’нд̇и вуд̇д̇з ‘‘бхигку ид̇т̇ияо наама арагкияаа, буб̣б̣з бан̣д̣ид̇аа ид̇т̇им̣ г̇аб̣бхад̇о бадтааяа рагканд̇ааби рагкид̇ум̣ наасагким̣суу’’д̇и вад̇ваа ад̇ийд̇ам̣ аахари.
Yaṃ brāhmaṇo avādesīti idaṃ satthā jetavane viharanto ukkaṇṭhitamevārabbha kathesi. Tañhi satthā ‘‘saccaṃ kira tvaṃ bhikkhu ukkaṇṭhitosī’’ti pucchitvā ‘‘sacca’’nti vutte ‘‘bhikkhu itthiyo nāma arakkhiyā, pubbe paṇḍitā itthiṃ gabbhato paṭṭhāya rakkhantāpi rakkhituṃ nāsakkhiṃsū’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇асса аг̇г̇амахзсияаа гужчисмим̣ ниб̣б̣ад̇д̇ид̇ваа ваяаббад̇д̇о саб̣б̣асиббзсу нибпад̇д̇им̣ бад̇ваа бид̇у ажжаязна раж̇ж̇з бад̇идтааяа д̇хаммзна раж̇ж̇ам̣ гаарзси. со бурохид̇зна сад̣̇д̇хим̣ ж̇ууд̇ам̣ гийл̣ад̇и. гийл̣анд̇о бана –
Atīte bārāṇasiyaṃ brahmadatte rajjaṃ kārente bodhisatto tassa aggamahesiyā kucchismiṃ nibbattitvā vayappatto sabbasippesu nipphattiṃ patvā pitu accayena rajje patiṭṭhāya dhammena rajjaṃ kāresi. So purohitena saddhiṃ jūtaṃ kīḷati. Kīḷanto pana –
‘‘саб̣б̣аа над̣̇ий ван̇гаг̇ад̇ий, саб̣б̣з гадтамаяаа ванаа;
‘‘Sabbā nadī vaṅkagatī, sabbe kaṭṭhamayā vanā;
саб̣б̣ид̇т̇ияо гарз баабам̣, лабхамаанз ниваад̇агз’’д̇и. (ж̇аа. 2.21.308) –
Sabbitthiyo kare pāpaṃ, labhamāne nivātake’’ti. (jā. 2.21.308) –
имам̣ ж̇ууд̇аг̇ийд̇ам̣ г̇ааяанд̇о раж̇ад̇апалагз суван̣н̣абаасагз кибад̇и. звам̣ гийл̣анд̇о бана рааж̇аа нижжам̣ ж̇инаад̇и, бурохид̇о барааж̇ийяад̇и.
Imaṃ jūtagītaṃ gāyanto rajataphalake suvaṇṇapāsake khipati. Evaṃ kīḷanto pana rājā niccaṃ jināti, purohito parājīyati.
со ануггамзна гхарз вибхавз баригкаяам̣ г̇ажчанд̇з жинд̇зси ‘‘звам̣ санд̇з саб̣б̣ам̣ имасмим̣ гхарз д̇ханам̣ кийяиссад̇и, бариязсид̇ваа бурисанд̇арам̣ аг̇ад̇ам̣ згам̣ маад̇уг̇аамам̣ гхарз гариссаамий’’д̇и. ат̇асса зд̇ад̣̇ахоси ‘‘ан̃н̃ам̣ бурисам̣ д̣̇идтабуб̣б̣ам̣ ид̇т̇им̣ рагкид̇ум̣ на сагкиссаами, г̇аб̣бхад̇о бадтааязгам̣ маад̇уг̇аамам̣ рагкид̇ваа д̇ам̣ ваяаббад̇д̇ам̣ васз табзд̇ваа згабурисигам̣ гад̇ваа г̇аал̣хам̣ аарагкам̣ сам̣вид̣̇ахид̇ваа рааж̇агулад̇о д̇ханам̣ аахариссаамий’’д̇и. со жа ан̇г̇авиж̇ж̇ааяа чзго ход̇и, ат̇згам̣ д̣̇уг̇г̇ад̇ид̇т̇им̣ г̇аб̣бхиним̣ д̣̇исваа ‘‘д̇хийд̇арам̣ виж̇ааяиссад̇ий’’д̇и н̃ад̇ваа д̇ам̣ баггосаабзд̇ваа бариб̣б̣аяам̣ д̣̇ад̇ваа гхарзязва васаабзд̇ваа виж̇аад̇агаалз д̇ханам̣ д̣̇ад̇ваа уяяож̇зд̇ваа д̇ам̣ гумааригам̣ ан̃н̃зсам̣ бурисаанам̣ д̣̇адтум̣ ад̣̇ад̇ваа ид̇т̇ийнам̣язва хад̇т̇з д̣̇ад̇ваа босаабзд̇ваа ваяаббад̇д̇агаалз д̇ам̣ ад̇д̇ано васз табзси. яаава жзсаа вад̣дхад̇и, д̇аава ран̃н̃аа сад̣̇д̇хим̣ ж̇ууд̇ам̣ на гийл̣и. д̇ам̣ бана васз табзд̇ваа б̣раахман̣о ‘‘махаарааж̇а, ж̇ууд̇ам̣ гийл̣аамаа’’д̇и ааха. рааж̇аа ‘‘саад̇хуу’’д̇и буриманияаамзнзва гийл̣и. бурохид̇о ран̃н̃о г̇ааяид̇ваа баасагам̣ кибанагаалз ‘‘табзд̇ваа мама маан̣авига’’нд̇и ааха. д̇ад̇о бадтааяа бурохид̇о ж̇инаад̇и, рааж̇аа барааж̇ийяад̇и.
