| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
6. அந்த⁴காரஸுத்தங்
6. Andhakārasuttaṃ
1116. ‘‘அத்தி², பி⁴க்க²வே, லோகந்தரிகா அகா⁴ அஸங்வுதா அந்த⁴காரா அந்த⁴காரதிமிஸா, யத்த²மிமேஸங் சந்தி³மஸூரியானங் ஏவங்மஹித்³தி⁴கானங் ஏவங் மஹானுபா⁴வானங் ஆபா⁴ய நானுபொ⁴ந்தீ’’தி.
1116. ‘‘Atthi, bhikkhave, lokantarikā aghā asaṃvutā andhakārā andhakāratimisā, yatthamimesaṃ candimasūriyānaṃ evaṃmahiddhikānaṃ evaṃ mahānubhāvānaṃ ābhāya nānubhontī’’ti.
ஏவங் வுத்தே அஞ்ஞதரோ பி⁴க்கு² ப⁴க³வந்தங் ஏதத³வோச – ‘‘மஹா வத ஸோ, ப⁴ந்தே, அந்த⁴காரோ, ஸுமஹா வத ஸோ, ப⁴ந்தே, அந்த⁴காரோ! அத்தி² நு கோ², ப⁴ந்தே, ஏதம்ஹா அந்த⁴காரா அஞ்ஞோ அந்த⁴காரோ மஹந்ததரோ ச ப⁴யானகதரோ சா’’தி? ‘‘அத்தி² கோ², பி⁴க்கு², ஏதம்ஹா அந்த⁴காரா அஞ்ஞோ அந்த⁴காரோ மஹந்ததரோ ச ப⁴யானகதரோ சா’’தி.
Evaṃ vutte aññataro bhikkhu bhagavantaṃ etadavoca – ‘‘mahā vata so, bhante, andhakāro, sumahā vata so, bhante, andhakāro! Atthi nu kho, bhante, etamhā andhakārā añño andhakāro mahantataro ca bhayānakataro cā’’ti? ‘‘Atthi kho, bhikkhu, etamhā andhakārā añño andhakāro mahantataro ca bhayānakataro cā’’ti.
‘‘கதமோ பன, ப⁴ந்தே, ஏதம்ஹா அந்த⁴காரா அஞ்ஞோ அந்த⁴காரோ மஹந்ததரோ ச ப⁴யானகதரோ சா’’தி? ‘‘யே ஹி கேசி, பி⁴க்கு², ஸமணா வா ப்³ராஹ்மணா வா ‘இத³ங் து³க்க²’ந்தி யதா²பூ⁴தங் நப்பஜானந்தி…பே॰… ‘அயங் து³க்க²னிரோத⁴கா³மினீ படிபதா³’தி யதா²பூ⁴தங் நப்பஜானந்தி, தே ஜாதிஸங்வத்தனிகேஸு ஸங்கா²ரேஸு அபி⁴ரமந்தி…பே॰… அபி⁴ரதா…பே॰… அபி⁴ஸங்க²ரொந்தி…பே॰… அபி⁴ஸங்க²ரித்வா ஜாதந்த⁴காரம்பி பபதந்தி, ஜரந்த⁴காரம்பி பபதந்தி, மரணந்த⁴காரம்பி பபதந்தி, ஸோகபரிதே³வது³க்க²தோ³மனஸ்ஸுபாயாஸந்த⁴காரம்பி பபதந்தி. தே ந பரிமுச்சந்தி ஜாதியா ஜராய மரணேன ஸோகேஹி பரிதே³வேஹி து³க்கே²ஹி தோ³மனஸ்ஸேஹி உபாயாஸேஹி. ‘ந பரிமுச்சந்தி து³க்க²ஸ்மா’தி வதா³மி’’.
‘‘Katamo pana, bhante, etamhā andhakārā añño andhakāro mahantataro ca bhayānakataro cā’’ti? ‘‘Ye hi keci, bhikkhu, samaṇā vā brāhmaṇā vā ‘idaṃ dukkha’nti yathābhūtaṃ nappajānanti…pe… ‘ayaṃ dukkhanirodhagāminī paṭipadā’ti yathābhūtaṃ nappajānanti, te jātisaṃvattanikesu saṅkhāresu abhiramanti…pe… abhiratā…pe… abhisaṅkharonti…pe… abhisaṅkharitvā jātandhakārampi papatanti, jarandhakārampi papatanti, maraṇandhakārampi papatanti, sokaparidevadukkhadomanassupāyāsandhakārampi papatanti. Te na parimuccanti jātiyā jarāya maraṇena sokehi paridevehi dukkhehi domanassehi upāyāsehi. ‘Na parimuccanti dukkhasmā’ti vadāmi’’.
‘‘யே ச கோ² கேசி, பி⁴க்கு², ஸமணா வா ப்³ராஹ்மணா வா ‘இத³ங் து³க்க²’ந்தி யதா²பூ⁴தங் பஜானந்தி…பே॰… ‘அயங் து³க்க²னிரோத⁴கா³மினீ படிபதா³’தி யதா²பூ⁴தங் பஜானந்தி, தே ஜாதிஸங்வத்தனிகேஸு ஸங்கா²ரேஸு நாபி⁴ரமந்தி…பே॰… அனபி⁴ரதா…பே॰… நாபி⁴ஸங்க²ரொந்தி…பே॰… அனபி⁴ஸங்க²ரித்வா ஜாதந்த⁴காரம்பி நப்பபதந்தி , ஜரந்த⁴காரம்பி நப்பபதந்தி, மரணந்த⁴காரம்பி நப்பபதந்தி, ஸோகபரிதே³வது³க்க²தோ³மனஸ்ஸுபாயாஸந்த⁴காரம்பி நப்பபதந்தி. தே பரிமுச்சந்தி ஜாதியா ஜராய மரணேன ஸோகேஹி பரிதே³வேஹி து³க்கே²ஹி தோ³மனஸ்ஸேஹி உபாயாஸேஹி. ‘பரிமுச்சந்தி து³க்க²ஸ்மா’தி வதா³மி’’.
‘‘Ye ca kho keci, bhikkhu, samaṇā vā brāhmaṇā vā ‘idaṃ dukkha’nti yathābhūtaṃ pajānanti…pe… ‘ayaṃ dukkhanirodhagāminī paṭipadā’ti yathābhūtaṃ pajānanti, te jātisaṃvattanikesu saṅkhāresu nābhiramanti…pe… anabhiratā…pe… nābhisaṅkharonti…pe… anabhisaṅkharitvā jātandhakārampi nappapatanti , jarandhakārampi nappapatanti, maraṇandhakārampi nappapatanti, sokaparidevadukkhadomanassupāyāsandhakārampi nappapatanti. Te parimuccanti jātiyā jarāya maraṇena sokehi paridevehi dukkhehi domanassehi upāyāsehi. ‘Parimuccanti dukkhasmā’ti vadāmi’’.
‘‘தஸ்மாதிஹ, பி⁴க்க²வே, ‘இத³ங் து³க்க²’ந்தி யோகோ³ கரணீயோ…பே॰… ‘அயங் து³க்க²னிரோத⁴கா³மினீ படிபதா³’தி யோகோ³ கரணீயோ’’தி. ச²ட்ட²ங்.
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Chaṭṭhaṃ.
