| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
4. анд̇хагавинд̣̇асуд̇д̇ам̣
4. Andhakavindasuttaṃ
114. згам̣ самаяам̣ бхаг̇аваа маг̇ад̇хзсу вихарад̇и анд̇хагавинд̣̇з. ат̇а ко ааяасмаа аананд̣̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ аананд̣̇ам̣ бхаг̇аваа зд̇ад̣̇авожа –
114. Ekaṃ samayaṃ bhagavā magadhesu viharati andhakavinde. Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ ānandaṃ bhagavā etadavoca –
‘‘яз д̇з, аананд̣̇а, бхигкуу наваа ажирабаб̣б̣аж̇ид̇аа ад̇хунааг̇ад̇аа имам̣ д̇хаммавинаяам̣, д̇з во, аананд̣̇а, бхигкуу бан̃жасу д̇хаммзсу самаад̣̇абзд̇аб̣б̣аа 1 нивзсзд̇аб̣б̣аа бад̇идтаабзд̇аб̣б̣аа . гад̇амзсу бан̃жасу? ‘зт̇а д̇умхз, аавусо, сийлаваа хот̇а, баад̇имогкасам̣варасам̣вуд̇аа вихарат̇а аажаараг̇ожарасамбаннаа ан̣умад̇д̇зсу важ̇ж̇зсу бхаяад̣̇ассаавино, самаад̣̇ааяа сигкат̇а сигкаабад̣̇зсуу’д̇и – ид̇и баад̇имогкасам̣варз самаад̣̇абзд̇аб̣б̣аа нивзсзд̇аб̣б̣аа бад̇идтаабзд̇аб̣б̣аа.
‘‘Ye te, ānanda, bhikkhū navā acirapabbajitā adhunāgatā imaṃ dhammavinayaṃ, te vo, ānanda, bhikkhū pañcasu dhammesu samādapetabbā 2 nivesetabbā patiṭṭhāpetabbā . Katamesu pañcasu? ‘Etha tumhe, āvuso, sīlavā hotha, pātimokkhasaṃvarasaṃvutā viharatha ācāragocarasampannā aṇumattesu vajjesu bhayadassāvino, samādāya sikkhatha sikkhāpadesū’ti – iti pātimokkhasaṃvare samādapetabbā nivesetabbā patiṭṭhāpetabbā.
‘‘‘зт̇а д̇умхз, аавусо, инд̣̇риязсу г̇уд̇д̇ад̣̇ваараа вихарат̇а аарагкасад̇ино нибаггасад̇ино 3, саарагкид̇амаанасаа сад̇аарагкзна жзд̇асаа саманнааг̇ад̇аа’д̇и – ид̇и инд̣̇рияасам̣варз самаад̣̇абзд̇аб̣б̣аа нивзсзд̇аб̣б̣аа бад̇идтаабзд̇аб̣б̣аа.
‘‘‘Etha tumhe, āvuso, indriyesu guttadvārā viharatha ārakkhasatino nipakkasatino 4, sārakkhitamānasā satārakkhena cetasā samannāgatā’ti – iti indriyasaṃvare samādapetabbā nivesetabbā patiṭṭhāpetabbā.
‘‘‘зт̇а д̇умхз, аавусо, аббабхассаа хот̇а, бхассз барияанд̇агаарино’д̇и – ид̇и бхассабарияанд̇з самаад̣̇абзд̇аб̣б̣аа нивзсзд̇аб̣б̣аа бад̇идтаабзд̇аб̣б̣аа.
‘‘‘Etha tumhe, āvuso, appabhassā hotha, bhasse pariyantakārino’ti – iti bhassapariyante samādapetabbā nivesetabbā patiṭṭhāpetabbā.
‘‘‘зт̇а д̇умхз, аавусо, ааран̃н̃игаа хот̇а, аран̃н̃аванабад̇т̇аани банд̇аани сзнаасанаани бадисзват̇аа’д̇и – ид̇и гааяавуубагаасз самаад̣̇абзд̇аб̣б̣аа нивзсзд̇аб̣б̣аа бад̇идтаабзд̇аб̣б̣аа.
‘‘‘Etha tumhe, āvuso, āraññikā hotha, araññavanapatthāni pantāni senāsanāni paṭisevathā’ti – iti kāyavūpakāse samādapetabbā nivesetabbā patiṭṭhāpetabbā.
‘‘‘зт̇а д̇умхз, аавусо, саммаад̣̇идтигаа хот̇а саммаад̣̇ассанзна саманнааг̇ад̇аа’д̇и – ид̇и саммаад̣̇ассанз самаад̣̇абзд̇аб̣б̣аа нивзсзд̇аб̣б̣аа бад̇идтаабзд̇аб̣б̣аа. яз д̇з, аананд̣̇а, бхигкуу наваа ажирабаб̣б̣аж̇ид̇аа ад̇хунааг̇ад̇аа имам̣ д̇хаммавинаяам̣, д̇з во, аананд̣̇а, бхигкуу имзсу бан̃жасу д̇хаммзсу самаад̣̇абзд̇аб̣б̣аа нивзсзд̇аб̣б̣аа бад̇идтаабзд̇аб̣б̣аа’’д̇и . жад̇уд̇т̇ам̣.
‘‘‘Etha tumhe, āvuso, sammādiṭṭhikā hotha sammādassanena samannāgatā’ti – iti sammādassane samādapetabbā nivesetabbā patiṭṭhāpetabbā. Ye te, ānanda, bhikkhū navā acirapabbajitā adhunāgatā imaṃ dhammavinayaṃ, te vo, ānanda, bhikkhū imesu pañcasu dhammesu samādapetabbā nivesetabbā patiṭṭhāpetabbā’’ti . Catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 4. анд̇хагавинд̣̇асуд̇д̇аван̣н̣анаа • 4. Andhakavindasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-4. гулуубагасуд̇д̇аад̣̇иван̣н̣анаа • 1-4. Kulūpakasuttādivaṇṇanā