So anukkamena ghare vibhave parikkhayaṃ gacchante cintesi ‘‘evaṃ sante sabbaṃ imasmiṃ ghare dhanaṃ khīyissati, pariyesitvā purisantaraṃ agataṃ ekaṃ mātugāmaṃ ghare karissāmī’’ti. Athassa etadahosi ‘‘aññaṃ purisaṃ diṭṭhapubbaṃ itthiṃ rakkhituṃ na sakkhissāmi, gabbhato paṭṭhāyekaṃ mātugāmaṃ rakkhitvā taṃ vayappattaṃ vase ṭhapetvā ekapurisikaṃ katvā gāḷhaṃ ārakkhaṃ saṃvidahitvā rājakulato dhanaṃ āharissāmī’’ti. So ca aṅgavijjāya cheko hoti, athekaṃ duggatitthiṃ gabbhiniṃ disvā ‘‘dhītaraṃ vijāyissatī’’ti ñatvā taṃ pakkosāpetvā paribbayaṃ datvā ghareyeva vasāpetvā vijātakāle dhanaṃ datvā uyyojetvā taṃ kumārikaṃ aññesaṃ purisānaṃ daṭṭhuṃ adatvā itthīnaṃyeva hatthe datvā posāpetvā vayappattakāle taṃ attano vase ṭhapesi. Yāva cesā vaḍḍhati, tāva raññā saddhiṃ jūtaṃ na kīḷi. Taṃ pana vase ṭhapetvā brāhmaṇo ‘‘mahārāja, jūtaṃ kīḷāmā’’ti āha. Rājā ‘‘sādhū’’ti purimaniyāmeneva kīḷi. Purohito rañño gāyitvā pāsakaṃ khipanakāle ‘‘ṭhapetvā mama māṇavika’’nti āha. Tato paṭṭhāya purohito jināti, rājā parājīyati.
б̣од̇хисад̇д̇о ‘‘имасса гхарз згабурисигааяа згааяа ид̇т̇ияаа бхавид̇аб̣б̣а’’нд̇и бариг̇г̇ан̣хаабзнд̇о ад̇т̇ибхаавам̣ н̃ад̇ваа ‘‘сийламассаа бхинд̣̇аабзссаамий’’д̇и згам̣ д̇худ̇д̇ам̣ баггосаабзд̇ваа ‘‘сагкиссаси бурохид̇асса ид̇т̇ияаа сийлам̣ бхинд̣̇ид̇у’’нд̇и ааха. ‘‘саггоми, д̣̇зваа’’д̇и. ат̇асса рааж̇аа д̇ханам̣ д̣̇ад̇ваа ‘‘д̇зна хи киббам̣ нидтаабзхий’’д̇и д̇ам̣ бахин̣и. со ран̃н̃о санд̇игаа д̇ханам̣ аад̣̇ааяа г̇анд̇хад̇хуумажун̣н̣агаббуураад̣̇ийни г̇ахзд̇ваа д̇асса гхарад̇о авид̣̇уурз саб̣б̣аг̇анд̇хаабан̣ам̣ басаарзси. бурохид̇ассаби г̇зхам̣ сад̇д̇абхуумагам̣ сад̇д̇ад̣̇ваарагодтагам̣ ход̇и, саб̣б̣зсу д̣̇ваарагодтагзсу ид̇т̇ийнам̣язва аарагкаа. табзд̇ваа бана б̣раахман̣ам̣ ан̃н̃о бурисо г̇зхам̣ бависид̇ум̣ лабханд̇о наама над̇т̇и, гажаварачад̣д̣анабажчимби сод̇хзд̇вааязва бавзсзнд̇и. д̇ам̣ маан̣авигам̣ бурохид̇оязва д̣̇адтум̣ лабхад̇и. д̇ассаа жа згаа барижааригаа ид̇т̇ий ад̇т̇и. ат̇ассаа саа барижааригаа г̇анд̇хабубпамуулам̣ г̇ахзд̇ваа г̇ажчанд̇ий д̇асса д̇худ̇д̇асса аабан̣асамийбзна г̇ажчад̇и. со ‘‘аяам̣ д̇ассаа барижааригаа’’д̇и судту н̃ад̇ваа згад̣̇ивасам̣ д̇ам̣ ааг̇ажчанд̇им̣ д̣̇исваа аабан̣аа удтааяа г̇анд̇ваа д̇ассаа баад̣̇амуулз бад̇ид̇ваа убхохи хад̇т̇зхи баад̣̇з г̇аал̣хам̣ г̇ахзд̇ваа ‘‘амма, зд̇д̇агам̣ гаалам̣ гахам̣ г̇ад̇аасий’’д̇и барид̣̇зви, авасзсааби баяуд̇д̇агад̇худ̇д̇аа згаманд̇ам̣ тад̇ваа ‘‘хад̇т̇абаад̣̇амукасан̣таанзхи жа аагаббзна жа маад̇аабуд̇д̇аа згасад̣̇исааязваа’’д̇и аахам̣су. саа ид̇т̇ий д̇зсу д̇зсу гат̇знд̇зсу ад̇д̇ано асад̣̇д̣̇ахид̇ваа ‘‘аяам̣ мз буд̇д̇о бхависсад̇ий’’д̇и саяамби род̣̇ид̇ум̣ аарабхи. д̇з убхоби ганд̣̇ид̇ваа род̣̇ид̇ваа ан̃н̃аман̃н̃ам̣ аалин̇г̇зд̇ваа адтам̣су.
