| Library / Tipiṭaka / तिपिटक • Tipiṭaka / संयुत्तनिकाय • Saṃyuttanikāya |
३. अन्धकविन्दसुत्तं
3. Andhakavindasuttaṃ
१८४. एकं समयं भगवा मागधेसु विहरति अन्धकविन्दे। तेन खो पन समयेन भगवा रत्तन्धकारतिमिसायं अब्भोकासे निसिन्नो होति, देवो च एकमेकं फुसायति। अथ खो ब्रह्मा सहम्पति अभिक्कन्ताय रत्तिया अभिक्कन्तवण्णो केवलकप्पं अन्धकविन्दं ओभासेत्वा येन भगवा तेनुपसङ्कमि; उपसङ्कमित्वा भगवन्तं अभिवादेत्वा एकमन्तं अट्ठासि। एकमन्तं ठितो खो ब्रह्मा सहम्पति भगवतो सन्तिके इमा गाथायो अभासि –
184. Ekaṃ samayaṃ bhagavā māgadhesu viharati andhakavinde. Tena kho pana samayena bhagavā rattandhakāratimisāyaṃ abbhokāse nisinno hoti, devo ca ekamekaṃ phusāyati. Atha kho brahmā sahampati abhikkantāya rattiyā abhikkantavaṇṇo kevalakappaṃ andhakavindaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho brahmā sahampati bhagavato santike imā gāthāyo abhāsi –
‘‘सेवेथ पन्तानि सेनासनानि,
‘‘Sevetha pantāni senāsanāni,
चरेय्य संयोजनविप्पमोक्खा।
Careyya saṃyojanavippamokkhā;
सचे रतिं नाधिगच्छेय्य तत्थ,
Sace ratiṃ nādhigaccheyya tattha,
सङ्घे वसे रक्खितत्तो सतीमा॥
Saṅghe vase rakkhitatto satīmā.
‘‘कुलाकुलं पिण्डिकाय चरन्तो,
‘‘Kulākulaṃ piṇḍikāya caranto,
इन्द्रियगुत्तो निपको सतीमा।
Indriyagutto nipako satīmā;
सेवेथ पन्तानि सेनासनानि,
Sevetha pantāni senāsanāni,
भया पमुत्तो अभये विमुत्तो॥
Bhayā pamutto abhaye vimutto.
विज्जु सञ्चरति थनयति देवो।
Vijju sañcarati thanayati devo;
अन्धकारतिमिसाय रत्तिया,
Andhakāratimisāya rattiyā,
निसीदि तत्थ भिक्खु विगतलोमहंसो॥
Nisīdi tattha bhikkhu vigatalomahaṃso.
‘‘इदञ्हि जातु मे दिट्ठं, नयिदं इतिहीतिहं।
‘‘Idañhi jātu me diṭṭhaṃ, nayidaṃ itihītihaṃ;
एकस्मिं ब्रह्मचरियस्मिं, सहस्सं मच्चुहायिनं॥
Ekasmiṃ brahmacariyasmiṃ, sahassaṃ maccuhāyinaṃ.
सब्बे सोतसमापन्ना, अतिरच्छानगामिनो॥
Sabbe sotasamāpannā, atiracchānagāmino.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ३. अन्धकविन्दसुत्तवण्णना • 3. Andhakavindasuttavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ३. अन्धकविन्दसुत्तवण्णना • 3. Andhakavindasuttavaṇṇanā