Bodhisatto ‘‘imassa ghare ekapurisikāya ekāya itthiyā bhavitabba’’nti pariggaṇhāpento atthibhāvaṃ ñatvā ‘‘sīlamassā bhindāpessāmī’’ti ekaṃ dhuttaṃ pakkosāpetvā ‘‘sakkhissasi purohitassa itthiyā sīlaṃ bhinditu’’nti āha. ‘‘Sakkomi, devā’’ti. Athassa rājā dhanaṃ datvā ‘‘tena hi khippaṃ niṭṭhāpehī’’ti taṃ pahiṇi. So rañño santikā dhanaṃ ādāya gandhadhūmacuṇṇakappūrādīni gahetvā tassa gharato avidūre sabbagandhāpaṇaṃ pasāresi. Purohitassapi gehaṃ sattabhūmakaṃ sattadvārakoṭṭhakaṃ hoti, sabbesu dvārakoṭṭhakesu itthīnaṃyeva ārakkhā. Ṭhapetvā pana brāhmaṇaṃ añño puriso gehaṃ pavisituṃ labhanto nāma natthi, kacavarachaḍḍanapacchimpi sodhetvāyeva pavesenti. Taṃ māṇavikaṃ purohitoyeva daṭṭhuṃ labhati. Tassā ca ekā paricārikā itthī atthi. Athassā sā paricārikā gandhapupphamūlaṃ gahetvā gacchantī tassa dhuttassa āpaṇasamīpena gacchati. So ‘‘ayaṃ tassā paricārikā’’ti suṭṭhu ñatvā ekadivasaṃ taṃ āgacchantiṃ disvā āpaṇā uṭṭhāya gantvā tassā pādamūle patitvā ubhohi hatthehi pāde gāḷhaṃ gahetvā ‘‘amma, ettakaṃ kālaṃ kahaṃ gatāsī’’ti paridevi, avasesāpi payuttakadhuttā ekamantaṃ ṭhatvā ‘‘hatthapādamukhasaṇṭhānehi ca ākappena ca mātāputtā ekasadisāyevā’’ti āhaṃsu. Sā itthī tesu tesu kathentesu attano asaddahitvā ‘‘ayaṃ me putto bhavissatī’’ti sayampi rodituṃ ārabhi. Te ubhopi kanditvā roditvā aññamaññaṃ āliṅgetvā aṭṭhaṃsu.
ат̇а со д̇худ̇д̇о ааха ‘‘амма, гахам̣ васасий’’д̇и? ‘‘гиннарилийлааяа васамаанааяа руубасобхаг̇г̇аббад̇д̇ааяа бурохид̇асса д̣̇ахарид̇т̇ияаа убадтаанам̣ гурумаанаа васаами, д̇аад̇аа’’д̇и. ‘‘ид̣̇аани гахам̣ яааси, аммаа’’д̇и? ‘‘д̇ассаа г̇анд̇хамаалаад̣̇ийнам̣ ад̇т̇ааяаа’’д̇и. ‘‘амма, гим̣ д̇з ан̃н̃ад̇т̇а г̇ад̇ааяа, ид̇о бадтааяа мамзва санд̇игаа хараа’’д̇и муулам̣ аг̇г̇ахзд̇ваава б̣ахууни д̇амб̣уулад̇агголагаад̣̇ийни жзва наанаабубпаани жа ад̣̇ааси. маан̣авигаа б̣ахууни г̇анд̇хабубпаад̣̇ийни д̣̇исваа ‘‘гим̣, амма, аж̇ж̇а амхаагам̣ б̣раахман̣о басанно’’д̇и ааха. ‘‘гасмаа звам̣ вад̣̇асий’’д̇и? ‘‘имзсам̣ б̣ахубхаавам̣ д̣̇исваа’’д̇и. на б̣раахман̣о б̣ахумуулам̣ ад̣̇ааси, маяаа банзд̇ам̣ маяхам̣ буд̇д̇асса санд̇игаа аабхад̇анд̇и. д̇ад̇о бадтааяа саа б̣раахман̣зна д̣̇иннамуулам̣ ад̇д̇анаа г̇ахзд̇ваа д̇ассзва санд̇игаа г̇анд̇хабубпаад̣̇ийни аахарад̇и. д̇худ̇д̇о гад̇ибаахажжаязна г̇илаанаалаяам̣ гад̇ваа нибаж̇ж̇и. саа д̇асса аабан̣ад̣̇ваарам̣ г̇анд̇ваа д̇ам̣ ад̣̇исваа ‘‘гахам̣ мз буд̇д̇о’’д̇и бужчи. ‘‘буд̇д̇асса д̇з апаасугам̣ ж̇аад̇а’’нд̇и? саа д̇асса нибаннадтаанам̣ г̇анд̇ваа нисийд̣̇ид̇ваа бидтим̣ баримаж̇ж̇анд̇ий ‘‘гим̣ д̇з, д̇аад̇а, апаасуга’’нд̇и бужчи. со д̇ун̣хий ахоси. ‘‘гим̣ на гат̇зси буд̇д̇аа’’д̇и? ‘‘амма, маранд̇знааби д̇уяхам̣ гат̇зд̇ум̣ на саггаа’’д̇и. ‘‘д̇аад̇а, маяхам̣ агат̇зд̇ваа гасса гат̇зяяааси, гат̇зхи, д̇аад̇аа’’д̇и. ‘‘амма, маяхам̣ ан̃н̃ам̣ апаасугам̣ над̇т̇и, д̇ассаа бана маан̣авигааяа ван̣н̣ам̣ суд̇ваа бадиб̣ад̣̇д̇хажид̇д̇осми , д̇ам̣ лабханд̇о ж̇ийвиссаами, алабханд̇о ид̇хзва мариссаамий’’д̇и. ‘‘д̇аад̇а, маяхам̣ зса бхааро, маа д̇вам̣ зд̇ам̣ ниссааяа жинд̇аяий’’д̇и д̇ам̣ ассаасзд̇ваа б̣ахууни г̇анд̇хабубпаад̣̇ийни аад̣̇ааяа маан̣авигааяа санд̇игам̣ г̇анд̇ваа ‘‘буд̇д̇о мз, амма, мама санд̇игаа д̇ава ван̣н̣ам̣ суд̇ваа бадиб̣ад̣̇д̇хажид̇д̇о ж̇аад̇о, гим̣ гаад̇аб̣б̣а’’нд̇и? ‘‘сажз аанзд̇ум̣ саггот̇а, маяаа гад̇огаасоязваа’’д̇и.
Atha so dhutto āha ‘‘amma, kahaṃ vasasī’’ti? ‘‘Kinnarilīlāya vasamānāya rūpasobhaggappattāya purohitassa daharitthiyā upaṭṭhānaṃ kurumānā vasāmi, tātā’’ti. ‘‘Idāni kahaṃ yāsi, ammā’’ti? ‘‘Tassā gandhamālādīnaṃ atthāyā’’ti. ‘‘Amma, kiṃ te aññattha gatāya, ito paṭṭhāya mameva santikā harā’’ti mūlaṃ aggahetvāva bahūni tambūlatakkolakādīni ceva nānāpupphāni ca adāsi. Māṇavikā bahūni gandhapupphādīni disvā ‘‘kiṃ, amma, ajja amhākaṃ brāhmaṇo pasanno’’ti āha. ‘‘Kasmā evaṃ vadasī’’ti? ‘‘Imesaṃ bahubhāvaṃ disvā’’ti. Na brāhmaṇo bahumūlaṃ adāsi, mayā panetaṃ mayhaṃ puttassa santikā ābhatanti. Tato paṭṭhāya sā brāhmaṇena dinnamūlaṃ attanā gahetvā tasseva santikā gandhapupphādīni āharati. Dhutto katipāhaccayena gilānālayaṃ katvā nipajji. Sā tassa āpaṇadvāraṃ gantvā taṃ adisvā ‘‘kahaṃ me putto’’ti pucchi. ‘‘Puttassa te aphāsukaṃ jāta’’nti? Sā tassa nipannaṭṭhānaṃ gantvā nisīditvā piṭṭhiṃ parimajjantī ‘‘kiṃ te, tāta, aphāsuka’’nti pucchi. So tuṇhī ahosi. ‘‘Kiṃ na kathesi puttā’’ti? ‘‘Amma, marantenāpi tuyhaṃ kathetuṃ na sakkā’’ti. ‘‘Tāta, mayhaṃ akathetvā kassa katheyyāsi, kathehi, tātā’’ti. ‘‘Amma, mayhaṃ aññaṃ aphāsukaṃ natthi, tassā pana māṇavikāya vaṇṇaṃ sutvā paṭibaddhacittosmi , taṃ labhanto jīvissāmi, alabhanto idheva marissāmī’’ti. ‘‘Tāta, mayhaṃ esa bhāro, mā tvaṃ etaṃ nissāya cintayī’’ti taṃ assāsetvā bahūni gandhapupphādīni ādāya māṇavikāya santikaṃ gantvā ‘‘putto me, amma, mama santikā tava vaṇṇaṃ sutvā paṭibaddhacitto jāto, kiṃ kātabba’’nti? ‘‘Sace ānetuṃ sakkotha, mayā katokāsoyevā’’ti.
саа д̇ассаа важанам̣ суд̇ваа д̇ад̇о бадтааяа д̇асса г̇зхасса ган̣н̣аган̣н̣зхи б̣ахум̣ гажаварам̣ сан̇гад̣дхид̇ваа аарагкид̇т̇ияаа убари чад̣д̣зси. саа д̇зна аддийяамаанаа абзд̇и. ид̇араа д̇знзва нияаамзна яаа яаа гин̃жи гат̇зд̇и, д̇ассаа д̇ассаа убари гажаварам̣ чад̣д̣зси. д̇ад̇о бадтааяа бана саа яам̣ яам̣ аахарад̇и ваа харад̇и ваа, д̇ам̣ д̇ам̣ на гаажи сод̇хзд̇ум̣ уссахад̇и. д̇асмим̣ гаалз саа д̇ам̣ д̇худ̇д̇ам̣ бубпабажчияам̣ нибаж̇ж̇аабзд̇ваа маан̣авигааяа санд̇игам̣ абхихари. д̇худ̇д̇о маан̣авигааяа сийлам̣ бхинд̣̇ид̇ваа згаахад̣̇вийхам̣ баасаад̣̇зязва ахоси. бурохид̇з б̣ахи нигканд̇з убхо абхираманд̇и. д̇асмим̣ ааг̇ад̇з д̇худ̇д̇о нилийяад̇и.
Sā tassā vacanaṃ sutvā tato paṭṭhāya tassa gehassa kaṇṇakaṇṇehi bahuṃ kacavaraṃ saṅkaḍḍhitvā ārakkhitthiyā upari chaḍḍesi. Sā tena aṭṭīyamānā apeti. Itarā teneva niyāmena yā yā kiñci katheti, tassā tassā upari kacavaraṃ chaḍḍesi. Tato paṭṭhāya pana sā yaṃ yaṃ āharati vā harati vā, taṃ taṃ na kāci sodhetuṃ ussahati. Tasmiṃ kāle sā taṃ dhuttaṃ pupphapacchiyaṃ nipajjāpetvā māṇavikāya santikaṃ abhihari. Dhutto māṇavikāya sīlaṃ bhinditvā ekāhadvīhaṃ pāsādeyeva ahosi. Purohite bahi nikkhante ubho abhiramanti. Tasmiṃ āgate dhutto nilīyati.
ат̇а нам̣ саа згаахад̣̇вийхажжаязна ‘‘саами, ид̣̇аани д̇аяаа г̇анд̇ум̣ ваддад̇ий’’д̇и ааха. ‘‘ахам̣ б̣раахман̣ам̣ бахарид̇ваа г̇анд̇угаамо’’д̇и. саа ‘‘звам̣ ход̇уу’’д̇и д̇худ̇д̇ам̣ нилийяаабзд̇ваа б̣раахман̣з ааг̇ад̇з звамааха ‘‘ахам̣, аяяа, д̇умхзсу вийн̣ам̣ ваад̣̇знд̇зсу нажжид̇ум̣ ижчаамий’’д̇и. ‘‘саад̇ху, бхад̣̇д̣̇з, нажжассуу’’д̇и вийн̣ам̣ ваад̣̇зси. ‘‘д̇умхзсу ологзнд̇зсу лаж̇ж̇аами, мукам̣ бана во саадагзна б̣анд̇хид̇ваа нажжиссаамий’’д̇и. ‘‘сажз лаж̇ж̇аси, звам̣ гарохий’’д̇и. маан̣авигаа гханасаадагам̣ г̇ахзд̇ваа д̇асса агкийни бид̣̇ахамаанаа мукам̣ б̣анд̇хи. б̣раахман̣о мукам̣ б̣анд̇хаабзд̇ваа вийн̣ам̣ ваад̣̇зси. саа мухуд̇д̇ам̣ нажжид̇ваа ‘‘аяяа, ахам̣ д̇з згаваарам̣ сийсз бахарид̇угаамаа’’д̇и ааха. ид̇т̇илоло б̣раахман̣о гин̃жи гааран̣ам̣ аж̇аананд̇о ‘‘бахараахий’’д̇и ааха, маан̣авигаа д̇худ̇д̇асса сан̃н̃ам̣ ад̣̇ааси. со сан̣игам̣ ааг̇анд̇ваа б̣раахман̣асса бидтибассз тад̇ваа сийсз габбарзна бахари, агкийни бад̇анаагаараббад̇д̇аани ахзсум̣, сийсз г̇ан̣д̣о удтахи. со взд̣̇анааддо худ̇ваа ‘‘аахара д̇з хад̇т̇а’’нд̇и ааха. маан̣авигаа ад̇д̇ано хад̇т̇ам̣ угкибид̇ваа д̇асса хад̇т̇з табзси. б̣раахман̣о ‘‘хад̇т̇о муд̣̇уго, бахааро бана т̇ад̣̇д̇хо’’д̇и ааха . д̇худ̇д̇о б̣раахман̣ам̣ бахарид̇ваа нилийяи. маан̣авигаа д̇асмим̣ нилийнз б̣раахман̣асса мукад̇о саадагам̣ можзд̇ваа д̇злам̣ аад̣̇ааяа сийсам̣ барисамб̣аахи. б̣раахман̣з б̣ахи нигканд̇з буна саа ид̇т̇ий д̇худ̇д̇ам̣ бажчияам̣ нибаж̇ж̇аабзд̇ваа нийхари.
Atha naṃ sā ekāhadvīhaccayena ‘‘sāmi, idāni tayā gantuṃ vaṭṭatī’’ti āha. ‘‘Ahaṃ brāhmaṇaṃ paharitvā gantukāmo’’ti. Sā ‘‘evaṃ hotū’’ti dhuttaṃ nilīyāpetvā brāhmaṇe āgate evamāha ‘‘ahaṃ, ayya, tumhesu vīṇaṃ vādentesu naccituṃ icchāmī’’ti. ‘‘Sādhu, bhadde, naccassū’’ti vīṇaṃ vādesi. ‘‘Tumhesu olokentesu lajjāmi, mukhaṃ pana vo sāṭakena bandhitvā naccissāmī’’ti. ‘‘Sace lajjasi, evaṃ karohī’’ti. Māṇavikā ghanasāṭakaṃ gahetvā tassa akkhīni pidahamānā mukhaṃ bandhi. Brāhmaṇo mukhaṃ bandhāpetvā vīṇaṃ vādesi. Sā muhuttaṃ naccitvā ‘‘ayya, ahaṃ te ekavāraṃ sīse paharitukāmā’’ti āha. Itthilolo brāhmaṇo kiñci kāraṇaṃ ajānanto ‘‘paharāhī’’ti āha, māṇavikā dhuttassa saññaṃ adāsi. So saṇikaṃ āgantvā brāhmaṇassa piṭṭhipasse ṭhatvā sīse kapparena pahari, akkhīni patanākārappattāni ahesuṃ, sīse gaṇḍo uṭṭhahi. So vedanāṭṭo hutvā ‘‘āhara te hattha’’nti āha. Māṇavikā attano hatthaṃ ukkhipitvā tassa hatthe ṭhapesi. Brāhmaṇo ‘‘hattho muduko, pahāro pana thaddho’’ti āha . Dhutto brāhmaṇaṃ paharitvā nilīyi. Māṇavikā tasmiṃ nilīne brāhmaṇassa mukhato sāṭakaṃ mocetvā telaṃ ādāya sīsaṃ parisambāhi. Brāhmaṇe bahi nikkhante puna sā itthī dhuttaṃ pacchiyaṃ nipajjāpetvā nīhari.
со ран̃н̃о санд̇игам̣ г̇анд̇ваа саб̣б̣ам̣ д̇ам̣ бавад̇д̇им̣ аарожзси. рааж̇аа ад̇д̇ано убадтаанам̣ ааг̇ад̇ам̣ б̣раахман̣ам̣ ааха ‘‘ж̇ууд̇ам̣ гийл̣аама б̣раахман̣аа’’д̇и? ‘‘саад̇ху, махаарааж̇аа’’д̇и. рааж̇аа ж̇ууд̇аман̣д̣алам̣ саж̇ж̇аабзд̇ваа буриманаязнзва ж̇ууд̇аг̇ийд̇ам̣ г̇ааяид̇ваа баасагз кибад̇и. б̣раахман̣о маан̣авигааяа д̇абасса бхиннабхаавам̣ аж̇аананд̇о ‘‘табзд̇ваа мама маан̣авига’’нд̇и ааха. звам̣ вад̣̇анд̇оби барааж̇ид̇оязва. рааж̇аа ж̇инид̇ваа ‘‘б̣раахман̣а, гим̣ вад̣̇зси, маан̣авигааяа д̇з д̇або бхинно, д̇вам̣ ‘маад̇уг̇аамам̣ г̇аб̣бхад̇о бадтааяа рагканд̇о сад̇д̇асу таанзсу аарагкам̣ гаронд̇о рагкид̇ум̣ сагкиссаамий’д̇и ман̃н̃аси, маад̇уг̇аамо наама гужчияам̣ багкибид̇ваа жаранд̇знааби рагкид̇ум̣ на саггаа, згабурисигаа ид̇т̇ий наама над̇т̇и, д̇ава маан̣авигаа ‘нажжид̇угаамаамхий’д̇и вад̇ваа вийн̣ам̣ ваад̣̇знд̇асса д̇ава саадагзна мукам̣ б̣анд̇хид̇ваа ад̇д̇ано ж̇аарам̣ д̇ава сийсз габбарзна бахараабзд̇ваа уяяож̇зси, ид̣̇аани гим̣ гат̇зсий’’д̇и вад̇ваа имам̣ г̇аат̇амааха –
So rañño santikaṃ gantvā sabbaṃ taṃ pavattiṃ ārocesi. Rājā attano upaṭṭhānaṃ āgataṃ brāhmaṇaṃ āha ‘‘jūtaṃ kīḷāma brāhmaṇā’’ti? ‘‘Sādhu, mahārājā’’ti. Rājā jūtamaṇḍalaṃ sajjāpetvā purimanayeneva jūtagītaṃ gāyitvā pāsake khipati. Brāhmaṇo māṇavikāya tapassa bhinnabhāvaṃ ajānanto ‘‘ṭhapetvā mama māṇavika’’nti āha. Evaṃ vadantopi parājitoyeva. Rājā jinitvā ‘‘brāhmaṇa, kiṃ vadesi, māṇavikāya te tapo bhinno, tvaṃ ‘mātugāmaṃ gabbhato paṭṭhāya rakkhanto sattasu ṭhānesu ārakkhaṃ karonto rakkhituṃ sakkhissāmī’ti maññasi, mātugāmo nāma kucchiyaṃ pakkhipitvā carantenāpi rakkhituṃ na sakkā, ekapurisikā itthī nāma natthi, tava māṇavikā ‘naccitukāmāmhī’ti vatvā vīṇaṃ vādentassa tava sāṭakena mukhaṃ bandhitvā attano jāraṃ tava sīse kapparena paharāpetvā uyyojesi, idāni kiṃ kathesī’’ti vatvā imaṃ gāthamāha –
62.
62.
‘‘яам̣ б̣раахман̣о аваад̣̇зси, вийн̣ам̣ самукавзтид̇о;
‘‘Yaṃ brāhmaṇo avādesi, vīṇaṃ samukhaveṭhito;
ан̣д̣абхууд̇аабхад̇аа бхарияаа, д̇аасу го ж̇аад̇у виссасз’’д̇и.
Aṇḍabhūtābhatā bhariyā, tāsu ko jātu vissase’’ti.
д̇ад̇т̇а яам̣ б̣раахман̣о аваад̣̇зси, вийн̣ам̣ самукавзтид̇од̇и язна гааран̣зна б̣раахман̣о гханасаадагзна саха мукзна взтид̇о худ̇ваа вийн̣ам̣ ваад̣̇зси, д̇ам̣ гааран̣ам̣ на ж̇аанаад̇ийд̇и ад̇т̇о. д̇ан̃хи саа ван̃жзд̇угаамаа звамагааси. б̣раахман̣о бана д̇ам̣ ид̇т̇им̣ б̣ахумааяаабхаавам̣ аж̇аананд̇о маад̇уг̇аамасса сад̣̇д̣̇ахид̇ваа ‘‘мам̣ зсаа лаж̇ж̇ад̇ий’’д̇и звам̣сан̃н̃ий ахоси, д̇знасса ан̃н̃аан̣абхаавам̣ багаасзнд̇о рааж̇аа звамааха, аяамзд̇т̇аад̇хиббааяо . ан̣д̣абхууд̇аабхад̇аа бхарияаад̇и ан̣д̣ам̣ вужжад̇и б̣ийж̇ам̣, б̣ийж̇абхууд̇аа маад̇угужчид̇о анигканд̇агаалзязва аабхад̇аа аанийд̇аа, бхад̇аад̇и ваа будтаад̇и ад̇т̇о. гаа саа? бхарияаа баж̇аабад̇и баад̣̇абарижааригаа. саа хи бхад̇д̇авад̇т̇аад̣̇ийхи бхарид̇аб̣б̣ад̇ааяа, бхиннасам̣варад̇ааяа, логад̇хаммзхи бхарид̇ад̇ааяа ваа ‘‘бхарияаа’’д̇и вужжад̇и. д̇аасу го ж̇аад̇у виссасзд̇и ж̇аад̇ууд̇и згам̣саад̇хиважанам̣, д̇аасу маад̇угужчид̇о бадтааяа рагкияамаанаасуби звам̣ виббагаарам̣ аабаж̇ж̇анд̇ийсу бхарияаасу го наама бан̣д̣ид̇о бурисо згам̣сзна виссасз, ‘‘ниб̣б̣игаараа зсаа маяий’’д̇и го сад̣̇д̣̇ахзяяаад̇и ад̇т̇о. асад̣̇д̇хаммавасзна хи ааманд̇агзсу ниманд̇агзсу виж̇ж̇амаанзсу маад̇уг̇аамо наама на саггаа рагкид̇унд̇и.
Tattha yaṃ brāhmaṇo avādesi, vīṇaṃ samukhaveṭhitoti yena kāraṇena brāhmaṇo ghanasāṭakena saha mukhena veṭhito hutvā vīṇaṃ vādesi, taṃ kāraṇaṃ na jānātīti attho. Tañhi sā vañcetukāmā evamakāsi. Brāhmaṇo pana taṃ itthiṃ bahumāyābhāvaṃ ajānanto mātugāmassa saddahitvā ‘‘maṃ esā lajjatī’’ti evaṃsaññī ahosi, tenassa aññāṇabhāvaṃ pakāsento rājā evamāha, ayametthādhippāyo . Aṇḍabhūtābhatā bhariyāti aṇḍaṃ vuccati bījaṃ, bījabhūtā mātukucchito anikkhantakāleyeva ābhatā ānītā, bhatāti vā puṭṭhāti attho. Kā sā? Bhariyā pajāpati pādaparicārikā. Sā hi bhattavatthādīhi bharitabbatāya, bhinnasaṃvaratāya, lokadhammehi bharitatāya vā ‘‘bhariyā’’ti vuccati. Tāsu ko jātu vissaseti jātūti ekaṃsādhivacanaṃ, tāsu mātukucchito paṭṭhāya rakkhiyamānāsupi evaṃ vippakāraṃ āpajjantīsu bhariyāsu ko nāma paṇḍito puriso ekaṃsena vissase, ‘‘nibbikārā esā mayī’’ti ko saddaheyyāti attho. Asaddhammavasena hi āmantakesu nimantakesu vijjamānesu mātugāmo nāma na sakkā rakkhitunti.
звам̣ б̣од̇хисад̇д̇о б̣раахман̣асса д̇хаммам̣ д̣̇зсзси. б̣раахман̣о б̣од̇хисад̇д̇асса д̇хаммад̣̇зсанам̣ суд̇ваа нивзсанам̣ г̇анд̇ваа д̇ам̣ маан̣авигам̣ ааха – ‘‘д̇аяаа гира зваруубам̣ баабагаммам̣ гад̇а’’нд̇и? ‘‘аяяа, го звамааха, на гароми, ‘ахамзва бахарим̣, на ан̃н̃о гожи’. сажз на сад̣̇д̣̇ахат̇а, ахам̣ ‘д̇умхз табзд̇ваа ан̃н̃асса бурисасса хад̇т̇асампассам̣ на ж̇аанаамий’д̇и сажжагирияам̣ гад̇ваа аг̇г̇им̣ бависид̇ваа д̇умхз сад̣̇д̣̇ахаабзссаамий’’д̇и. б̣раахман̣о ‘‘звам̣ ход̇уу’’д̇и маханд̇ам̣ д̣̇аарураасим̣ гаарзд̇ваа аг̇г̇им̣ гад̇ваа д̇ам̣ баггосаабзд̇ваа ‘‘сажз ад̇д̇ано сад̣̇д̣̇ахаси, аг̇г̇им̣ бависаахий’’д̇и ааха.
Evaṃ bodhisatto brāhmaṇassa dhammaṃ desesi. Brāhmaṇo bodhisattassa dhammadesanaṃ sutvā nivesanaṃ gantvā taṃ māṇavikaṃ āha – ‘‘tayā kira evarūpaṃ pāpakammaṃ kata’’nti? ‘‘Ayya, ko evamāha, na karomi, ‘ahameva pahariṃ, na añño koci’. Sace na saddahatha, ahaṃ ‘tumhe ṭhapetvā aññassa purisassa hatthasamphassaṃ na jānāmī’ti saccakiriyaṃ katvā aggiṃ pavisitvā tumhe saddahāpessāmī’’ti. Brāhmaṇo ‘‘evaṃ hotū’’ti mahantaṃ dārurāsiṃ kāretvā aggiṃ katvā taṃ pakkosāpetvā ‘‘sace attano saddahasi, aggiṃ pavisāhī’’ti āha.
маан̣авигаа ад̇д̇ано барижааригам̣ батамамзва сигкаабзси ‘‘амма, д̇ава буд̇д̇ам̣ д̇ад̇т̇а г̇анд̇ваа мама аг̇г̇им̣ бависанагаалз хад̇т̇аг̇г̇ахан̣ам̣ гаад̇ум̣ вад̣̇зхий’’д̇и. саа г̇анд̇ваа д̇ат̇аа аважа. д̇худ̇д̇о ааг̇анд̇ваа барисамаж̇жхз адтааси. саа маан̣авигаа б̣раахман̣ам̣ ван̃жзд̇угаамаа махааж̇анамаж̇жхз тад̇ваа ‘‘б̣раахман̣а, д̇ам̣ табзд̇ваа ан̃н̃асса бурисасса хад̇т̇асампассам̣ наама на ж̇аанаами, иминаа сажжзна аяам̣ аг̇г̇и маа мам̣ жхаабзсий’’д̇и аг̇г̇им̣ бависид̇ум̣ аарад̣̇д̇хаа. д̇асмим̣ кан̣з д̇худ̇д̇о ‘‘бассат̇а бхо бурохид̇аб̣раахман̣асса гаммам̣, зваруубам̣ маад̇уг̇аамам̣ аг̇г̇им̣ бавзсаабзд̇ий’’д̇и г̇анд̇ваа д̇ам̣ маан̣авигам̣ хад̇т̇з г̇ан̣хи. саа хад̇т̇ам̣ виссаж̇ж̇аабзд̇ваа бурохид̇ам̣ ааха – ‘‘аяяа, мама сажжагирияаа бхиннаа, на саггаа аг̇г̇им̣ бависид̇у’’нд̇и. ‘‘гим̣гааран̣аа’’д̇и? ‘‘аж̇ж̇а маяаа зваруубаа сажжагирияаа гад̇аа ‘табзд̇ваа мама саамигам̣ ан̃н̃асса бурисасса хад̇т̇асампассам̣ на ж̇аанаамий’д̇и , ид̣̇аани жамхи иминаа бурисзна хад̇т̇з г̇ахид̇аа’’д̇и. б̣раахман̣о ‘‘ван̃жид̇о ахам̣ имааяаа’’д̇и н̃ад̇ваа д̇ам̣ бот̇зд̇ваа нийхараабзси. звам̣ асад̣̇д̇хаммасаманнааг̇ад̇аа гирзд̇аа ид̇т̇ияо д̇аава маханд̇амби баабагаммам̣ гад̇ваа ад̇д̇ано саамигам̣ ван̃жзд̇ум̣ ‘‘наахам̣ зваруубам̣ гаммам̣ гаромий’’д̇и д̣̇ивасамби сабат̇ам̣ гурумаанаа наанаажид̇д̇аава хонд̇и. д̇зна вуд̇д̇ам̣ –
Māṇavikā attano paricārikaṃ paṭhamameva sikkhāpesi ‘‘amma, tava puttaṃ tattha gantvā mama aggiṃ pavisanakāle hatthaggahaṇaṃ kātuṃ vadehī’’ti. Sā gantvā tathā avaca. Dhutto āgantvā parisamajjhe aṭṭhāsi. Sā māṇavikā brāhmaṇaṃ vañcetukāmā mahājanamajjhe ṭhatvā ‘‘brāhmaṇa, taṃ ṭhapetvā aññassa purisassa hatthasamphassaṃ nāma na jānāmi, iminā saccena ayaṃ aggi mā maṃ jhāpesī’’ti aggiṃ pavisituṃ āraddhā. Tasmiṃ khaṇe dhutto ‘‘passatha bho purohitabrāhmaṇassa kammaṃ, evarūpaṃ mātugāmaṃ aggiṃ pavesāpetī’’ti gantvā taṃ māṇavikaṃ hatthe gaṇhi. Sā hatthaṃ vissajjāpetvā purohitaṃ āha – ‘‘ayya, mama saccakiriyā bhinnā, na sakkā aggiṃ pavisitu’’nti. ‘‘Kiṃkāraṇā’’ti? ‘‘Ajja mayā evarūpā saccakiriyā katā ‘ṭhapetvā mama sāmikaṃ aññassa purisassa hatthasamphassaṃ na jānāmī’ti , idāni camhi iminā purisena hatthe gahitā’’ti. Brāhmaṇo ‘‘vañcito ahaṃ imāyā’’ti ñatvā taṃ pothetvā nīharāpesi. Evaṃ asaddhammasamannāgatā kiretā itthiyo tāva mahantampi pāpakammaṃ katvā attano sāmikaṃ vañcetuṃ ‘‘nāhaṃ evarūpaṃ kammaṃ karomī’’ti divasampi sapathaṃ kurumānā nānācittāva honti. Tena vuttaṃ –
‘‘жорийнам̣ б̣ахуб̣уд̣̇д̇хийнам̣, яаасу сажжам̣ суд̣̇уллабхам̣;
‘‘Corīnaṃ bahubuddhīnaṃ, yāsu saccaṃ sudullabhaṃ;
т̇ийнам̣ бхааво д̣̇урааж̇аано, мажчассзвод̣̇агз г̇ад̇ам̣. (ж̇аа. 2.21.347);
Thīnaṃ bhāvo durājāno, macchassevodake gataṃ. (jā. 2.21.347);
‘‘мусаа д̇аасам̣ яат̇аа сажжам̣, сажжам̣ д̇аасам̣ яат̇аа мусаа;
‘‘Musā tāsaṃ yathā saccaṃ, saccaṃ tāsaṃ yathā musā;
г̇ааво б̣ахи д̇ин̣ассзва, омасанд̇и варам̣ варам̣.
Gāvo bahi tiṇasseva, omasanti varaṃ varaṃ.
‘‘жорияо гат̇инаа хзд̇аа, ваал̣аа жа лабасагкараа;
‘‘Coriyo kathinā hetā, vāḷā ca lapasakkharā;
на д̇аа гин̃жи на ж̇аананд̇и, яам̣ мануссзсу ван̃жана’’нд̇и. (ж̇аа. 2.21.332, 334);
Na tā kiñci na jānanti, yaṃ manussesu vañcana’’nti. (jā. 2.21.332, 334);
сад̇т̇аа ‘‘звам̣ арагкияо маад̇уг̇аамо’’д̇и имам̣ д̇хаммад̣̇зсанам̣ аахарид̇ваа сажжаани багаасзси, сажжабарияосаанз угган̣тид̇абхигку сод̇аабад̇д̇ипалз бад̇идтахи. сад̇т̇ааби анусанд̇хим̣ гхадзд̇ваа ж̇аад̇агам̣ самод̇хаанзси ‘‘д̇ад̣̇аа б̣аараан̣асирааж̇аа ахамзва ахоси’’нд̇и.
Satthā ‘‘evaṃ arakkhiyo mātugāmo’’ti imaṃ dhammadesanaṃ āharitvā saccāni pakāsesi, saccapariyosāne ukkaṇṭhitabhikkhu sotāpattiphale patiṭṭhahi. Satthāpi anusandhiṃ ghaṭetvā jātakaṃ samodhānesi ‘‘tadā bārāṇasirājā ahameva ahosi’’nti.
ан̣д̣абхууд̇аж̇аад̇агаван̣н̣анаа д̣̇уд̇ияаа.
Aṇḍabhūtajātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 62. ан̣д̣абхууд̇аж̇аад̇агам̣ • 62. Aṇḍabhūtajātakaṃ
